極尚大瀛喜日本料理

營業中

休息中

幸好一早訂左台，來到門口好多walk in客排緊隊岀面有好多熟食，甜品，同多款飲品選擇架刺身方面有13款選擇，剩係蝦都有3款唔少得既壽司跟熟食落單都好快到，刺身都幾新鮮，係來少左帶子好在第二轉都有來反一口既海膽手卷係塊紫菜如果細塊d就好軍艦饅魚好正比目魚放題比較少見，薄薄地同有小小骨芝麻雞翼係必叫炸得岩岩好wor燒海蝦，都算大隻丫, encore 左一次食到甘上下食舊燒菠蘿一流丫揾單$200 +1，甘多嘢食，抵喇

在觀塘等友人下班，她想食放題，就去了亞太中心覓食。環境不錯，有極尚的感覺外面有自助區，食物種類多，有炒蜆、黑松露雜菌。味道不錯，黑松露很香。炒蜆亦很惹味。飲品選擇亦多，酒精非酒精都有。我就喜歡喝烏龍茶。刺身很新鮮，有我愛的泰式生蝦，值回票價。友人說希靈魚不腥，很有驚喜。壽司亦是啖啖肉，三文魚腩很肥美，飯的份量不算多，多吃幾件不會太飽。花膠冬菇，很足料，沒想到放題都有高質中菜吃，大推！燒菠蘿必點，可解膩消滯。燒牛舌 + 雞軟骨 - 加檸檬汁好醒胃，幫助消化。牛舌燒得很香又淋，好味。是我愛的壽喜燒湯底，喝一啖湯更暖胃舒服。雪花牛肉鍋 - 同樣是壽喜燒湯底，牛肉好香甜，配菜亦好吃。火炙壽司 - 左口魚邊壽司一向無得輸。三文魚腩亦是入口即溶，正！

實在食過太多服務又差坐得又逼既放題， 今時今日嘅香港人要嘅唔只係平唔平，要留得住客人就要有好既服務態度，同埋坐得舒唔舒服！ so far呢到感覺都唔錯。 店員收碟都收得幾快而，且有問題都會笑著咁答。最重要嘅係呢度有好多卡位，地方好大，坐得好舒適！坐低之前先去飲品櫃攞咗支楊枝金露！ 飲品選擇都唔少。然後再去小食bar攞左D咖哩魚蛋,咖哩角食住先等佢上菜。佢D壽司細細隻好易食。而且都幾多唔同嘅款式！最鍾意嘅就係火炙三文魚，燒得好香！ 芒果的好夠甜！炸物既粉唔會太厚，炸得都幾香脆！仲有呀爸呀媽最愛嘅榴槤炸彈！ 一咬出嚟嗰陣榴槤味，隔離枱都聞到呀！媽呀！好臭！(當然佢地覺得好香！)仲有哄長輩開心嘅花膠，質地唔會太硬，好難咬！ 調味唔錯！encore左幾個！當然仲有我最鍾意食嘅燒鯖魚！個魚皮燒得好香脆！加埋檸檬真係冇得彈呀！羊架唔會太騷，落既孜然粉味道啱啱好！ 肉質唔會好韌咬唔開！金錢肚牛柏葉比較少喺放題上面見到，佢煮得好林好入味。我就好鍾意！爸爸就覺得太林喇！有D咬口會更好。 各人有各人既口味，無法啦！到左今日嘅重頭戲啦！完全估佢唔到呢間放題竟然有榴槤雪條食！呢隻仲係香港平時買唔到嗰隻！我都淨

第一次放題係用手機落單，好似食緊海底撈咁，都幾有新意，而且包保唔會落漏單。scan個qr code ＋download個app就可以圖文並茂咁落單，又環保又方便。大堂有個自助bar可以自己攞前菜，甜品同飲品。 簡單好似白雲鳳爪，中華沙律，螺肉呢啲，真係唔可以少。自助落單得黎佢上菜係超級快！我拎完個白雲鳳爪之後，佢就已經上左壽司！ 壽司一如其他放題都係細細件！ 唔會覺得太飽但都有佢嘅滋味，蟹籽落得好重手唔會慳家好神奇嘅係佢竟然有花膠食！都算幾厚身，爸媽大愛！叫咗個海膽手卷同埋鵝肝手卷， 鵝肝都算係咁唔會太騷， 手卷既紫菜都夠脆！合格！蟹粥係放題我都會常食嘅嘢。熟野黎講呢個比較清腸胃，唔會太heavy。 嚟得食放題嘅蟹粥都唔會要求佢好有蟹味，但求清清甜甜就ok喇！所以呢係都係合格嘅！重頭戲嘅刺身畀得好足！而且都幾新鮮！特別係三文魚好肥美！鰻魚燒的油脂啱啱好！醬汁唔會太多搶咗鰻魚味道！黃金蝦一隻一隻咁樣上，咸蛋份量明顯好多！不過如果可以再炸得脆啲就更加好啦！燒蝦質素唔錯，唔係嗰啲死蝦霉蝦爛蝦。甜品選擇唔算好多，但細細件容易食，可以試多D唔同既味道！最正既係有雪糕機可以自己ji, 同埋落top

有好多放題簡,但始終都係食返大喜屋集團的先夠放心首先位置好易搵好近MTR 係繁忙時段等LIFT 可能耐小小最好早小小到裝潢得好華麗  員工好有禮貌星期三晚黎都好多人..滿曬要等位 最好打去訂左位先刺身不嬲都好食 同新鮮 其實食開都知來來去去都係個D 款式 係味道上既分別今次發現有新野食係無係放題見過 -炸鮮奶 味道好特別炸得岩岩好仲要係新菜式黎 可以試下燒菠羅一定要叫 有D會瞽到好乾同酸 呢間真係燒到岩岩好 另外 牛肉鍋真係好好食 個汁入曬去牛肉到 好滿足 唔想食太多肉都可以食菜 個花膠好淋好食除左放題紙上既野食出面有個區好多小食,野飲同甜品飲品種類好多 樣樣都想試甜品都好多選擇 細細件可以試曬唔同既味最好味係牛奶布丁 好重奶味同埋上菜速度都好快 員工好多唔會比人無視左整體黎講 我覺得食放題 一係唔食一食要食最好既咁不如比貴小小食間食物質素好D既餐廳一分錢一分貨

呢排要去觀塘training幾日，日日都係亞太中心搵食，真係方便到不得了。今晚大班同事揀左去食放題，我即刻提議食極尚！之前食過都唔錯，野食得，上菜快，唔漏單，所以值得再試～最中意食呢度既榮螺大大粒 多肉彈牙又鮮甜吞拿魚肥美肉厚 都好味～煎銀雪魚層皮脆脆地 啲肉又好軟好滑～要encore的！！炒豆苗睇下幾翠綠豆苗嫩口無渣，炒得香口開胃我最愛既炸蝦天婦羅，炸粉夠薄，外脆內軟，好好味熱湯烏冬～烏冬扁滑，湯夠熱，唔錯泰式鳳爪拼萵荀泰式鳳爪酸味就夠嘞，略嫌辣味唔夠。萵荀爽口清新，好味炸芝士年糕，超qq~~超好味咸咸地甜甜地幾得意，口感超好呢個羊架同事大讚，一人兩隻都仲話唔夠！香草帶出羊架肉味，唔膻，我都食到牛油粟米又甜又好味整番件新鮮水果清下腸胃，清新解渴，好refresh順帶一提呢度有支裝水任飲～～真係照顧埋唔中意飲啤酒汽水既朋友好耐無黎，再次幫襯都keep到水準。繼續努力！

講起放題好多人都會選擇旺角、銅鑼灣、尖沙咀，但其實觀塘都有唔少有水準的放題餐廳架。今次幫朋友慶祝生日，朋友推薦所以一行三人就黎左觀塘呢間極尚大瀛喜食晚餐放題。依家出面一街都係放題，選擇越來越多，價錢又差唔多，所以我揀放題一定以食物的質素行先。雖則叫得極尚的都知道食物質素唔會太差，但估唔到第一次去，一上到去就被華麗的裝潢吸引到，好有極尚的感覺，座位都好闊落，我地三個人，比左張四人台我地，感覺好舒服，可以食多幾碟刺身。食物方面，呢間的刺身款式多唔在講，仲要夠晒新鮮。我地分別叫左三文魚、虎蝦、鮮帶子、赤蝦、鮑魚！呢間最出色的我覺得係三文魚同埋赤蝦，看得出師傅有心將啲三文魚厚切，啖啖肉，夠晒肥美，而赤蝦隻隻都好大隻，食得出鮮甜味鹽燒海蝦都唔錯，唔會好咸入唔到口，啱啱好食到蝦的鮮甜。有埋燒鰻魚同埋燒羊架真係好抵食，係出面食閒閒地都八九十蚊一份。味道仲要唔差！👍🏻壽司🍣方面，我覺得最正的係三文魚子軍艦同埋鰻魚壽司，花之戀就麻麻地。海膽同鵝肝手卷😋😋😋仲有好多款料理同飲品係自助吧，任君選擇呢個花膠雞腳豬骨湯，超足料，一定要試！！！最尾因為食到太飽只係食到多支雪條咋🤣😚

同女友係apm睇完戲，最好就係去格離座美食大廈搵食！！今日咁肚餓，一於食放題～～**咖喱炒蟹**黃咖喱香而微辣，十分惹味。而且蟹鉗以預先夾開了，方便拆肉，好細心！**煎鱈魚**鱈魚煎到金黃色 外面有少少脆，好香口。鱈魚肉嫩，完全無腥味，讚！**冬菇花膠**花膠彈牙爽口，冬菇炆得好林好入味。**刺身拼盆**哈哈 好有心思既心型冰底，我同女友講係我叫廚房整佢又信！刺身整體都好新鮮，甜蝦好鮮甜彈牙，帶子好厚身 啖啖肉 口感十足，另外女友超讚鮑片 話佢好似糖心咁甜。食飽飽就係甜品時間～～我女友開動喇～～～～佢超開心呢度有自助雪糕吧，有得自己落配料，有得玩有得食。我就中意簡單d,快靚正，雪糕一盒，雪條一支我真係夠哂皮。最後最後都食埋豆腐花先走！因為佢係迷你版～～一定食得哂 哈。

今日朋友生日想食餐好,於是便決定去食放題。之前聽朋友想觀塘這間大瀛喜面積十分大, 食物種類差不多最齊全又好味, 於是便在這裡慶祝。這裡飲品種類豐富有外面沒見過的牌子, 喝了兩三款, 每款都很好喝。熟食也有很多, 可在等上菜時先夾些吃。正式開始點菜, 我們點了肥牛煱, 煱裡的肉上來時還沒全熟, 再滾一會就剛好, 牛肉入口即溶, 這部份十分細心, 因為全熟才上可能會導致牛肉太老。跟著還有燒菠蘿, 酸酸甜甜很開胃。還有各款壽司, 魚肉鮮美, 大小剛好, 飯不會太多, 所以讓我們多點幾款。最後甜品包羅萬有, 款款都十分吸引, 各有特色, 口感一流。這裡坐得舒服又多野食, 很適合聚會。

你的食物如何，你的工作定必如何！今餐咁豐富，都係因為之前嘅辛苦工作呢間放題去過好多次，係抵食嘅！刺身拼盤今次放得好靚，好有心機整，第一次見花之戀鵝肝帶子芝麻雞翼外脆內軟嘅雞翼，每次都必食，juicy燒鰻魚可以就咁單點嘅鰻魚香軟嘅鰻魚，仲有好多鰻魚汁，黃金蝦新產品呀！咸蛋黃系列嘅嘢我都好鐘意，估唔到呢度都可以食到！咸蛋黃嘅咸香加埋炸到連殻都食得，出色呀！蜜糖芥末蝦壽司呢個都係新產品，個醬係出色嘅但好似唔係好夾⋯芝士鰻魚玉子鰻魚同玉子都係我鐘意嘅，可以加埋一齊食，好吸引呀

哩間放題唔錯，食物種類多，刺身好新鮮又鮮甜，賣相都會砌得好靚，熟食方面，羊架極力推薦，我都食左3支，雞翼都幾好夠脆口，甜品有百福豆腐比較少見，價錢黎講都算合理。

是日星期三晚公司請食飯，俾我地選擇想去邊度食，第一時間簡食呢間放題。雖然今日係星期三，完全無諗過6點10分去到，已經全場full晒。唔理咁多，快手剔剔剔。我地呢枱得4個女仔，唔敢太放縱叫太多，怕食唔晒，刺身好新鮮無雪味，讚！其他食物都好好食，所以掛住食，唔係影太多相，特別鐘意食特式壽司，飯細細，可以食多幾件。第二最愛，芝麻雞翼，正！仲有榴連波波，勁香榴連味，不能多吃，因為太滯。最值得讚係d待應好高效率，仲心急過d客，一路寫order紙，佢地見你寫完放左係枱度，已經拿拿聲拎去入機，好快就有野食，無漏單情況，好值得讚！

呢間真係我食過覺得性價比超高嘅放題。依家身邊嘅朋友都開始少左提議食放題，因為依家嘅放題越黎越貴，百幾蚊個D嘅質素又超差。所以情願用同樣嘅價錢去食D好D嘅散叫食品。但呢間真係我會想encore嘅放題。雖然對於我呢個貧苦人士黎講價錢唔算超級平，都要二百幾，但勝在質素夠晒水準，用呢個價錢去食任食真係好值得。飲品選擇夠晒多，凍熱都有，仲有埋熱飲櫃。就算想要健康類都可以滿足到～依家落order 仲係用電話app ，唔係用紙啦。呢度旺成咁，個場又大，之前成日舉手好一陣子先有人見到，但依家就好方便啦，而且又好環保，好欣賞刺身上枱啦我地各樣都叫左D，最正就梗係厚切嘅三文魚啦，脂肪比例幾好，食落好有魚油香～八爪魚同螺片都好爽口～食左咁多款壽司，我最鐘意就係呢個左口魚壽司，燒得超級香口，細細舊，唔會攞大大舊飯黎喂飽你～忍唔住要叫多件呢度連貴價D嘅拖羅都有，份量唔少，好滿足～芥辣八爪魚都好正，wasabi夠料，食到我即刻流眼淚紫菜好脆～又到我超鐘意嘅天婦羅環節。雖然呢度冇我最鐘意嘅一片片嘅蕃薯天婦羅，而係改用蕃薯仔，但蕃薯仔都好食嘅，夠甜。特別嘅係呢度有炸鮮奶～食完一粒又一粒～牛舌燒得好香又好嫩，口感彈牙～

今日同朋友聚會，就黎左尼間極尚大瀛喜食放題，之前食過幾次，食物質素同員工態度都好有保証。就算係平日晚上都座無虛席，所以去前訂位會比較好。我個人比較中意刺身同壽司 ，所以一坐落就點左最基本既三文魚、珍寶大赤蝦、甜蝦、帶子。三文魚好厚切好新鮮，色潤光澤，食落去淡淡肉，魚油分佈好平均，好香。赤蝦同甜蝦彈牙得黎同樣好新鮮，尼兩樣刺身都唔係度度有得食，就算有，都冇尼度咁正。至於壽司，差不多每款都叫左件黎食，值得推介既係黑松露赤蝦，黑松露濃郁香味同隻蝦好夾，尼款係唯一一款我叫左4件黎食的壽司。另外，我都點左個海膽手卷，上桌時紫菜還是脆的，要趁新鮮快點消滅它。熟食方面，我地叫左燒菠蘿、燒牛舌、羊鞍、鰻魚、黃金燒帆立貝、炸鮮奶(新產品)。燒菠蘿好甜可以令到呢餐無咁膩，平時出去食牛舌會有少少鯹味，呢度一啲都唔鯹！燒羊架控制得宜，燒到香，熟汁多。帆立貝比預期中大粒！最後仲有雪糕做甜品。最抵讚係侍應態度好nice，上菜速度好快，冇漏單情況出現，座位寬敞，環境好舒服，啲餐具都好乾淨，值得再去食！

話說今日約左兩個朋友，其中一位觀塘返工，另一位住近近地，所以約左佢地係觀塘附近食下飯，於是就搵左呢間放題。一入到間放題發現地方都幾大，檯同座位都好闊落，之前食過有D放題地方好迫，成日頂手頂腳。相信好多人去食放題都係為左任食刺身啦，所以我同朋友一坐低即刻瘋狂點，叫左三文魚、虎蝦、赤蝦、甜蝦、帶子、玉子，因為好好食，所以叫左幾轉刺身。三文魚都好好味，每轉叫既三文魚都好新鮮，而且佢切得好大塊，淡淡肉又無渣，好香既魚油味，魚油同肉既比例分佈得好好；係虎蝦、赤蝦同甜蝦入邊，虎蝦就最彈牙，赤蝦就最啖啖肉，甜蝦就最甜，對我呢D食肉黎講就最中意食赤蝦啦；而帶子就好鮮甜。熟食之中不得不提既就係燒鰻魚，係香港甚至遠飛日本食個鰻魚飯都貴到哭，所以我地都叫左好多次鰻魚，食落D魚油好香；我地仲叫左唔同壽司、牛柳粒、羊架、燒菠蘿、燒雞翼、燒雞軟骨、燒菠蘿、燒牛舌，最後邊少得甜品呢？甜品、飲品、沙律都係自助型式既，甜品有奶凍、軟雪糕、雪條等等。整體黎講野食好好味，環境相當舒服，經濟又實惠。去圖