早前有位識食朋友帶咗我地呢間西式私房菜食飯慶祝！話明私房菜，位置同門口又真係既隱世下🤣不過勝在性價比高、免開瓶費、私隱度高，好適合一大班朋友食飯慶祝！ 餐廳有一對夫婦主理，丈夫酒店出生，擅長烹調創意西式美食，比客人不一樣的西式體驗
-
✨凡惠顧餐廳，並Like & Share 餐廳社交平台Page，即送一隻法國生蠔 + 一杯白酒。
-
✍🏻/食評/
餐廳只提供晚市私房菜，客人可以自由配搭以下1-5的選項，3道菜起，價錢由375起～，完整5道菜只需$470，以私房菜來說性價比很高呢～

▫️私房5道菜▫️
// 1. Appetiser //
☗ 炭燒冬陰功豬頸肉田園沙律+$10
大概12片長而厚切的豬頸肉，口感爽嫩彈牙，帶點泰式冬陰功醬料香，鹹香味十足！

☗ 焗釀蟹蓋拼松葉蟹沙律 +$20
中式蟹蓋食得多，西式配上啖啖松葉蟹肉，襯熱食一流🤤

☗ 招牌5式焗蠔 +$30
朋友中意食生蠔點咗呢份拼盤，5隻生蠔5種調味，分別有 辣椒蒜蓉醬、薑蔥油、荷蘭汁菠、意大利蕃茄醬、野菌芝士磨菇，都幾過癮～

// 2. Soup //
☗ 法式千邑龍蝦濃湯

// 3. First Course//
☗ 和牛拉絲芝士PIZZA
大概4吋，配上和牛粒、芝士、三色椒等，薄餅鬆脆～

☗ 冬功燴海蝦意粉+$20
冬陰功辣香味幾惹味，口感Creamy有嚼勁😆

// 4. Main Course //
☗ 芝士焗新鮮澳洲龍蝦米多+$200
霸氣原隻龍蝦，帥傅細心拆哂蝦肉，再配上芝士、洋蔥、蒜和白菌角爆香，濃郁惹味，啖啖鮮蝦肉香，爽口彈牙！慶祝打卡一流‼️

☗ 烤焗法國走地春雞釀野菌意大利飯 +$40
原隻走地雞釀入意大利飯，造型同樣非常霸氣！雞肉焗得好Juicy🤤，啖啖鮮嫩帶肉汁：意大利飯索咗雞肉雞汁精華，份外香口綿密，幾好食🥰

☗ 慢烤美國安格斯最頂級有骨肉眼
1KG +$650(2-4位用) / 2KG +$1250 (4-6位用)
我哋8個人order咗2KG👀‼️2KG造型超級癲‼️肉眼睇真係粗過自己大髀🤣，相當足料‼️‼️師傅慢烤完後俾我哋影相再切！肉質鮮嫩，爽嫩帶油脂香，如果一大班人食飯，不妨加番個Steak食👍🏻

// 5. Dessert //
☗ 自家製手打榴槤雪糕+$25
中意榴槤朋友必食 ‼️自定製用上貓山王，啖啖榴槤肉香，好滿足

☗ 鮮雜果脆多士配自家製手打雪糕 +$40 2位用
正所謂甜品第二個胃！呢位脆多士份量十足，麵包鬆脆香口、配上雜果和雪糕，幾鮮甜出色～

最近比我發現樂富小區一間好棲息既餐廳，樓高兩層、落地大玻璃、空氣感十足‼️日間自然光滲透猶如舒適Cafe，晚上搖身酒吧，私隱度十足，適合同朋友密密斟、飲酒食飯🍻。當中亦設有室外露天 和 私人包廂房，慶祝包場冇難度👍🏻 - ✍🏻/食評/ 🍓草莓冷天使麵 $138 🥭芒果冷天使麵 $138 呢兩款冷天使麵可以話係餐廳近期鎖店之寶‼️聽店員講晚市有不少客人即使點了二人套餐，也會另加一份冷麵，相當棒場😆。我們當日同朋友慶祝生日也點了各一款口味試試，確實幾有驚喜🤤！ 特別喜歡草莓口味，配上18個月的風乾火腿、新鮮草莓、和檸檬汁香的冷麵，鹹酸甜味互相輝映，很是開胃😋。芒果味更使用了台灣鮮甜的愛文芒果，配上熱情果籽 和 Mascarpone 芝士，同樣鮮甜開胃！幾特別呢個炎炎夏日，好refreshing😌 ▫️豐盛2人晚餐 $728/2位▫️ 包括 2前菜 + 2主菜 +2甜品 + 2飲品 // STARTER // 🔸香煎北海道帶子 香煎帶子配上粒粒三文魚籽；底層仲有綿綿薯蓉 和 蔬菜醬汁泡沫，造型精美。帶子香口肥美～ 🔸烤厚燒牛舌 牛舌爽口彈牙，蘸上醬汁更提鮮味～ // MAIN // 🔸澳洲(和牛)牛腹肉 牛肉色澤鮮嫩，帶有牛肉香和油脂香；另伴有薯條和沙律 🔸白酒忌廉海鮮寬麵 店家最出名就是手工意粉‼️呢碟意粉果然沒還人失望😋 寬麵很掛汁，啖啖白酒忌廉香，而且啖啖蝦肉增添爽鮮感，好食 // DESSERT / 🔸蘋果巴斯克芝士蛋糕 配雪糕 蛋糕裡層啖啖蘋果肉，上層有脆脆的咬口，蛋糕綿滑，配上雪糕一流😍 🔸草莓奶凍 奶凍軟滑質感，配上士多啤梨，甜而不膩～ // DRINKS // 🔸英式檸檬紅茶 跟餐免費 🔸玫瑰果洛神花茶 跟餐免費 🔸Salty Night Mocktail $68 🔸Pina Colada Cocktail $78 // 另外單點 // 🔸三文魚酸忌廉薄餅 $198 店家烘烤薄餅也有一手，薄餅香薄鬆軟，面層鋪上三文魚籽、三文魚、酸忌廉，不錯！ - 🔆/整體黎講/ 餐廳鄰近地鐵站。食物高質，擺盤認真不馬虎，適合慶祝/飯聚～

【三訪Decree by T令😚】中意周圍試新野既版主，好少鮨店會令版主去完又去🤣，而呢間會令我去完又去，主要有兩個原因，一係✨保持新鮮感🫶🏻。餐廳除咗食壽司，定期都有5-6款限定精緻菜式，每次都有驚喜👍🏻。二係✨精緻擺盤，打卡一流。餐廳老闆Thomas係名牌餐具收藏家，對餐廳用既杯杯碟碟都很講究，選用Versace, Hermes 等奢侈品牌，靚到好似食緊Fine Dine 咁，仲會定期購入新餐具，非常有趣😂～ - ✍🏻/食評/ 🔖 Lunch Set $880 <6道料理> ❀ 甜蝦他他 甜蝦他他拌蝦膏、淮山粒，並放入甜筒，面頭放上Caviar代替鹽，清新甘甜又有甜筒酥脆感。 ❀ 炭燒鰤魚煙燻魚子 即席以備長炭炭燒鰤魚魚皮，甘待釋出魚油；配上 和 煙燻魚子同吃，煙燻帶魚油香～ ❀ 蟹肉枝豆豆腐Espuma 北海道松葉蟹 撈上枝豆蓉及少量蛋黄醬，並有日本絹豆腐做espuma，最後放上一些地膚子植物種子，層次豐富，豆腐香味較突出 ❀ 吉列油坊主配柑桔芝士 油坊主即北海道黑鱈魚，將佢做成半生熟吉列炸魚，配蜜餞柑芝士醬 和 少許竹炭鹽，口感酥脆肉嫩不油膩｜ ❀ 香煎馬友配鹹魚蔥油汁 用上野生馬友，魚鱗煎至香脆，配以鹹魚汁及蔥油，魚肉鮮嫩，醬汁增添鹹香；食完師傅仲會比一口壽司飯撈勻醬食，鹹香惹味 ❀ 牛肩肉生菜捲 紅酒慢煮牛肩肉拆絲，加入鴨肝及牛肝菌再香煎，最後加上蛋黃醬及辣根刨絲，並用菜包住；有點似越式做法，口感惹味，絲絲肉質😋 <壽司8貫> ☗ 北海道帆立貝 手撕紋理清晰，口感鮮美有爽勁 ☗ 北海道左口魚 · 配魚邊 入化軟化，魚油脂濃 ☗ 鰆魚 14日熟成·魚味重身軟嫩～ ☗ 富山灣白蝦 灑上蛋黃做成的蛋酥，甘鮮香味十足～ ☗ 深海池魚 細緻爽口帶油份 ☗ 靜岡縣 山田下崎拖羅 21日熟成中拖羅，魚香軟嫩富油脂，甘香味持久 ☗ 千葉縣金目鯛 輕輕燒咗個皮更能逼出油脂，肉質細膩～ ☗ 北海道馬糞海膽 當造的北海道馬糞海膽，味道濃厚甘甜，好食👍🏻。 <其他> ღ 江戶前玉子燒 師傅說以海鮮，如帶子蓉、准山蓉等來整玉子燒，口感份外香甜富蛋香 ღ 葫蘆瓜乾卷 很喜歡這件爽脆帶嚼勁的卷物 ღ 魚濃湯 好似espresso 咁，濃郁魚湯香，很暖胃呢~ ღ 香蕉雪糕🍌 味道濃郁軟滑，仲有脆糖霜～ - 🔆/整體黎講/ 性價比高，壽司料理都很豐富‼️不過今次Thomas老闆唔喺度，期待下次有佢坐陣，相信現場氣氛更會提升🤣

好耐冇黎過太古城中心🤣先知道原來宜家呢度都有成過百間餐飲商戶😱，當中仲有兩個美食廣場，分別係剛翻新的「APITA Eatery」和全新進駐的「Carnival」 。 當日黎到「Carnival」覓食，發現呢到雲集咗 中、西、日、泰 等14個餐飲品牌😍，其中包括 連續5年獲泰國米芝蓮推介的泰式料理「帕泰家」、米芝蓮二星「鮨·齋藤」新副線「鮨孝」、出售日本百年麵包店「神戶屋 Kobeya」直送麵包的「PAN Festival」等，就連 日本北海道人氣過江龍小熊溫泉火鍋「くまちゃん温泉」都會喺度插旗😳，食物種類選擇多之餘，大部分人均$100有找😱，性價比都幾高架‼️ - ✍🏻/ Carnival 覓食推介/ 【1】帕泰家 Baan Phadthai 泰國米芝蓮‼️餐牌選擇豐富，有海南雞飯、炒金邊粉、咖哩系列、小食 和 甜品等。 ✨燒豬頸肉炒金邊粉 $86 豬頸肉幾爽口，金邊粉配旁邊既辣粉同花生幾惹味，如果有埋炒鑊氣就Perfect喇😆 ✨ 芒果斑蘭糯米飯 $58 椰漿鹹甜香令斑蘭糯米更為香口，口感煙韌有嚼勁，芒果都幾鮮甜～ 【2】L.D.K. by Ufufu 招牌和風咖喱蛋包飯，可配搭和牛漢堡、吉列豬扒、炸雞等配料，價位大概$68-148 ✨燒汁芝士溶岩和牛漢堡蛋包飯 $148 好IG-able呀‼️邪惡溶芝配上厚切和牛漢堡，揭開仲有滿滿滑蛋和飯，層次豐富，和牛漢堡鬆軟。 【3】俺流うどん Oreryu Udon 多款烏冬、炸物 和 關東煮，低至 $11有交易 ✨關東煮烏冬 $72 烏冬煙韌彈牙，關東煮份量都幾足，有埋福袋更滿意喇🤤 ✨明太子雞翼 $16 雞肉釀入滿滿明太子，增添惹味～ ✨自選炸物盛合$25 可以自選6款炸物，我地揀咗 獅子狗、黃金炸魚餅，黃金墨魚燒、豆腐炸魚球、墨魚丸、 蝦肉魚丸；每款都幾彈牙，魚香不錯 【4】鮨孝 壽司．海鮮丼Sushi．Donburi 多款時令刺身、壽司和海鮮丼供應；價位 $60 - 188 左右 ✨松葉蟹肉赤蝦丼 $188 赤蝦爽鮮肥美、蟹肉份量足但唔算好鮮甜，但飯底加配紫菜增添香口，整體還是不錯🫶🏻 【5】九頭鳥米線 平民米線之選‼️好似譚仔咁用不少湯底 和 配料選擇 ✨豬扒米線 $48 豬扒有香茅風味，酥香JUICY，配上蕃茄湯10小辣 +$3，幾有地道港式風味 【6】築地銀だこ Tsukiji Gindaco ✨原味正宗八爪魚燒(4粒) + 京蔥大阪燒 + 築地銀炒麵 $80 章魚燒外脆內軟，有淡淡高湯甜味；大阪燒轉咗京蔥味幾香口，銀炒麵鹹香得宜，仲有鑊氣～

新年諗住帶屋企人喺附近食Omakase，喺Openrice搜尋竟意外發現呢間隱世鮨店👀，於是就諗住Book黎試下！去到發現鮨店面積比相像中大，仲設有兩間包廂房間！木質線條感既裝修簡約而不失大雅。而當日為我地服務既師父叫 Venos，聽講佢喺半島鮨店工作過，佢既手推壽司手工亦很不錯，很能帶出魚肉既鮮香同甘甜，值得一讚！ - ✍🏻/食評/ 午市 $450/$680/$980 晚市 弦22品 $2280/ 音18品$1780 > 茶碗煮 < ♧ 金菇甘露煮蒸蛋 金茹味很爽甜，裡面仲有d煙韌面筋，配上滑溜蒸蛋，鮮甜暖胃 > 刺身 < ♧ 石垣鯛| 酸汁啫喱 清脆柔滑 ♧ 燒白子｜配上 蛋黃醋，黏口Creamy ♧ 鮟鱇魚肝| 配上芝麻、芽蔥，口感綿綿帶點辛辣感 ♧ 陸前高田真蠔｜配上柚子皮，肥美飽滿，蠔味重而爽口 ♧ 鰤魚兩食｜一背位、一網燒腩位；腍身、厚實 ♧ 真明鏗兩食｜肉質位肥美爽口，魚骨位則用醬酒火炙、再配上西京面豉醬炸過，很酥脆香口 ♧ 帆立貝｜配上蛋黃他他醬，微微香煎，半熟半嫩，鮮甜香口 > 壽司 < ➽ 三重縣 針魚｜鮮甜肉嫩 ➽ 三重縣 金華鯖｜肉質順滑，白昆布 增添鹹香 ➽ 墨烏賊｜配上紫蘇絲，爽脆甘甜 ➽ 天草 平目魚｜昆布漬 ，清新爽口 ➽ 赤貝｜ 爽脆 ➽ 長野縣 車海老｜ 爽口帶黏口 ➽ 熊本 小肌｜酸酸地、鹹鹹地，肉質細緻 北海道戶井·醬油漬天然推羅 延繩 ➽ 赤身｜脂量少、肉質實有咬口 ➽ 大拖羅｜蒜味豉油、網燒 ，入口即溶帶筋位 ➽ 北海道海膽 ｜很鮮甜回甘 *** > 和食 < ➽ 虎蝦｜配上菜之花，肉質紮實、爽口彈牙 ➽ 毛蟹 魚籽 准山 手卷 ｜餡料豐富，啖啖滋味 ➽ 魚湯 ｜鮮甜暖胃 ➽ 水果| 蜜瓜 士多啤梨、蜜柑 - 🔆/整體黎講/ 一間幾高質既鮨店，大部分都採用天然野生既魚，用料都講求要攞最優質既貨，雖然價錢都相貴啲，但一分錢一分貨。

就黎情人節喇💕短期耐未得閒帶另一半去日本旅行，不妨帶佢去食下日本野🥳 呢間喺元朗剛開業不久嘅居酒屋，版主第一次黎到比佢地既裝修同私人空間感驚豔咗🫣！當日餐廳安排咗一間獨立包廂榻榻米坐比我地，乾淨又闊落又有私隱度，慶祝一流！ 值得一提係，呢度選用日本直送新鮮食材，價錢比市區實惠，想食時令海鮮如松葉蟹，仲可以提早同餐廳預訂，抵價食日本料🥳～ - ✍🏻/食評/ <<前菜3品>> ❀ 慢煮南非鮑魚肝膽醬｜鮑魚爽鮮 ❀ 江户前玉子燒｜玉子蛋味鮮甜、口感鬆軟 ❀ 甘醋蕃茄漬｜酸甜開胃 <<刺身3點>> ❀ 海膽醬泥障烏賊刺身｜口感絲絲綿密，配海膽醬很甘甜 ❀ 大拖羅刺身｜肥美入口充滿油脂 ❀ 日本象拔蚌｜爽脆有咬口 <<壽司6貫>> ❀ 2點海膽迷你杯 雖說是迷你，但好足料，鹹鮮味十足 ❀ 白蝦 ｜穴子｜泥障烏賊｜沙鎚魚 很時令既魚鮮，甘甜富魚香 <<生蠔 2選1>> ☗ 厚岸生蠔 食生蠔既鮮甜海水味，爽口 ☗ 海膽醬燒生蠔 海膽醬唔會蓋過生蠔鮮甜香，但呢款會膩少少 <<燒物>> ❀ 松葉蟹甲羅燒2件配鱈魚片 大大滿足既蟹甲羅燒，蟹膏味濃郁，仲有絲絲蟹肉，配脆片很正～ <<熟物2選1>> ☗ 牛油龍蝦配龍蝦頭味增湯 龍蝦炒得好惹味濃郁，啖啖爽實肉質；食完店員仲會幫忙攞個蝦頭煲湯，份外鮮甜 ☗ 白鰻魚配藓魚白湯 白鰻魚以鐵板熱燒，微脆肉嫩，帶少許魚骨 <<鍋物>> ❀ 黑松露鵝肝鍋燒飯 鵝肝味撈勻於飯內，熱辣辣仲有飯焦～ <<雪糕>> 有wasabi口味，好特別～ <<時令水果>> <<蘋果汁>> 情人節「戀」套餐 $2,580/兩位用 *** 另加： ❀ 炸黑豚溏心蛋 $35 炸蛋 伴 豚肉香，酥脆富肉香～ ❀ 田樂炸豆腐 $56 外脆內腍，啖啖豆腐香～ ❀ 石鍋鰻魚飯 $148 唔好睇佢細細碗2-4都夠食，厚切蒲燒鰻魚，粒粒分明豆香～ - 🔆/整體黎講/ 元朗人士飲酒食飯既小天地，餐廳設計到一角落一角落既卡位，舒適又好坐，服務都不錯呢～

喺中環Bakehouse排隊買麵包，比對面 全白色門面，配搭好似俄羅斯方塊既凹陷設計 吸引左！上Openrice搜尋發現係一間 以 武士刀 為主題的「日式串燒居酒屋」，有近80多款串燒、天婦羅、主食等選擇，加上環境暗黑有格調，氣氛十足🥳 岩哂收工同班朋友食野飲酒‼️適逢臨近情人節，約心儀對象或者另一半黎呢到食野同瘋狂暢飲，渡過一個愉快嘅晚上🤤😙😋～ - 最近餐廳做緊優惠2.5 hours Free Flow Sake $188/Male $88/Female 提供 越後櫻 純米大吟釀 的無限任添優惠，味道甘口清爽，並帶點辛口，適合配搭海鮮、牛肉 和 串燒～ - ✍🏻/食評/ <<前菜>> ✪ 千壽金磚玉子 $88 磚型豆腐外脆內滑嫩豆腐香，面頭有些香蔥燒汁等配料，鹹香不膩～ ✪ 日本生蠔 $128 經Openrice訂座送生蠔🦪，清爽帶海水鮮味～ <<燒鳥>> ✪ 燒鳥組合 $138 共3款串燒，分別有 鹽燒雞蠔肉、汁燒雞上脾肉 和 柚子胡椒雞上脾肉；中意食嫩肉多汁既滑雞，嗌呢個組合就可以試哂三種口味～ ✪ 雞皮紫蘇蝦卷 $68 用雞皮、紫蘇包住大蝦，外皮香脆，啖啖蝦肉～ ➽ 雞心椗 $48 則雞心臟頂頂位置，而每個心只有一粒，口感煙韌幾特別～ ➽ 雞頸肉 $38 ➽ 雞軟骨 $38 ➽ 雞肝 $38 <<其他燒物>> ✪ 荔枝豬肉卷 $32 一鹹一甜好Juicy，荔枝肉爆汁清甜，兩者好夾 ✪ 芥末燒牛小排串 $78 肉味香腍，油脂不錯 ✪ 厚切牛脷芯 $78 爽口肉嫩，厚度適中，香腍有嚼勁 ➽ 免治牛肉棒 $58 平時只會有雞肉棒，而呢度就有哂雞牛兩款，肉棒香嫩，配搭 月見汁 增添滑溜鹹香。 ➽ 露筍豬肉卷 $38 ➽ 紫菜芝士年糕 $58 <<天婦羅>> ✪ 鰻魚脆脆 $98 蒲燒鰻魚食得多，將鰻魚整成方條狀，再沾上彩色米通再炸至金黃香脆 又真係第一次見。口感外脆內軟，同時又不失鰻魚魚香 ✪ 牛脷天婦羅 $98 同鰻魚脆脆同一個概念，而牛舌口感就額外爽口有嚼勁～ ✪ 海膽天婦羅 $168 酥脆天婦羅外層，咬口可見啖啖鮮橙既海膽～ <<主食>> ✪ 和牛味噌朴葉燒 $268 小烤爐見得多，配上朴葉燒又是另一番風味🥳 和肉每邊慢燒1分鐘後，半生熟則可享用😋 <<甜品>> ✪ 日本原隻水果雪葩 $98 必點👍🏻 當日揀咗菠蘿和桃味，真係成個水果模入面裝滿雪葩，份量十足！食完咁多油膩野，食個雪葩份外冰爽～ ✪ 為推介菜式 - 🔆/整體黎講/ 串燒天婦羅等款式選擇豐富，好適合約一大班朋友邊食野 邊飲酒👍🏻

應該係暫時喺香港食過最好食既炸豬扒🤤！與鮨中本、Tempura Jiro 等著名日本料理餐廳屬同一公司😱，難怪咁有水準😛～ 餐廳由日籍師傅主理，以席前烹煮為概念，等客人可以近距離主打低溫炸豬扒，保持肉質白而粉嫩，亦能鎖住肉汁，一試便愛上💕～ - ✍🏻/食評/ 午市套餐 價位$380-580，包主食、沙律和甜品；而晚市套餐 就由$780-980不等，除咗主食，會多咗吉列蝦、蟹鉗、前菜、時蔬等，相當豐富🤤，預我哋當晚就試咗$980既套餐，第一次嚟食當然要食盡食個Menu啦💕～ ➽ 胡麻豆腐·京蔥豬柳· 味噌腐乳煮 豆腐綿滑富豆香；豬柳紮實帶甜香；腐乳煮口感帶點煙韌 ➽ 吉列蝦 配上他他醬，炸粉薄而香脆，蝦肉鮮甜爽口 ➽ 日本蕃茄 高湯啫喱 蕃茄偏酸·高湯帶鹹·解膩開胃 ➽ 吉列蟹鉗 蟹鉗鎖住肉汁，鮮甜啖啖肉～ ➽ 日本時蔬 配 牛奶面豉 以小蠟燭燒住牛奶面豉，時蔬款式多，可以試多幾款，口感清爽香脆，蘸醬增添鮮甜香！ 🧡 主食 🧡 重頭戲‼️ 好似定食咁 配有✨吉列北海道豬柳、✨吉列佐賀豬扒、✨吉列免治豬肉球 三款豬肉🐷～ 師傅以低溫炸法，非常考功夫地把豬肉煮得全熟之如，要粉嫩且鎖住肉汁～另外亦配有紫蘇梅子、柚子酸汁、豬扒汁、芥辣豉油；黑松露鹽、芝士鹽、岩鹽、七味粉鹽等，相當講究呢～ ✨吉列北海道豬柳 一共有4件厚身圓柱形，色澤白切帶粉嫩，口感爽身帶肉汁，肉味亦相當鮮香 ✨ 吉列佐賀豬扒 油脂相對豐富，口感亦很爽腍，同時炸粉亦很酥脆 ✨吉列免治豬肉球 一咬隨即爆出肉汁，帶粒粒免治豬肉口感 另外，主菜會配上沙律、面豉沙 和 白飯/十六穀米，我地揀左16穀，混合左日本產大麥、糙米、黑米等等，很有營養～ ➽ 甜品-柚子雪芭 最後會配上柚子雪芭，清新香甜～ - 🔆/整體黎講/ 一間好高質既日式低溫炸豬扒店，午市價格相對性價比高，而晚市就可以試多幾道特色菜，相當滿足🥳‼️

最近二訪鮨山月食廚師發辨，呢度主打日本直送時令食材，正宗不花巧，吃的是真材實料😋 - ✍🏻/食評/ ❀ 鮑魚茶碗蒸 ➞ 慢煮鮑魚，香腍鮮甜，配以木魚高湯蒸水蛋、以及花竹蝦，爽甜嫩滑 ⁝♤ Entree ♤⁝ ❀ 粒貝水藻| 肉質纖細帶咬口，味道爽口清甜 ❀ 鮫鰈魚 + 鮫鰈魚群邊| 豐潤嫩滑 ❀ 剝皮魚| 配上 肝豉油，魚味濃肉質鮮美細緻且沒有暗刺 ❀ 秋刀魚| 肉質肥美，魚油香 ❀ 昆布汁燒白子x櫻煮八爪魚 | 汁燒白子帶點黏著感；八爪魚則相當軟腍入味 ❀ 稻草燒 鰆魚 ｜輕輕煙燻香，肉身肥美 ❀ 香箱蟹｜相當有份量，有蟹膏蟹肉，口感鮮甜 ⁝♤ Sushi ♤⁝ ❀ 富山灣白蝦 ➞ 雪白剔透，入口柔軟黏滑 ❀ 半天然深海池魚 ➞ 肉質奶白，油脂感比養殖強好多 ❀ 墨魚 ➞ 煙韌黏糯 ❀ 鰤魚 ➞ 油甘魚家族中，冬季最當造的鰤魚 ❀ 中推羅 ➞ 來自宮城氣仙沼，亦即全世界三大漁場之一，口感肥美 ❀ 海膽 ➞ 甘甜 ❀ 備長炭燒黑鯥魚 ➞ 油脂感強 ❀ 野生池魚 ➞ 鮮甜，肉質爽滑肥美 ❀ 玉子燒 ➞ 口感香甜帶海鮮甜蛋香 ⁝♤ Soup ♤⁝ 魚肉麵豉湯 ⁝♤Dessert ♤⁝ ❀南瓜奶凍 ➞ 好依南瓜味濃郁 - 🔆/整體黎講/ 環境裝潢適合慶祝/見客食飯，正宗沉穩的廚師發辦，實力擔當！

【連續3年米芝蓮推介指南】之前同一大班朋友喺「鋒膳」食私房菜覺得好高質👍🏼，一直都想試下佢哋呢間姐妹店「井巷子」🤤！呢日收工終於成功組隊4人行，一嗜呢間聞名已久的高級川菜府😋😋！ - ✍🏻/食評/ \前菜/ ☗ 麻辣鮑魚手撕雞 👅8/10 用上南非孔雀鮑及三黃雞雞絲，鮑魚細心切片方便分享，口感煙韌彈牙；手撕雞絲絲均勻掛上醬汁，鮮嫩惹味！ ☗ 脆皮茅台乳鴿 👅/10 餐廳人氣招牌菜‼️影咗一陣先食，個皮仲係好香脆😋；帶有淡淡茅台酒香，油脂適中，肉味香濃，好食 😋！ ☗ 川辣生炒羊肉鬆拌荷葉餅 👅/10 選用英國乾熟成羊肉| 上菜前，店家會附上一張卡仔教導食用方法；將荷葉餅放上炸鍋巴，再配搭羊肉鬆、紫洋蔥、蔥段等夾埋一齊食；羊肉鹹香辣味重，配搭其他配料可中和油膩感🤩！ ☗ 井巷子片皮鴨 👅/10 必點‼️ 燒鴨皮脆肉嫩，餅皮新鮮軟熟，配料除咗傳統京蔥和青瓜，仲有黃金奇異果和哈密瓜👀，將水果包入餅皮與鴨肉一齊食，可以中和油膩感😌，又唔會蓋過鴨肉香😋，配搭得好好👍🏼！ 另外，仲有兩隻大鴨髀，相當Juicy嫩肉，油脂亦好豐富呢～ ☗ 白胡椒山藥雪蓮子班骨湯 👅/10 食完咁多重口味野，來了碗白胡椒湯，解膩過度一下。湯入面有山藥及雪蓮子，胡椒味濃郁暖胃。 ☗ 麻婆嫩豆腐伴炸饅頭 👅/10 送飯一流小菜‼️ 麻婆嫩豆腐伴炸饅頭，豆腐好滑溜且有豆香，炸饅頭外皮炸得好酥脆香口，好邪惡！ ☗ 重慶水煮黑白牛肉 👅/10 有3款牛肉：新鮮騸牯牛、牛胸爽 和 牛柳心。牛胸爽為淡奶白色，口感爽身，有點油膩感；另外兩款會嫩身，有牛味D；另外仲有薯粉、秋葵、青瓜、大豆芽等，吸收哂醬汁精華，食上去勁惹味滿足！ ☗ 麻辣蒜香小龍蝦麵 👅/10 以西班牙金星啤酒、泡椒汁浸透活小龍蝦，底層仲有唔少手做風乾麵；小龍蝦份量十足，大概2-30隻，入口鮮辣，麵底惹味！ ☗ 雜果士紅糖冰粉、時令水果 👅/10 最後以雜果士紅糖冰粉 和 水果作結；冰粉甘甜Q彈，配料有松子、脆紅棗、花生，甜度適中～ - 🔆/整體黎講/ 中意食「麻辣鮮香」既朋友一定要試！每道菜真的很有辛辣惹味感，重口味人士一定中意‼️