星海薈﹒譽宴

營業中

休息中

今晚是平安夜，老公說要打破傳統，不吃自助餐，要吃中菜， 給我一點驚喜。這間位於酒店內的中菜廳，裝修不錯。婚宴場地的格局，感覺高貴，空間寬闊，坐得很舒服。先來一個餐前小餐，是黑白木耳。兩款木耳爽口，味道是微辣的，幾好。老公喜歡喝湯，他先點了個足料老火湯，是粉葛煲豬踭。火喉十足，味道很濃，每人有兩大碗。看到湯渣更覺得是真材實料，湯裡的肉已煲得很淋，點豉油吃是最好不過。老公再點了一款小菜，是拔絲菠蘿咕嚕肉。咕嚕肉入口外脆內軟，口感軟熟，甜甜酸酸，是開胃之作。這裡不是用罐頭菠蘿，而是原切的菠蘿，口感厚實，不酸，原汁原味，整體好味。然後再來的是啫啫唐生菜煲，生菜煲份量不少，大大個煲。上的時候是冒煙的，生菜碧綠，很爽口，外面有一層薄薄的油，食落很香。裡面還有不少大大隻蝦米，非常夠味。老公知道我喜歡吃海鮮，他特地點了一個胡椒焗大肉蟹給我。來的時候已覺得非常吸引，賣相很好，很大隻，是完隻拼砌出來上碟。平時吃的通常都是薑蔥炒蟹，但這裡用胡椒焗，所以覺得很特別。未吃已聞到很香胡椒味道，蟹肉爽口結實，啖啖肉。蟹焗很入味，胡椒味香濃，帶點竦，非常惹味。怪不得老公極力推介，說是在沙田必食之選，其實我都覺得是好好

今日(17-12-2019 Tue)公司女高層請食冬至飯,訂咗嘅菜色有:1. 乳豬件拼叉燒叉燒蜜味好夠,口感都鬆軟嘅.味道:4分乳豬件皮脆,不過切得太細件.味道:3.5分2. 豆腐海皇羹味道唔鹹,幾舒服.味道:3分3. 一口牛柳粒口感都軟熟,味道正常.味道:4分4. 燒賣大大粒,熱騰騰,正常.味道:4分5. 炸豆腐一如以往,外脆內滑.味道:5分6. 燒雞皮脆肉嫩. 味道:5分7. 金銀蛋菠菜竟然係俾菠菜唔係莧菜,味道唔係太啱,但菠菜係菜苗,好嫩.味道:3分8. 糯米飯好濕潤,好腍,但略嫌唔夠粘,味道唔太鹹,味道:2分9. 桂花糕清甜,口感正常.味道:3.5分10.  萬壽果燉桃膠桃膠份量唔少,同第一次食一樣,咁清甜.味道:5分上次食評: https://www.openrice.com/zh/hongkong/review/%E9%96%8B%E5%A7%8B%E9%A3%9F%E5%8E%AD%E5%96%87-e3505359

石門呢一區真係好旺，而且好多食肆，今次因為要跟老闆招待同行的客，所以就跟隊去左呢間在酒店一樓的星海，譽宴的酒家。呢到其他交通都好方便，而且好近OFFICE，LUNCH來呢到真係幾近又方便，而且環境好得體。BUSINESS午餐，最緊要大體，所以幫老闆先點左一個例湯，是猴頸姑紅羅白豬腱湯，非常之甜而且是老闆的至愛，YEAH! 另外叫左3個小菜，湊夠三送一湯，希望大家食得開心又夠飽。其中的亮點就是，點了一份胡椒焗蟹，是部長推介的，是用獨特的胡椒調味的海鮮，見好特別而且大家都有興趣，一於就試下佢先~!哇哇哇，真係超正的胡椒焗蟹，一上菜就好香的胡椒味~!非常美味的做法，個殼全部都有呢個調得好好食既胡椒汁，真係要不顧儀態地食至得~!好在老闆佢地都好投入咁食，咁大家就好滋味咁剝殼同吮D汁，HAHA真係好正既商務午餐~!從來都未食過咁爽既~另外的兩個小菜，蒜客少豆苗及燒雞，都十分好味，整體今日的午餐，真係又特別又好食，而且仲好飽呢~俾我發現左呢個好地方，下一次一定會自己同朋友再食先得~

難得有一日放假，就黎左沙田譽宴星海，一入到黎感覺好豪華，同服務態度好好，帶埋老人家，父母黎就最好。今次點左，翡翠明蝦餃，四寶滑雞，桂花蜜脆麻花，手切豚肉叉燒包，脆皮米網鮮蝦腸，金磚豆腐。全部唔係淨係個名改得靚，而係真材實料做得正，全部賣相精美，而且食落用料新鮮，老人家食落都唔會覺得太鹹，而且仲好開心添特別要讚一讚個金磚豆腐，香口得來唔太熱氣，出面食嗰啲通常都係好鬼死熱氣，食完好口乾，呢個就真係做得好好啦手切豚肉叉燒包，裏面嘅豬肉真係好新鮮而且個醬汁十分之好味，同出邊食嗰啲真係好唔同㗎總結，呢一間星海譽宴，真係絕對值得一去

今日黎到石門萬怡酒店入面新開既中餐廳食晚飯~呢間中餐廳原來係譽宴黎~~~位處酒店入面即刻又high class左可以以親民既價錢係酒店食飯好似超筍咁呀!!!入面既裝修非常靚~又有個大台同backdrop, 係一個好華麗既婚宴場地絕對係新人擺酒之選!!呢道樓底好高, 空間感闊落~同朋友食飯傾計都唔怕嘈到隔離餐牌方面有唔少選擇~套餐, 孖寶, 單點樣樣有...價錢有經濟之餘亦有貴價菜式, 任君選擇最抵係而家做緊優惠可以叫一個餸就送一個小菜~三選一, 超吸引呀!!!!!足料老火湯 $168龍脷葉豬骨湯~~材料豐富, 火侯十足!!啖湯好濃, 超正!!完全冇味精, 好好味拔絲菠蘿咕嚕肉 $138上枱好吸睛~~~咕嚕肉多到個菠蘿都載唔晒, 有傾巢而出既感覺~咕嚕肉外脆內軟, 酸酸甜甜夠醒胃!最正係呢道用上新鮮菠蘿, 又香又甜魚香茄子海參煲 $168特別既配塔~可以食到惹味既魚香茄子之餘, 仲有貴價海參海參份量好多, 條條都好粗好厚肉, 食多D身體都健康D瑤柱貴妃雞 $198貴妃雞甘香幼嫩, 雞味突出, 雞肉十分嫩滑~ 啖啖肉話咁快就清晒最後仲有甜品送~~每人一件桂花糕...桂花糕軟硬度適中, 又唔

沙田 譽宴．星海薈 好耐都無食中餐啦，係時候都要試下食，甘岩朋友推介有間唔錯既中菜，當然要試下啦餐前小食 黑白木耳十分開胃，有少少酸辣！！ 蒜味濃足料老火湯，餐廳十分貼心幫我地裝起d湯同湯料另上~ 怕無味既仲可以點埋鼓油家常海參豆腐煲！ 係家既感覺啊！！豆腐幾好味~夠哂滑~ 送飯一流！士多啤利脆蝦球 主菜蝦球炸到勁脆~~外脆內軟炸皮十分薄~-蝦球大大，正蜜燒黑豚肉超大碟，好多汁肥瘦比大概係7/3，黃金比例，唔錯唔錯真係唔錯既中菜，必定會再來食走時候員工仲送左張優惠卷，下次再試下佢地既海鮮先。#foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #followers #photooftheday #amwriting #blogging #newblogpost #instablogger #me #followme #comme

位於石門的香港沙田萬怡酒店一樓的譽宴. 星海薈，午市主打廣東點心。晚上則可作為婚宴場地，整體佈置得典雅舒適。沙田店正提供一個頗吸引的優惠，按入座人數會送指定點心，今次選了 手切豚肉叉燒包。點心則點即蒸，上桌時新鮮熱辣。翡翠明蝦餃來到了，蝦餃晶瑩剔透，而且賣相精緻，還熱騰騰，緩緩冒着蒸氣。蝦餃皮厚薄適中又軟糯煙韌，蝦仁爽口彈牙。第二道點心是手切豚肉叉燒包，包的質感鬆鬆軟軟，裡面的餡料和醬汁相當充足，醬汁味道甜甜的。朋友則覺得豬肉餡料略為瘦一點會更佳。順便一提，酒樓內的空調強勁，點心襯熱食味道最好。女士們吃飯時可以穿一件小外套，以免著涼。脆皮米網鮮蝦腸 來到了，這款點心切成一口一件，軟滑的腸份下面是脆脆的米網，裡面則是爽滑的鮮蝦仁。整體鹹鹹香香，口感豐富。四寶滑雞扎 來到了，雞扎包括有魚肚、小粟米、蟹柳條和鮮雞件。魚肚吸滿了醬汁，味道鮮甜，整體份量充足。桂花蜜脆麻花 來到了，質感比想像中輕盈，味道甜甜的，頗能吃到桂花和椰絲的甜味，吃一整件也不會覺得膩。之前吃過其他餐廳的蜜脆麻花，較為重口味和膩。金磚豆腐來到了。外皮撒滿了椒鹽，炸得香脆夠香口，粉漿一點也不厚，厚度剛剛好。裡面的豆腐口感十分滑

難得閒日放假 就做個孝順女同媽咪去嘆下茶今次特登揀緊環境舒服嘅同媽咪去試下譽宴·星海薈位於沙田萬怡酒店商場嘅一樓環境已經比一般酒樓奢華舒適餐牌：除咗散嗌之外 其實仲有商務套餐供應不過都係散嗌啱筆者同媽咪食多啲好抵嘅係就算兩個人都會送一款點心🤤🤤🤤唔知環境靚 連餐具都精緻添再有碟花生做前菜✨手拍蒜香青瓜 $58蒜味超香 而個醬呢食得出係自己調味嘅青瓜亦都夠爽脆連怕臭青味嘅筆者都食唔停口✨脆皮米網鮮蝦腸 $42呢個腸粉超級好味阿🤤🤤🤤🤤🤤腸粉皮又薄又滑 米網又薄又脆口包住嘅蝦肉都好實在而件事配埋食係非常出色非常好味✨金磚豆腐 $58又一碟非常出色嘅美食🤤🤤🤤個皮好薄好香 入面嘅豆腐超級滑真係筆者食過最好味嘅椒鹽豆腐✨翡翠明蝦餃 $42賣相好靚 蝦餃皮非常薄 蝦亦都夠爽口夠大粒✨四寶滑雞扎 $42味精上無乜特別 不過用料真心足✨桂花蜜脆麻花 $28最後嗌個甜野嚟做個總結先脆麻花好脆口 唔係硬身係真係脆嘅桂花蜜落得唔算多 所以唔會死甜筆者覺得佢可以再甜多小小添雖然佢價錢比較高小小啦 不過環境好味道好費啲啲都ok啦推薦大家嚟試下😉

燉湯好足料，有姑有雞腳，好清，飲完唔會口渴，無味精扙絲菠蘿🍍咕嚕肉扙絲菠蘿🍍唔係想像中既扙絲，有一絲絲，但菠蘿係新鮮菠蘿🍍，唔係罐頭🥫，好多餐廳都用罐頭，但新鮮真係好味好多，至於啲咕嚕肉，真係食唔停口，好彩今餐只係兩人食，否則會爭🤭每一舊肉都只係肉，無骨，肉同脂肪大約8/2至7/3比，肉好juicy,dd 肥， 好正，唔會好乾，又唔會只係成口油，佢既炸漿好薄，但又好脆，正👍🏻魚香茄子🍆海參煲茄子🍆ok海參比想像中多，整體成道菜ok蜜燒黑豚肉超大碟，兩個人真係有點食唔哂，肉好juicy,肥瘦比大概係7/3，唔錯唔錯

中午飲茶，它們上枱了；墨魚子焼賣皇，大粒肉燒賣上伴了蝦肉同幾粒墨魚子， 肉滿要趁熱食， 凍了變硬冇咁好吃了。爆汁小籠包，上來時真的爆了汁， 但皮薄餡料還是好味呢。胡椒濃雞湯灌湯餃，湯底美味， 附了一件雞中翼， 餃內有蝦肉；木耳段； 瓜蓉；豬肉等，整體味道十足的啊。像形香芒鹹水角，外皮甜軟， 內埋便是一般的鹹水角料， 茶果般的口味。xo醬炒蘿蔔糕，香脆微辣， 小小粒可一口口吃。鮑汁炆鳯爪，入味而鳳爪保持爽爽的質感，汁哋不太濃不太厚。啤酒隨伴著。。

今日嚟到沙田石門一間好有特色嘅中式酒樓譽宴．星海薈屹立於香港沙田萬怡酒店1樓到達的時候感覺這裏檔次較高，環境優美，無論在裝飾設計上，亦非常充滿中國特色，感覺置身於內地的大飯店。而且他們的侍應服務態度殷勤，令我感覺賓至如歸環境不在話下，連餐具都很漂亮見到門口等位已經有電視睇仲有好多唔同的裝飾擺設點綴還有有間VIP房入面有波枱，獨立廁所環境闊落可以容納10多人而他這裏的午市除了點心外還有套餐選擇今日點了幾款菜式未上菜前有個前菜可以吃翡翠蝦餃這個蝦餃與一般的蝦餃與別不同他用綠色晶凝通透的皮夾住新鮮的蝦內裏肉質彈牙四寶滑雞扎雞肉嫩滑金磚脆香豆腐外脆內軟豆腐仍然好滑溜手拍蒜香青瓜脆卜卜脆皮米網鮮蝦腸內裏蝦好足料皮薄涵靚桂花蜜脆麻花又甜又夠香脆服務又好，食物質素高級，值得推薦

好少食中餐，通常食都係同長輩一齊食。今日就約左家中長老食好啲，去左呢間宴會式嘅中餐館食野。中餐當然唔少得老火湯！😍味道唔錯，望到啲湯渣就知個湯有幾足料。雞腳，瘦肉，咩都有。另外點左個拔絲菠蘿咕嚕肉，呢個餸送飯一流👍而佢真係冇改錯名，用對筷子夾起塊咕嚕肉真係有一條條拔絲拉到出黎！咕嚕肉嘅口感真係好鬆軟，但最估唔到嘅係佢嘅外皮會脆得咁緊要！呢種外脆內軟咁大反差真係好經典。最後要讚下呢度嘅店員，可能因為佢地做開宴會，所以真係好有禮貌，招呼非常周到。呢一餐都算滿足。

今日工作關係，黎到沙田石門呢到，之前都要去過沙田萬豪酒店食過buffet，今日就試吓個中菜廳足料老火湯_椰子烏雞雪耳西施骨（$168)一向都好鍾意飲湯，呢個椰子烏雞雪耳西施骨湯味道濃郁，真係夠哂老火😅好適合依家轉天氣時間飲。拔絲菠蘿咕嚕肉（$138）拔絲菠蘿咕嚕肉肉質鮮嫩，脆皮部分香脆，掛汁都剛好，而且有新鮮菠蘿伴碟，不過拔絲再效果好D會更佳。漁香茄子海參煲（$168）漁香茄子煲就連茶餐廳都食到嘅嘢，不過加左海参成個高級左，海參本身都冇咩味道，一向都係用黎炆冬菇，不過呢個漁香茄子食法，又好夾啵。生啫唐生菜煲 ($128)啫啫生菜算係人氣菜式，喜歡佢夠野味，算係不過不失嘅菜式，味道剛好被生菜吸收，鹹淡適中。

真係好難得搵到一個地方同家人食餐生日飯。 好感恩。都話會再黎食。今次人多d, 可以叫個餐試下。 成圍枱咁多人食飯, 總有人會眼闊肚窄。 結果真係個個食得飽飽, 最後竟仲有桂花糕送。 由於真係好香, 食唔落都食食晒其實咁多人叫餐都係有d懶睇餐版, 諗住都係例版餐ok 啦。 但這間譽宴總係有d驚喜。 佢既魚好新鮮, 唔會蒸過頭。 脆皮乳豬水準好唔錯, 脆皮真的入口爽脆鬆化, 仲要全隻上, 賣相好吸晴。 乳鴿都好入味嫩口。 更意外係佢既菜乾豬肺湯, 一來好少有得飲, 二來好足料, 連湯渣都食晒。好少會讚好套餐, 但今次真係幾唔錯。 食得過。

今日嚟飲茶唔同左裝修，轉左手裝修多左華麗感。凍小食係黑白木耳，麻油味好重好爽口，配少許芥末味。杯碗碟都小美。翡翠名蝦餃 $42皮翠綠金箔點綴，配點橙紅辣椒油。蝦肉大配豬肉點，爽中再軟口，多數爽蝦肉讚！係料到加d辣椒油仲正提鮮。潮州粉果 $33樣子幾飽滿。對我嚟講花生同沙葛粒係主要目標，哈哈！金蒜鮮蝦長春卷 $38沙律醬蒜味，野味小熱氣。外脆但9成多係食到蝦肉彈牙，小食多滋味。XO醬炒蘿蔔糕 $58外表金黃帶色彩，xo醬小蝦乾。內外都有蠟肉味，粉嫩。幾香口，幾好。特別完全無蠟肉益味。沙薑豬手粒 $68沙薑味幾重，凍身關係有d似食分蹄。豬手皮清潔得好好無毛毛，夠凍鎖哂油係皮當中。一咬就硬身帶咬硬糕感覺，好易食。金菇安格斯牛肉腸 $48豉油另上加分，自己調味。有黑椒既，特別！屋企人話似食黑仔骨，驚喜未食過咁。安格斯牛肉有2/3份量，牛味夠而不蘇。腸粉皮唔算薄，但有點煙un。酒店飲茶嚟講唔貴，同酒樓差不多。環境舒服唔會太大冷氣。