極尚大瀛喜日本料理

營業中

休息中

其實已經食過好多次極尚大瀛喜,，不過一路都無試過觀塘個間，一入去就見到好多人，大家想食就記得ｂｏｏｋ位啦＞＜環境空間夠晒大都幾舒服睇睇食物都幾多野可以叫嫁，岩晒鍾意咩都試下既人平時都食左好多生野刺身，所以今次就食下Ｄ熟食～炸物都係一如既往咁香口，食落夠晒脆雞翼炸得岩岩好，肉既口感好軟跟住就係黑松露炒雜菌菇味好濃，而且食落好淋好新鮮加埋黑松露好香好入味，我同朋友叫左幾碟鹽燒牛舌我都叫左好多串牛舌夠晒厚，好重牛味，８/10 好食燒紐西蘭香草羊鞍都唔錯嫁～食落完全冇羶味，燒得好香而且唔會好油膩脂肪比例都唔錯，食落唔會得瘦肉好ｕｎ企鵝哥遊歷放題報導完畢，多謝收睇！

開到成行成市既放題店名無獨有偶地都有大、滿、喜、吉、極等字眼，老實講撞名撞到我完全分唔到，當中居然有一間亮眼地做到有口皆碑，朋友話「極尚」字頭就代表好食喎。係唔肯定有冇點錯相既情況下黎到，佔地極廣又開揚既場地坐無虛席，令我隱隱帶點期待。 好在book定位，坐低即時怒點刺身先。三文魚同北海道帶子好新鮮嫩滑又肥美，以此質素如果可以再厚切d，帶子原個片開咁上就完美喇。 珍寶大赤蝦爽口鮮甜，大塊又厚身，絕無欺場。 俄羅斯甜蝦估唔到會好似手指咁粗，食落有彈性唔會粉。　吞拿魚不過不失。壽司細細件，黑松露赤蝦面頭個督黑松露醬散發出濃烈香醇既煤氣味，同爽口新鮮既赤蝦好夾，必叫。 帆立貝如想像般啖啖肉又清甜；三文魚腩就比較薄，可以不試。海膽手卷單睇色澤竟然有幾分似我係日本食到既靚海膽，味道新鮮香醇，餘味帶甜。 最感人既係原來手卷飯量得一啖仔，香脆既紫菜底部原來空心，莫名地好開心。御品鮑汁燴花膠絕對係誠意之作！ 花膠炆得軟腍入味，雖然唔係頂級花膠，但大大塊、厚身又彈牙，忍唔住encore左幾次。 鮑汁調味咸淡得宜，連底下既紹菜都煮得岩岩好，朋友唔好花膠都話好味。炸物方面，芝麻雞翼一如所料地香脆，反而吉列炸

今日同朋友聚會，忽然有人提議食放題作為觀塘地膽既我，就帶左佢地去亞太中心，推介左極上大瀛喜，之前都食過幾次，品質好有保証一入門口已經望到琳瑯滿目既飲品櫃，short short地既朋友已經自High左，再睇埋個沙律吧同小食，佢地就更加興奮了。刺身係放題必叫吧，蝦同帶子都好鮮甜，三文魚很滑，油脂豐富我覺得蟹棒壽司好好食咸咸鮮鮮的燒牛舌: 外層乾爽微脆，口感偏滑，油而不膩。牛仔骨亦出式，夠香口，而且肉質好腍，最怕牛仔骨咬極唔開燒物真係好出式，羊架比較厚身的，外脆內軟燒菠蘿夠清新，酸味較微炸物首推炸生蠔，薄薄既炸漿包住甘香飽滿既蠔，愛蠔人士必試，芝麻雞亦都不錯甜品種類都多，除雪條外，仲有軟雪糕仲有一個凍餅櫃，除左各式各樣既餅，仲有百叔豆腐花，賣飛佛瘋狂掃食，埋單每位273，尚算超值

呢間喺觀塘嘅放題之前已試過幾次都keep 住水準👍🏻⋯⋯所以一有時間就同家人一齊去再食，交通算幾方便，環境寬敞舒適，雖然刺身種類唔算特別多，但每次嚟食都可以keep 到非常新鮮......其他食品refill 得好快而且偶爾會轉吓保持新鮮感，除刺身外最值得推介就係燒物，尢其係蒲燒鰻魚，肉質實在又唔會太咸，因為最怕d鰻魚肉又霉又散，其次羊架都好好味，但記住食放題要食得落先好，要留肚食多d嘢架嘛⋯⋯天婦羅🍤之前幾次食都好正，推介個蟹柳天婦羅好正，但今次去就冇咗蟹柳同覺得比之前差咗少少......所以大家自己睇吓啦⋯⋯最好就係閒日early dinner 有特價加埋一$200多少少一個人小童再平少少，我計兩大一小total 唔使$600算幾低食架喇😋

昨日一試久違已久嘅人氣超高日式放題， 真係不負所望，客人服務同食物同樣超出一般日式放題店，雖然係平日，午市依然滿座，未有訂座嘅話可能要等候一段時間， 放題時間有3小時，但截單時間係30分鐘之前，但侍應都有問客人有無漏單同加單，基本上都好足夠。

這放題真係要推介一下，食幾多次都係覺得好好味，服務又好、地方乾淨整潔、食品飲品種類又多，所以唔來食多幾次點食得齊哂咁多樣食品呢！今次介紹下我食左乜～～～哈哈哈！一來緊係要點個刺身拼盤每種食下先，上菜真係唔洗等好耐整得好靚今次有（珍寶大赤蝦、挪威三文魚、劍魚腩、北寄貝、北海道帶子、俄羅斯甜蝦、虎蝦刺身、貴妃蜜汁鮑片、象拔蚌）每一種我都喜愛、食落各種都很新鮮！之後開始食下熟食，首先試下黃金燒帆立貝，燒得很香但唔乾身好味！另外比目魚西京燒，食落魚既油脂在其中一點都唔乾很香口(之後仲叫多左一次啊)辣酒煮大蜆個汁辣得來好香蜆肉唔會太老好得！間唔中食返點飽肚野先來個瑤柱鮮蟹粥，真係正個粥煲得好出味，咪睇隻蟹仔細細好多蟹膏正啊！天婦羅和炸物今次只叫了虎蝦及北海道牛乳炸鮮奶和吉列炸蠔同一口芝士，幾樣都炸到剛剛好不會太油，香脆可口！食到咁上下了哈哈，見到人地食我又叫了細細的海膽手卷和幾件壽司，其實已經飽到不得之了！

突然之間好想食放題，就上網搵下有邊間好食，見到兆萬系列既已經吾想去，因為次次都好伏！再搵下就見到呢間。由於係5月1，我地諗應該好多人食，所以就打去睇下有無位先。Booking已經預約到9點先有枱，果然好受歡迎！不過好想食，所以ok啦！呢間係apm隔離個大廈，好易搵！我地都8點55分先上到去。入面見到仲有人排隊walkin等緊，好彩我地有book。入面個場分左ABC區，好整齊。重點一讚係座位好舒服而且吾迫！我地2個人都有2人卡位！入門口位有一排飲品櫃，飲品種類好多好多！又有啤酒，一定可以滿足到所有人！仲有甜品，小食沙律，湯，雪糕機！仲有仲有熱飲櫃！有暖維他奶咖！好細心放題紙種類都好多！刺身有牡丹蝦，甜蝦，虎蝦！令我喜出望外我係蝦類fans仲有3文魚，帶子，希靈魚。。。。。正！刺身好新鮮，吾霉咖！應該係流量快，可以保持到新鮮度！壽司🍣不能錯過海膽手卷！好好食！海膽鮮甜無臭味，飯就細細舊！正！鵝肝帶子壽司都好食！值得一試！熟食有少量串燒，天婦羅，炸芝士，炸奶，炸榴蓮！全部熱辣辣吾油！好味！仲有羊架，炒牛粒粒，炒菜，什菇，燒瓜燒菠蘿！都好好食！未完！仲有蟹粥，牛肉鍋等等！粥好綿，不過嫌吾夠蟹味

提早慶祝母親節🌷日式放題、人很多、訂了8點、也要等安排入座、大約8:10入座、食2個小時、食物飲品甜品款式很多選擇、驚喜位有熱飲☕️選擇、環境不錯！可以再encore😋😋

好耐冇食過放題啦！每次食完都勁飽，所以唔敢成日食！上次食過哩間既午市，好正，今次當然要再戰！只可惜，人流依舊，但質素慢慢下降午市用app落單，之前刺身數量係無限制嫁，依家每樣最多淨係可以order10塊三文魚質素明顯下降，食落冇咁新鮮。雖然厚切，但食落唔滿足，可能油脂唔多，之前第一round都會比到魚腩，真係超好食嫁！但依次order左幾次先有幾片腩位，所以都無咩興致食三文魚了帶子反而進步左！之前係硬身，口感偏向似乾瑤柱，食落冇鮮味。今次係鮮啲同淋身既，我中意有頭甜蝦好食 (個人黎講，中意食甜蝦多過赤蝦。赤蝦雖然大隻，但佢會切片分成兩塊，口感冇咁豐富；赤蝦鮮味都無咁出)甜蝦幾好食，但清洗得可以再乾淨啲鮑片都唔差既油甘魚就唔係我杯茶。肉質偏硬實，無咩鮮味其他刺身我就無試啦！三文魚無咁好食，但蝦、帶子值得一試～其實我食放題，都係因為想食榴連炸彈同日本小甜薯「榴連炸彈」好香好濃既榴連味，完全無得輸！但真係要記得襯熱食，咁先好食呀！仲食左其它炸物，但無影相「炸鮮奶」雖然炸皮都幾厚，但入面鮮奶仲係好滑，可以試下「香芋波波」個人口味覺得偏甜，雖然芋頭都係我既愛，但食多左會漏，就漸嘗左幾粒「一口芝士

每月一次的朋友聚餐, 選址當然以舒適、大眾化為首要條件。從樓上Cafe, 慢慢轉戰日式放題。今晚一於挑戰－極尚大瀛喜。食肆座落於觀塘, 交通相當便利, 地鐵站步行而至只需5分鐘, 鄰近亦有通往港九新界的巴士網絡。2小時晚市放題, 價錢由$228起。性價比高！食肆非常寬躺, 環境舒適, 非常適合三五知己短聚。壽司軍艦三文魚 / 黑松露甜蝦壽司黑松露甜蝦, 既有甜蝦鮮甜口感,亦有黑松露濃郁香味。刺身拼盤 Round 1新鮮！非常新鮮！初時, 日式放題, 行內以價錢作比拼。輾轉至今, 則以鮮味程度作對決。實屬食客們一大喜訊。刺身拼盤 Round 2由于刺身過份鮮味的關係, 所以「Encode!」刺身推介為: 三文魚、油甘魚、赤蝦、帶子等等。卷物芝士蟹棒壽司芝士味濃, 蟹棒十分鮮甜。以火炙制作, 多添一份焦香。燒羊架表皮微脆, so羊脂肪香味四溢, 肉質嫩滑多汁, 非常惹味。炸蠔 / 芝麻炸雞翼雞翼表皮炸至非常鬆脆, 肉質嫩滑多汁。單人匹馬解決十隻, 絕無難度。必食推介！十多款甜品置於自助甜品區冰櫃內。個人推介「椰汁西米糕」。

要跟東九龍區的吃貨們🐷聚會，當然二話不說地選了鄰近地鐵站🚉的日式放題🍣啦！這幢大廈內有很多的日式放題🍱，而今天晚上我們就選了5樓的這一家😌。一進餐廳，馬上有一種眼前一亮的感覺🤩！整個餐廳看起來很寬敞舒適😲，加上明亮柔和的燈光💡，沒有了跟一般放題餐廳帶來的壓迫感👍🏻。先去飲品區🥤走走，雪櫃內放了超過20款的飲品☕️，由茶類🍵、到果汁🍊、汽水🥤應有盡有。炸物區🍤當中，最受大家歡迎的當然就是章魚燒🐙了！刺生🐠一定是必食的！全部都很新鮮🤤，特別最愛的是油甘魚🐟，肉質鮮美，魚油甘香😋。還是點了幾件最愛的壽司🍣，每件份量都剛好一口的，不會覺得太膩👍🏻。熟食🍢方面亦極盡多元化：羊架🐑外層燒至微焦，肉嫩多汁😋；牛舌🐮口感爽嫩，油而不膩😍；芝麻雞翼🐣外皮酥脆，肉質嫩滑🤤。最後當然不能忘記甜品🍦！甜品區有多種甜點🍰可選擇，更有自助雪糕區🍦可自行加入喜愛的配料喔~總結：瘋狂的吃🐷、瘋狂的笑😂，又是一次大滿足的晚上💖。

自從上年同家人來慶祝生日，就對呢度念念不忘，耐不耐就來刷餐勁既，抵食好食又多選擇！服務員又好禮貌又有笑容，真係食得開心舒服！🍽🍽😋出面有自助吧有前菜、飲品、咖啡機、甜品、豆腐花、牛奶布甸、雪糕機。🍰🍦🥛🥤🍻飲品都好多選擇，啤酒汽水、豆漿、橙汁、唔凍既飲品都有，真係照顧唔同客人既需要！👍🏻刺身當然係重點啦(三文魚、油甘魚、鮑片、帶子、甜蝦、大頭蝦)樣樣都新鮮肥美，食幾轉滿足晒。呢隻wasibi好勁，小小已經好攻鼻🤪迷你海膽手卷，size幾好，一啖一個，唔會因爲食太多飯而食唔到其他野！另外好值得食既仲有呢d....比目魚~魚皮煎得香脆，魚肉嫩滑美味翠肉瓜~燒得好好，爽得黎又多汁炸鮮奶~炸到金黃色既鮮奶外脆內軟，香味濃郁！每次都叫蟹粥，今次特別好食，細細隻蟹仔估唔到入面勁多膏，一d都唔馬虎。

好耐冇食放題😄 諗住近近地 就book左呢間放題 。😏前一晚book都book到 太好啦。一坐低 就即刻點野食 野食種類算多。我地點左魚生 焗蠔 壽司 手卷 蟹粥 燒菠蘿天婦羅等 。😊野食黎得算快 😃雖然熟食黎先 我地都吾理啦 拿拿淋開餐 😏我覺得呢間放題最好係佢會就住人頭份量上野食 所以我地3個係碟碟野都清 完全冇浪費 。壽司細細件 飯同料好平均 👍🏻👍🏻👍🏻吾會因為食太多飯 而食吾到其他野😆😍😍重點牛柳粒都係好好食 ，焗蠔都好正 吾會話落太多沙律醬 而冇蠔味👍🏻👍🏻魚生又新鮮 👍🏻👍🏻👍🏻價格合理 野又好食 抵！

突然好想食日式放題知道呢間有5:30早場優惠，冇訂位胆粗粗walk in又卑我攞到位。一進場見到個大飲品雪櫃本身對凍飲麻麻地轉成見到一堆暖水壺餐廳真係好窩心。食物方面唔駛講啦，想食生魚片有生魚片，想食焗海鮮有焗帶子，正。如果有埋芝士焗蠔就好了。甜品仲有蛋撻仔熱辣辣及韓國雪條。

人總會有懶惰的時候，想吃放題但又不想去太遠，位於觀塘市中心的<極尚大瀛喜日本料理>就成了我們這些東九龍人的開飯放題熱選。位於市中心的亞太中心五樓，全場採用無間隔設計，加上滿滿的食客，場面非常聲勢浩蕩。飲品可以自行到自助飲品區任取，選擇多得就好像便利店一樣呢。另外還有自助沙律bar可以自行配搭心儀的沙律組合。多點番茄還是多點生菜？隨你選擇而且還有自助甜品區，要奶凍還是乳酪？定還是切餅好呢？？另外還有自助雪糕機和多種雪糕配料，可以mix and match配搭出無限可能。第一件事當然要吃刺身，當中最欣賞三文魚，油甘魚和帶子，新鮮好吃。作為<壽司控>的我無論如何也要點壽司才甘願我最欣賞三文魚和帆立貝壽司，吃了也不會覺得浪費肚皮位置<燒紐西蘭香草羊鞍>亦是出色之作，熱辣辣的香酥軟滑，外脆內軟，肉嫩多汁。<鹽燒牛舌>外層燒得香脆而且富有牛味。（因為宗教信仰而儘量少吃牛的我其實起初也説不吃，但看見同伴的牛舌來了也忍不住破戒吃了2串）<北海道牛乳炸鮮奶>由於製作技要求較高，所以在外面的事也不是容易碰到好吃的，想不到在任吃