極尚大瀛喜日本料理

營業中

休息中

好少商場入面有放題食，今日咁岩行完街經過見到，就緊係即刻入去食啦。呢度環境靚之餘，都有好多款食物揀喎。一黎緊係食刺身先啦，呢度既刺身都有好多款，連蝦都有唔同既幾隻揀呀。仲要連超貴既帶子都有，果然唔姑寒啊，食多幾粒帶子勁易就回本啦。連我最愛既海膽手卷都有，我緊係唔執輸叫左好多舊啦。佢細細舊咁，但海膽都好足料同新鮮，食多幾舊都唔怕飽呀。佢既壽司都有好多款，我最愛既就係火炙類。刺身又新鮮，配埋火炙熱熱地，真係正呀。呢度環境又靚又多款揀，唔怪得咁多人食啦，等位都抵呀。