極尚大瀛喜日本料理

營業中

休息中

呢排返工太忙瘦咗好多我嘅教練男友話今晚要帶我食日式放題增肥😍😍原來佢今日係帶我食啲朋友成日喺facebook post嘅極尚大瀛喜🎉🎉🎉🎉🎉一入門口見到大大個沙律吧甜品吧仲有飲品櫃， 坐低諗住拎個menu睇下啦，真係誇張成本字典咁厚😄😄😄😄😄身為海鮮控，first round 一定狂食海鮮三個字~鮮、甜跟住食燒物，都係三個字~😄😄食物款式實在太多，一次試唔哂，所以我决定將呢個增肥療程分幾次，下星期，下下星期，下下下星期都再黎多謝教練🙇🙇🙇🙇

同女朋友食過好多間放題，個日咁岩經過觀瑭，就搜尋下附近一D比較高質D既方題啦!咁我同女朋友就揀左呢間啦，搭LIFT上到去5樓，哇! 裝修係好有日本鋪頭既STYLE咁女朋友見到咁靚既裝修已經急不及待想吃吃啦(其實我自己都係)咁入座之後就開始叫野食，雖然個場係好大，但係WAITER既人數係絕對足夠D WAITER重好主動叫我地落左單先所以呢，我地頭一輪就梗係叫下D剌身先啦咁我地都好鍾意食三文魚既，所以都叫左成廿件其餘都係叫下 油甘魚呀,北寄貝呀,蝦呀之類個頭盤一到呢,我地都好驚喜，因為佢個伴碟個冰鵰真係好靚，係一條冰錦鋰黎一望落去D剌身好有光澤，三文魚肥瘦岩岩好，又厚切，食落去之後果然新鮮，岩哂我地口味!!咁食完剌身就梗係食埋壽司啦咁我地就叫左圖入面個幾款呢四件壽司睇落去雖然係簡簡單單但係食落口又有唔同既感覺，同埋比到少少驚喜我點解呢，因為小篇我係好雖然係蟹籽既一睇到壽司上去充滿蟹籽我已經好興奮再加埋蟹籽下面D沙律醬一啖食落去真係好鬼JUICY另外重有個隻蝦壽司，食落去完全冇腥味證明用料真係夠新鮮，值得推介!!拿，咁天氣咁凍，就梗係要叫番個鍋物黎暖一暖個胃啦咁MENU上面都有幾款幾鍋物可以

同同事去觀塘呢間放題度食！去前同事已經話好好味嫁！我都有啲半信半疑，之前食放題都中伏左幾次，點知，今次真係好正！我地揀左好多野，但唔記得相機食先！不過最值得介紹嘅一定系菠蘿！燒菠蘿真係好香而且好好味好多汁！食到停唔到口！雖然唔算好甜，但咁先覺得夠真實啊！鹽燒牛舌好爽口，又係燒得好香！調味剛剛好！另外，我覺得超好味嘅就係燒紐西蘭香草羊鞍！味道燒得好香，肉質幾嫩滑，但略顯較熟！如果冇咁熟應該會更好食！我地又系叫左超多次！仲有，網燒牛仔骨都好好味！汁又系調得剛剛好！即使系全熟，亦覺得唔會好韌，好易入口！好味啊！芒果汁蝦壽司嘅蝦就好味啦！但係我地開頭睇錯左系芒果片，有點失望！但芒果味還是不錯的！鰻魚好好味！我超中意食鰻魚！鰻魚汁唔會太甜，好正啊！三文魚壽司、蟹棒壽司同蒜香牛油燒牛肉壽司就比較普通！但牛肉壽司都不錯，唔會好生，食落都好易咬！總括黎講，系真係唔錯嫁！仲有好多野都好好味，但介紹唔曬！下次會再黎啊！餐廳設計得好堂皇好靚！位置都好闊落！而且，侍應好有禮貌好快手！好高質素啊！

琴日拍拖3周年，我同女朋友一齊去左觀塘呢間放題慶祝下。呢間餐廳係apm隔離，地鐵站行去大約5分鐘，都幾方便，我地book左7點鐘，一去到已經見到好多人食緊，間餐廳都幾大，裝修都幾靚，好似幾受歡迎。我地坐左係一張2人枱，個位有少少迫，行過唔小心可能會整跌d 豉油，打開menu，有好多選擇，around 10張可以tick，熟食魚生都有。我地tick完就去左出面攞d熟食食下先，都有幾多小食，有章魚小丸子，薯條等等，對於我呢d好肚餓既人來說，都已經夠食一輪。野食好快around 10分鐘左右就到，首先係生野，魚生刺身都幾多，唔只有普通既三文魚，仲有比較貴價既帶子，珍寶蝦，全部都好新鮮，唔知係咪佢見我地係情侶，佢個盤有個用冰雕既心心，好靚好有feel之後來既壽司都幾高質，飯唔會好多，嚿餸都幾大，一流之後就有一堆炸物，雞翼好香好好食，炸豪最驚嚿豪唔新鮮，但係佢好新鮮，完全冇怪味，唔錯。其餘既野食質素都唔錯，esp. 甜品，個cheesecake幾硬正，證明夠芝士，幾正整體來說，呢間放題除左迫d都冇咩要彈，連d waiters 都好service, 以咁既價錢我好滿意，下次都會再來幫襯。

今曰女朋友話想食日本野 我就帶佢黎食放題 都見朋友話幾好食 但女朋友就話放題邊有好野 我立刻想叫聲收嗲啦 dodo 唔緊要 震夫綱梗係要扮下聾耳陳 唔講咁多 上菜牛舌有牛味 燒到剛剛好 加兩滴lemon juice 就perfect 牛仔骨我出面試過有啲燒到似牛肉干 但佢冇哩舊野食埋個賣相蛋壽司男人必食海鳗 黑松露甜蝦 左口鱼係必點 唔使講本人自家制扭纹雪糕 出面唔會有 女朋開心就冇所謂啦食完以上食物 女友態度360度轉變 好彩冇揀錯 下次可以再encore!

第一次聽朋友介紹黎食呢間放題 感覺都ok喎! 講下個餐牌啦 佢係一本好厚既拆裝式簿仔 有齊哂ABCDEFG.....勁多張點餐紙 上面有哂subtitle講明係咩類型既食物啦 然後每款野食又會有高清圖提供 簡野食都特別方便簡完野食就將一堆點餐紙比啲侍應 佢地態度都唔錯 好快見到就黎收 仲會提我地可以去出面（近門口有一個區域）拎小食呢個真係不得不提 佢個小食區域真係同一般酒店自助餐差唔多咁正 作為甜品控真係拎到停唔到手呀! 有迷你芝士蛋糕啦 迷你西餅啦 仲有細細杯個啲咖啡味 牛奶味甜品真係超級好味 仲有雪糕就唔少得啦 但值得一提既係佢個drink bar真係成個便利商店個啲汽水櫃咁大 仲要有個位專登暖住啲紙包野食 對於本身病病地既同行友人真係好貼心呀～拎完小食番到埋位啲野食已經黎左一半! 呢個時候就發現原來啲二人座位都幾逼 張枱差啲放唔哂啲野食呀 如果三四個人去坐個啲位就會相對舒服啲啦 不過唔緊要既 啲野食好食搭夠!（重要係同餐牌啲相係一樣咖 唔係照騙haha）整體黎講都食得幾開心 有機會實會再去 值得推薦!

話說一家姨媽姑爹想食自餐但而家好D嘅 自助餐郁下都六七百...所以帶佢地一行8人試下日式放題。又話說我帶住阿b 真係無辦法安安落落食得飽...我用我少少開頭嘅時間去影左幾幾張相咁啦。8個人都係坐一張過嘅car 位... 個位非常窄...我抱阿b 真係唔多掂😢入面幾位直頭冇出去攞野飲。推介冬菇炆阿膠,花膠好厚身又入曬味, 冬菇好厚身成塊扒咁,超正。刺身好新鮮,啤酒汽水又唔係cheap 款. 所以少少地幾位 可以黎呢度一試

得柸奶茶飲得下，花膠？塑膠就真！睇番其他食評，感覺莫名其妙！開揚！一張卡位坐8個，我坐中间D重……算啦，食物OK，緊唔係啦！佢楼上间大滿喜睇全官塘景，全卡位寛寬落落，平过佢，食物有章红鱼，礅湯……但冇客，各位自認精明消費者……唉！

今次第一次來呢一間日式放題裝修樓底都好高。我哋五個人一早book咗位，餐廳職員俾咗一個六人卡位我哋。但係啲位有啲迫，五個人坐個六人卡位都有啲迫。啲食物都唔夠放，如果下次可以寧願唔坐卡位。除咗座位之外，其實呢度整體所有嘅食物、飲品和甜品都屬於中上位置。刺身種類多而且好新鮮鮮甜。另外如果唔鍾意食凍野嘅朋友都有好多熱食可以選擇例如有燒蝦、西京燒、燒羊鞍、燒菠蘿、蕃薯仔、足料熱湯、仲有好綿的蟹粥。除此之外，的出面仲有一個好大嘅自助吧枱。仲有迷你百福豆腐花添。真係講都講唔晒呀，兩個鐘嘅時間亦都唔係好食得晒所有食物。下次要再嚟先得！

已經一段時間冇食日式放題，上星期同事突然提出，所以就近近地book咗呢一間喺APM附近嘅日式放題。呢度日式放題嘅種類同其他出面嘅日式放題餐廳分類差不多，大同小異，但係質素就差好遠。刺身當然係唔少得啦！個人覺得最欣賞嘅刺身係鮮蝦同埋元貝，好新鮮好鮮甜，都order jor好多次。另外我覺得呢一度嘅燒物都可以試一試。除左燒肉類之後，次次食日式放題都一定會叫燒菠蘿，呢度嘅燒菠蘿係真係用新鮮嘅菠蘿燒。食得出冇浸過糖水，酸中帶甜，可以消滯，之後再可以食下一round。除咗落單任叫之外，出面仲有自助吧枱提供好多唔同種類嘅凍食、熱食、湯、甜品，呢個價錢食到咁多唔同種類嘅食物真係超級抵。

今次已經係第二次來呢度食日式放題。食過咁多間日式放題都係覺得呢一間算係最近九龍、最方便、裝修新淨、環境闊落、食物選擇亦都好多嘅一間日式放題。次次來都會見到滿晒座，呢度分兩個時段，如果真係想黎食又唔想等就記得要book位啦。呢度嘅食物除咗刺身、壽司、仲有熱食嘅。呢度啲刺身、壽司都比起其他日式放題嘅質素好。係呢一度都唔再一提，反而特別係想介紹一下出面個自助區。比起其他日式放題呢度最特別係有一個好大嘅自助飲品區同埋有啲似buffet形式嘅一啲小食。乳酪、雪糕仲有熱湯都有，任君選擇。所以我覺得呢度嘅性價比真係好高。

將此餐廳納入清單內，因為媽子及食評的推薦，所以一試。午餐12點開始，11:50 左右已大排長龍，但入座時間十分快。排隊時已有侍應提醒下載程式點單。我一早已下載了，所以入座後入點單十分順利。可能之前太有期望，食後感就是不外如是。當然都有推介地方：例如多飲品，甜品選擇。但可以留意的是侍應過度殷勤，只顧收碟，因此做成極大的打擾，同時亦有催促的感覺。食物質素：算中上。推介羊鞍，十分好食。魚腩魚生都好大件。

小弟最近工作忙了整整一個星期十分疲倦, 忙完後當然要獎賞一下自己, 任食任飲的日式放題絶對是生命的調劑. 總括來講, 極尚大瀛喜日本料理呢間觀塘分店的地點方便易搵, 水準不俗, 下次當然要再來幫襯啦!一坐下來首先來了刺身拚盤, order 薄內的刺身選擇多達十數款, 連象拔蚌都有, 最喜愛佢既甜蝦夠食落新鮮, 另外帶子亦都好肥厚, 唔會切得一片一片咁, 食落亦有甜味! 全部刺身亦已解晒凍, 唔會仲食到冰味!任飲方面, 在餐廳的一角有很寬闊的角落放了汽水菓汁, 而且也有啤酒, 冷熱紙包飲品和雪糕乳酪也有供應, 只需要隨手拿取就OK! 成餐任食我不停轉野飲, 最後都係唔可以試曬每款野飲!壽司係一口的大小, 不用懼怕咬幾口已經飽肚, 賣相精美口感鮮甜, 加多一轉單絕對唔會手軟!這裡 waiter 單反應超快, 常常主動清走食物碟, 食物上枱時間亦都夠快, 不會等候很久才有得食或出現漏單情況, 難怪每次黎都座無虛席, 預先訂位也是必然吧!

As recommended by friends, we went to a Japanese all-you-can-eat restaurant at Kwun Tong - finally no need to go Mongkok for that!It was a sunday evening and there were quite many people already eating upon our arrival! But good that we did a reservation - just a fee minutes and we were seated! There were quite many choices, 12 menu lists in total. 1) Sashimi (⭐️⭐️⭐️⭐️⭐️): Always the #1 dish to order in all-you-can-eat! As we decided to eat less salmon, we choose to do more shrimps and shell items an

日日返工都返到好累，所以間唔中都要食D好嘢慰勞吓自己，今日我就約咗個同事食晚飯，我哋由中午開始已經傾食乜嘢好，最後就決定去觀塘嘅亞太中心食極上豪華嘅放題通常食放題都會食刺身先，但我哋今次諗住叫壽司先，因為壽司嘅種類都好多，完全被吸引住軍艦壽司嘅紫菜係超脆，每咬一啖都聽到啲紫菜聲，一定係即叫即做先有呢個效果，當中嘅黑松露蟹肉軍艦係我嘅至愛黑松露味好香而且蟹肉份量都好多，配搭起上嚟真係好夾創意壽司都好出色，全部都係細細件，唔會擔心食飯食到飽蘆筍炒海中蝦，啲蝦好大隻好新鮮，味道有少少辣，真係好惹味鮑汁燴花膠同樣好出色，冬菇超入味，最底層嘅娃娃菜係吸滿曬鮑汁嫁！超好味睇吓塊花膠幾大塊幾厚榴槤炸彈啊！我最鍾意食榴槤，入面充滿了榴槤蓉，同好香嘅榴槤味，但係我同事係唔食榴槤嘅，所以佢覺得好臭，真係唔識貨起初諗住叫同事嗌少少燒有機番薯試吓，點知佢叫左十串，隔離枱嘅一家人都用好奇怪嘅眼光望住我地，不過最奇怪嘅係我哋竟然係食得晒十串，太正！超過十款嘅甜品俾你選擇，全部都係任食嫁仲有自助雪糕機同配料俾你任加我哋兩個食到超級飽，呢度嘅壽司真係要比一個讚佢，唔會太大件，其他嘅熟食都好正，下次要叫多啲同事一齊再食