極尚大瀛喜日本料理

營業中

休息中

18/12 去完迪士尼玩，出番黎想去食餐勁，去到亞太中心，見到有間新放題，諗住上去5/f睇下對唔對路先定係食唔食,上到去見到甜口幾多飲品成四，五個櫃，同埋位置幾好坐咁，就決定一試，接待仲話有8折(當時九點八)，試完一流水準，叫咩黎齊，服務態度一絕~~值得推介

之前已經食過銅鑼灣果間今次見佢新開係觀塘區   近近地就試下BOOK左8點半   去到唔使等就入得一坐低梗係睇下點餐紙有咩選擇啦都有好多選擇唔食生野既我   魚生我就比唔到評價但友人話三文魚好新鮮同埋厚度岩岩好我就主打熟食芝麻雞翼係我最愛但試左呢到個一口芝士後  我仲愛上了佢唔係拉絲果隻  係好香濃好滑果隻我會比十個讚!!!!(三角形果粒)另外~比目魚係少數放題有得選擇既佢既鰻魚係原塊上~唔使跟壽司都可以食到~總結: 我覺得呢到係觀塘咁多間放題質數最高既~服務又好~飲品又多選擇~連清熱酷都有~超級推介!

早幾日放工有人派傳單, 新開張喎! 望下D價錢又唔貴, 今日約左朋友一齊去試, 可能太新, 唔算好多人!刺身拼精選壽司定食 $88 Set Lunch前菜有2樣八爪魚及沙律, 麵豉湯, 5款刺身各3件, 4件壽司, 湯烏冬, 甜品... 仲包飲品份量多到呢 刺身鮮甜一D都唔腥, 烏冬又好食另外朋友叫左鯖魚拼金菇牛肉卷定食 $58平時出面街食個定食就咁一條鯖魚都收你$58啦咁既價錢, 真心覺得抵到爆😍😍😍🎉激讚😋飯後仲要有甜品

阿仔生日要食放題 ， 近近地去OPC, book咗位又有85折 就試下啦 ， 環境都算闊落， 地方都乾淨， 刺身好新鮮 ，熱食都係熱辣辣嘅， 嘢食嚟嘅速度算快，漏單情況都唔多，收碟快 員工有禮貌， 又會幫你主動換碟， 值得推介

今晚同個fd大約8:30pm到，2個人walk in，好好彩唔使點等就有得入座。餐廳裝修幾Grand，地方寬闊，座椅係舒服ge梳化櫈。枱面有個高身ge筒放骨，方便客人。睇返放題點菜紙，有特色，有新鮮感，例如有珍寶大赤蝦刺身, 椰子雞鍋, Q版心太軟，仲有張紙專係創作料理。自助區選擇多，總有一款o岩心水la，有成排飲品櫃, 一部乳酪雪糕機, 一個雪糕雪條櫃, 一個甜品櫃, 一個沙律吧, 仲有個小小ge熟食區。不得不讚幾句，就係服務算良好，旁邊枱客人要埋單時，聽到職員關心人食左甜品未，又見到職員適時幫客人拍枱令客人有更多位置。大力推薦要食「燒帆立貝」，芝士惹味，帆立貝鮮甜。小結，感覺上吸引力偏向在多選擇, 服務&環境，食物質素方面可再進步。

觀塘亞太中心有很多食肆，今晚收工，老公突然話食放題，又驚又喜我地當然無放過剌身，第一轉就係佢，珍寶赤海蝦又肥又大只，不過甜味略差少少。 榮螺，帶子，三文魚，劍魚，油甘魚等都好OK.之後就叫咗D熱食，壽司，我地好like 個自助吧，大量飲品款式，有熟食，前菜，甜品。最後食甜品，可能雪櫃太勁，雪到D菓子，芝士餅硬硬地，遜色了點。 呀。。。我最後仲點咗個榴槤炸彈，哈！整體評價: 要熱的食物就熱，要凍就凍，好食，service 都ok. 最緊要都係坐得舒服，唔似喺旺角尖咀咁迫迫夾夾。無人的話，last order完，唔會趕你走