極尚大瀛喜日本料理

營業中

休息中

今日天氣好去左西貢郊遊，行左成日好肚餓，決定出觀塘任食放題，上次朋友食過極上大瀛喜話正，所以去試試；一坐低即刻點左不同既刺身，各款刺身新鮮，我就最喜歡食北寄背刺身，我地就encore再encore，款式選擇多，有成十三款刺身，一路食一路點其他食物，第二輪我地主打order壽司同創作料理，火炙壽司味道一流及獨有創作料理款式有驚喜。跟住就到炸物、燒物同串燒，每樣食物都想試下，不過食下食下都好飽，想試下蟹粥同鮑汁繪花膠都已經飽到食唔落，為有下次再試。另外尼度既飲品同甜品選擇多，但我食放題時只愛飲解茶，因為唔會飲到飽晒食唔到好野。尼間放題最值得一讚係完全無漏單同食物order後好快到，而且我發覺人手非常充足，服務周到，每一個小區八至十張枱都有員工負責，唔會好似有d餐廳敢想揾人落單都慢慢等，而且食食物質素有水準，價錢合理，性價比高，所以全場爆滿，好彩預先訂位，如果walkin未必有位，下次一定要再離食。

耐唔耐又會心思思想去食放題😚 觀塘好多選擇，今次嚟到「極尚大瀛喜」，價錢唔算貴，時間比較彈性，唔會限死兩個時段，個人覺得比較自由，又唔洗等好耐位，非常好👍🏻 餐廳好大，座位好多，唔算好迫，二人卡位都坐得OK，上菜速度好快，完全沒有漏單嘅情況～ 刺身都好新鮮，油甘魚最好味～ 炸物都好好食，炸雞翼、炸香芋波波即炸，香脆好味～ 燒物都好好味，燒鰻魚我encore再encore😝 燒雞泡魚干最好味😵 我叫完再叫，食不停口😋 飲品櫃超大，選擇超多，甜品亦係有好多，而且不停refill, 雪糕選擇都唔錯，而且有自助雪糕機，可以自己製作雪糕，加配料，亦有前菜可以自助領取，例如八爪魚、青口、湯、葡撻等等～ 整體覺得非常豐富，食物質素唔錯，滿足的一餐👍🏻😋

又食放題 當然要試下唔同鋪頭 之前食過呢間既銅鑼灣分店幾滿意 今次咁啱係觀塘附近就試下啦估唔到鋪頭咁大 可以容納到好多人 而且自助區都好大 好多選擇好正 唔單止有好多前菜 例如八爪魚 螺肉等 又有好多甜品選擇 全部細細件 同人share食 可以試到好多 仲有蛋撻同章魚小丸子添 好豐富不過要留肚食其他先重點當然都係魚生 我自己就最鐘意三文魚同大赤蝦 三文魚好厚切肥美 好新鮮 而大赤蝦同樣地新鮮 質感又好爽滑 好正最特別係呢度連平時泰國菜既生蝦刺身都有 仲要個醬汁都好正宗 好味而呢度既壽司選擇都好多 所以忍唔住點左好多 最驚喜係全部都細細件 唔會多飯 所以都有返多啲quota食野最特別係有拖羅軍艦 平時好少有得食架 好好味 係入口即融既感覺另外蟹棒 牛肉 三文魚腩 同花之戀都唔錯炸物當然都唔少得 最鐘意係香芋丸同榴槤炸彈 兩款都好真材實料 味道好香濃 好正真係必食都試左天婦羅 鰻魚 牛舌 燒菠蘿等等 全部都好高質鰻魚燒得好入味 而燒菠蘿都燒得好好 唔會乾 係好juicy架 而且係啱啱好既酸甜 一啲都唔會話好酸 幫我消除油膩感繼續進食所以兩款都有encore

約左個舊同事食飯，舊同事話佢聽朋友講呢間餐廳食晏幾好，所以黎試下夜晚放題。任食兩個鐘，時段有得揀，訂位個時就揀左六點半，就番第二日仲要番工。一入到去，覺得勁大開，同埋啲位唔逼，最怕啲餐廳勁逼旁邊個枱好似搭枱咁。一坐底就叫左刺身，呢盤已經係第三盤，油甘魚同帶子，三文魚同北寄貝都好食，好鮮！放題有咁既質素都算係咁再黎海膽手卷，size 係 mini 版，一口就食左。海膽唔特別鮮但勝在無腥味，可以一試！值得一提係叫左個推介既蟹粥，份量夠二至三人，佢放左粟米入去煮，好味！唔少得野飲同甜品。值得一讚係有熱既紙包飲品，啱哂朋友佢一年四季都怕凍既體質

今次一家人去了比較遠食日式自助餐，去到訂了位很快便坐下了，但上星期天氣十分冷，馬上出面有自助的水機要了杯熱水，出面也有點小食供應，叫魚生拼盆都比較不開胃，因天氣太冷，但食物算不錯，刺身同壽司，天婦蘿也很吃，不過唔好叫的是鯖魚，鯖魚表面不好吃，肉質也不好，而蟹粥超多味精，我吃了一啖就不吃了⋯⋯，時間有兩個半小時也可慢慢食用，而且價錢也很貴，算大眾化之選，如果喜歡食曰本放題也可一試，環境坐下也舒服😌

天氣甘凍，當然要食多啲好嘢蓄多啲能量喇!! 喺觀塘工作嘅朋友仔就提議去食放題，仲介紹我食呢間極尚大瀛喜呢～呢間放題竟然有得自選時間，雖然係會貴啲啲，但唔洗食甘晏，我like!!點完紙仔後，當然要睇睇自助區有咩嘢食喇。一大面飲品櫃，有好多選擇，花多眼亂呀。仲好窩心甜心有熱飲櫃，抵讚!! 自助區仲有好多款冷盤，小食同老火湯。放題必點刺身，諗住食少少先，刺身都幾新鮮，油甘魚同榮螺都唔錯。回本之選當然要食海膽手卷，海膽手卷細細件，可以食幾件都得，海膽都鮮甜唔腥，無異味。另外，炙燒左口魚邊同蒜味牛肉都好味!!天婦羅蝦當然要食，竟然有天婦羅蠔，好少見，通常提供吉列蠔，天婦羅蠔只有薄薄一層粉漿，香脆可口，蠔肉都算飽滿大粒，值得一試!!燒菠蘿同牛舌都係我放題必點的!! 菠蘿酸酸甜甜好開胃!! 牛舌薄切爽口唔韌，好好味!!!朋友仔都話要再食燒牛舌呢!!!黃金燒帆立貝都好食，帆立貝都幾大粒，沙律醬汁夠哂味。天氣甘凍，雪花牛肉鍋一定要食，湯底甜甜的，啱哂小朋友，牛肉同蔬菜份量都多，牛肉唔鞋口，不錯不錯!!蟹粥係另一暖胃之選，粥底鮮甜足料，有不少瑤柱絲，蟹仔細細都有膏架!!!暖定個胃食甜品，自助區有一整個甜品

拖著疲憊嘅身軀，OT 到9點，年近歲晚，工作多到呢……突然好想食放題經過觀塘大瀛喜一個人走咗入去一個食放題 究竟係有幾毒？！太攰喇，下次再寫！優惠時段抵食之選！👍🏻👍🏻👍🏻

約咗一個舊同學一起食晚飯，無意中嚟到呢一間叫極尚大瀛喜餐廳。佢啲蝦真係好大隻，鮮甜又多汁，優質嘅素材,絕不欺場。枱上眼見啲三文魚已經冇得輸，柔光閃令令，咬開後，肉汁在口腔裏流動，鮮味無窮。仲有多款嘅手卷，鮮味海膽份量都唔少，顏色亮晶晶，軟綿綿又鮮甜。 八爪魚手卷，肉質肥美， 咬感又爽脆，鮮味十足。大蝦天婦羅，脆口得嚟非常鬆化，食到令你停唔到口。菠蘿燒，燒起來果香四溢，香噴噴，又潤喉。番薯燒，燒過後，甜味更濃，軟綿綿，又清甜。         雞肉串，味道調教得恰到好處，烤過後,亦不失雞肉的嫩滑，肉質仍然豐富，呢啲就係優質嘅素材先可做到。

回復準時放工嘅日子，當然會捉朋友周圍去食嘢。好耐無放任一次，呢間係觀塘區一直都係好評，舊年有黎過食lunch，再前年同同事有黎放題過，食物都係ok嘅。我地7點到，一坐底即刻開始落單。沙律飲品甜點都係出邊自助區，飲品好多選擇，可樂熱茶豆漿咖啡橙汁唔雪雪緊樣樣齊，實有一種啱，好貼心。自助吧都有熱食提供，薯條青口章魚丸都有。主菜黎啦！兩年無黎，刺身仍然keep到質素，都係咁鮮甜，完全無伏，我地狂encore！熟食方面，有牛舌，呢個我都幾推介，唔會過油過韌，燒得剛剛好，推！海膽同鵝肝手卷又係推，佢唔係大大舊，一口手卷啱哂，海膽唔腥，鵝肝唔會得小小，而且味道好好。羊架又值得一推，唔羶，好味，肉好淋身，剛剛好。蜆係稍為暖下肚，粒粒都入味，鮮甜到呢。牛鍋呀，牛ok，粉絲又係夠味，完全唔似煮得一陣，菜可以耐小小。芝士年榚，芝士好濃厚，皮唔厚，好滿足。嚟到甜品環節，軟雪榚無退步，我自己喜歡蜜瓜味。奶凍就如果再濃啲忌廉會再好啲。兩小時無停過口，抵呀！服務又係正，收單收嘢超快手，勁自動波。以為天氣凍無乜人，都係枱枱滿座。

話說屋企人難得話想試呢間放題，所以就黎試吓啦。呢間放題喺觀塘好出名亦都好爆所以一定要提早預約，我哋前一日就約咗，所以唔使再等位。一坐低waiter就叫我地要下載佢個app order 野食，唔再寫紙，雖然一開始比較麻煩，但唔用紙order其實更好，每張枱用少好多紙。呢到有一般放題無既自助吧，有飲品有熱飲有雪櫃入面有甜品亦都有雪糕機亦都有啲炸物，咁都有個小菜區可以俾你自己夾啲小菜冷盤，唯一有啲失色就係冇紙薑。放題嘅食物種類有好多，一般嘅刺身壽司卷物軍艦燒烤類主食類全部都有，上菜亦都好快，無乜走單既情況。刺身好新鮮，唔會有腥味或臭味。整體黎講都非常高質，一定會約朋友再去過！

好靚呀,第一輪既刺身盤,有閃燈又有個冰雕心型,重有乾冰加水後,霧煙既效果,真係視覺都已經加左分!!!甜蝦+珍寶蝦+虎蝦,蝦都有幾款選擇,重點左象拔蚌+榮螺+帶子,全部都好新鮮好甜!!!叫左幾輪刺身,全部都一樣咁新鮮,食左咁多刺身已經值回票價!!!最鐘意甜蝦,連蝦頭都吸吮埋,裏面既蝦膏好甘甜!!!京燒比目魚,依家寫住new,新推出既款式,好好食,啖啖肉好滑同燒得好香,調味就帶小小甜!!!依到有是日例湯,當晚係蟲草花煲雞,蟲草花味道好特出,一飲就知好足料去煲,無落味精,飲多兩碗都唔怕!!!甜品有好多選擇,依款奶凍好搶手,我拎既時候得番兩個,好甜好滑!!!• 自助區食物• 自助區食物• 自助區食物• 自助區飲品,好欣賞佢依間有枝裝水提供,唔係間間放題有呀,岩曬其實唔係好鐘意飲汽水果汁既人,好似我就係人版啦!!!!

難得約到朋友食飯，當然要食好西，所以決定去大瀛喜朝聖xd 鋪面好大，可以容納幾百人。侍應做事好爽手，只要擺啲order紙喺枱嘅一邊，就會即刻埋收。 落完單之後，我哋襯啲食物未嚟，就把握時間去吧檯拎嘢飲同小食。第一輪我地嗌左刺身同壽司，我地差唔多每樣都嗌啲，搞到張枱差啲擺唔落！刺身方面，三文魚，赤蝦同北寄貝都好推介。 三文魚厚切肥美，赤蝦新鮮爽滑，北寄貝鮮甜爽口。壽司方面我哋嗌咗好多款，我個人最鍾意係牛肉壽司，三文魚腩壽司，左口裙邊壽司同香蔥拖羅軍艦，而拖羅軍艦更加係入口即融！壽司勝在每件細細粒，唔會係咁食飯食飽左。炸物就嗌左吉列炸蠔榴槤炸彈香芋丸（鍾意食榴槤嘅朋友必定要帶榴槤炸彈！）我哋仲嗌咗大蝦，南瓜同蠔嘅天婦羅，全部都好好味。之後就食左鰻魚，燒牛舌，蕃薯仔同菠蘿。其中，菠蘿真係好甜，又可以解膩，所以佢都入左我地嘅encore list！

想食放題好耐～之前離開左香港一段時間，最掛住嘅就係放題同打邊爐。終於都食到啦～呢間放題係朋友推介嘅，佢之前食過銅鑼灣分店，覺得好正，所以就揀間對於九龍人黎講比較就腳嘅觀塘分店～預早好多日book定，星期五食放題都真係會幾多人下。一去到我都嚇親，佢都好大間舖，應該成層都係佢嘅，而門口就已經係甜品櫃、前菜吧、飲品區等等，琳瑯滿門！就係罐裝飲品都已經咁多，包括埋唔同嘅酒精飲品，雖然我唔鐘意飲酒，但都真係比佢嘅多款式而嚇親～最值得讚嘅係佢竟然有熱飲櫃！哇依家咁凍真係好貼心！但我最後就揀左豆漿黎飲，因為呢D真係唔係好多間放題店有提供！小食區選擇都好多，連蛋撻仔都有～前菜仲有帶子裙邊魚生選擇多，連虎蝦都有，食法似泰式生蝦三文魚鮮甜肥美，又厚切！本身都覺得食放題食咁多壽司真係唔係好抵，因為會好易飽左，但我不得不讚佢壽司款式真係超級多而且全部都好出色！真係每揭一頁都差唔多叫晒成頁嘅壽司咁滯！左口群邊壽司、煙三文魚壽司、同埋芝士鰻魚玉子燒真係必叫！！！！唔好驚唔抵而錯過左～燒物方面嘅選擇就比較少，但都好食！燒菠蘿勁厚切而且juicy第一次見有蠔嘅天婦羅蒲燒鰻魚超正～唔會好多骨～一叫再叫～～～甜品嘅選擇好

我就本身好鍾意放題既，但一路都覺得好貴所以好少食。今次公司出BONUS，決定一於食豪D。極尚系列放題不嬲都享負盛名，一於去觀塘間極尚大瀛喜試番次！😁睇番價錢，$258加一，其實同其他放題差幾十蚊，比我想像中平。坐低左叫左堆野食之後出去自選區行下，入到去真係琳瑯滿目，平時放題都係得野飲可以拎，呢度就除左野飲種類超多之外，仲有冷盤、沙律、雪糕、甜品之類既野食任拎，選擇多都揀唔哂，樣樣都試左D既我食完都半飽了😂等左十分鐘左右D野食陸續上枱，首先黎既係刺身。新鮮魚生夠甜夠鮮，蝦同象拔蚌都非常高質素，玉子味道更係冇得輸👍👍跟住接力既係軍艦同壽司。食過咁多種壽司都係覺得香蔥拖羅最好食，十級推薦！！另外黑松露蟹肉同黑松露蝦壽司調味都值得一讚，因為黑松露本身味濃，容易搶左魚生鮮味，而我食到既黑松露比例岩岩好，配上魚生同少少鼓油係另一種風味，正！之後串燒、炸物同主食都上齊哂。有機日本蕃薯仔口感鬆軟香甜，雞軟骨香脆可口，牛舌煙韌彈牙，好味！炸物方面，一口芝士真係好邪惡但又好好味😈（卡路里）。芝麻雞翼炸到岩岩好，表皮用叉刮會沙沙聲個種，正！仲有紫心香芋丸甜而不膩，唔會太「溜」，一食就停唔到😋最後既係一品料理

話說有日專登出去觀塘想食大盛點知因為廚房裝修所以暫停營業行去apm既時候俾派傳單既啊姨截停手上派住幾間餐廳既傳單朋友話今日想食日本嘢所以就揀食放題，二選一既情況下就揀左食呢間店員先帶我地入座，入座時間為17:45左右人流不算太多，但二人卡位得3張，只可以坐第二度但其實頌有好多位，唔知點解店員一帶就帶我地坐係下欄車旁邊感覺很差 刺身的選擇還好，玉子比較好味不會太甜但象拔蚌就好腥而且幾重雪味，吃了一片之後就不想吃了燒物的選擇確實很少，雞軟骨都沒有朋友就話燒菠蘿好酸食唔落左邊的鰻魚玉子燒很怪，味道廷不搭淨係食到鰻魚的骨不過花之戀確實幾好味的出面會有飲品，熟食，甜品因為想食菜就夾了豆苗食，但可惜煮得太耐菜太淋沒有咬口總結對比起選擇來說，價錢不算化算因為19:30離座才有$210+10%服務費而且漏了2次單，最後last order的兩粒炸物可以漏給了一粒，令呢餐飯有個較不好的完結不過我進餐的那區的姨姨人很好，會很快地收碟落單