楚撚記大排檔

營業中

休息中

大排檔系列 – 楚撚記大排檔💛大排檔風味🔥係一個香港既獨特味道講求火喉,炒功,同大量既事前功夫👨🏼‍🍳一間又好味又有良心既大排檔更係小之有小🥺環境:店舖裝修格調呈懷舊復古風⚒️裝修好新淨企理廚房唔係開放性🌝而且通風唔錯唔會有油煙味💨只有餸菜香味食物: 小炒王: 炒得乾身唔油膩,XO醬味道濃厚份量非常多🦐蝦同🦑魷魚粒都絕不偷工減料老火菜乾煲豬肺湯: 好香🥳入落舒適無怪味豬肺湯最怕洗唔乾淨有異味🤭佢處理得非常好飛天通菜煲: 蝦醬咸香🌶️辣椒惹味放上火辣辣既瓦煲🤤口水分泌無法停止最令人食唔停口既一個餸🤪難望漁港蝦醬骨: 即叫即炸好新鮮可惜部分豬扒太瘦有點硬實😥香煎黑松露手打蓮藕墨魚餅: 意想唔到既配合口感豐富,味道均勻👍🏽家鄉三絲炒米粉: 鑊氣直登滿分💯愈是平平無奇,就更突顯大廚功夫👨🏼‍🍳喜歡小炒的朋友絕對唔可以走寶😋P.S. 最後店員請飲蕃薯糖水😍服務:開張近一個月,基本無可能BOOK 到呢日屋企人想食,就膽粗粗去試下WALK IN開店前15分鐘就去排隊,好好彩咁排到🥰但後面就無咁好彩☹️台員好好禮貌同佢地講要10點半後先有機會了成個用餐店員都好有笑容同有禮貌💁🏻‍♀️環境: 7/10食物: 8

味道：⭐️⭐️⭐️⭐️⭐餐廳裝修走懷舊路線 裝修別緻除咗提供濕紙巾外 每枱都有1支酒精搓手液比有需要嘅客人拎走用💰💰CP值極高 菜式價錢唔貴 又有免費糖水送 就好似大排檔一樣唔使收+1同茶錢❶ 黃金椒鹽粟米🌽 $62近年好多用鹹蛋黃黎做招徠嘅菜式黃金顧名思義係講緊金黃色既鹹蛋黃每一件粟米都均勻地沾滿鹹蛋黃 夾雜著蛋黃既鹹香 只可惜椒鹽味唔夠突出❷飛天通菜煲 $72一上桌就聞到好香嘅蝦醬味 仲要係勁熱辣辣 好有鑊氣煲入面仲有好多蝦干同少量嘅辣椒🌶️非常惹味 不過食到尾真係有啲鹹❸脆皮炸大腸🐷（鳳梨底🍍）$88一聽炸大腸都有d驚驚 脂肪含量高好肥嫁 但間中都要放肆下🤭外皮口感香脆 入口一d都唔油內裡軟糯 散發著d肥油既甘香再配埋鳳梨一齊食清新得來又唔會好油膩❹菠蘿拔絲咕嚕肉 $98賣相一流 味道酸甜開胃 由於呢個菜式本身偏甜 如果加埋拔絲一齊食 可能會太甜 所以我諗拔絲可能只係伴碟裝飾🤣醬料嘅甜酸度調得剛剛好 仲有少量桃同埋有菠蘿係入面🍑🍍另外 餐廳選用豬既梅頭部份 肥瘦適中 啖啖肉 仲炸得好香脆 不過炸粉就有d厚啦❺ 糖水 免費糖水雖然免費但一啲都唔馬虎仲好足料想食凍嘅可以揀清補涼 熱嘅就有番薯糖

餐廳食物選擇多，不論炸物還是小炒都新鮮熱辣。除了一般大排檔經典小菜外，都會有類似爆漿牛丸比較新式的菜式。地方佈置有懷舊感覺，位與位之間都有隔板阻隔，不馬虎；而餐廳團隊都非常友善，會之後再支持。值得留意的是，小菜份量不大，如果同行人數比較多，建議多試不同菜式。

荃灣新開左一間大排檔,個名真係好搞笑之餘,入面嘅裝修好有八十年代舊式茶餐廳嘅風格,餐牌入面部分菜式好新穎,亦都見到有傳統菜式-上樓梯見到就見到個小型楚撚記大排檔嘅模型-可能因為幾多人黎食嘅關係,上菜速度唔算快-豉汁蒸排骨$76 (加$15配陳村粉底）陳村粉唔係周圍食到,排骨粒粒都好大件好味,但如果豉汁稍微再多少少的話,陳村粉會更加美味-激辣避風塘水魷$89真係超級多辣椒,因為個汁甜甜地,所以中和左個辣度,水魷下面有粉絲同芽葉底,但我覺得個汁太多了-香煎黑松露手打蓮藕墨魚餅$95黑松味好香,咬入口有粒粒爽口蓮藕粒,但墨魚餅唔夠彈牙-秘製辣酒煮花螺$125好耐好耐無見過呢味餸,花螺份量唔少,亦有白蘿蔔條一齊煮,好入味

唔知點解突然好想食大排檔，不過有少少潔癖嘅我又唔想去街邊或者比較雜個啲大排檔度食！即時去IG搵下！又真係比我搵到一間睇落去唔錯嘅新式大排檔喎！一嚟到已經比呢間大排檔嘅懷舊特色裝修吸引住，呢度充滿童年回憶呀（出賣年齡系列）！而且地方仲非常之大，原來係有成七千呎嘅旗艦分店嚟的！坐低之後就比咁多頁嘅餐牌搞到有選擇困難症，因為有太多嘢想食了！加上坐正喺出菜位置，眼見咁多唔同嘅小菜飄過，已經流晒口水！睇左成十分鐘餐牌終於決定到食乜啦！本來係想叫做緊優惠價HK$168嘅脆皮芝士焗新鮮龍蝦同荃灣分店嘅限定小菜的！可惜朋友冇樣啱食！唯有叫啲大家都喜歡食嘅小菜啦！所以最終點了金沙蛋黃九肚魚、干煸四季豆、脆皮炸大腸同麻辣韭菜鴨血煲！先上干煸四季豆，食落爽口帶少少辣炒得又夠鑊氣！之後就上個鴨血煲，呢個小菜真係幾辣下的，不過辣得嚟又幾惹味同滑的！再上埋個炸豬大腸，望落已經非常之邪惡，食落的確好鬼死香口，簡直對佢又愛又恨呀！哈哈！最後上埋份金沙蛋黃九肚魚，終於明白點解主角永遠都是壓軸的，呢份炸到金黃色嘅九肚魚簡直好食到冇朋友呀！用上鹹蛋黃炸成嘅九肚魚，食落帶鹹香，入面又滑又軟綿綿，係我哋一致覺得今晚最好食嘅小菜

好耐之前已經聽過楚撚記大名，但係土瓜灣始終唔太就腳。而家開係荃灣，當然要即刻嚟試。盲中中無訂枱就嚟，果然無位，唯有死死地氣訂枱擇日再戰。話休絮煩，當日嚟到已經好多人等位，驚好似有啲餐廳咁，訂咗枱夠鐘都要等好耐，結果準時入座，抵讚。新店地方當然企理，老老豆豆荃灣好多有水準大排檔，但我同女友就接受唔到有啲檔嘅環境污污糟糟咁，辛苦得嚟都係想食餐安樂飯，呢度就做得到。而店員有啲青澀，但係服務係周到嘅。我同女友兩個人，唔敢叫好多餸：一個小炒王，係我去大排檔必叫，貪其咸香惹味又有啲菜，健康好味兩全其美；女友愛吃魚，簡簡單單叫個金沙九肚魚；最後要一個炸咸豬手，滿足我地兩個食肉獸。小炒王係亮點，理論上小炒王係有乜立立雜雜炒埋一碟，但通常都有韮菜花、蝦乾、腰果，楚撚記都唔例外，另有炸得酥脆嘅白飯魚。荃灣大排檔嘅小炒王我食過幾間，最鐘意楚撚記嘅，韮菜花爽脆有淡淡甜味，鹽唔係落好多，咸味來自白飯魚同蝦乾，唔會好油，真係可以一口接一口。金沙九肚魚熱辣辣，咸蛋落足夠香口，係好食嘅，不過兩個人食就有啲膩，最好一家四口叫啦，一人兩年好夠喉。炸咸豬手老實說我有後悔，同出面餐廳比其實無乜太大特色，當然我又唔怪罪，炸咸豬

呢間「楚撚記」我之前經常去，不過係土瓜灣嗰間，餸菜非常惹味，耐不耐就會食下，估唔到而家荃灣開左旗艦店，聽講有成7000尺，今晚就黎試吓😋門口格局保留住港式設計，懷舊大排檔風味，地下鋪砌「紙皮石」，六、七十極流行🤗上到樓上，地方寬敞舒適，空間感大，相對其他分店，鬆動好多👍🏻新張期內，仲可以優惠價$168元享用原隻新鮮龍蝦🦞，真係勁抵食，原價$238架👍🏻多款撚手小菜，僅有幾款啱你心水，而且宵夜仲有八八折，講多無謂，馬上落單先😬菠蘿拔絲咕嚕肉（梅頭）$98，酸甜開胃，送酒一流，必食推介😋飛天通菜煲$72，一打開蓋，香氣撲鼻，遠遠都聞到，搞一搞，吱吱作響，辣味適中，惹味👍🏻香煎黑松露手打蓮藕墨魚餅$95，又係必食推介，淨係呢度先至有㗎，全部都係我心水嘅味道，混為一起，一啖酒一個餅，正🤗仲有免費糖水送，開心又滿足，埋單都係三百幾😬飲飽食醉，再欣賞下佢嘅設計，下次一定要再嚟過👍🏻👍🏻👍🏻

疫情爆發後，相信 BeautySearch 最大的改變是留在家中吃飯的時間多了，「今晚食乜餸」成為我與蝦子餅最常的話題，同時亦因此而多了到訪街市買餸。早前到街市買餸時發現新開了一家食店 - 《楚撚記大排檔》。大排檔上樓？不但周遭環境有所改善，最重要的是，雖然中秋節已過，清爽涼快的秋天悄悄步來，但在這這季節交替的日子，偶然仍會感到炎夏的潮濕悶熱，在冷氣的室內進餐還是最舒適不過的！《楚撚記大排檔》是荃灣旗艦店，佔地相當寬敞，樓高兩層有7,000呎之廣。而且，場內的佈置設計充滿老香港的味道，舊式裝潢很有特色，拍攝打卡位充斥在店內每個角落。《楚撚記大排檔》提供的菜式相當豐富，不乏懷舊味道，還有不少限定菜式，以古法烹調，不是到處可以品嚐。好像秘製辣酒煮花螺、香濃南乳粗齋煲、一口脆炸雙重芝士波波、香煎自家韭菜粿、古法生扣蝦籽柚皮、蟲草花臘腸雲耳蒸滑雞....... 等。 不過，最吸睛的還是新張限定優惠，可以新張優惠價 HK$168/隻享用原價 HK$238 的脆皮芝士焗原隻新鮮龍蝦。脆皮芝士焗原隻新鮮龍蝦面層舖上厚厚的芝士，香脆芝味，把龍蝦完全覆蓋著，賣相已相當吸睛！開邊而上，足夠我與蝦子餅各吃半

楚撚記大排檔地址: 荃灣川龍街118號百悅坊地下-1樓電話: 39973661係土瓜灣有第一間店時已想食，大成日大排長隊，夏天要在小巷中等入坐，真的出曬汗。荃灣新店闊落好多，7,000呎旗艦店，訂位就可以輕鬆入坐了有點心小炒食，更有荃灣旗艦店限定菜式 。新張限定優惠 - 脆皮芝士焗原隻龍蝦$168 (原價.$238) ，數量有限售完即止 $82 黃金九肚魚，一條條撲上麵粉炸得香酥，大大條厚肉，外層有鹹蛋黃醬份外惹味。$86 蟲草花立腸雲耳蒸雞係荃灣店獨有的，雞件好滑用上了雞脾位置，蟲草花係爽身雲耳，蒸完個汁都好好味，夠鹹可以撈飯$63 金銀蛋時蔬，上湯沉比炒更深得我心，小油健康，同我會把湯也喝掉那種人$59 蒜蓉炒清菜，加多碟因最近腸胃唔太順暢，簡單好食$20 豬油撈飯，豬油同甜豉油，唔多地方有，配埋咁多餸一流。仲有糖水送， 熱蕃薯糖水同凍食有清保涼己經好飽但忍唔住成碗食埋野食選擇多，價錢相宜，款太多下次再一大班人來食。

難得疫情放緩，又適逢中秋佳節，一家四口外出用膳Happy下，街坊推介我去荃灣楚撚記大排檔，好彩book定檯，去到真係爆場！裝潢走懷舊風格，童年回憶返晒嚟，未食可以先打卡一番。新開張優惠有脆皮芝士焗原隻新鮮龍蝦，只係$168/隻，但我早幾日先食過龍蝦，所以就點了其他菜式，辣酒煮花螺超濃味，辣得好過癮，伴碟蘿蔔都入味，仲有酥炸黑松露牛丸，口感好特別，椒鹽鮮魷同帶子蛋白炒飯就風味十足，人蔘濃湯娃娃菜同花旗蔘淮山煲竹絲雞排骨湯一樣好夠火喉，夠晒味！臨走仲要有免費糖水，食到飽一飽超滿足！

放四日假忙咗四日今晚終於出去食飯抖下～楚撚記大排檔開到去荃灣！！7000呎旗艦店闊落左，企理咗，裝修走懷舊風，幾有feel新張限定優惠有我哋至愛嘅龍蝦，仲要係脆皮芝士焗原隻新鮮龍蝦😍😍😍 新張優惠$168/隻，大大啖龍蝦肉加又脆又厚嘅芝士，食得好滋味！！荃灣旗艦店仲有好多限定菜式，下次多啲人可以試多幾款🤤除咗龍蝦，我哋仲食咗西檸煎軟雞、老干媽青椒炒牛肉、濃湯海鮮粉絲什菜煲！好豐富🤤食飽飽仲有糖水送❤️餐廳亦都做足防疫措施，搓手液、口罩夾、濕紙巾樣樣都有齊🛡 唯一美中不足就係餐廳用即棄餐具。。。好唔環保呀！！！ 希望遲啲會改善啦😅

疫情之後好耐冇影相，今晚同父母提早做節，來到懷舊餐廳"楚撚記"大排檔, 這是荃灣旗艦店，有7000呎之大，超多打卡位，帶著兩老來，讓他們懷緬一番，一邊吃一邊想當年，我聽著也高興呢！荃灣店有些限定菜式，可以新張優惠$168/隻享用脆皮芝士焗龍蝦 (原價$238/隻); 看看在牆上的懷舊裝飾，原來是餐牌，有紅字的也是限定菜式啊！如秘製辣酒煮花螺、香煎自家韭菜粿、香濃南乳粗齋煲、一口脆炸雙重芝士波波、古法生扣蝦籽柚皮、蟲草花臘腸雲耳蒸滑雞等。還有滋補老火湯水日日輪流出品，怪不得樓下排長龍等位都要食了。爸爸比較傳統，愛吃家常菜，就由他點菜好了， 有招牌菜楚撚記小炒王$88,沙嗲粉絲金菇牛肉煲$79,蜜椒排骨$78,不過在我的堅持下，點了從未吃過的椒鹽田雞$98。這裏招呼很周到，職員不時來加茶，遲了加茶也會很抱歉的說不好意思，上菜時提我們小心沙鍋很熱，感受到的用心服務。楚撚記小炒王， 很有鑊氣，用料十足，有蝦仁、魷魚、蝦乾、魚乾、炸菜、韭菜，炒得剛好，不會太濕，吃著超香的，價錢是我吃過的小炒王中最便宜，抵食！沙嗲粉絲金菇牛肉煲，要說明是牛肉，不是肥牛。牛肉肉質新鮮，不會用鬆肉粉醃到沒有質感，有要

有新嘢梗係要去踩場啦！朋友相約即去試！入到門口有D懷舊擺設好鬼正，行咗10級樓梯後見到個勁正懷舊*痰罐*嗰下令我好想即用嚟小解一下。。咁啱我又好鬼急嘛。。裝修設計都有懷舊大排檔feel，食物仲好有鑊氣真係好耐無食鑊氣嘢了兩個字形容"""掂呀"""