極尚大瀛喜日本料理

營業中

休息中

呢間位於元朗極上大瀛喜日式放題，行過見到經常大排長龍，walk in 係無可能食到，食開呢間放題的同事叫我可以提早兩日訂五點半場就有位。襯小朋友仲未開學，我地一家四口就決定去試下去食。門外真的很少人排隊，但入到去已經坐滿九成客人，好彩預早訂位。見到有好多小食冷盤，水果，雪糕，甜品，飲品，都係自助形式。款式多到食唔晒。蛋撻熱辣辣酥皮香脆好味，蛋味濃郁。在小食裏面最受歡迎👏泰式鳳爪小小辣酸酸甜甜好惹味，食唔停😋點菜紙已經有好多款，花都眼亂，每樣都好吸引，樣樣都叫小小試吓👉👈刺身係放題必點，螺肉新鮮彈牙，帶子好鮮甜，虎蝦配上泰式醬食到舔舔脷牛油粟米一句講晒，好甜！！正！芝麻雞翼，炸得脆卜卜，好入味鹹鹹地好香口，必食！榴槤炸彈，外脆內軟，咬開榴槤一陣陣香味撲鼻，最喜歡食榴槤，一定要食佢😋😋😋養顏之選，鮑汁花膠，花膠煮得好淋好入味，食了三大碗熱烏冬-熱辣辣烏冬湯味濃郁，烏冬質地幼身爽口😋😋😋

都係咁啦，不過不失，就係多嘢棟，點都有小小啱心水，不過魚生就夠冰，好似好夠鮮咁，可以形容ok抵嘅，希望可以將 “進步空間“填滿佢，服務就無乜特別，員工不過不失，未到黑口黑面，冰冰地人咁，一睇又係老闆唔舍得請人，做史人個隻!出嘢都算接受到嘅，呢d價錢ok嘅ok啦。花膠打得夠漲，不過唔入面又唔爽又唔 黏口其它熟食不過不失，牛肉類一般，都可以嘅，賣相都可以，唔會見到唔想食，炸嘢都ok,炸雞翼我自己就覺得有點驚喜，唔使等都叫值得，要排要輪，小東邪就怕怕，未推動到我去食囉😂

終於訂到位，食最貴嘅星期六晚任選2小時時段$268/位，價錢尚算合理，食物款式非常之多，壽司細細粒可以食多啲其他款式，中湯非常好飲，我同阿妹都有添飲，前菜有泰式鳳爪、螺肉、中華沙律，刺身普普通通，蟹粥麻麻，燒菠蘿好多汁好甜。炸物必食有炸芝士年糕，炸芝麻鷄亦，阿妹話最正係炸榴槤球，簡直一流，榴槤控啱晒。甜品都好多選擇有朱古力味、奶黃味糯米糍，Tiramisu, 牛奶布丁，芒果布丁，芒果奶凍。雪糕有自己斟乳酪味及蜜瓜味，仲有多款牛奶公司及其他韓國牌子雪糕。飲品可以自己去雪櫃任選，食量多嘅人，呢個自助餐應該返到本。銅鑼灣同觀塘分店就未食過，有機會都會試試。商場食滿$400有兩小時free parking, 逢星期六、日用銀聯卡消費再多1小時。

元朗有一個大型商場，叫做形點，分一期同二期，其中最新嗰期有一間日本放題，每一晚都非常多人排隊，好受歡迎，今日同個朋友一於去試一試。一入餐廳，林林總總嘅食物放喺眼前，除咗餐紙之外，餐廳裏面放咗好多食物任拎，其中有前菜：中華沙律、芝麻八爪魚、蒜香螺肉、沙律菜、新鮮番茄生果，各式各樣飲品，亦都有不同種類嘅甜品，同埋好多熱盤，前菜一如其他日本餐廳咁好食，番茄同生果都好新鮮，甜品味道都唔錯，而且有雪糕機，可以任食軟雪糕，亦都有雪條食，總有一款啱你食。蟹子壽司三文魚子壽司吞拿魚壽司壽司都非常好食，蟹子三文魚吞拿魚都非常新鮮，紫菜非常香脆，飯同魚生嘅比例都好啱啱好，一咬落去，味道好好。蟹粥呢個蟹粥有一隻蟹係入邊，而且蟹粥非常之鮮甜，味道好好味，值得一試燒雞軟骨/燒牛舌呢個雞軟骨串燒到啱啱好，好香脆，亦都好香口，加上少少海鹽，味道剛剛好。牛舌好香牛味，而且好多汁，燒到剛剛好到香芋炸球好香脆，仲熱辣辣，一咬落，好香香芋味，而且其他日本餐廳冇，一定要試。整體餐廳非常高質素，環境舒適，位置有好方便，服務員效率非常高，亦都好有禮貌，食物好好食，而且價錢非常之抵，大家千祈唔好錯過。

呢間長期打电话book 5到。。最後排walkin隊等成粒鐘....待应話食1.5小时。。。价$ㄧ樣。。。5願入座可以再等walkin入曬後再入。。。禁同坤你无分別。。5通等左成粒鐘5入?。。不如你㝍话得1.5hr好过㝍2小时la....食物质數可以5係话好好。。。ㄧ般野

由於要輪班既關係，所以每逢番早班既時間，夜晚都會同女朋友一齊去搵食順便拍下拖！今晚我地就選擇咗屋企附近既一間新開日式放題 - 極尚大瀛喜日本料理安排入座後我地馬上點菜，點完菜後交給侍應，我們就去咗攞野飲。點知有我地兩個都好鐘意飲既解綠茶，正呀！攞完野飲再望一望四週已座無虛席，可想而知呢間放題係幾咁受歡迎。之後食物就相繼上枱，有蟹粥啦、牛肉煲啦、牛油栗米啦、清酒煮蜆、當然魚生船同埋壽司都是必點主打！壽司軍艦 、魚生刺身全部都鮮甜好味，都好新鮮，好想encore，但係肚既空間始終有限：(特別大推佢地既牛油炒粟米，好香好香牛油味但食完又唔會話好飽好頂胃，推介推介：)另一推介就係雞軟骨串燒啦，唔油，好香好香，好好味！！！而女友就好欣賞佢地既燒鰻魚，佢不斷話而家既放題為竟然有鰻魚食而又燒得好好食既好可能得呢一間！！哈哈😄最後品嚐韓國蜜瓜雪條Melona，非常滿足。17:30 至19:30 特價時段埋單都係220蚊一位。 難怪5點開始就有人排隊等候入咗啦 ！haha呢度環境坐得舒服，感覺非常乾淨企理！我同女友都不約而同話要再encore呀！！

日式放題食過好多間，次次感受一般，唔係食物唔夠熱就係瘋狂漏單。朋友推薦食極尚大瀛喜，平時成日爆好難book枱，咁岩又俾我地walk in攝到枱，咁一於試試啦。食物種類乜都有，有生有熟，如果有朋友唔食生野，呢度岩哂，烏冬、天婦羅、串燒、蟹粥⋯連花膠都有得你食！鷄軟骨串夠juicy👍🏻冇乾哂身燒牛舌就略嫌厚身左少少，但燒得幾香口，日本蕃薯好甜好正🤤我食左3串嗱！真係有花膠架！咁當然你唔好諗住超起膠果隻啦，但都入哂味架👌🏻食日本放題，刺身係重點啦，我地得3個人，第一round唔敢叫太多，三文魚、希靈魚、吞拿魚、劍魚腩呢啲走唔甩，推介虎蝦🦐！大大隻！又鮮甜！我意思意思食左一打！😂😂🙊嫌唔夠飽嗌埋壽司，全部細細件，一口壽司，唔會太”牙”位👍🏻榴連愛好者一定一定一定要叫炸榴連！好好好味！ 外面炸到金黃，中間夾住啲麻薯，煙煙un un，最入面係榴連蓉，咬一口入面啲榴連蓉流出黎，超正！

放暑假當然要慶祝一下啦而且當然離不開吃喝玩樂呢間放題好想食好耐元朗都開咗當然要試吓去到都人頭湧湧幾多人食款式種類都幾多而且屬於比較精緻嘅款式有啲係出邊都冇乜點樣機會見過例如係溫室南瓜天婦羅，用虎蝦做嘅天富羅由於真係太肚餓啦係等緊啲嘢食嗰陣仲有小食可以食住先有中華沙律螺肉等等連青口都有得食飲品本色都係比出邊多好多嘅淨係睇個雪櫃都知道款式多啦個炸鮮奶好好食個炸粉唔會太多入邊嘅鮮奶甜甜地仲要好滑不得不提佢哋嘅三文魚夠晒新鮮係鮮甜而且夠晒肥你睇吓仲要擺得好靚呢個又係一個無限encore嘅食物款式就係芝士鰻魚加蛋呢個配搭真係無敵熱熱地嘅芝士加埋鰻魚同埋琳琳地嘅蛋多重享受啊啲炸物質素都非常高上到枱嘅時候仲係熱嘅！另外在特色啲就係有蛋撻同埋炸蝦～呢啲都係我在其他放題未見過最後當然唔少得甜品啦有芝士蛋糕糯米糍朱古力餅每件都比較小巧可以一次過試晒！整體感覺對呢間餐廳唔錯將來有慶祝會再嚟

一大班人諗唔到食乜，最好就係去食放題，因為選擇超多，唔怕有人唔啱食，好在訂咗枱，如果唔係有排等。呢度係自己或只仔，鍾意食乜就點呀，有好多選擇包括刺身啦，壽司，串燒，炸物仲有出面好多任食嘅東西包括甜品同埋飲品。首先試下佢地既刺身有大蝦，泰式生蝦，三文魚同吞拿魚不在話下，全部都非常新鮮，放題黎講既質素頗高。跟住係壽司，幾款較有特色包括蒜蓉熟蝦壽司，味道鮮甜，仲有左口魚裙邊，超滑溜，直入喉嚨胃部，仲有一系列火炙壽司，非常有質素。熟食方面仲有蒜片安格斯一口牛，嘩勁多肉汁，一口牛煮到六七成熟，真係口感超好。仲有香煎羊鞍，蘇味唔勁，香草煎就岩晒河車，又係好多肉汁。燒菠蘿又係另一樣唔容易食到既串燒，裡面既菠蘿汁爆晒出黎，飯後食一流。不得不說係自助區好多款飲品，有罐裝又有即沖，仲有蛋撻仔，仲要係蘇皮架。最後自製埋哈蜜瓜軟雪糕真係不得了，香滑得黎夠晒凍，無得彈。

元朗形點一期係一個大型商場，有好多商舖，係一個行街好地方。行完街梗係要搵餐廳醫肚，香港人就最鍾意食放題，又多選擇，價錢相宜，所以今日就揀咗呢一間日式放題食晚飯。一入到餐廳，座位非常舒適，環境亦都很好。而且服務員反應快，又有禮貌，工作效率極高，非常值得讚賞。自助區有好多不同食物選擇，包括前菜：中華沙律、芝麻八爪魚、蒜香螺肉等等，亦有新鮮沙律菜、番茄仔、菠蘿、桃等等，款式好多。另外自助區仲有餐湯、菜、蛋撻、各式各樣甜品，例如有蛋糕、慕絲、糯米糍、布甸、自助雪糕機同不同種類配料，款式應有盡有。飲品亦有好多款，有熱飲例如朱古力、維他奶、麥精、奶茶、咖啡，凍飮選擇更加多，有各式各樣汽水、韓國飲品，芒果汁、蘆薈汁、檸檬茶等等，非常之多選擇。至於點餐紙，都有非常之多嘅種類，有刺身、壽司、串燒、天婦羅、日式火鍋、炸物等等，簡直就係多款到眼花撩亂。蟹籽壽司放題嘅壽司都好高質素，紫菜好趣，個飯好好食，蟹籽亦都非常新鮮，味道一流芒果軟殼蟹卷芒果味鮮甜，軟殼蟹好香脆，夾埋一齊嘅味道好好，值得一點。醬燒雞翼雞翼好入味，而且燒到卜卜脆，而且雞汁好多，味道好好。燒翠玉瓜唔好以為燒翠玉瓜會好乾，你一個翠玉瓜非常之多汁

呢個商場都黎左好幾次，由於成日都見到呢間放題排長龍，所以今日都心郁郁去試咗次，決定黎食一次放題。呢度座位非常多，中間有自助區，有好多款飲品，甜品，雪糕，仲有熟悉等等，數之不進。我哋先來手寫單時，當然要試吓佢哋嘅刺身先啦，有櫻花大蝦，有刺身蝦，甜蝦，淨係蝦都有好多款非常新鮮，加埋新鮮嘅吞拿魚包魚片，八爪魚等等都係即叫即整。壽司方面有幾款較為特別，分別係火炙左口魚，黑松露芒果，牛油果天婦羅蝦，鵝肝帶子等等。全部都唔單止有特色，食落妝係有水準嘅壽司，加上嚿飯細細舊，唔會食幾夠就令人飽到上心口。燒物方面除咗有燒鰻魚之外，仲有燒菠蘿同埋翠玉瓜，菠蘿外面燒到金黃色，裏面就勁多菠蘿汁，食得出用了係有質素。最後仲食埋自製嘅雪糕，係哈蜜瓜乳酪雪糕，自己整自己食，想食幾多就整幾多，加埋其他配料仲有朱古力汁等等，真係大滿足。

大瀛喜喺元朗都開咗一段時間，但係依然好多人排隊😣 所以遲遲都未去試~ 今晚終於的起心肝去食啦😁order紙放曬喺本簿度， 唔使成日唔見咗啲紙又或者拎多咗晒曬😩魚翅蟲草燉雞湯我平時食放題係唔會飲佢哋啲湯，因為有更多其他特別嘅飲品。 但上網話呢度個湯好好飲 姑且一試~ 種子 飲完真係要俾個👍真係好飲~ 夠入味唔似例湯迷你版海膽手卷呢隻長過我手指少少嘅手卷完全滿足曬食放題宗旨 樣樣都食少少嘅要求😍😍因為朋友仔唔食生嘢，所以得我自己一個食刺身，估唔到咁少嘅刺身都唔hea你~俾足排場您🤣見上網d人話好食,所以叫粒黎試下~真係好食😋個皮炸得好之外啲榴槤醬好香而且夠多~咁多隻串燒中我同朋友仔最鍾意食呢兩個鹽燒牛舌同雞骨串，好好味呀😙卷物又係整到細細嚿，等你可以試多幾隻唔同味，唔使食兩嚿就飽晒雪糕有乳酪同蜜瓜味， 唔洗次次都係雲呢拿咁悶~Topping 有好多你揀有我最愛嘅葵花籽朱古力😍配埋雪糕食~正👍

聽朋友講元朗有間新開的日式放題很受歡迎需要提前一個月預約才可以食得到😂，既然如此便決定去試一試。7點半去到外面已經見到有人龍，裏面都坐無虛席。我和朋友二人入到去被分到一張細枱😂很窄，東西都放不下多少。不過這家的選擇真的很多由日式到中式都有，我們叫了壽司刺身到花膠都有。質素真的很不錯啊，而且價錢相對於對其他的日式放題而言是很平宜😊。除了空間比較狹窄之外，其他方面一切都很好😊，很快下次會再來食。

家人同我慶祝生日，揀左元朗食魚生，因為生日，餐廳送左一版海膽比我地，海膽好味，只係用黎包既紫菜林林地，其實呢間已經食過好多次，水準佢的確維持到，點選既食物好快就到，唔會令客人久等，最重要係我食咁多次都未遇過有流單既情況，味道唔使講，一個字，掂，每次黎食都係滿足既，好記得餐廳新開無奈，曾經有一個問卷調查，其中有部份係問客人希望餐廳增加咩食物，我同家人當時寫左蟹同炒菜，點知對上幾次再食既時候，餐廳已經有啦！証明餐廳好重視客人既要求，會盡量配合，呢點真係值得一讚，我一定會繼續去食

好耐無食放題/自助餐之類既超級大餐，飽到全家都變左大肚腩🤣明明係生日飯，但個生日蛋糕拎左出來吹完蠟燭，之後就成個收返埋🤣呢間唔算話好高質，中規中矩啦，一般放題有既野佢都有咁，不過呢間有個優點，雖然佢地方唔係大，但佢位置上面都算幾寬敞，唔係果啲大家逼埋一舊舊，肥少少都坐唔到既座位。大家都係寬敞既梳化座👍🏻👍🏻 刺身種類都算多，而且都係啲普遍通病，就係第一盤一定係做得靚啲😂啲蝦又大大隻，三文魚又厚切咁，擺盤都靚靚的，之後果兩盤就開始變得普通，蝦仔細左，擺盤也隨意左。不過，蝦刺身真係好新鮮，連挑剔既野獸仔都食左好多好多隻🤣🤣 壽司果啲都係細細一口咁，但係味道同樣都唔錯，而且個樣都算幾精緻。👍🏻👍🏻 熟食既話都係炸物，鍋物同串燒咁，但係味道偏咸，蟹粥好咸好咸🤭炸物就係我最愛既！芝麻雞翼做得好香脆，而且每次都係新鮮炸好即刻上！正！另外場地上設有自助飲品吧、沙律小食吧、甜品雪糕、仲有雪糕機！不過我太飽😂淨係幫襯左幾罐野飲，一支牛奶雪條喳🤭