極尚大瀛喜日本料理

營業中

休息中

平時lunch都會走過來食佢，終於今晚試咗佢嘅放題。可以選擇嘅生同熟嘅食物比例一半一半，我個人唔係好食刺身，所以所有刺身我都比唔到評價，但我見我朋友啲刺身個樣幾靚，佢都叫咗好多次，應該唔錯嘅。講下熟食先，咁多款熟食最最最鍾意嘅係花膠左邊就係花膠冬菇，三個份量。可以見到冬菇大大隻，花膠一個份量一大塊，有我隻手掌咁長，下面係娃娃菜薦底，我起碼食咗八個花膠冬菇。雖然我唔食生野，但都有熟食壽司嘅其實仲有多幾款，但一上太開心唔記得咗影相。唔緊要嘅，我覺得咁多款壽司最好食嘅就係第二張相嗰個蟹棒。就咁睇相都睇到蟹棒好厚肉，個味又唔會好假。仲有叫咗啲辣酒花螺，唔辣，似茶葉蛋味，放題仲有鯖魚同饅魚食，其實都幾抵，因為平時lunch食鰻魚飯都要70幾蚊，放題可以任叫任食。講下自助飲品吧，飲品種類繁多，其實唔錯，但係冇乜熱飲，因為個肚唔係好舒服想飲熱飲，最後都只係攞咗茶。假如又熱豆漿就好啦。另外甜品吧，真係食到太飽太飽，最尾先諗起有甜品吧，最後只係攞咗幾樣甜品來食，食咗泡芙，和果子，細細杯好似迷你木糠布甸個杯野，真心想讚一讚所有甜品都好好食。早知留肚食甜品啦，蝕咗啦。服務員態度唔錯，唔該前唔該後咁，又冇漏單

前幾日係我媽咪嘅生日，所以我就上網睇吓邊間放題好，咁我就發現觀塘嘅極尚大瀛喜有好多好評，所以就決定去試下我哋book咗五點半到七點半嘅時間，價錢都係＄210！好抵由於我哋五點三到就已經入咗座，所以我就去咗熟食區睇吓有咩嘢食先，一大盤嘅章魚燒好吸引呀媽咪就拎咗好多蔬菜我哋一邊食嘢一邊睇吓餐牌，好忙呀，哈哈！油甘魚刺身好靚呀，砌到成朵玫瑰花咁超有心思，搞到我哋完全唔捨得食燒鰻魚都好肥美一口一啖剛剛好燒菠蘿亦係我食放題既必食之選，菠蘿非常甜，嗰種甜唔係加糖水個種，而係本身菠蘿嘅鮮甜味，好好味鯖魚平時出面買都要$60到一條，呢度竟然係原條任食！鯖魚味好重，邊位燒至微焦，好香呀入面有原粒帶子，味道酸酸甜甜幾好味飲品都有好多選擇，我足足飲咗三支椰青水呢個木瓜甜品非常養顔，第一次見放題有得食呢種甜品，真係好適合我媽咪食餐廳價錢都好合理，而且有好多食物都好特別，其他放題係食唔到，食物賣相又靚又有心思，不錯！

自從上次食完日本料理之後，就好似一發不可收拾咁想食第二次。喺上次食嗰間同一棟有另外一間日本料理，所以就約埋屋企人一齊去試吓。嗰日雖然身體抱恙，咁難得同屋企人食餐飯，冇理咁多照去食👍🏼👍🏼👍🏼所以一入到去就叫咗個蟹粥食，原本都冇乜期望，因為始終係日本料理。但係個蟹粥非常足料，好多蟹肉，非常新鮮，完全估唔到。食完粥之後非常開胃，就叫咗壽司，刺身同埋炸物。啲壽司飯落咗醋，整得非常精緻，非常正宗。刺身非常新鮮，食出淡淡鮮味，刺身擺位亦都非常有心機，非常抵讚。炸物炸得非常脆口，食落去唔會油琳琳，心思十足。最後就係甜品，唔係剩係得個甜味，賣相吸引，好有心機👍🏼👍🏼👍🏼今次身體抱恙嚟食，有啲嘢都未試，一定會再嚟食多次，亦都推介俾各位👍🏼👍🏼👍🏼

今日係同男朋友周年紀念日，所以我地都想食返餐好既慶祝下佢知我鐘意食日本菜，就book左觀塘既極尚大瀛喜由於我地早左成半個鐘到左，要企係門口到等陣望入去個陣真係嚇親，個裝飾好豪華，有種宮廷既感覺，而且位同位之間都好闊，好似入左間五星級酒店食飯禁食放題當然係要食刺身先啦，最易回本豪華刺身船！我地寫十塊刺身，真係比足十塊，唔會好似其他放題餐廳寫幾多，只係比一半禁中間個個冰係瀛字黎，代表著極尚大瀛喜，有心思呢度既創意壽司都好特別，部分壽司係無飯既，賣相簡直一流穴子壽司係原條上嫁好少放題有得食，所以我地不斷encore食完壽司刺身就開始熟食時間咖哩炒蟹味道唔太辣，適合返香港人既口味好正燒海蝦都好新鮮好有咬口蟲草花膠雞魚翅湯，呢個湯真係好足料，我見到個湯裏面有成隻烏雞，而且有好多蟲草花飲落好甜好滋潤，完全無味精餐廳仲有提供暖飲既紙包飲品，岩曬呢加季節飲飲品竟然有SOMERSBY飲！好抵呢間放題裝修又靚又豪華，坐得舒服，食物又正，真係間高cp值既放題餐廳

今日同朋友慶祝生日加接佢放工，黎到咗觀塘，揀咗極尚大瀛喜食生日飯book咗五點半，點知五點幾上去等時已經發現上面有好多人，估唔到咁受歡迎一坐低我哋都唔執輸啦，打算即刻叫啲刺身嘆下先，不過可惜嘅係朋友唔太鍾意食生野，咁於是得我一個食喇識食刺身嘅話，當然要叫啲帶子呀甜蝦先啦俄羅斯甜蝦好鮮甜，咬落啲肉質一啲梅，係放題必選啲帶子亦都好厚肉，完全冇雪味，正呀海膽手卷就好有驚喜啦，海膽食得出係好鮮甜嘅，入口即溶我地都有叫天婦羅🍤，叫左炸蝦天婦羅同蟹棒天婦羅天婦羅嘅表層卜卜趣，而且外脆內滑，並無炸物嘅油益味，炸蝦同埋蟹棒都好大條嘻嘻😁炸物我哋另外仲叫咗放題必食嘅芝麻雞翼同埋炸一口芝士。芝麻雞翼就梗係正啦！嗰層雞翼脆皮一咬開，啲雞油同肉汁就係咁標出黎，真係日日食都唔厭呀！炸一口芝士就同一般放題食到嘅冇乜分別，勝在夠熱呢個好似係叫四川風味東風螺，貪得意叫咗一份嚟食，點知食食吓就停唔到口，總共食咗4份本身以為係麻辣嘅，點知唔辣，只係得麻啫，個汁有少少似茶葉蛋汁，啲螺肉食落好爽口，好得意！最後就梗係飲返碗暖肚嘅湯啦，啲湯係喺小食corner嗰度任針嘅。今日嘅湯好似係蟲草花花膠燉雞，我本身係好鍾意飲湯嘅人，呢

好多野揀種類好豐富.真系一家大細都滿足到.出品OK.啲刺身都幾新鮮.而且速度好快.落單一陣就即刻送到.我地選擇下午最早段時間.5點到7點.可能太早.所以未算好多人.但係六點過後就開始爆啦.到我地走就已經派曬長龍啦.總體好過其它好多放題.下次都會優先選擇哩間

母親大人突然想食放題，為左令佢開心，當然搵定資料搵間出色的放題孝敬媽媽啦！有一段時間冇光顧極尚大瀛喜，質素繼續有保證，冇令我失望！只是看到點菜紙已經花多眼亂了，好想快點試一試！刺身真的是十分新鮮，每件也切得有點厚度，十分有口感！脂肪比例剛剛好！忍不住叫了兩round !炸天婦羅～每樣也點了小許，全部新鮮炸起，熱辣辣，絕不欺場！炸蠔、芝士丸、炸流心榴連丸～同樣新鮮炸起，炸得剛剛好沒有過火，炸蠔外脆內嫩！炸榴連丸一咬開就有榴連汁液流出，喜愛榴連的絕不應錯過！和牛、左口魚裙邊、火炙三文魚及蟹棒壽司！細細件一啖一口！剛剛好！帶子及鰻魚壽司～同樣充滿海鮮的鮮味！想不到放題也能食到冬菇燴花膠～魚肚大大件有口感，冬菇也十分入味，滿口也充滿骨膠原的感覺！甜品選擇十分多！排列整齊！抵讚！第一次試blackberry 的somersby! 感覺不錯，不會過甜！而且很refreshing !最後加上乳酪雪糕為放題加上原美的句號！整體食物水準不錯，上食物速度快，環境大又坐得舒適！是很好的大吃一頓之選！😍😍

做野辛苦的大家間不中亦需要去食餐好的晚餐獎勵自己！今次與友人一同去左食極尚大瀛喜日本料理啦！之前已有不少同事推介好試試，真的是滿心的期待！地點十分方便，就坐落apm的隔離！一坐低就立刻搵搵有甚麼好選擇啦！款式十分多，還有自助吧可以攞飲品，甜品及一些小食！放題必點的選擇就是刺身了！賣相十分的不錯，排列整齊！三文魚十分肥美，色澤十分飄亮！帶子亦很鮮甜，象扙蚌切得原薄適中，十分抵讚！是十分高質的魚生！鵝肝帶子壽司帶子大大粒上枱，已經令我口水分泌立刻增加，配上鵝肝的味道十分配合，不人搶去兩者的鮮甜及香味！加上壽司飯不是太大件，很適合放題不想食太多飽肚食物的需要！叫了友人的最愛～燒菠蘿！菠蘿燒得剛剛好，一咬下去就感嘗到鮮甜多汁的果肉！回味無窮中！另外一個驚喜的選擇便是蟹粥！原隻蟹放入粥內煮熟，只看賣相已經攞滿分，蟹仔雖然不是太大隻，但蟹肉分量卻不少！精華所在的地方當然是～粥！十分甜美，蟹香完全混入粥內！飲品選擇繁多，啤汁、apple cider , 綠茶、解茶、可樂，甚至連椰子水也有，真的十分難得！炸天婦羅新解炸起，粉醬只薄薄一層，急不及待放入口時差一點燙傷嘴巴！甜品除了有雪糕、frozen y

刺身有13款選擇..其中蝦都有3種 愛蝦之人刺身新鮮 數量不多也不少...沒有漏單之餘值得一讚 職員態度友善食物種類多 壽司款式約有30款...有黑松露的壽司都有2款我最愛就係黑松露嘅味道...-浦燒鰻魚，肥美，入口即溶味道不錯-炒一口牛 真係炒得惹味 肉嫰多汁-咖哩蟹 咖哩汁帶甜 但冇咩肉 而且蟹殼沒有幫忙扑開一下 蟹鉗用牙難咬不開-海苔多春魚 即叫即炸 脆卜卜-芝麻雞翼 炸得好好食 雞皮又脆 雞肉又嫰多汁-吉列生蠔   粉醬太厚

同朋友慶祝生日，揀左黎觀塘呢間極尚大瀛喜食放題，呢間放題環境唔錯，地方好大，裝修幾靚，最重要係位與位之間夠闊，方便拎野食。呢度放題有魚生、壽司、軍艦、天婦羅、串燒、炸物、手卷、主食，有唔少野食揀。第一時間叫左d魚生、壽司，魚生真係幾好食，全部都好新鮮，特別係三文魚、帶子同象拔蚌，味道好鮮甜。呢度嘅自創料理都好正，有花之戀壽司、香蔥鵝肝帶子、胡麻露筍煙三文魚卷。海膽手卷一定要食，海膽份量俾得幾多，手卷飯唔太多，海膽睇得出好新鮮，食落唔腥好甘香。牛油果軟殼蟹卷，外面有好多一粒粒嘅蟹籽，裡面有牛油果同軟殼蟹，牛油果好味道，軟殼蟹幾香口。瑤柱蟹肉粥，一鍋咁送黎，粥煮得好綿，蟹肉同瑤柱令到鍋粥好鮮味。咖哩炒蟹，蟹肉雖然唔多，但味道唔錯，咖哩辣辣地幾惹味。黃金燒元貝，外型好似蛋撻咁，係成日元貝燒，好味道。雪花牛肉鍋，雪花牛肉肉質好嫩滑，湯底好香濃。湯烏冬味道唔錯，烏冬幾彈牙，湯亦夠熱。除左order野食，出面自助食物、飲品區都可以隨便攞，任飲任食。臨走要食番杯乳酪雪糕消下濟。

舊同學聚一聚，肥同學話想食呢間，咁啲男同學咁大食，一聽到食放題當然支持。Book左845果場，早啲去排隊等入場。個全層都係佢地既。入門口左邊就係自助罐裝支裝飲品雪條少少冷盤同甜品。一坐低無耐就上左個海鮮拼盤，每人一份有毛蟹、鮑魚、帶子同蝦蟹係熟左只熱返就食得，其他都係燒一燒就食得，佢地有張menu教你唔同食物點燒同燒幾耐既，好貼心都幾新鮮仲有一鍋酒煮蜆跟白飯，等你食飽先😂刺身就好多款好鮮又齊數，估唔到有飛魚刺身冷盤有溫泉蛋幾特別其實燒物無特別，壽司好細粒都幾好侍應做到無停手，上菜快，收盤快，食物新鮮，pad落單好快到，不過枱唔夠位要食得好快😂無得慢慢嘆，男士滿足狂食😂

生日就訂左依度食, 一行12人去試下, 環境都唔錯, 樓底高空間感大, 坐位都唔太迫, 有自助型式野食任攞 , 小食- 八爪魚仔、螺肉、中華沙律等..., 熟食- 蝦、青口、沙律菜、木耳等...,  飲品-成柜太多太多. 刺身-都好新鮮, 三文魚厚切, 帶子鮮甜, 甜蝦就差小小燒物-特別提提好小可見有燒鰻魚, 來到一定要食, 好軟好香好正!!! , 羊架唔太"蘇"淡淡肉炸物-如果食榴槤既一定要食榴槤炸彈...好勁榴槤味呀!!!壽司-特別提提好鐘意食牛肉壽司, 海膽手卷都要一試整體上依個質數放題都交足功課, 已經BOOK左11月中又再來食過! 

細妹生日 想食放題～ 近近地 觀塘放題一籮籮！亞太中心方便又多選擇 阿妹自己揀左極尚 話上網睇過好像幾正喎～食物種類多籮籮之餘 大堂仲擺左好多款小食。冷盤有日式小食 中華沙律 八爪魚等等，仲有凍蝦 唔係好大隻 但勝在幾新鮮。即攞即食既炸物仲有薯角 章魚小丸子 雞件 葡撻～ 全部熱辣辣。飲品櫃選擇超級多 汽水啤酒之餘 好茶的我又有烏龍茶 綠茶 解茶可以揀 怕熱氣有椰青水 包你唔會飲到悶。推介～ 無限encore 鮑汁炆花膠！！花菇大大隻 花膠夠曬入味 回本必食：）我自己全晚食花膠食到飽。壽司～ 我鐘意蟹棒，黑松露赤蝦。蟹棒啖啖肉 又大條。赤蝦幾爽甜 加少少黑松露 呢個配搭幾特別。壽司卷物其實都好standard 不過不失。炸物～ 天婦羅不錯。即炸 粉漿唔會太厚 雖然種類不多 但食下天婦羅蝦都好回本架！燒物～ 比目魚 鯖魚都有 燒起來都算juicy。牛肉粉絲 記得食網燒牛仔骨 大大件 醃得幾好 入味。甜品選擇頗多 有自助乳酪雪糕 Wooo 最鐘意～ 配料有10款。芒果糯米糍 奶凍呢d大路野都有曬 滿足到不同人的喜好。整體來說 二百零蚊任食 又刺身又花膠 回本話都冇咁易啦！

之前去過一次銅鑼灣嘅極尚大瀛喜放題，覺得食物質素高，價錢又唔貴，一直都想再去食，今次就近近地黎試下極尚大瀛喜嘅觀塘分店。估唔到觀塘呢間分店咁大咁靚，有好多掛畫裝飾。黎之前book左位，侍應安排我地坐卡位，沙發皮座椅坐得舒適。餐廳有自助食物區，食物有好多種類，小食、沙律、冷盤、湯品、甜品；自助飲品區有個大飲品櫃，汽水、果汁、啤酒等，飲品幾多選擇，當中仲有唔少係貴價牌子嘅飲品。呢度魚生選擇亦算多，有我至愛嘅北極貝同象拔蚌，一睇就知好新鮮，北極貝勁鮮甜，象拔蚌爽脆，我同朋友叫左唔止兩輪。其他熟食都多，花膠燜冬菇超正，大大舊花膠，感覺有好多骨膠原響入面，啱哂女仔食。燒物都有好多，燒羊架、原隻燒帆立貝、燒鰻魚，全部都好正。炸物類嘅芝麻雞翼好好食，雞肉入味唔乾身；吉列炸蠔好香口。最後必食嘅乳酪雪糕，響自助雪糕機裝完雪糕之後，格離有自助雪糕配料，十幾款配料自己自由配搭。食物、環境同服務都好好，價錢唔貴，物超所值嘅放題。

十月中一位老友喺賭波嗰度贏咗錢，我地就決定揀食日本嘢去害一害(賀一賀)佢haha，今次我地總共有四個人，懷住興奮愉悅嘅心情，去咗觀塘極尚大瀛喜食夜晚時段嘅放題，揀呢間係因為佢都有一個瀛字呀，夠哂應景！星期六晩都係每人$210加一，呢個價錢簡直冇得輸呀！我地一坐底就走咗去設有自助形式嘅地方拎嘢食，當中有好多美味嘅甜品同凍食，嗰啲前菜嘅八爪魚非常爽口，有一款白色嘅奶凍口感非常嫩滑，值得一提嘅係嗰度竟然有雀巢嘅脆皮雪條，當晚我食咗兩枝呢！跟住我地叫咗一個刺身拼盤，當中有三文魚、象拨蚌、帶子、鮑片等等，每一種刺身都非常新鮮甜美，特別係北寄貝，真係非常彈牙爽口，看地仲encore咗兩次添！嗰度啲蟹粥都非常鮮甜，再加埋粟米粒，簡直天衣無縫，我地每人都食咗一大碗呢！除此之外，仲有芝麻雞翼、烤羊架、炒豬頸肉同牛肉粒，都非常好食，當中嘅東風螺我地仲encore咗幾次，肉質鮮甜爽口一啲沙都冇，值得推介呀！