極尚大瀛喜日本料理

營業中

休息中

返工咁辛苦，今日早收工所以決定去食好西，約埋三五成群，一於去食返餐放題，友人推介呢間日本餐廳，任食大家無交嗌啦，果然未夠6點已經坐得滿滿，好在訂左位。呢度係食日式料理放題、包羅萬有，有齊壽司卷物，串燒熟食等等，另外出面有小食甜品同飲品任拎，冷熱都有，非常自助。先黎壽司，三文魚子蟹子，外皮脆，裡面就醬爆，口感相當正，蔥吞拿魚食落甜美新鮮，係有質素既壽司。仲有軟殼蟹同埋芒果壽司，一咬就知好新鮮，仲有黑松露大蝦壽司，呢度既特色壽司幾有創意，而壽司飯相當少，令食其他食物既空間增大。跟手係串燒，燒牛舌非常入味，裡面又多汁，仲有新出既芝士磨菇雞翼，芝士控又點可以錯過。燒菠蘿都相當惹味，時令之作。最後係炸物，有吉烈廣島蠔同埋炸蝦餅，廣島蠔炸到外皮薄，裡面蠔味出晒黎，蠔汁超多，炸蝦餅用料足，裡面蝦肉鮮甜好味。