極尚大瀛喜日本料理

營業中

休息中

今日係朋友生日咁就梗係要食好啲所以揀咗喺觀塘嘅呢間放題去食之前一路都已經想食但係因為銀包有啲赤所以冇去食到一開𨋢原來已經係餐廳位置嗰個reception有啲迫不過其實冇乜關係 一入到去呢再行入少少呢就已經係自助餐位置我朋友話嗰個雪櫃簡直大都好似一間seven咁其實真係好大隔離就係沙律吧同埋甜品吧全部嘢飲我飲食感覺好好呀好興奮我哋坐低咗位置非常之闊落一錯落已經非常開心非常興奮我哋即刻拎出只係咁即係咁聽日開始第一輪刺身果然冇令人失望 份量大而且俾得夠足味道亦都好好跟住我地嗌左瘋狂嘅一輪熟食係咁食係咁食 喺中間我走咗出去沙律吧拎咗好多車嚟嘅返嚟同拎咗一啲綠茶返嚟呢兩樣嘢都係我嘅推介非常之好食呢間放題完全值回票價未到好位置好座位舒服 睇嚟要下次等 銀包冇咁赤之後再嚟多次呀

呢間之前未食過~個名又幾似大喜屋😂應該唔會太差~所以就好快決定左食呢放題喇~~星期六好多人但係我地5點半去食~早啲就唔洗等咁耐~一坐低梗係即刻點哂所有既魚生~仲有例野啦~然後出左去睇有咩可以拎既~見到出面真係好似人地食buffet既甜品櫃咁~有布甸macaron西餅❤❤多到都揀唔哂黎試食又有最中意既螺肉八爪魚同中華沙律~仲有酸酸地鳳爪❤其他地方未必有呢個!!!跟手又拎左蛋撻仔同小丸子❤都唔錯啦~食食下魚生就到喇😝叫左超多所以好大個盆然後仲有好多野可以揀~竟然有饅魚!!呢個好驚喜亦都係最推薦既食物❤當然之後就不斷叫鰻魚啦~~點哂咁多張紙大部分既野~食左1 round已經唔洗再叫😂淨係叫番個日本番薯同鰻魚❤❤菠蘿好甜!!!由於太肚餓既原因所以好多野一黎就瘋狂開始食😂冇影到好多相但係整體黎講環境好~款式又多~出面既甜品野飲都好多款比你揀!!!價錢都係二百幾三百蚊到~同出面好多放題既價錢差唔多~啲野食唔單止冇漏單~仲有啲比多左~真心好鬼正❤已經plan定下次放題再食!!因為甜品櫃成日比人搶哂😭同埋見到有好多熟食既野好似好吸引咁❤❤絕對要再黎食啦😏😏😏

好久冇見既朋友相約黎哩度一聚食個滿足我自己就已經黎過好多次,所以提議黎哩度!!今次食早場5:30-7:30 $190+10%上到去即刻入座,第一時間畫刺身,新鮮👍出去拎冷盤,螺肉八爪魚中華沙律鳳爪海哲跟住拎埋飲品,見到個雪櫃就開心,多到唔知飲咩好😁咖哩蟹好夠味,但系冇咩肉,不過岩咖喇,咩都試少少放題少不免就系雞翼,芝麻雞翼同七味雞翼鐘意芝麻醬既我一定會嗌冷烏冬,yummy*鐘意榴槤既朋友值得一試榴槤波,好香好多肉食得太飽,甜品只系食乳酪雪糕酸酸地開胃所以double上,最後朋友都覺得好食

食物好新鮮，刺身手卷炸物等都可以任點，自助區的甜品冷菜都不錯，飲品種類也很多，中午去的人都好多，價格實惠用餐時間也很充足，三個小時的時間讓客人都可以慢慢品味同邊聊天邊吃，很悠閒，適合家人朋友聚會。姐妹淘很鐘意咖喱蟹，火烤菠蘿點了好多比吃飽飯之後旁邊有大商場，很是可以走走消食下一次還是會再去，值得推薦

之前媽媽生日，想同佢食好野慶祝，可惜屋企個個都病左，唯有等大家好返先啦。慶祝生日都有好多餐廳可以簡，但作為大食得黎又精明既我，放題就係一個唔錯既選擇。近幾年觀塘愈開愈多餐廳，當中更不乏有質素既放題，精挑細選下簡左極尚大瀛喜。本身只係一心諗住食好西，點知一去到發現個環境好唔錯，裝修靚位置又夠寬敞，可以好舒服咁慢慢食。另外，佢個飲品除左一般凍飲，仲有熱咖啡同奶茶。果度仲有幾款熱食可以拎，當中既花膠湯連阿媽都話唔錯！一坐低個侍應姐姐就好細心咁提醒我地order紙有野改左，叫我地落單既時候要留意返，又叫我地落左刺身先，因為要等。其實佢一路講我地已經一路剔緊張紙😂😂拎完飲品，等左陣，盤刺身就到左啦隔離台4個人望住我地3個人但大過佢地盤刺身呆左🤣刺身件件厚切，啖啖鮮味🤤🤤見到好多創意壽司忍唔住要叫黎試下， 幸好整體都唔錯，沒有伏的感覺，除左左上果點鵝肝細左d,試唔到有鵝肝味之外。叫左幾款炸物，榴連炸物超香又流心，媽媽盛讚。我就最中意炸雞翼，外脆內嫩，味道一流。食左個半鐘已經無晒戰鬥力，連雪糕都係食左少少，很飽足既一晚😋

位於觀塘呢橦大廈 近排開左幾間放題日本餐廳之前試過其中一間 咁今次就試另一間食5半時段 無book位 walk in仲有位即刻帶入場呢間放題除左系個位度剔食物紙之外仲可以出去自助bar拎野食 有生果甜品飲品沙律等等個場都好大 呢幾樣野都令我留低印象食物方面 佢款式都幾多係吾知點解成日食到啲蝦殼啲甜蝦殼碎左成日痴住系個蝦身度啲有蝦既壽司都有殼==另外希靈魚就食到有啲絲骨....三文魚有筋而其他食物就無咩特別 不過不失咁

星期五收工後緊係要報答下自己一星期的辛勞啦，所以就同姊妹一齊相約去APM睇戲再食飯直落啦緊係，訂左票睇夜晚既場，所以就唸住都係係番觀塘食飯，姊妹就話好想食放題，佢同事就介紹左一間係亞太中心叫極尚大瀛喜食日本放題，果然冇介紹錯，真係好好味，坐得又舒適！店鋪真係好大丫店鋪真係好大丫，環境都好舒服，最緊要食野食得舒服！先夾左個甜品黎食，好似糯米慈咁，好煙韌,又唔會太甜哩個肥牛鍋個湯底好甜丫，肥牛又唔會太肥，份量大約2-3人食就剛剛好!哩個芝士焗扇貝，個芝士味好正，好濃郁，扇貝亦好爽好鮮甜，一定要點黎食蟹柳棒我至愛，再加埋D芝士係面,真係好完美既配搭炸蝦天婦蘿食放題必點之一，蝦好爽甜丫，我一次食左３隻一口牛既牛肉肉質好嫩，好好味，醃製得好入味咖哩蟹好多蟹糕丫我同姊妹瘋狂食仲有好多野食可以係出面夾架個湯好味，唔係味精湯多選擇雪糕雪條沙律都好新鮮丫d菜

同事生日，收工去左公司附近既觀塘亞太中心食放題，食放題先食得盡興，想食乜就食乜唔洗就住就住，不知幾開心，而且店鋪裝修得好靚，坐得又舒適，食野都特別舒適丫！坐位又夠闊落，真係爽點左個三文魚刺身，油脂分佈得好靚，又夠肥美，好新鮮丫一定要點哩個食芝麻雞翼我最愛，醃製得好入味，炸得好香脆牛肉鍋，湯底都好鮮甜入味，兩至三人食剛剛好，牛肉都好正，唔會太多肥肉串燒類：牛舌好爽多汁椒鹽蝦好爽甜，夠新鮮哩個焗扇貝真係正到無得彈焗得岩岩好，扇貝又鮮味 炸蝦天婦羅又係一定要點黎食，一咬落去勁爽隻蝦炒雜菜我最喜愛，菜好爽，醬汁調製得好入味一口牛又係食放題一定要食既食物，唔會太硬而且好嫩既牛勁多飲品可自助選擇係飲品區咖哩蟹我同事最愛好新鮮，多膏自助雪糕區我最愛，自己鍾意點整就點整，好味丫個乳酪雪糕

因為朋友就嚟離開香港，短期內佢都食唔到香港特有嘅放題，所以身為好朋友嘅我都唔介意食完再減，陪佢去不停食係地鐵站行過去係幾分鐘，好方便上次食過佢旗下嘅大瀛喜喜，感覺良好，今次食高佢一級嘅，裏面嘅裝修更加華麗，而且座位方面都闊落好多🙂沙律吧，小食款式好多，其中2個嘅小食係黑松露菇同埋雞粒都是不錯既開胃菜自助乳酪雪糕機可以自己去用配料配搭自己中意既口味，加入軟糖、碎朱古力同埋士多啤梨醬係一個唔錯嘅口味👍🏻飲品、甜品種類繁多，仲有咖啡機咖哩蟹係我至愛，放題較少見，肉質同味道都讚咖喱唔會太鹹帶點辣，好惹味天婦羅最正既就係大大隻既蝦，炸得好脆同有鮮味燒雞軟骨串燒得好脆同唔會太多脂肪，感覺不會太油膩燒墨魚仔味道就普通，沒有太大驚喜，味道是不錯的甜品好精美，最值得一試係藍莓芝士蛋糕同朱古力蛋糕，我覺得不會太甜，適合食到好飽既我地，唔會太滯👏🏻水果都係一個唔錯既選擇，我平時係放題比較少食，但見隔離都有好幾枱都有拎，蜜瓜好甜，好juicy ❣️整體來講，冇平時放題會漏單嘅情況同埋收碟嘅速度都好快，服務態度好亦都唔錯，主動既服務值得讚賞，有機會可以再約朋友來

抱歉！剩係顧住食，無影相。之前未幫襯過，諗住 9:30pm 入座 $210 食日式放題，平平地，試下啦！嘩！點知非常有驚喜。壽司、手卷、刺身、天婦羅、串燒、鍋物、羊扒、蟹粥都有得食。未 order 前諗住咁多選擇，又收咁既價錢，都應該係將貨就價啦。點知完全唔係，質素雖然未至於驚為天人，但絕對唔係粗製濫造，每樣食物都好對板，由期係壽司、刺身，非常新鮮，相比起去 5 星級酒店用 5-600 蚊食既質素，絕對係有過之而無不及。而且食材都唔係 D 平貨。帶子刺身、赤蝦刺身、燒鰻魚、燒比目魚、原隻扇貝……連海膽都有得食。問你服未？而且服務都唔錯，全程收碟都好快。點都好，一點會再嚟！

為咗滿足男朋友食放題的慾望，所以今日中午惟有豁出去同佢一齊去食。之前經過銅鑼灣有一間，所以咁啱經過觀塘，就一於試吓啦！呢間放題最主要係用apps 下單,一開始特登download一個Apps落單，覺得有啲麻煩。但用用下又覺得幾方便，同埋幾先進喔。😄😄而且又冇落錯單，效率又幾快，又冇漏單嘅情況出現，所以都幾正！😝😝感覺上啲職員都幾有禮貌，有好多嘢食，幾乎係應有盡有。第一時間當然係叫刺身先啦！嘩！😲都幾大碟喎，但之前聽人講過或者睇過啲評論，話會出煙都唔覺得有出煙嘅感覺。😑好抵食，夾埋大件，但味道就一般，唔係想像中咁鮮甜咯！😳啲羊架有少少騷嘅感覺，似乎唔係太好食！😣最特別就係蒲燒鰻魚，呢樣真心覺得好正，啲鰻魚熱熱地，感覺而且幾香，幾好食，忍唔住叫完一碟又一碟。👍🏻😆😁試過其他間放題，好少有得食蒲燒鰻魚😎😎😎至於飲品方面或者甜品方面，都幾多款選擇。😌但佢似乎最主要係以道地產品同埋雀巢產品為主，如果可以有多啲口味，例如Haagen-Dazs嘅選擇咁就最好啦！😏

啱啱去到係十二點十幾分， 可以食到係三點但係就兩點半收單食了2個半鍾。一入到去，張檯都幾細，但成個場都好精緻，d人嘅服務好到爆，由於是午市，使用手機apps落單，個服務員幫我地連Wi-Fi,dow埋，set埋個帳，掃咗張檯，就真接用手機落單，落咗5使2mins，即刻上到黎，快到d野擺5落張檯，要cancel 剩下嘅，每隔一陣會有人黎收骨盛同埋自己隻碟，同埋換個新嘅碟同骨盛俾你，d野係高質嘅，可惜嘅係火灸三文魚壽司上面冇沙律醬一齊。佢有勁大個雪櫃俾你任攞野飲，甚至有埋擠乳酪雪糕，三款口味，9種配料。佢一見到你5識用，會出聲幫你。另一面有自助甜品區， 馬卡龍嘛嘛，泡芙good，牛奶布甸高質， 布朗尼高質，etc.隔離係自助小食區，有沙律，八爪魚，螺肉，帶子綑邊，好好食。壽司同魚生都好好食，種類都好多。最緊要係，佢呢到令人freel到佢地員工嘅heart，全心為你服務。 仲有用手機落單嘅好處呢， 佢有時間顯示幾時落咗單， 上咗嚟之後佢就會側邊有個剔， 避免咗漏單嘅情況， 要等好耐之後再交張紙上去， 又慳時間又慳紙。 快捷又方便， 想食咩就手機loop兩loop。 注意佢啲wasabi好辣落

兩三個月無食放題 食開嗰間轉左做乜乜磯燒之後差左好多 尋晚專登試下同一大廈嘅另一間 裝修都可以 但食物就大跌眼鏡 話說依間放題响銅鑼灣有間分店 我又食過好幾次銅鑼灣嗰間食物質數好ok所以就近近地收工食官塘分店任食2個鐘每位250加一本來都無諗過寫食評 但真係差得太緊要 所以忍唔住食到最後都影左相同大家分享一下我嘅奇遇先講剌身 我本身好鍾意食剌身 但依度啲剌身 蝦有三款唔講啦 大家睇相自己判斷 我至愛嘅劍魚腩 食左無得影 口感差有啲un 無油香味 有如食一舊濕左水嘅紙巾 由於實在唔好食所以無謂浪費食物專登叫多件黎影相俾大家睇仲有啲嘢係貨不對辦到我以為係黎錯左 所以都帶左不少歡樂俾我 始終第一次食間咁騎尼嘅放題咁當中都有啲嘢係ok嘅～乳酪軟雪糕鵝肝帶子壽司印象中係依兩樣 我寧願去元氣食真係好過佢十倍希望銅鑼灣分店可保持水準

好少係觀塘覓食，但影同阿囡影完相已經好累，近近地就去APM附近。其實連早餐都未食既我們，黎到已經係食lunch時間，所以就食多d，食放題啦！好彩我地早到，沒訂位之下，都竟然有位。我地囡囡未夠3歲，所以佢話可以不用收錢，但不能佔座位，要佔座位的話就要收$88，幸好有位經理好人，見到咁就話安排個闊落尐既位俾我地，估唔到安排左卡位俾我地呀！睇到在場自取既食物同飲品都多，飲品起碼有十款，糖水雪糕同甜品都有成十多款，又有日式小食任取。佢地好先進，只要用app落order即可，長話短說，先講食物。刺身: 有帶子、三文魚、魷魚、大赤蝦、甜蝦等，通通用冰鎮住上，個人最愛大赤蝦，食起上黎有膠質黏口感覺、肉甜；而甜品則爽口尐，同樣鮮美。帶子切得薄在尐，不過都係好鮮甜，三文魚就大路貨式壽司: 明知係放題，所以壽司都係迷你版，等你唔使食咁多飯，幾好，咁就可以試多幾款。各式壽司味道一般貨式，沒有驚喜，不過不失。但值得一提佢既甜蝦海膽杯，雖然細，但好味道！手卷: 要左個海膽手卷，都係mini版，海膽略小，唔夠喉！天婦羅: 沒有太多粉槳，我們叫左大蝦，蝦亦脆口不過火其他料理: 咖哩炒蟹夠曬辣，不過集蟹就無乜肉就真，

3月12號當晚8時15分入去。坐32號枱。食放題我相信所有人都同我一樣狂寫單，第一時間寫在10張ok等在20分鐘一樣都無黎。隔離嗰2位遲過我黎食到一枱都係。就問經理:我地啲野呢？佢同我講咩未黎，無野喎！我頂。即刻再俾張單佢。5分鐘到哂！ok，再寫。食到差不多。又未黎既。又同經理講又無野黎，叫我寫，5分鐘左右又到。10點零！除在侍應親手跟嗰幾張單有入, 所有單20幾張無哂。10點幾佢話last order問我有咩未黎。我同佢講之前點嗰20幾張都黎唔到3張。連啱啱5分鐘俾既單都無 !! 火到黎。2位埋單524 !!