極尚大瀛喜日本料理

營業中

休息中

這天中午和朋友在這食店放題一番，地點近港鐵站方便就腳。食店面積很大，座位舒適，午市放題開始，空空的座位迅間坐滿了，人潮不斷出出入入拿食物，氣氛熱鬧。食物質素不錯，魚生壽司鮮味，串物和天婦羅香口，鍋物熱辣辣，上菜快，不漏單，整體感覺不俗。我出去自助Bar 枱巡下，發現服務員拿著測溫器檢查食物的溫度，避免食物變凍，這個做法很細心，我是十分欣賞的，另外，食到尾聲，侍應遞上問卷給我們填，這做法代表餐廳善意了解客戶意見，也是值得稱讚。星期日中午放題是每位成人＄188，比起晚市＄258平了一截，而且標榜與晚市食物一樣，還可以食足3小時，真是朋友悠閒聚腳吹水好地點。

一家人在星期日中午在這店食放題，以為預早10分鐘好穩陣，誰知人頭湧湧在地下大堂排隊搭等上去，原來識食又何只我一個。一上去侍應已同我們講中午的放題要用app下單，這樣的下單方式又幾特別，二話不說，一家人分頭行事，我先到外面拿飲品，見到雪櫃放了很多飲品不下十數種，感覺自己去了便利店一樣，而這裡卻可以任拿，好爽啊！刺身質素新鮮，我喜歡的帶子爽口彈牙，點些芥末及醬油更加鮮味。炸物雞翅、芝士球和榴槤球炸得香口，其中榴槤球外脆內暖暖榴槤肉很好吃。料理叫了的蟹粥、冷拉麵等，蟹粥軟綿綿熱辣辣，冷拉麵冰爽煙韌，一熱一冷，各有特色。一家人心情也很興奮，因為食物種類比其他同類餐廳絕不遜色，而餐廳設的Bar枱食物也很精彩，有甜品、冷盤、炸物及湯，選擇性多。整體食物不錯，沒有漏單情況，加上侍應服務周到，極速清碟及送餐效率高，值得推介。

呢日同男朋友嚟食放題極尚大瀛喜算係比較平但穩陣嘅選擇例牌叫咗燒菠蘿今次真係燒得好靚不過得個暖字比目魚西京燒平時一件都幾十蚊所以我地都食咗三件魚肉好滑 魚皮燒到好香脆個汁都唔錯刺身新鮮不過今次擺得有啲求其最好食係泰式生蝦帶子亦係一如往常好味天婦羅蝦炸粉好厚蝦冇咩甜味天婦羅美國蠔幾好 肉好厚身炸粉好薄鐘意蠔嘅最好揀呢個反而吉列蠔咬落去見唔到蠔中伏鰻魚玉子燒男朋友話麻麻之後幾輪我地都係叫燒鰻魚算價錢$188加一合理價錢

一向都好鐘意食放題..由其是同一班朋友食飯，唔洗諗邊個想食咩，大家都可以點自己中鍾食既野，實在太好！經朋友推介..今次去左觀塘呢間極尚..前一日已經打去訂位，我諗如果唔打去訂位既話..應該walk in就一定冇位。我地訂左7:30..去到既時候已經差唔多全場爆滿。首先我想講講佢地既服務真係值得一讚，雖然大家會覺得放題冇咩服務可以講..但我食過好多間放題都未試過有人幫我收碟同落單係咁多效率...只要你填完漿紙放喺枱面度，就會好快有人幫你收。野食方面..刺身都算新鮮，炸野都唔錯，唯獨係個炸蠔外面啲粉揸得有啲厚。另外佢完全冇溜過單，不過有啲食物就會等得耐啲。最細心既係佢竟然分開有暖飲區同唔凍既野飲大家自己選擇！仲要有雪糕機..即時心心眼！而且仲有好多不同既熟食、沙律、甜品

呢間係我唯一一間願意再幫襯嘅日式放題食店, 而且每次我都係等最後特價優惠時段先黎食, 貪呢個時段嘅價錢平D, 人又唔會太多, 食足兩個鐘｡ 今次簡單介紹下我食左D咩:自助區自助區可以拎前菜、湯品、小食、甜品、雪糕雪條、飲品｡ 前菜我就食左白雲鳳爪、海草、手拍青瓜雲耳、炸魚餅｡ 湯就飲左碗蟲草花雞湯 (好香雞湯味, 個湯一D都唔薄)｡刺身每次食最開心就係 Order 佢 D 刺身, 款式夠晒多, 而且又好新鮮肥美｡今次 Order 左三文魚、珍寶大赤蝦、油甘魚、劍魚腩、帶子、希靈魚、象拔蚌、虎蝦刺身、鮑片、甜蝦, 差唔多成版刺身都俾我 Order 晒｡壽司燒三文魚腩、蒜香牛肉、左口魚裙邊、海膽手卷 (海膽超鮮甜)、拖羅軍艦、鵝肝帶子等, 每款飯嘅份量都唔會好多, 所以叫多D都唔怕會好飽｡串燒/燒物推介鹽燒牛舌, 超爽口, 味道一流｡ 另外仲食左燒鰻魚 (推介)、燒豬仔骨、香蒜青口(香濃蒜味)、羊鞍｡炸物/天婦羅芝麻雞翼 (夠香脆) 、紫心香芋丸 (入面香芋蓉好煙韌)、吉烈炸蠔、虎蝦天婦羅 (蝦肉仲好彈牙)、皇帝蟹棒天婦羅 (啖啖蟹肉) ｡其他料理/煮物清酒煮花甲、蟹肉粥 (成隻蟹煲粥,

又是放題夜～ 翻兜觀塘極尚大瀛喜！出來慶祝聖誕最岩吃放題，可以坐好多人，又迎合各人口味，於是早早訂去吃好西狂風掃落葉 先點一輪刺身～ 再出去揀下冷盤炸物！ 凍蝦可以無限encore 新鮮 彈牙。炸物～章魚小丸子 不錯 都做到外脆內軟。刺身 無限encore北海道帶子 珍寶大赤蝦。基一向少食魚類 但都食左幾件油甘魚 鮮甜甘白。帶子赤蝦都冇得彈！壽司種類好多 大眾款式和特色小卷都有！壽司飯幾軟熟 賣相都幾靚 大部分都不俗！極尚蟹棒 黑松露赤蝦 推介！燒物炸物～ 芝麻雞翼、雞軟骨都香脆惹味。燒菠蘿酸酸甜甜 開胃～食得太飽 甜品放棄了。只食了榴連炸彈 有榴連漿爆出來 幾得意! 甜品櫃的甜品只能望多兩眼了基評分: *味道(基基基基)**外貌*(基基基基)*抵食(基基基基)**服務(基基基基)*最後基言：方便而且性價比高！環境光猛企理 大部分都是卡位 刺身新鮮 熟食都唔錯 飲品種類繁多 食到捧住個肚都是二百零蚊 抵！

好耐冇食到放題啦，食放題係要成班朋友先夠好食嘅，今日終於齊人，一行7人齊齊開餐，今日係去食午餐，刺身，壽司，煲湯，糖水，蛋達乜都有，好多元化，刺身都好新鮮，個人推介帶子，甜蝦，因為好鮮甜，吾錯吾錯，三文魚同樣新鮮，喜歡佢厚切又超大塊，海膽手卷係必食之一，佢嘅海膽少有咁新鮮，一舊舊原整，好鮮甜，燒雞翼亦都超好味，我已經食佐好多隻！之後去咗熟食區拎咗啲熱食，燒八爪魚丸超新鮮，表皮薄脆又唔會厚粉，特別要讚嘅係帶子，好鮮甜，蝦肉鮮甜，充滿膠質，沒有腥味，好期待再有下次！

上一次同屋企人去食，今次同男朋友去食。下晝三個鐘放題真係好抵好抵！啲刺身好新鮮，而且小食亦都有好多款選擇，叫咗海膽手卷，但啲飯唔算多，而海膽就好多！飲品選擇亦都好多，甜品都好高質，抵食！

好耐無嚟寫嘢！醜事要傳千里，嚟得寫唔係超好就超差，今次係極級差囉！先講事前，第一次book枱係book 5點半，佢話食到七點，到前一日cfm booking，話係5點三食到七點，$199一位成人，迫住要ok囉！話會早啲安排入座喎~好喇，家姐好早上到去，排隊入座排第一，等到我個鐘5點11分！！終於開始入座~ 噢個職員話：5大1細，大人210，小童148，再加一。我家姐即刻話，唔係199咩？！ 咁我就話：咁唔通依家唔食轉場咩？？都要硬食！好啦，叫嘢食攞嘢食喇~ 自助區嘅質素令我有點不敢恭維~ 啲前菜好似豬漱咁囉！全部一pat pat！係得飲品，雪條同牛奶布丁ok！到menu喇~ 第一盤當然係sashimi，個樣ok，本身都攞番少少分，劍魚同油甘魚都合格，但象拔蚌一啲味都無，赤蝦超細隻，甜蝦都好過佢，但到第二次再order劍魚，由8mm變到得番3mm厚，全部紅點血位比你！三文魚都好難食！咖喱蟹個殼上面有一pat 好似泥定屎咁，唔敢食~ 炒蚌又成碟垃圾咁拎比你食！好喇，全部都唔想再order，除了牛舌，order了3次。食咗一個鐘，6點三，佢埋嚟話：6點半last order。ok！跟住就不停

聽朋友講觀塘區有間放題好好食就趁阿媽生日帶佢去食返工好努力做晒啲嘢準時收工去會合主角出發去食野阿媽係第一次食放題所以佢好興奮選擇既菜單都幾多花多眼亂 本住唔浪費既心態去揀咩都就住就住 因為我媽係一定將佢食唔哂既野留俾我食係阿媽點緊野食我就出左去睇下自助區有個好似便利店甘大既飲品區 好正飲品種類多籮籮 自己鐘意咩自己拎另外見到有野食添 仲要唔係hea款有沙律同前菜 食黎開下胃 滿足一下見到有酒樓餸菜 好開心比較欣賞瑤柱汁扒西蘭花色水好翠綠 絕對係新鮮瑤柱係大大粒 唔馬虎有呢個自助區岩哂d人落完單又未上得菜既時候頭一round必定係刺身我每款都叫左兩份 都係試下水溫先無諗過會整得甘靚來自挪威既三文魚 同魚腩有得揮好肥美好鮮甜象拔蚌 肉質爽甜而鮮 之後仲叫左幾轉添之後就叫左幾客壽司蒜香牛油燒牛肉係我既最愛牛油好香 咬入一啖 牛油牛肉同飯融為一體好有誠意 感覺好正其他壽司不過不失炸物叫左吉列炸蠔同芝麻雞翼炸粉唔係好厚 外面味層好脆口阿媽有個餸佢叫左兩次係佢愛吃既花膠好足料 唔馬虎呢個放題唔似以前食過果d甘有好多都會重覆叫唔會一次起兩次止食完正餐出面仲有好多選擇既甜品記得留返個肚阿

極尚大瀛喜不嬲係放題界好出名👍🏻今次黎到觀塘 入面裝修冠免堂皇 感覺令人去左高級西餐廳咁😆😆食慾都大增呢🤪🤪🤪甜品種類亦很多😍呢到正既地方係吱雪糕機 仲有好多配料揀 岩晒心大心細既我✨✨🤤好特別既係呢到有哈蜜瓜味🧐 食得出好清甜既哈蜜瓜🤩😍食落好有味而且又香❤️不過梗係都唔少得原味啦 原味簡簡單單 配埋爆珠 味覺都受到刺激了🤩🤩熟食方面最中意係湯烏冬。👍🏻🤤面條好有咬感，粗幼度剛好，湯味唔會偏濃或偏淡😆最後梗係唔少得刺身😇刺身十分肥美，而且食得出幾新鮮🤩雞軟骨串燒熱辣辣 唔會太鹼 正👍🏻呢啲汁都配合得好好 好有味 而且十分有口感👍🏻

兩個小時內都不知食了什麼，不停有伙記行過來報時還有幾耐last order, 到了last order 在截鐘前約15分鐘來到，未食完就叮噹收晒全部食物，一點都不惜食，好討厭！以後不會再去觀塘那間。之前曾經去過銅鑼灣那間都算可以。

與朋友慶生，貪此店鄰近apm，唱完Ｋ兩分鐘就步行到，而且網評不俗，於是選上。整體感覺還好，但比起一面倒的好評，我只能打70分，不會說很好或極佳。先說食物種類，刺身及壽司類是挺多的，約佔5-6成。相對之下，熱食較少，天婦羅、炸物、燒物及料理，加起來不出四張紙。我雖也愛吃刺身及壽司，但兩輪以後想吃點熱食，就覺得選擇不多，口味比較單調。食物質素方面，頭盤我沒試，不置評。餐湯有兩款，一款是胡椒豬肚湯，一款是蟲草花魚翅湯（放心，魚翅只是名字，不是實物）。朋友試了前者，我試了後者。結論是前者似出前一丁豬骨湯包，很重味精味，後者則很淡，沒甚麼味道。勉強負責任喝光，不推介。刺身叫了三文魚、北寄貝、象拔蚌、劍魚腩、榮螺片、帶子和甘蝦（不同種類、共三款），感覺挺新鮮，質素不俗。海膽手卷是＂微型版＂，比例是一般手卷三分一。這分量小本是好事，可節省胃納，可惜海膽質素不佳，小片的海膽已紋理模糊，明顯不新鮮，吃起來也帶點腥，若想靠這個＂回本＂，肯定打錯算盤。燒牛舌是全程最美味的食品，值得encore；燒羊排和炸雞翼也不錯；天婦羅是正常水準，點了不會出事。但那個海鮮蟹粥只能喝粥，不宜吃蟹，因泡粥的蟹並不新鮮，還帶有

經朋友介紹，想試間好少少既日式放題所以今次就黎試下極尚大瀛喜因為早入席既關係所以上到去唔洗等好耐就有位鋪頭裝潢得幾華麗，座位都比較闊落氣氛都唔錯入座之後就開始叫野食 先就叫左刺身食 分別有挪威三文魚,日本油甘魚,劍魚腩,北寄貝同埋珍寶大赤蝦啦個人喜歡食三文魚，所以三文魚ORDER得比較多係味道方面,食得出食材係新鮮既,唔腥係擺設方面,用兩條冰鵰去襯托，個人認為幾有心思 壽司就叫左花之戀,熟蝦膏甜蝦同埋香蔥鵝肝帶子花之戀唔洗多講,一定係好好味而其他兩樣出奇地味道又幾MATCH,值得一試之後又叫左D小食，見到有雞翼有叫左個芝麻雞翼就咁睇圖就知有幾惹味,夠JUICY,不多說了雞翼最緊要係咩,就係咬落去夠香口而呢款芝麻雞就比到我想要既口感同埋味道,NICE!! 最後,係甜品方面,分別叫左圖入面幾款,榴槤炸彈同埋芒果布甸就唔講值得一試既係佢個OREAO TIRAMISU 同埋個哈蜜瓜味雪糕兩款甜品都各有特色,由其係個哈蜜瓜味雪糕 可以加朱古力棒同埋豆同時滿足幾個願望 所以真係好值得試下

今日接男友人放工，見walk in有位，唔小心入左黎食放題，食物上得快，數量準確，質素唔錯，好味嘅。不過由於上得太快，我地張枱擺唔哂，侍應想cut我地單，話重新再寫過，當然無聽佢講，我地照食由得佢繼續上。食兩個鐘無停過，都唔係好夠時間，仲有野想食但個肚已經無位。全場個個都飲椰子水，值得一讚係雪櫃超多種類嘅飲品，仲有湯同糖水。最後叫左兩個鍋物作結，分別係牛肉鍋同牛奶海鮮鍋，好多菜，好滿足。個環境就好大陸k房feel。