楚撚記大排檔

營業中

休息中

之前試過2個人無book位，點知要等到10點最後無食到，今次我地就一班人book定位黎試下😋我地一行5人book左8:00但我地去到佢地都要我地等多半個鍾，呢方面安排得好差上到去即叫野食，餓到我地人都癲，不過好彩佢地出菜係好快既，即刻可以醫到肚👏🏻激辣避風塘水魷魚-好大碟都幾辣，好好食😋😋麻辣韭菜鴨血煲-唔會好麻辣，鴨血好滑，偏鹹，送飯岩岩好👏🏻👏🏻菠蘿拔絲咕嚕肉-酸酸甜甜啱啱好，肉質唔會好硬👏🏻👏🏻香煎黑松露手打蓮藕墨魚餅-成個餅好‘林’身，食大陣黑松露味，超好食👏🏻👏🏻招牌原隻脆皮炸豬手-可能係炸既關係個皮係超硬超脆，啲肉就好滑好‘林’ 點埋醬食都好好食😋飛天通菜-無咩特別，正正常常另外我地仲好左煲老火菜乾煲豬肺湯，5個人都可以差唔多每人兩碗，都好夠火候好好飲，仲要另上湯渣😋😋整體黎講係值得再食

星期一五點幾路過荃灣、諗起有一間近期新開熱爆排長龍嘅大排檔楚燃記、地點位置不算方便、在荃灣楊屋道街市對面、行過去地點好擠迫同埋好污糟、終於搵到了、諗住碰碰運氣啦、因為網上講由六點爆到凌晨、訂位要兩星期之後才有位。大約5:45樓下知客話有位但係7:15分要離坐還枱、係有啲唔開心呀只可以食一個鐘但係都係想去試吓。三個人叫咗六樣嘢包括小炒王、西檸雞、拔絲咕嚕肉、星洲炒米、粟米斑塊、黃金椒鹽粟米、兩支可樂、一個白飯、埋單都係550非常之抵食、餸菜碟頭好大碟、但唯一挑剔就係啲餸菜都幾油膩但係味道係好味但係重味精、返屋企差唔多飲咗1公升水⋯小炒王夠鑊氣好味、但多油⋯西檸雞炸得幾脆，但汁唔夠多⋯拔絲咕嚕肉好味、酸甜度啱啱好⋯粟米斑塊不過不失、但我覺得唔夠脆⋯椒鹽黃金粟米好失望、睇介紹話佢係招牌菜、但係一啲都唔好食、可以唔使叫星洲炒米好好味、但係炒得唔夠乾身、好濕、勁濃味、食一啖即刻要叫可樂飲食飽會送番薯糖水、糖水不過不失啦總括來講真係值得幫襯、食過你就會明白佢點解會咁爆場⋯唯一挑剔真係好逼夾、枱同枱好埋、郁郁手踭都會撞到隔離

撚記土瓜灣總店好多人都食過荃灣都開咗新嘅分店啦☺️好近我呢度無論係服務、食物、環境都令我好surprise😉 仲要送糖水🙈裝潢又有特色🥳 有大枱可以朋友gathering真心推介大家一大班朋友一齊去試下😊今次叫嗰幾款都係必食💛 脆皮炸大腸 (鳳梨底) $88炸大腸聽落已經夠晒邪惡😂但係佢本身已經完全唔油膩😍夾埋菠蘿食簡直係清新😂同埋做到外脆內軟嘅感覺😭菠蘿拔絲咕嚕肉 (梅頭) $98咕嚕肉賣相已經令人食指大動👍🏻最鍾意佢係用梅頭，真心啖啖肉☺️重點係每一件外皮係keep到好脆！！必叫呀！！ 肉質食得出用料上乘香煎黑松露手打蓮藕墨魚餅$95黑松露墨魚餅係好創新嘅菜式😚但係兩者配合得天衣無縫😝口感正👍🏻 避風塘鮮魷 $93嚟到個個都嗌豬油撈飯，蔥油好香🥰豬油撈飯$20楚撚桂圓手工啤 $44值得一讚，食物環境服務都好

第一次食完之後覺得好好味，所以馬上再訂位同屋企人來試。一行五人家庭飯聚，但是這次跟第一次食既時候落差甚大。餸菜味道偏重味，以下是當晚點的菜：脆皮菠蘿生炒骨 - 味道不俗，賣相吸引辣酒煮花螺 - 蘿蔔及花螺入味,但一早已烹調好，上枱時放熱爐加熱，但螺肉預先浸著導致肉身很淋有不新鮮的感覺芝士酥皮焗龍蝦 - 面層正芝士酥皮似酥炸生蠔的皮,但因為太酥脆難以跟龍蝦肉一起食,芝士酥皮跟肉分開豬油撈飯- 很香及特色南乳粗齋煲- 味道偏咸小炒皇- 韮菜花不多，味道偏咸頭抽炒麵- 味道不俗，比較甜口脆皮焗豬手- 皮脆味道剛好蕃薯糖水- 薑味十足不甜

知道係荃灣開新店，特登慕名而來。卜最早6點晚餐時段，座無虛席就預料之內😆4個女子叫了芝士龍蝦，炒蜆，通菜煲，雞腳，拔c咕嚕肉，椒鹽鮮魷。當然要配返個豬油撈飯襯返先得～全部食物熱騰騰，極之有鑊氣～味道好香濃，每一樣都清曬碟😅（減肥是日不宜）打算叫汽水飲之際，眼前閃到S牌draft！我行曬全荃灣酒吧都搵唔到！估你唔到呢度遇到！OMG，鑊氣小炒加豬油撈飯，配埋蘋果生啤～滿足到不行之餘，仲有月巴。。。。。但，值得的💛

Walk in要個幾鐘起跳 建議大家book枱！或者外賣都得 全香港都送🤩大排檔咁受歡迎唔係冇原因❇️地方闊落 鋪位有成7000呎空間 ❇️餸菜夠穫氣 送糖水/清補涼.🔺椒鹽鮮魷/豉椒炒蜆/黑松露蓮藕墨魚餅/啫啫唐生菜煲/菠蘿生炒骨/糖水/清補涼 最出色係墨魚餅同炒蜆😚🌟墨魚餅份量多且質感濕潤 一粒粒蓮藕令到口感好豐富 黑松露味稍嫌不足 可以提升 🌟炒蜆穫氣夠勁 醬汁惹味蜆肉唔算大 但份量都多豉椒醬汁辣辣地送白飯一流整體性價比高 除左送糖水 都唔洗加一上枱食物温度再熱番少少就perfect池—————————楚撚記大排檔 @chor_land 荃灣川龍街118號百悅坊地下-1樓

好難先訂到位既大排檔，平日都好full，好多日，終於訂到，就五個人去食，叫咗五個送，有沙拉骨，金銀蛋時菜，蜜糖黑椒薯仔牛柳粒，炸黑松露牛丸同黄金炸豆腐，最推介既係黄金煩炸豆腐，岀面好脆，唔會好油，會不停想食。其餘都好好食

荃灣楊屋道街市遠近馳名，最近發現對面的金記冰室原來已結業，很快就改了土瓜灣的楚撚記進駐荃灣，記得多年前到過土瓜灣店，印象不錯，故此相約友人，四人飯聚一下。老友預早訂枱，知道由於新店人氣食店關係，明白需要等等，等了45分鐘安排入座，交枱時店員已多次說明進餐時間為兩小時，明白香港租金貴，四位，進餐兩小時應該冇問題。原裝修保留返上一手金記的影子。這裡自攜餐酒過來的話，要收開瓶費$150/支，所以一坐低，便點了招牌啤酒一試。楚撚桂圓手工啤$42~萬壽無疆通花碗花紋作為招牌酒標，配冰凍的戰鬥碗，味道帶有陣陣的桂花、杞子、圓肉香味，濃厚有特色，值得一試。小炒王$88~第一道菜上來小炒王，未見乾身，底部還感到濕濕哋，大家都覺得有進步的空間。椒鹽鮮魷$92~魷魚夠厚身，質感夠Juicy ，略嫌過分椒鹽，但也是啤酒的好撘檔，價錢扁貴。豆漿杞子鮮腐竹浸娃娃菜$72~由於多個小菜都較為濃烈味道，點這道菜，相當惹人討好。黑松露手打蓮藕墨魚餅$95~加入點點黑松露，即時將它變得矜貴，所以價錢也提升不少，但質感未算彈牙。菠蘿生炒骨$78~醬爆鴛鴦雞煲$99~鴛鴦雞即是田雞和雞，但田雞的比例太少，但點點麻辣味道惹味

訂咗5:30 準時黎到，已經好多人係門口排隊，可能係等外賣？ 如果冇訂位嘅，直頭冇晒位，要下次請早 😢  今次已經係第三次到訪，食物都係好滿意。 豉椒炒蜆 之前食過一次ok，但今次有沙，味道普通，微辣 蜜椒排骨 酸酸甜甜，幾開胃，肥瘦適中 椒鹽鮮魷 好香脆，上到黎仲熱辣辣，配啤酒一流 脆皮芝士焗原隻新鮮龍蝦 新張優惠 $168/隻，幾抵食 肉質食得出係新鮮而且幾厚肉下 外皮亦都好香脆，值得一試 秘製辣酒煮花螺 價錢係偏貴，份量亦唔多 螺肉入味但好細粒，用蘿蔔墊底 秘製汁食落似麻辣火鍋味 唔好睇小，都真係幾辣下蒜蓉炒時蔬（菜心） 落單嗰陣我仲講，食菜不如返屋企食點知最有驚喜係呢碟炒菜爽脆，鮮甜，夠蒜味，屋企炒唔到嘅味😂整體黎講，係幾抵食環境雖然嘈吵但係都算乾净企理裝修風格又係懷舊風，都幾特別但係提提大家，一定要book位同埋一定要check單！！可能新開張嘅關係，食咗3次但3次埋單時，張單都有錯單嘅部份，要留意~

 港式大排檔鑊氣夠永遠就係咁勁咁多人平日唔Book 檯想即日Walkin 要等2個鐘 （親耳聽到）講緊嘅係已經登陸荃灣川龍街的【楚撚記大排檔】 。七點前入去，八時許出來，人龍沿著樓梯一直坐，甚至門口也有一堆人圍著等入去，原因無他，7,000呎旗艦店排場夠，氣勢凌厲，小菜份量多， 真金不怕洪爐火，呢個係大家都鐘情楚撚記嘅原因。單是裝修已經落足本，沿樓梯一直上，綠色白色的紙皮石，與及牆身的廣告， 已經足夠勾起淡淡回憶。而且餐廳勁有深度，一直行入去都可以坐人， 有卡位有圓檯，人多人少都歡迎。唔好以為大排檔的菜式都係 千篇一律 。【楚撚記大排檔】荃灣旗艦店限定菜式，好肯定其他分店食唔到。 例如古法生扣蝦子柚皮， 一口酥炸雙重芝士波波，仲有脆皮芝士焗原隻新鮮龍蝦，呢幾款黎開 荃灣分店都一定要試。除咗旗艦店限定仲有幾款 招牌菜我覺得係不得不推介。金沙蛋黃九肚魚82炸得條條金黃 ，金沙咸蛋咸香之餘外脆內軟， 食嗰陣小心辣親嘴仔 ，而且九肚魚的鮮味仍然滿滿的。楚撚記小炒王88材料超豐富， 大蝦乾，腰果，銀魚仔同埋魷魚，當然唔少得韭菜花。 炒得夠鑊氣，夠乾身，魷魚同銀魚仔帶出成碟小炒王鹹香，超好食。楚撚

整體食物同環境質素中上，各種菜式都處理得唔錯。特別喜歡個咕嚕排骨、墨魚餅同魚雲。👍🏻推薦。👏🏻不過芝士焗龍蝦我要俾👎🏼👎🏼龍蝦面係一層過厚嘅芝士，但即使熱上時都係唔溶，個人認為係選錯芝士令到口感同味道都極為不夾。係哩餐飯唯一敗筆之處。最後仲送咗個清補涼糖水👍🏻清清地食完好舒口內油膩都冇曬，舒服😌今次安排我地坐左入房，有啲仿舊香港年代綠色鐵閘隔住，有好大私隱度。而且本人都好鐘意哩種懷舊感。

早兩個星期才book到位，以為好好食好勁，很失望而回！除咗個飛天通菜煲之外，全部餸都是暖的，尤其是嗰個芝士琵琶豆腐是凍的！味道一般，拔絲咕嚕肉一般貨色，炸大腸雖然脆但可惜已經凍凍地，黑松露手打墨魚餅，好微的黑松露味道，可以話冇黑松露味。甜品水晶包及黑金卡流沙包，尚算可以，熱辣辣送到上枱。但係奶黃水晶包好似燉蛋味！樓面服務尚算很好，招呼周到凡很好禮貌。全晚焦點，是贈送的番薯糖水是成餐最好味，又熱有又有薑味，味道甜度適中。

聽人介紹荃灣有間特色餐廳，成個裝修都好懷舊，所以我專登帶埋小朋友嚟等佢哋見識吓，果然周圍都係打卡位，充滿懷舊色彩。呢度主要都係食小菜，原來佢有幾間分店，部份菜式只有荃灣呢間旗艦店獨有，包括脆皮芝士焗原隻新鮮龍蝦，原價$238隻，而家係新張優惠只需要$168 ，咁抵冇理由唔食㗎嘛！龍蝦原隻開邊，面頭有厚厚的脆芝士，龍蝦肉好易起，有多膏，彈牙得來又實淨，好好味呀！真心推介！一口脆炸雙重芝士波波（ $68 ）同樣係荃灣店限定，芝士波波大概10多粒，雖然細細粒，但係一口芝士，好味！大人同細路都鍾意！菠蘿拔絲咕嚕肉（$98），亦好啱小朋友食，有菠蘿、蜜桃、紅青椒等配料，仲有幾舊我喺澳洲食過嘅honey comb，唔知中文叫乜，但係就好鬆化。上碟嘅時候側邊嗰個拔絲真係好靚仔，金黃色一絲絲就好似個雀巢咁樣，不過放耐咗就會倒塌，但不影響味道，都幾甜。至於咕嚕肉本身梗係好好味啦！啖啖肉，炸得夠火喉，正！呢度仲有豬油撈飯可以叫， $20一碗，一個缽仔咁上，趁熱自己動手將豉油和豬油撈落去，非常香口好味，真係好耐無食過。還有舊式嘅支裝汽水，小朋友真係未見識過，一人一支，零舍有氣！呢度既伙計仲幾好服務添！👍🏻👍

網上介紹話呢間楚撚記大排檔進駐荃灣，旗艦店有成7000尺！要行兩層樓梯，中間嘅裝修好有懷舊風味，就算食飯嗰層都真係好有舊式大排檔嘅感覺，而且真係幾大，好多張枱。睇餐牌見到有「碟鑊氣豉椒炒蜆」（ $92 ），二話不說即叫，好耐冇食過呢個餸了，好開心，以前嘅大排檔感覺真係返晒嚟。佢呢碟炒蜆一啲都唔敷衍，份量十分足，食極都有，辣辣地好惹味，真係好夠鑊氣，而且一啲沙都冇，吃過不停！另外西泠煎軟雞（ $85 ）賣相都好得，十件軟雞排得整整齊齊，外皮炸醬做得好脆，但同時裏面嘅雞件又保持到軟身，個汁又唔會太酸，夠晒開胃，做得十分好！金銀蛋浸時蔬（ $63 ），我哋揀咗菜心，雖然呢個配搭少有啲，不過味道都好唔錯。嗰堆金銀蛋勁大嚿，整碟份量都好多，而且好有鑊鑊氣。不得不讚佢個「脆皮芝士焗原隻新鮮龍蝦」，新張優惠只需$168/隻，我未食過呢個做法既龍蝦，通常都係芝士焗或上湯咁，佢加芝士一齊焗(定炸？)連個殼都炸到脆埋！嗰層芝士脆皮真係無得頂！而且龍蝦又夠大隻，好好肉地！一定要試！呢度仲有得免費送糖水，可以揀番薯糖水或者清補涼，我哋兩款都有試，實在太好啦！希望下次有機會帶埋父母過來一齊想當年呢！

大排檔系列 – 楚撚記大排檔💛大排檔風味🔥係一個香港既獨特味道講求火喉,炒功,同大量既事前功夫👨🏼‍🍳一間又好味又有良心既大排檔更係小之有小🥺環境:店舖裝修格調呈懷舊復古風⚒️裝修好新淨企理廚房唔係開放性🌝而且通風唔錯唔會有油煙味💨只有餸菜香味食物: 小炒王: 炒得乾身唔油膩,XO醬味道濃厚份量非常多🦐蝦同🦑魷魚粒都絕不偷工減料老火菜乾煲豬肺湯: 好香🥳入落舒適無怪味豬肺湯最怕洗唔乾淨有異味🤭佢處理得非常好飛天通菜煲: 蝦醬咸香🌶️辣椒惹味放上火辣辣既瓦煲🤤口水分泌無法停止最令人食唔停口既一個餸🤪難望漁港蝦醬骨: 即叫即炸好新鮮可惜部分豬扒太瘦有點硬實😥香煎黑松露手打蓮藕墨魚餅: 意想唔到既配合口感豐富,味道均勻👍🏽家鄉三絲炒米粉: 鑊氣直登滿分💯愈是平平無奇,就更突顯大廚功夫👨🏼‍🍳喜歡小炒的朋友絕對唔可以走寶😋P.S. 最後店員請飲蕃薯糖水😍服務:開張近一個月,基本無可能BOOK 到呢日屋企人想食,就膽粗粗去試下WALK IN開店前15分鐘就去排隊,好好彩咁排到🥰但後面就無咁好彩☹️台員好好禮貌同佢地講要10點半後先有機會了成個用餐店員都好有笑容同有禮貌💁🏻‍♀️環境: 7/10食物: 8