極尚大瀛喜日本料理

營業中

休息中

作為元朗人的我，終於呢度有一間高質放題店-----極尚大瀛喜。話需佢開左一段時間，久久都未去幫襯的原因大概係怕人頭湧湧，要排好耐隊。不過最後見到佢有做特價時段優惠---9點入座$230包埋加一就食到啦同埋呢個鐘數人不多，慢慢食慢慢歎先來一大盤刺身甜蝦：一點雜色都無，好粉嫩色的肉身，好清甜北海道帶子：好肥美，一大塊，好膠質好黏虎蝦：希望有埋個泰式甜辣汁就更加好了`三文魚：大大塊，厚度十足，大滿足其實起刺身盤前，我就已經走左出去拎飲品之餘又拎左餐前小食呢幾種小食不用自己落單點左可以自己篩選D肉出黎，減走D醬，保證每一口都啖啖肉一流的芝士雞翼，裡面D骨起曬，包裹著濃濃的芝士好邪惡~~~煎脆的表面，甜甜地，但一咬開就有咸咸地既芝士流出黎兩者結合好完美，無張ENCORE大赤蝦：比起甜蝦，蝦肉較大較肥美，一樣的新鮮好黏的膠質感烤得岩岩好的牛舌，黑椒不會落得太多，所以食得出牛味好JUICY，一點都不乾芝士沙律醬咁煮隻燒蝦，不會乾身，同埋個醬超濃，好好食鰻魚一點都不軟身，唔係爛曬咁，燒鰻魚汁好甜，一入口好綿同樣都會提供大量的壽司款，最初以為好大份，飯多，材料少點知送上來是好MINI，真係叫多D都不怕食

近排愛上放題，今次就黎到呢間都好多人食嘅極尚大瀛喜，位於yoho mall，勁方便到達我地去嘅時間係星期一嘅5:30-7:30，所以只係$200加一，同普通去兆萬食間差唔多價錢，分分鐘仲平，但質素就好好多除左新鮮嘅刺身，例如三文魚、虎蝦、鮑片、八爪魚等，仲食左唔少炸物，包括芝麻雞翼、吉列炸蠔 &榴連炸彈全部都炸得金黃色，而且脆口👍🏻仲有虎蝦天婦羅🍤&皇帝蟹棒天婦羅壽司方面，我地就食左原條穴子、蒜香牛肉&蒜香大蝦食落先發現原來第一次食穴子，個人覺得一般般🤭，相對地較愛另外兩款仲有尊貴黑松露赤蝦喺赤蝦上加黑松露真係顯得額外高貴，食落仲好match另外鵝肝帶子壽司、胡麻煙三文魚卷&喜壽司個人最推薦帶子鵝肝壽司，雖然睇落鵝肝有d迷你，但食落係勁香，外脆內軟，且入口即溶，同帶子一齊擺入口係無得輸黃金咖哩炒蟹少見放題有蟹食，仲要係咖喱，而味道係唔辣的，岩曬我燒日本紫心蕃薯仔🍠幾好食，如果再淋啲蜜糖喺面就更佳飲料方面就有勁多選擇當中呢盒係我一直想試但都未買，估唔到喺道試左甜品方面都有好多種類，有包裝雪糕雪條，仲有得自己吱個人較欣賞呢個yogurt雪糕同蜜瓜味，之後仲可以任加配料，爆珠就係不二之選最估

之前朋友介紹，好多人都話食放題最好就係去極尚大瀛喜。不過淨係知道銅鑼灣有，宜家先知原來元朗都有喎。咁岩經過，就梗係要入去試吓啦。見到呢度嘅裝修好靚，食嘢都食得開心啲啦。一坐低就急不及待劃嘢食啦，見到呢度有好多款嘢食揀，刺身同熱食都有好多。咁我哋就梗係叫咗刺身先啦，佢嘅刺身切得好厚，食落夠晒新鮮。我最鍾意食佢嘅帶子，因為夠晒大粒，食多幾粒都唔會厭啦。除咗冷盤之外，佢嘅熱食都有好多㗎。我哋就叫左呢個咖喱蟹，佢嘅咖喱味夠晒入味之餘，蟹味都好夠，而且好新鮮，同出面專食蟹嘅鋪頭一樣咁好食呀。而且呢度更有黑松露嘅壽司食，食多幾粒就回本啦，佢嘅黑松露味又夠香，襯埋壽司，食落岩岩好啊。呢度又靚又抵食，唔怪得咁多人介紹啦。

好耐冇同老友聚下舊 食返餐好啲既：）近近地去左yoho食日式放題～～Book 左位都要等一等先入 門口人山人海 場面認真墟撼！落單紙仲有哂圖片 清晰見到食物賣相落完食物 等上菜既時間可以去小食甜品bar拎野食住先都算半自助式 小食有芝麻八瓜魚 中華沙拉 炸蝦 等等甜品種類都唔少 有朱古力布朗尼 迷你旦撻 芝士旦糕 布甸 講得出都有咁濟仲有啲炒飯炒麵同中湯野飲都係偏貴價 仲有最近好hit既椰青水！頭盆上既刺身新鮮彈牙 甜蝦勁大隻 好肥美！燒菠蘿燒得岩岩好 多汁又唔打渣壽司飯量比較少 仲可以食多幾個款！創意款有個芝士鰻魚玉子燒 真係好食到不得了 食10 round都可以～～～天婦羅蝦同炸芝士年糕都金黃鬆脆咖哩蟹又係另人好驚喜！原隻上仲啖啖肉Yummy ><呢間放題真係寫幾多比足幾多一分錢一分貨～～

好少商場入面有放題食，今日咁岩行完街經過見到，就緊係即刻入去食啦。呢度環境靚之餘，都有好多款食物揀喎。一黎緊係食刺身先啦，呢度既刺身都有好多款，連蝦都有唔同既幾隻揀呀。仲要連超貴既帶子都有，果然唔姑寒啊，食多幾粒帶子勁易就回本啦。連我最愛既海膽手卷都有，我緊係唔執輸叫左好多舊啦。佢細細舊咁，但海膽都好足料同新鮮，食多幾舊都唔怕飽呀。佢既壽司都有好多款，我最愛既就係火炙類。刺身又新鮮，配埋火炙熱熱地，真係正呀。呢度環境又靚又多款揀，唔怪得咁多人食啦，等位都抵呀。

一家人去食飯，有人提議食放題，有人推介食元朗極尚大瀛喜，因為位置方便，而且食物選擇好多，質素又唔錯，味道有幾好食，所以一致贊成去極尚大瀛喜。餐廳地方好大，畫左一個地方放沙律前菜，雪糕甜品、仲有熱食區等等，亦有好多飲品櫃，飲品選擇非常多，有烏龍茶、檸檬茶、韓式飲料⋯前菜: 芝麻八爪魚/蒜味螺肉/中華沙律菜芝麻八爪魚好香芝麻味，八爪魚亦都好彈牙蒜味螺肉嘅蒜味好香濃，螺肉亦都好彈牙，個醬汁好濃，好惹味，做前菜一流串燒牛舌牛舌好多汁，好夠味，而且爽口，咬落有質感，呢串牛舌好出色；加上牛舌上的黑椒，更能提升牛舌的牛味芝士蘑菇釀雞翼芝士蘑菇出奇地同雞翼好夾，雞汁滲入芝士蘑菇入面，去哂骨，食都食得好方便蒜香牛柳粒牛柳粒毎一粒都好多牛肉汁，加上炸蒜片，脆卜卜，好有口感炸蝦餅同平時泰國餐廳既炸蝦餅既味道差不多，又熱又脆又彈牙，加上泰式辣醬，絶配軟雪糕機呢度有部軟雪糕機，可以自己整，加上自己喜愛既配料，一流；除左軟雪糕，仲有其他雪糕雪條任食，夏天一流平時好少食放題，今次呢間極尚大灜喜令我對放題完全改觀，放題既質素其實可以好好，好過好多自助餐！而且價錢合理，性價比超高

返工咁辛苦，今日早收工所以決定去食好西，約埋三五成群，一於去食返餐放題，友人推介呢間日本餐廳，任食大家無交嗌啦，果然未夠6點已經坐得滿滿，好在訂左位。呢度係食日式料理放題、包羅萬有，有齊壽司卷物，串燒熟食等等，另外出面有小食甜品同飲品任拎，冷熱都有，非常自助。先黎壽司，三文魚子蟹子，外皮脆，裡面就醬爆，口感相當正，蔥吞拿魚食落甜美新鮮，係有質素既壽司。仲有軟殼蟹同埋芒果壽司，一咬就知好新鮮，仲有黑松露大蝦壽司，呢度既特色壽司幾有創意，而壽司飯相當少，令食其他食物既空間增大。跟手係串燒，燒牛舌非常入味，裡面又多汁，仲有新出既芝士磨菇雞翼，芝士控又點可以錯過。燒菠蘿都相當惹味，時令之作。最後係炸物，有吉烈廣島蠔同埋炸蝦餅，廣島蠔炸到外皮薄，裡面蠔味出晒黎，蠔汁超多，炸蝦餅用料足，裡面蝦肉鮮甜好味。

終於食到極尚大瀛喜，一個字：正！呢間放題實在太受歡迎，最後同朋友選擇平日早少少放工食5：30-7：30嗰場，一嚟易book啲，二嚟又平啲，每人只係$200加一都係$220。估唔到一去到都係完全滿座。呢度飲品甜品沙律薯條喺自助區，自己出去攞，飲品款式非常多，最犀利個雪糕櫃好多款式，仲有以前成日食嘅雀巢牛奶樂，旁邊亦有軟雪糕可自己按食量拉出同裝飾。其餘食物都係以點心紙形式落單，欣賞佢每一款食物都有圖可供參考，另外亦可下載佢個app落單咁就更環保喇！首先係刺身，上菜好快脆，而且真係點幾多件就嚟幾多件。蝦都有甜蝦，赤蝦同虎蝦可點，刺身特別欣賞甜蝦，鮮甜又大隻，另外劍魚腩都好食夠甘香！炸物嘅芝士年糕好好味，芝士味好濃而年糕非常軟又有口感！勁想再點！另外炸蠔都好出色！炸榴槤就略嫌少了真榴槤肉。呢度嘅壽司，軍艦，卷物甚至係手卷都細細粒，飯量都係一口size，所以我地都點左好多款試。忌廉芝士鰻魚卷同香芒軟殼蟹卷都很不錯。最後一定要推介燒羊鞍！羊肉好靚而且燒得香脆，非常可口。總結：呢間放題價錢唔貴而且即使咁多人佢上菜都依然好快，食物款式多，係很不錯嘅放題選擇！

好耐無食放題，聽閒呢間餐廳唔錯，就約朋友一齊去食。食日本野當然唔少得剌生，剌生選擇唔少，有超過十種，我同朋友決定全部都試下。上菜速度好快，相機食完就我地食，剌生好新鮮，切得算厚，特別推介甜蝦，非常高質。之後再食壽司，菜單有足足五頁，我同朋友都好興奮地點，又係好快有得食，壽司比出面食嘅細，不過仲好，食多幾件都得！眾多壽司之中，忌廉芝士饅魚卷令人難忘，食完會有想再點嘅衝動！一品料理試左花膠同牛柳粒，味道一般。反而炸嘢有驚喜，虎蝦天婦羅、炸鮮奶同芝士年糕都炸得啱啱好，唔會好粉，而且熱辣辣，正！串燒嘅牛舌、雞骨串亦唔錯，至於羊鞍燒得外面脆，入面仍然肉質鮮嫩，令人驚喜！除左可以點食物，出面亦有自助嘅甜品、飲品及沙律bar, 選擇非常多，令人眼花撩亂，自助雪糕機吸引左唔少人，我亦唔例外。總括而言，餐廳價格性格比十分高，晚市兩小時每人$220,上菜速度快，亦唔會漏單，有機會一定再食！

最近先知原來元朗都開左極尚大瀛喜，身為放題top fan既我一於去捧下場，難得仲要咁近屋企係咪先！呢間分店格局好闊落，裝修走金壁輝煌路線，令食客坐得舒舒服服。自助bar食物好多樣化，而且賣相吸引，乾淨企理，令人愛不釋手！甜品的的色色好過隱，食左罪惡感都少d。餐廳好貼心，準備左暖飲櫃，俾食客食生冷野之餘暖下胃，十分窩心。另外居然有現場新鮮製造既frozen yogurt雪糕，質地亦好結實，仲有各式各樣既配料醬汁俾你自由選擇，最重要既係任擠任食，非常抵玩！叫左幾件壽司打個底，飯底細細粒好過隱，避免食客食唔曬之餘又可以盡飽口福。芝士年糕，芋頭波波，榴槤炸彈，仲有芝麻雞翼，全部都係我至愛，餐廳即炸即上，入口熱辣，炸粉又唔會太多。當然唔少得一大堆香脆天婦羅！一吸棒正，大啖大啖肉咁入口。最後當然係主菜：魚生刺身！睇下幾靚仔，大大塊厚薄均一，味道鮮美，一d都唔會出水，真係一流呀！

平時好小book到其他放店，難得中秋翌日book到枱，一班朋友食過都覺價錢合理。最令我地驚喜係蝦，所有蝦都唔錯，大大隻蝦，真係食幾隻都好飽咁，其次係牛柳粒，味道香口，質感剛剛好。不過我地一點比目魚，就自動減分量，6個人第一次點兩件比目魚，就只送得一件來，其實我五隻手指大得魚，不用減我們分量，這方面做放題嚟講，有點⋯⋯不過加一後，每人都不用三百元，實在抵食

返工難得約到兩位好友一定要食好啲 食豪啲唔洗食平啲決定選擇左大家嘅中間點元朗呢間極尚放題地點近，放題地方更大首先入去已經見到好多自選小食而且沙拉自行配搭亦一洗款式亦多超吸引刺身都好多選擇特別想強調係佢嘅刺身大蝦成隻手咁大 真係好誇張而且肉質爽甜，彈牙其他刺身亦好高質，鮮甜厚切三文魚亦肥美呢到有好多小食提供例如出面小有嘅鰻魚另外燒海蝦好好食唔會過火，肉質keep 住爽口花膠炆得亦出色，而且大大塊添而且佢黎嘅食物永遠熱辣辣當然唔小得小弟最愛—牛油粟米！壽司款式亦多，寧舍特別係佢有個鰻魚玉子燒！另外壽司上面嘅料大過舊飯，飯係一細口，令到我地食得更多野！比較良心燒雞翼就係小弟朋友最愛嘅！外香內滑燒到外皮小小脆 但雞肉好香滑唔韌而朋友亦好欣賞榴連炸彈不過小弟就唔識欣賞喇！黎到天婦羅可以睇得出天婦羅外皮薄唔厚呢到仲有炸牛奶食添牛乳香濃好好食呀如果個天婦羅汁多啲就好啦

元朗甚少大型的日式放題店，所以在yoho 的極尚大瀛喜常常爆滿，需要至少早兩日訂座才可以。食物選擇與其他放題店大致相同，味道亦十分可口，提供了很多小食熟食選擇，值得一試。

每次食飯時間經過呢間大瀛喜都見到餐廳門外大排長龍，我今次特登早啲嚟，五點半嗰個timeslot競爭冇咁大，七點半前離座仲平成舊幾水添。唔行入嚟都唔知道餐廳原來大到咁，我估計閒閒哋都可以容納到二三百人，有咁多位食飯時間門外都大排長龍，就知道呢間放題幾咁具吸引力。黑松露炒雜菌，一剔完嘢食即刻出去自助區睇下有乜好嘢先，其中最啜核嘅係呢個黑松露炒雜菌，雜菌被燈照住，拎到埋位都仲係熱辣辣，黑松露味同雜菌充分融和，係估佢唔到咁夾。食物好快就送上，第一碟壽司距離落單只係三兩分鐘，店員非常有效率。尊貴黑松露赤蝦壽司，作為黑松露控嘅我又點會錯過呢一個壽司呢，赤蝦爽口彈牙；赤貝壽司亦係非一般咁鮮味。刺身拼盤揀咗三文魚，油甘魚，劍魚腩，希靈魚，北寄貝，北海道帶子，珍寶赤蝦同埋虎蝦，上臺賣相陣容鼎盛，刺身用料新鮮。辣味三文魚手捲，手捲由新鮮三文魚切粒，用少少辣嘅醬汁撈勻，再放喺仲係脆嘅紫菜手捲上面，打破悶局。比目魚西京燒，魚肉嫩滑，油脂平衡，西京燒味道濃郁，火候掌握得啱啱好，香氣四溢。爆炒日式雜菜，呢個炒雜菜作為呢一間餐廳嘅招牌，果然比起其他嘅放題稍勝一籌，雜菜炒得清甜，只係作簡單嘅調味已經非常好食。芝麻雞翼

朋友生日，未到過元朗食放題，他鐘情食日本壽司、刺身，元朗yoho開了間日式放題，我介紹這間食，環境算是舒適，但這次感覺對比起第一次，差了很多！我們是平日去食飯，不用等太耐，很快便有位。6點多入座，叫了第一輪刺身和壽司，攞了飲品，剛剛起筷，時間還未夠7點，已經收到賬單，服務員話要先埋單，7點半last call,可以食到8點鐘。食物一放下，我們就要不停張食物放入口中，第一次叫食物不太多，便要立即叫第二輪，沒有多餘時間傾計慶祝，食物算是多樣化，朋友們未看清楚，服務員已經問order齊未～我們再出去攞乳酪雪糕，時間是7:40分，服務員見我們食雪糕，便問台面的餐具，碟子用不用，便全部收起，連我杯剛才攞到台面的也收起，這也太沒有禮貌！價錢不太便宜，這間會是最後選擇！壽司重類有很多選擇！食到最後太急，還影唔切相片！