極尚大瀛喜日本料理

營業中

休息中

同老婆心思思想食日式放題，在觀塘真係幾傷腦筋。因為住觀塘甘多年，都好似冇間似樣既放題，無意中留意到亞太中心有間嘢幾吸引，膽粗粗試下。一入到去，寬敞既大堂裝修不錯，汽水櫃，甜品枱，熟食枱，五花八門，看到都食指大動。方便既落單方法，用手機掃一掃張單既QR code,就能快捷準確地落單，當然立即試下我最愛既刺身先，食品點單後好快到，唔似有d放題又漏單，又等得耐。刺身款式多，而且新鮮，應該是人流充足關係，貨如輪轉，個人推介是甜蝦，帶子同三文魚，真係百吃不厭。之後再吃迷你海膽手卷，份量不太大，岩晒怕快飽既人，點完可以再點，而且海膽新鮮又甜美。炸物方面，炸生蠔同炸香芋球係必試推介，香口味道適中。另外一個重點推介，就係燒羊架，真係出色，忍唔到口食左三件。炆花膠都係另一個出色既中式食品，可以食得出不是敷衍之作，花膠大塊，有骨膠感，而且湯味濃。食到呢度，我個肚都快要爆，但見到甘多款甜品，點捨得收口，各種糕點甜品，不算太甜，岩晒我口味，再食埋雪糕，真係多吃壞肚皮。埋單每人都係二百鬆d,絕對出色超值。

早成半個月已經book咗食放題慶祝考完試。終於等到考哂試嘅呢一日，可以去食好西！！！今次試咗觀塘嘅極尚大瀛喜，ok近屋企之餘都有好多人推介過～懷著興奮嘅心情行入去，一入到去，嘩咗出聲好大好多人，可能因為平時去開嗰啲放題燈光暗啲所以唔覺有咁大？但呢間光線好充足，有種冠冕堂皇嘅感覺哈哈哈唯一一個少少嘅扣分位就係枱與枱之間嘅空間唔係好闊，所以好似同隔離同一枱一齊食緊嘢咁。不過都接受到嘅，始終放題都要放得越多人越好～一坐低，侍應就叫我哋install「飯糰」呢個app。原來呢到係可以用app嗌嘢食嘅，真係新大陸！咁當然餐廳會俾wifi你download啦～佢哋個wifi仲幾快添！入到個app之後就scan你張枱上面個qr code，就可以點嘢食架喇！比起傳統果隻點餐紙方便得多，唔駛左揭右揭，唔駛十幾個friend傳嚟傳去咁～點完嘢食等緊嘅 時候就可以出去睇下有咩自助攞啦～唔係講笑，真係好多嘢揀～首先見到嘅係幾個大雪櫃，放住飲品，有jolly shandy、啤酒、泰式青檸冰、樽裝嘢飲、罐裝茶、忌廉溝鮮奶、汽水。。。連清熱飲都有雪櫃出面又有果汁先生、豆漿；除咗凍嘅，仲有啲放咗出嚟；仲有其他熱飲，譬

We went to get our Japanese fix earlier during lunch time. I’d say this is one of the good Japanese buffets I have experienced here in Hong Kong. Quality-wise, I’d say all ingredients used were of good standard and they maintained this among all orders of the same kind.How does their buffet system work? First you get assigned to a table (yup you can’t choose where you’d want to be seated) then you get oriented on the ordering scheme which you can opt for their online app system (more more more c

為咗慶祝朋友終於完sem，所以約咗佢去觀塘食放題。之前都聽過媽咪講呢間唔錯，所以就揀咗佢！去到就已經有服務員教你點用app點野食，我同朋友都覺得好搞笑！用app其中一個好處就係，你可以睇番自己點餐record，咁就可以清楚知道有咩食咗，有咩無黎，所有野都一目瞭然餐廳裝修都幾靚，而且服務員多，收碟上野食速度都好快！因為太肚餓，食到一半先記得影😂刺身選擇多，有最基本嘅三文魚，又有我最愛嘅油甘魚，佢嘅size適中，新鮮手卷，手卷嘅size較迷你，但適合入口牛柳粒，推薦有時候食牛真係好驚肉質好老，特別係食放題，遇著質素唔好就衰。但好彩呢間嘅牛柳粒好高質，入口即溶，加埋啲配料勁惹味！唔好睇小呢碟蘑菇，勁好味！佢應該有落少少牛油炒香，所以食落好香，連我朋友平時揀飲擇食都大讚（雖然食放題食菇勁洩底，不過真係忍唔住encore）😂燒得啱啱好，肉質仲保持到鮮嫩！呢間特別之處，就係滿足到不同口味好少放題會提供薯條同蛋撻，你食厭咗剌身都有啲香口野可以調和下xd重點！超級驚喜！佢地真係有好多甜品雪條選擇，個啲品種有時候去超級市場買都唔平，所以真係要食多啲！佢地無論食物定甜品，都係小口小口，咁樣你就可以食多啲唔

依家啲放題開到成行成市，識食就一定要揀有質素保證既。今晚朋友介紹呢間觀塘既高質放題，好味程度無法抵擋啊！星期四晚黎食都坐滿場，佢個場係成層樓咁大，咁都坐滿証明佢真係好好食！所有單都係用apps落，可以慢慢碌下自己想食咩，幫埋朋友嗌都係點+號，唔洗好似以前用紙落，啲數字改完又改，真係既方便又環保♻落完單可以出自助bar拎啲前菜食住先，味付螺肉可以任食啊～青瓜同茄子撈得入味，食咗幾碟！壽司每件都係細細份，唔會食滯個胃。火炙系列都燒到好香三文魚好肥每件都好新鮮啊刺身黎喇！好大一盤！每一件刺身都係厚切，超正！三文魚好鮮，又夠肥美。虎蝦大大隻好彈牙，食咗幾轉～牡丹蝦好甜，一啲雪味都無，鮑片好煙韌，口感一流。係呢到竟然食到我最鍾意既炸榴蓮波波，炸到一個金黃色大波波，切開佢陣陣榴蓮飄香擋都擋唔住，呢個可以encore 牛小扒燒得好香，啖啖肉食到停唔到！食得出佢淹肉呢個前期功夫做得好好，燒出黎先咁有水準。鹽燒大蝦燒出黎好香，肉感好彈牙如果下次再食放題，我一定會黎返呢間😍

一班人慶祝生日，決定黎觀塘呢間極尚大瀛喜，皆因佢食物質素高而且出食物出得快。今晚搭lift上到去既時候已經好多人，不過佢個場超大，成層都係佢，所以好快就有得坐原來佢依家係用手機app落單，環保之餘又唔怕漏單，仲加快埋出食物既速度，呢種smart system真係慳水慳力等緊野食既同時，原來出面有啲涼盤可以拎住黎食，有螺肉、茄子呢啲，我最鍾意泰式鳳爪，酸酸微微好開胃壽司黎啦！三文魚楠壽司好滑，細細件食多啲都唔滯。我的最愛火灸左口魚裙邊，呢個魚油超香，膠質好豐富，我食咗7-8件當然唔少得刺身，件件都又肥又厚，見到都流口水🤤，oishi!!!繼續講我最愛的壽司，龍蝦沙律脆脆卷，沙律好甜，成件口感豐富，沙律醬溝埋啲飯好香一口海膽手卷，正正子。細細件真係一口放入嘴，海膽好鮮美紫菜好脆～花之戀，小巧的適，三文魚的魚油充滿晒成個口，無得輸。一口牛柳粒炒得香榴連波波真係超香，隔離枱食我地都聞到，唔點唔得！鹽燒海蝦都係我最愛之一，燒得好到位唔會過火，咸香味入埋蝦肉呢餐真係極尚享受

我家住觀塘附近，這個星期突然想吃放題，便選了位於觀塘市中心的極尚大瀛喜。我和我姐姐大約於12點來到，此時，店內已人山人海，已有不少飢腸轆轆的食客在接待處等待，所以如果星期日想來大瀛喜吃放題，便要早點來。值得一提的是，店內點菜是用APP，在排隊的時候，店員亦會很細心提醒。店鋪環境十分優美，裝修十分豪華，非常舒適。飲品都是採用自助形式，幾個大雪櫃裝滿了各種的飲料，如:茶、汽水、果汁，另設有熱飲區，但熱飲區只有熱茶。比較特別的是有自助沙律吧，提供一個較健康的選擇。花之戀比較少見做得出色的花之戀，醬不太多又不會太酸，三文魚有魚油香，非常高質。黑松露蝦壽司(中間)黑松露味好出，蝦鮮甜彈牙，是必食推介。鵝肝帆立貝壽司雖然鵝肝細細粒，但都好有鵝肝味，好香濃，配埋帆立貝口感豐富，非常有趣。蒲燒鰻魚饅魚用饅魚汁燒到好入味，仲有入口即溶，切到一口一啖，不怕太膩。燒日本仔蕃薯仔蕃薯燒皮脆蕃薯心軟綿綿，蕃薯甜到好似蜜糖咁，超正！炸榴槤波重榴槤味，入面仲會流心。炸北海道牛乳一道很少見的炸物，見幾特別就下單，想不到有驚喜，牛奶十分濃郁，外脆內軟，很有口感。燒鯖魚吃到中間，想食返熱食，這道燒鯖魚是不錯的推介，魚肉可

曾光顧過旺角的大瀛喜極尚大瀛喜則是首次光顧就一試兩家店的質素差距！此店的店面較為寬敞4人同行..安排坐的卡位亦夠寬闊！這家店的點菜方式是畫紙的方式但也沒怎樣漏單的情況，上菜速度亦算快～先點刺身，除了一般常見的三文魚﹑北寄貝﹑帶子﹑甜蝦之外還有象拔蚌﹑虎蝦﹑油甘魚﹑劍魚腩等，款式選擇算多！刺身都夠鮮味，沒什麼雪味！劍魚腩最為清甜！！壽司亦有各式各樣的選擇黑松露赤蝦壽司，赤蝦爽口，但不算鮮甜幸好加上松露，提升香氣帆立貝壽司，帆立貝夠厚夠大隻，尚算鮮甜香蔥鵝肝帶子壽司，鵝肝份量只有一小粒，但都夠香而不油膩連帶子一起吃，也不會掩蓋帶子的甜！料理方面嚐了芝士鰻魚玉子燒，玉子比較實，而且沒什蛋香芝士鰻魚也未算太合得來炸物，榴槤炸彈果然是招牌炸物！榴槤餡不會太甜，且榴槤味濃郁炸鮮奶亦不錯，外脆內嫩的，同樣的不會過甜啊！天婦羅則稍為失色，部份炸漿略厚而且不夠熱，只是微暖的程度～甜品方面，有供應雪糕雪條款式選擇都算足夠～總的來說，刺身壽司等的質素亦算不錯～但部分食物質素是有進步的空間呢！

據聞極尚大瀛喜的口碑不錯，適逢媽咪生日，我們一家大細便齊來放肆一下。午市放題時段由12 noon 至3 pm，成人@$188+10%，小童@$148+10% ，點菜需用RicePon apps ，入座後按指引下載及素描QR code便行，簡易又環保。第一round ，我們先點熟食暖胃。點菜後到飲品櫃自選飲品，回座位後，熟食火速送上。牛仔骨又淋又入味，推介！除炸蝦天婦炸漿較厚，蝦味不突出外，其餘的味道也不錯。接著點了幾款刺身，擺盤和味道都ok。難得放題有鮮甜的帶子刺身，當然要encore。烤肉可謂今餐的亮點。牛舌和羊鞍都非常惹味，鰻魚肥美焦香。牛孖寶又香又辣，有咬口又不會過韌，正。牛粒又香又淋，算是全日encore最多的一味小菜。炸蠔肥美，不錯。炸榴槤食後齒頰留香，榴槤愛好者大愛！芝麻雞翼雖香，但偏咸。放題竟然有花膠？圖為兩份份量，鮑汁味濃又大件，絕不將價就貨。鹽燒蝦蝦肉彈牙又鮮甜，推介。迷你海膽手卷和鵝肝手卷，一啖一件，吃多幾件都不怕。蟹粥味道鮮甜，但份量頗多，建議多人飯聚才點來share，以騰出更多肚皮空間。三文魚腩壽司，肥美魚生大大片，飯團細細件，很貼心。甜品櫃有各式甜品，又有雪糕

朋友住元朗，極力推介這間日式放題，身為觀塘友當然找機會一試吧！好彩有預先訂枱，平日七點半來到，入座率都接近十成。見到人頭湧湧，相信質素應該有返咁上下吧！一入去就見到自助食物和飲品bar，而甜品櫃就放了很多款甜品，望落去都相當吸引。現在愈來愈多地方吃飯都要用手機落單，來到時店員立刻教導如何download,只要scan個QR code 就搞掂，十分快捷！鵝肝帶子，櫻花蝦，燒和牛壽司味道不錯，帶子新鮮，和牛軟腍，櫻花蝦夠特別。日本番薯仔天婦羅及炸北海道牛乳炸北海道牛乳甜甜的，很滑很rich,必食之選！香芒鳳尾蝦賣相討好，芒果很甜，加入沙律醬來烹調，酸酸甜甜，又幾得意！吉列炸蠔炸得金黃鬆脆，內裡的蠔很肥很juicy！蒲燒鰻魚熱辣辣的蒲燒鰻魚，外層燒得香脆，鰻魚又香又肥美，多吃幾件，回本必吃！燒紐西蘭香草羊鞍羊鞍燒得焦黃，沒有羊羶味， 外表烤得香香，內裡就多汁軟腍。黑松露炒雜菇雜菇多汁軟滑， 入口有陣陣松露的幽香， 觸動味蕾。鹽燒鯖花魚熱辣辣的，燒得香脆，魚肉肥美，油脂豐厚，好味又富營養。鹽燒牛舌及燒日本有機蕃薯仔有機薯仔又甜又健康，燒過的牛舌很香， 厚切的牛舌有口感之餘，爽口不韌。燒海蝦鹽燒

今晚同蝦子餅撐枱腳，又想開懷大吃一頓，近近就選址觀塘吧！餐廳裝修金碧輝煌，坐位也舒適。待應們給人感覺十分有活力，也有禮貌。餐廳要用apps 下單，嘩，真的是無手機無飯食了吧！有free WiFi,也有專人教你下載apps,服務也周到的。這樣下單的方法可把客人的order直達廚房，怪不得知上菜的時間比其他的日式放題快呢！除此之外，也可以為環保出一分力，激讚！飲品種類繁多，吃了多次放題，還是覺得飲地道解茶最好，因為可以消滯，還要是枝裝，蝦子餅說這枝楊枝甘露飲品不錯，又真係好像吃楊枝甘露一樣，正！甜品的種類都很多，有我最愛的牛乳布甸及百福豆腐花，連雀巢低脂乳酪都有啊！成本相當高呢！蝦子餅點了一份鮑汁燴花膠給我，嘩！真的嚇了一跳，花膠有如手掌般大，很有口感，煮得入味夠稔，沒有半點魚腥味，女士必吃及回本首選！下一個驚喜是迷你海膽手卷及鵝肝手卷，size 真的很迷你，不用怕吃一件就半飽。海膽入口即溶，十分鮮甜，而香煎鵝肝甘香軟滑，兩款手卷都是必食及encore首選！蝦子餅不太吃刺生，我就選了數款而已。數款的刺生中，品質也不錯，十分新鮮。鮑片，帶子及虎蝦鮮甜美味，八瓜魚和螺片有口感之餘亦不會太硬呢！

朋友約黎呢間食，歐式環境好grand。刺身件件都超厚，咬落去成口肉好豐富。最鍾意油甘魚，顏色好紅，無食到筋，証明新鮮。蝦有好多款，比外面見個D仲要大隻，食得好滿足。壽司係刺身多過飯，唔會用飯塞飽你。海膽手卷好迷你，海膽會回甘的，咁就食左幾件。芝士鰻魚蛋係即燒，魚肉好鬆軟，芝士同蛋配搭得好好，唔會搶左鰻魚本身的味道。前菜同甜品係自己出去選，大約有10幾款，最鍾意茄子，煮得剛剛好，唔會散開又有咬口。泡芙軟身，一咬開就食到好多cream，唔太甜唔膩。雪糕有mega雪條，呢個出去買都唔平，即刻食返支。泰式鳳爪都好食，少少辣，好開胃，而且好大隻。飲品選擇超級多，有一排雪櫃，啤油汽水紙包飲品都有，仲有D韓式飲品。整體食物好味，每樣食物的用料都好豐富新鮮，會再黎食過。

聽講呢到出名係有花膠食既放題，一來就叫一碗試試。啲花膠幾腍幾入味，encore 左兩次如果食多兩碗可能仲抵過狂食魚生魚生都唔錯，三文魚幾厚，甜蝦同個水晶蝦都幾大隻幾鮮甜。各式小食同炸物。個炸蠔唔錯。雞軟骨串燒。各式天婦羅個人來講幾鍾意燒羊架。呢到啲燒羊架罕有地幾嫩得來又幾大隻啲人成日話去放題食壽司好唔抵，不過呢碟黑松露水晶蝦壽司個黑松露同蝦又出奇地夾，值得我地又encore多次。好似無咩人鍾意食放題既蟹粥，因為啲粥無咩蟹味，隻蟹又一般比較細隻。但細隻既蟹啲肉其實幾鮮甜。各式甜品同雪榚係觀塘想食壽司但又唔想係APM入面個幾間到慢慢排隊，隔離亞太中心呢間都係唔錯既選擇。平日夜晚都唔駛點等位。唯一缺點係張二人枱窄啲，不過有無人覺得睇住啲野食塞滿晒成張枱既畫面其實都幾治癒最後一條數學題：下圖有幾多隻蝦？

第一次來這間放題，行入去看到裝修很豪華。服務好好，入去要用app點菜，侍應會幫我下載，又會幫我連wifi，上菜速度超快，值得一讚。食放題不少得刺身，前後叫了兩轉，三文魚油甘魚是厚切，大大片，蝦有幾款選擇，最喜歡甜蝦，大隻而且肉夠實，食得出新鮮。鹽燒蝦是另一樣最愛，蝦有手掌長，蝦膏豐富，肉身彈牙。焗帶子內有原粒帶子，外面的沙律醬及芝士焗得好香口。羊鞍好大隻，厚切還擔心會太硬，原來非常嫰和易咬，羶味不重，一定要encore。牛仔骨都很好吃，雖然我不吃牛，但朋友吃過後都再瘋狂落單再食。花之戀是一口size，飯很少，整口都是刺身很豐富。我好喜歡食炸蠔，炸物都是即炸，夠熱夠脆，食之前要吹一吹，炸粉很薄，蠔身肥美鮮甜，不腥。還有其他食物，款款都有質素，喜歡這間放題。