極尚大瀛喜日本料理

營業中

休息中

裝修就幾靚啦，但係D食物刺身冇鮮味又晦，牛肉鍋D牛肉成口渣好靭食唔到，甜品又冇乜，講起雪糕成櫃都差不多清空又冇人加，食完D嘢又冇人執，服務員態度劲差特止食到一個鐘就叫買單唔係呱，直頭赶趕客走，我依家冇錢比咩？

勁耐都冇食過放題而且最近實習咁辛苦 要好好獎勵下自己 所以我就提議今次食放題啦！唔知係咪我太耐冇黎 原來依家改用app落order 唔再用紙 夠晒環保用完個app叫完野食當然善用時間 出去自助bar枱拎野食同野飲出面都有幾多唔同既野選擇 唔錯！我地就係野食到之前係出面拎左啲試下XD放題既重點當然係刺身啦呢度既刺身都好新鮮而且都厚身，所以當然有encore啦推介三文魚同帶子！平時我食放題真係好少叫壽司，因為好驚好快飽但呢度既壽司細細件 所以叫多幾款黎試都唔怕～當然唔少得芝麻雞翼同芝士波啦haha仲試左佢個花膠都幾大塊，仲有啲菜吸下個湯既精華甜品方面佢有個自助雪糕區比你自己DIY

食勻中日韓泰菜，最終都係鐘情日本嘢所以嚟食放題絕對可以食到又飽又滿足首先叫咗個鹽燒鯖魚，外皮燒得香脆，入面魚肉雪白夠juicy，原汁原味好好食醬燒雞翼嘅煮法都幾簡單，有少少似鹽燒，但係又有輕輕嘅調味，都仍然外脆內軟有海膽手卷海膽夠鮮甜，一啖放海膽入口好滿足，然後就自己diy加帶子落去變帶子手卷卷物方面有軟殼蟹牛油果卷，新鮮炸好嘅軟殼蟹幾好食，配埋蟹籽口感好正蜜糖芥末炸蝦卷同火炙三文魚加州卷質素都幾高牛油粟米係唔回本但一定要食嘅項目，因為個人十分鍾意食粟米熱辣辣牛油味好香呢度嘅天婦羅炸物有北海道牛乳炸鮮奶，入面軟棉棉，又唔係好甜南瓜同蕃薯仔都好夠甜蟹棒壽司有芝士，見到都流哂口水紫心香芋丸 一人一粒實唔夠食，因為又脆又軟糯，次次食都諗返起係台灣夜市掃街嘅味道甜品有豆腐花，好細盒好薄，食飽做飯後甜品都好消濟蒜香蟹油椰菜苗炒得好香，有好多炸蒜，辣椒同洋蔥調味，食落好似食緊東南亞嘢，夠哂惹味香濃

今日朋友生日想食餐好,於是便決定去食放題。之前聽朋友想觀塘這間大瀛喜面積十分大, 食物種類差不多最齊全又好味, 於是便在這裡慶祝。這裡飲品種類豐富有外面沒見過的牌子, 喝了兩三款, 每款都很好喝。熟食也有很多, 可在等上菜時先夾些吃。前菜有炸物，食住先壽司又好新鮮正式開始點菜, 我們點了肥牛煱, 煱裡的肉上來時還沒全熟, 再滾一會就剛好, 牛肉入口即溶, 這部份十分細心, 因為全熟才上可能會導致牛肉太老。跟著還有燒菠蘿, 酸酸甜甜很開胃。還有各款壽司, 魚肉鮮美, 大小剛好, 飯不會太多, 所以讓我們多點幾款。最後甜品包羅萬有, 款款都十分吸引, 各有特色, 口感一流。這裡坐得舒服又多野食, 很適合聚會。

一入嚟就被安排坐咗係卡位度，等埋啲friends呢度真係好多人，個個卡位都塞滿人，一檯走咗又即刻接下一檯，生意極好出咗去拎啲嘢食，蛋撻同菇都睇落幾正蛋撻拎到入嚟仲係熱辣辣嘅，一口一個幾好食，有牛油嘅酥香，蛋漿又夠滑牛油炒雜菌都好好食，有少少黑松露嘅味道，又有本菇，冬菇，金菇同雞髀菇啲菇索哂啲醬汁，好入味夠香濃呢個創意壽司都幾驚喜，有蜜糖芥末炸蝦卷，五味生菜牛肉蜜糖芥末醬上面仲有啲脆片，食落同入面嘅吉列蝦口感互相呼應整題壽司質素好高，帶子壽司嘅帶子勁厚肉鮮甜鰻魚玉子都好好食，唔用飯底反而用玉子，同鰻魚嘅味道好夾雞軟骨串燒得都幾有焦香呢個燒帆立貝好surprising，因為通常放題呢啲醬入面都係冇乜肉嘅，但係竟然俾我發現佢呢度嘅帆立貝係真材實料，冇呃人架！入面嘅帆立貝肉好大粒

朋友生日去左食放題興祝, 唔洗諗, 鐘意食乜就食乜星期日都幾多人, 不過好彩BOOK 左同埋有限時, 等左一陣就有位一坐低就睇下壽司刺身類有咩選擇兩丁友每樣食物叫少少其實拎野飲位置有好多小食, 例如薯角, 章魚小丸子, 其他炸物等等叫左兩ROUND刺身, 一黎到就食, 忘記了要相機食先D三文魚非常厚切, 食左幾舊都已經有D滯見到手卷有海膽同埋鵝肝, 好的式,可以食多幾件海膽都OK不過鵝肝就有少少腥食完幾輛刺身同壽司就叫左少少熟食, 因為都有D滯滯地唔食叫左好多, 叫左必食既羊架, 燒菠蘿, 天婦羅,  燒蕃薯最愛燒蕃薯, 好甜, 今日既燒菠羅反而好酸, 食左一舊就無食了ENCORE 多左個羊架, 因為燒得好惹味同唔太鞋口最後食多左舍雪糕就頂唔住了, 其他小食同甜品都無咩試到唔緊要LA,醉翁之意不在酒

人多又諗唔到食乜就最好食放題, 觀塘呢棟樓就有好幾間, 地方佔全層, 搵位易D同埋又近地鐵站,幾方便星期一至四 5:30-830 pm 呢後段時間只需238再加一, 都幾抵食坐低之後就四散去搵食, 有D就留O係度度剔下揀咩刺身出面除左有飲品拎之外仲有好多小食, 甜品同埋一D冷盤都有幾多選擇, 不過主打緊係食魚生, 呢D係咁二拎少少食下頂住肚先啦主打刺身好肥美新鮮, 連泰式生蝦都有, 全晚係咁蝦蝦蝦手卷有海膽手卷, SIZE 好迷你, 岩岩好, 唔會食飯都食飽壽司最正係火炙左口魚, 入口即溶, 呢個我地食左好多件 =PP熟食我地唔係試左好多, 主要食左個羊架, 牛柳粒, 串燒, 同埋D烔野箘最後出去拎甜品最愛食奶凍, 其他人拎左D糯米茲, 不過好似伏伏地另外讚一讚, 整個過程係真係無漏單而家食放題普遍質素都比以前上升左好多可能競爭大左, 下次可以試埋呢棟樓其他放題

又一次黎亞太中心開飯啦!我啲屋企人五點鐘已經去攞位啦!門口嗰個侍應竟然同佢哋講五點半開始，七點鐘要交枱。放題時段係兩個鐘，我哋當然唔制啦! 理論咗一陣之後， 就七點半先交枱。點解兩個鐘變個半鐘呢?個價要俾兩個鐘價錢喎!竟然有其他客人肯七點鐘交枱。 第1 round先上一碟新鮮嘅刺身，部份款式有10片，珍寶大赤蝦質感爽甜，北寄貝彈牙，挪威三文魚新鮮，甜蝦過得去，希靈魚甜美，玉子一般，蜜汁鮑片軟身味濃，油甘魚油分充足，吞拿魚過得去，帶子鮮味，虎蝦一般，螺片爽口。 雞軟骨有少少嘅燶味，但係好脆。 蟹棒壽司加埋美奶滋醬冇得頂喇! 黃金燒帆立貝，帆立貝好大粒又鮮味，不過太多醬。 菠蘿唔會有渣，好甜， 紫薯唔會過甜，細細粒有咬口，呢兩樣嘢都係encore之選。 燒蝦有啲鞋口。 羊架啲肉好硬，但係冇羶味。 鰻魚好肥美， 啲汁都好夠，不過就有骨。 本來以為呢一碟唔會嚟㗎!嚟到嘅時候其實我哋個個都差唔多飽㗎啦! 不過好快又畀我哋ko曬lu。黑松露赤蝦壽司，赤蝦新鮮加埋黑松露醬好香帆立貝壽司大粒，尚算新鮮三文魚腩壽司，油份充足肥美油甘魚腩壽司呈粉紅色，又係油份充足肥美 左邊嗰舊係極上新產品---芝士鰻魚

好耐冇食放題啦~~今晚要去觀塘玩, 玩之前食餐好既再通頂~放題通常我都有少少要求, 唔漏單, 新鮮,選擇唔少, 朋友就介紹左呢間我未試過既, 一於試一試~入到去未坐低已經見到呢個豪華既飲品櫃~勁過七仔呀無論係維他, 汽水, 啤酒定係椰青水, 清熱酷, 茶都一應俱全, 抵讚順手拎罐啤消暑之後就開始係果本書咁厚既menu到剔剔剔menu唔影啦, 太多人影, 淨係可以話種類真係好多!仲有唔少餐前小食, 八爪魚丸, 蛋撻仔都有, 不過今日既目標係放題, 我就冇試到~刺身好快就到, 我地叫住少少試一試水準先~切得厚薄適中, 唔會好大塊, 新鮮, 虎蝦刺身連泰式醬都有~抵讚食完見水準唔錯, 即刻可以大手encore除左刺身, 壽司都係試水溫既食品之一~花之戀同其它水準都唔錯~最正係舊飯唔會太大, 重點都係刺身~鰻魚燒得好, 唔會太焦~必食既海膽手卷~雖然叫左4個~其實真係份量唔多, 唔洗驚會好飽肚, 反而件海膽相比之下就足料,值得再encore!燒三文魚腩好肥美~同我想像中既一樣~非常滿意燒牛都重牛味, 唔係cheap野除左壽司, 都要回一回氣食下其它熱食試下既~我地叫左芝麻雞翼同埋一口芝士~雞翼

朋友叫我去觀塘食放題，比我猜中是去極尚大瀛喜因在觀塘區幾出名，進內見到坐滿食客。先叫左幾款壽司，是鰻魚壽司、蟹子壽司、花之戀三文魚蟹子壽司都是有日本料理的新鮮嫩滑口感。刺身拼盤上來了，實在食好多鮑片刺身、希靈魚刺身、日本油甘魚、北寄貝....食完一輪刺身同壽司之後，當然唔少得熟食有沙津醬焗廣島蠔、雞軟骨串燒、蝦串、黃金咖哩炒蟹、香蔥蒜香牛油帆立貝、天婦羅大蝦、甜蕃薯、甜燒菠蘿..再食得甜品，早在行入座位時就在自助雪榚區，已經見到一大個凍櫃，有熟悉嘅雀巢雪糕同雪條....最吸引人過去是有自助軟雪榚機，又可自選雪榚配料...最後出去拿些飲料，出乎意外地這裡的飲料選擇很多，總括而言，是次放題整體不錯，亦沒有出現漏單的情況，侍應態度有禮，服務周到，而且價錢合理。

那天週末中午，我和朋友去了位於觀塘亞太中心的極尚大瀛喜日本料理。食肆內總面積甚大，樓層亦較高，仿如一般商場的大美食廣場般。再加上當時正好是週末午後，人流顧客自然擁躍。當天我們以放題(自助餐)形式品嚐了多款豐富的日式膳食，當中主要叫了一些例牌壽司類食品，如煙三文魚壽司(面上千島醬汁)、普通三文魚壽司、蟹柳壽司(面上千島醬汁)、炸薯條蟹球、炸木瓜雲吞、炸雞翼及熱辣生滾蟹粥等。均新鮮惹味豐富，再加上食肆內的獨特環境，食客們可盡享日式放題風味。此外值得一提：食肆的其中一大特色乃是以手機安裝其apps以提供選擇食品款項資料予食客並以之通知上餸，亦以該apps計算最後總價錢。這設施方便快捷好用，亦可省回不少人力下又不會影響到服務質素，值得現代化的連鎖式食肆加以參考。

呢間放題嘅自助區有好多嘢食，日式小菜，中華沙律呢啲唔使講，仲有茄子，鳳爪韓式小菜有泡菜，雲耳青瓜等......沙律吧又可以自己夾同揀醬汁，不時見到有店員成盤拎出嚟替換而且人流好多啲嘢食清得好快天婦羅好快上，啲蝦炸得熱辣辣，又夠香脆，南瓜，番薯仔好甜嚟食放題，最驚啲嘢食係預先整好唔夠熱，但係呢度啲嘢食好似係啱啱離鑊咁牛柳粒炒得好香，黑椒味同洋蔥，青紅椒融為一體，味道香口，肉質又夠淋三文魚腩壽司好靚舊飯細細舊，一口食哂好滿足鰻魚厚肉入味，淨係叫鰻魚肉嚟食好奢侈，亦好抵食啊！！！好鐘意食蟹棒壽司，又有沙律醬火炙嘅蝦同牛肉片都係必食，有淡淡嘅蕉香，又有少少蔥花，好靚不得不提呢個羊架，肉質好淋，咬落有孜然粉味，好食到要encore多舊嚟食

一嚟到食放題，當然係周圍行下，睇下有咩食啦估唔到出面嘅熱盤都有好多海鮮！有煮螺同蜆，任夾唔嬲側邊仲有得拎牙籤，方便食螺湯水都睇落下咗唔少功夫，蟲草花魚翅湯，撈落真係有魚翅食回本位佢呢度啲碗仔係兩個連住或者三個連住，方便裝住唔同嘅嘢食坐返埋張枱，講返正題呢個黃金蝦真係幾impressive，大大隻蝦炸得香脆，上面亦沾滿鹹蛋黃，十分香口，蝦肉都好鮮味大推啲一口壽司好迷你，但亦整得好精緻，青瓜卷好fresh，鵝肝帶子嘅配搭都好好味刺身好新鮮，雖然呢度嘅三文魚刺身係薄切，但係咁樣反而更方便食，啲魚生入口即溶帶子鮮甜，甜蝦好靚，啲冰又夠哂凍，食落口感一流鹽燒蝦串燒得好金黃，肉質都爽滑啲壽司都幾精緻，馬刀貝好爽口炸物質素都幾高，有香芋丸子，炸芝士等等......

今日係父親節，而本人父親十分喜歡放題，近近地就揀左係Kwun tong 極上大瀛喜食喇，呢到本身都出名多正評的父親節多人而又貴d是常識吧，每位288加1早左2星期訂位，仲要親身上去交500訂金，唔明點解無過數講返食物，環境同服務先呢到係手機落單的，個人黎講幾鐘意環保d，又唔駛成堆紙咁睇黎睇去頭一round既上菜速度快第二，三round就開始慢提議first round落多d刺身幾新鮮的，亦都夠選擇好好味既sushi 菠蘿都好鮮甜，encore 左兩round本人十分欣賞海膽手卷，好鮮甜，又係small size 既飯團，食左2件😍 花之戀，鵝肝帆立貝都係my favourite 最欣賞d sushi全部細細件咁又有心思至於服務方面，都可以接受的人多自然無跟得咁足但起碼都無black face而環境都大，有自助飲品，雪糕及熟食d枱迫d細d都係放題特色Overall 黎講，我係滿意的唔係節日會平d

魚生好正，好新鮮，亦都好快上菜。其他熱食炸物都幾正， 蟹粥個蟹有啲細隻不過都算係好食!甜品好多選擇，飲品都好多揀，韓國啤酒呀果啲唔似其他放題，呢道唔洗加錢。不過環境就有啲逼同埋好多人，啲staff都好忙。