星海薈﹒譽宴

營業中

休息中

今日同爸媽去沙田洒店食午飯- 譽宴。晚飯我就食得多，但中午飯，我就第一次食……估唔度咁好味！蝦蛟極鲜有蝦味，皮很清，不太肥！好味！四宝雞扎，非常有料，雞好新鲜，腸粉好滑好熱，配上甜醬簡值一流，充滿兒時歡樂！沙薑猪手，非常一流，好好味，唔会太鹹，亦都好鲜，有水準，冇雪味！蘿白糕很香甜，Xo醬將糕點提升！好多蘿白，唔多粉！真的好好味！

今日約咗朋友去沙田飲茶,因為唔想幫襯美心集團嘅茶樓，所以上網搵咗一間喺酒店嘅茶樓-譽宴星海薈。環境就好好裝修得好好，亦都唔使搭枱，餐牌度有好多菜單同埋午餐套餐，但係因為人少所以就冇特別叫套餐。我哋叫咗幾個點心，包括好多人都叫嘅墨魚魚子燒賣王$38，脆皮米網線蝦腸$42，小籠包$38，鹹水角$28。點心來講係做得幾出色，亦都唔係嗰啲買返嚟嘅點心感覺上，因為收得唔係算特別平，所以品質都有啲保證。總括而言都係食得幾開心嘅，下次可以再嚟幫襯，下次叫多啲朋友叫套餐好似抵食啲！

因為今晚同媽咪食飯，佢喜歡中菜，所以同佢黎試下呢間係萬怡酒店入面既中餐廳。係得酒店入面應該都唔會太差，事實證明的確無錯！首先環境十分舒服，裝修都幾華麗，招呼服務都非常高質。叫左三送一湯。落單之後首先上左前菜黑白木耳，很開胃。再上足料老火湯（$168）。今日既湯係昆布海草煲豬展，十分足料！仲有湯渣另上，真真正正食足成煲湯。豬展好林，非常入味，飲完唔會覺得口渴，肯定唔會係味精湯。一煲湯兩個人可以每人飲到三碗左右。跟住就係拔絲菠蘿咕嚕肉（$138）。呢個豬肉新鮮，外面層粉皮真係薄薄一層，又脆又香口，咬下去好似薯片咁有卜卜聲，完全唔係其他餐廳有d咁一大舊粉包住一小舊肉。呢個外脆內軟既口感加埋佢個甜酸汁，又開胃又好食，菠蘿都係真菠蘿，大大舊，而唔係罐頭菠。五星推薦！必食首選。跟住上既係唐生菜煲（$128）。上果陣仲係滋滋聲，生菜好新鮮，份量足，入面既蝦米都唔少，非常入味。再之後係魚香茄子海參煲（$168）。茄子煮得好林，熱辣辣上台，海參十分彈牙，個汁都整得好好味。要黎送飯一流。計埋茶界加一總共差唔多七百，但係食物質素絕對對得起價錢，加上位於酒店，環境又靚，如果要約屋企人食飯，呢間係推薦既！

外國客人冒著槍林彈雨與電光火石之間都要前來香港兩天洽談生意以作支持，L 特意安排位於鄰近辦公室的石門新酒店安頓及晚膳。平日晚上吃飯就是人流相對較少，可以傾計而較少受到騷擾。中菜廳裝潢以落地玻璃設計，簡約得來亦不失氣派堂皇。食具亦很精緻，配上一杯鐵觀音。詩意頓時出現。先來一碗元貝桃芝燉螺頭，入口清甜不油膩。材料極為豐富，更有時下流行的桃膠。雖則要百多元一碗，但話碗是精華所在，外國客人都喝得津津有味。先來一碟拔絲菠蘿咕嚕肉每一件外層脆皮薄得來亦很入味，更用鮮菠蘿炒好正。裡面的肉更很腍而且沒有骨啖喺肉。蜜燒黑豚肉外層香甜令人回味，內裡肉脂分布平均，每一口咬下去都有溶化的感覺。 魚香茄子海參煲，平常吃魚香茄子很小配海參吃，這組合非常好。海參入味而且很腍。

兩公婆星期日去飲茶。蟲草花黑杞子牛肉球底下嘅蟲草花好多，牛肉球味道幾好但冇蟲草花味。翡翠明蝦餃真係好似翡翠一樣綠色皮，仲有啲金粉喺面，賣相十分討人歡喜，味道都唔錯。冰鎮話梅淮山淮山夠粉，配埋話梅汁酸甜可口，好開胃。爆汁蟹肉小籠包每隻小籠包有個籃仔裝住，唔驚夾爛，湯汁好多，好juicy，味道很好，只是吃不岀有蟹肉的味道。整體而言食物味道都幾好，賣相味好精美吸引，只係賣點中嘅味道欠奉，唔太講究嘅話，都係唔錯架😊價錢係貴左少少嘅，不過話晒喺酒店算係咁啦！

石門不嬲好少去，今日咁岩過黎搵親戚~一於搵間好少少既去食飯啦！而間環境真係相當唔錯座得都好舒服下！！餐前小食 ~ 黑白木耳十分開胃~有少少辣辣地！！ 蒜味濃~足料老火湯， 餐廳十分貼心幫我地裝起d湯同湯料另上~ 怕無味既仲可以點埋鼓油~ 有啖湯暖暖地入肚！ 還不錯！家常海參豆腐煲！ 同個名一樣，係家既感覺啊！！豆腐幾好味~夠哂滑~ 送飯一流！士多啤利脆蝦球 全餐最好味既餸啊🥳🥳 蝦球炸到勁脆~~外脆內軟炸皮十分薄~~ 蝦球大大粒omg ~~最愛吃了！！瑤柱貴妃雞~ 而個朋友點既~ 因爲我唔太中意食白切雞既關係無乜點食！！但朋友話唔錯~~ 喜歡吃的可以試一試！加埋碗飯每人400幾蚊~~不錯不錯！係一間座得舒服既餐廳

中秋年後，總有幾餐飯同長輩一齊聚聚，其中一餐就印象難忘，就喺去左 沙田石門萬怡酒店譽宴星海薈 。餐廳的入口位就在 酒店reception側旁，門面有點唔顯眼，但入到去的確有種深藏不露的感覺。 由門口入到大廳， 以一道深藍色的 水晶燈大道 貫徹整個走郎， 有劃破長空的感覺。 加上影入眼簾就是一條長長的落地大玻璃，若日頭來景觀非常開揚。最重要係枱與枱之間編排闊落， 坐得舒服 。除環境寫意外， 枱上嘅用餐係名亦都突顯高貴感。 讓整個用膳環境與氣氛也非常一流。是晚叫了三餸一湯 冰燒三層肉 外皮脆卜卜，腩肉鹹香， 五花腩燒層層分明 ，燒得入口鬆化，又一啲都唔肥。 西蘭花炒帶子蝦球 越是簡單的餸菜就越顯廚師的功夫， 這道西蘭花炒帶子蝦球， 西蘭花炒得爽，蝦球鮮爽彈牙，帶子真喺夠大粒而爽彈，好食。 欖菜豚肉鬆炒四季豆 欖菜屬重口味，配搭清淡的蔬菜就特別滋味，四季豆炒出黎充滿豚肉的鹹香，夠鑊氣。 羊肚菌竹笙燉螺頭 手功一睇就知好細緻，當一打開湯蓋，湯色清澈見底，半滴油都無， 一睇就知隔油功夫做得好。 而且食材極度豐富， 羊肚菌、竹笙、螺頭、 乾瑤柱、雞、豬肉，味道清甜且滋潤，將食材鮮

晴朗一天的星期四下午，約左一位好耐無見既朋友係佢屋企附近飲茶。原本約佢出沙田市中心，但佢就話屋企附近呢間都好食，一於試吓囉！因為係酒店裡面，所以一入黎見到環境都好四正好靚。茶位每人$15，餐前小食每碟$20（好似1-4位都係一碟），點心紙嘅點心都唔算特別貴。爆汁小籠包$38一客有3粒，真係皮薄餡靚，咬入去流晒汁，好熱好熱差d熱親嘴。香芒鹹水角$28好特別既鹹水角，出邊係芒果味嘅皮，裏面係鹹水個鹹鹹地嘅味，又估唔到原來咁夾㗎喎。白雲鳳爪$58整得夠爽身得黎又唔會太硬，但如果份量再多啲就好啦脆皮米網線蝦腸$42蝦腸最外面係腸粉皮，中間係薄脆脆，裡面每件都有原隻蝦仔！黑魚子燒賣王$38燒賣午市都係30幾又幾抵食，重點係黑魚子好松露味，加埋又幾好食。青芥末安格斯牛$78牛魔王既我真係去到邊都要食牛。芥末辣得黎又未到流眼水，全部都係一口牛Size, 加牛味唔會比芥末味搶左。金沙茄子粒$58鹹蛋黃煮咩餸都好好食，呢個菜其實都幾難整，所以出街食飯叫就岩架啦，茄子唔會炸到咬落一口油，金沙仲有d水水咁，唔怕太乾身。排骨蒸陳村粉$38陳村粉好彩份量唔多，只係係底度有少少，排骨不過不失，可能最後已經食到太飽

今日約左屋企人食飯,所以呢間餐廳本身都係屋企人揀既.環境幾靚,係長型既酒樓.一開始我地叫左每人一客湯先,佢係羊肚菌竹笙燉螺頭湯,我都係第一次聽羊肚菌, 個味道有少少藥味,我超鍾意,而加都幾足料下之後仲有3款主食,分別係蜜汁叉燒,士多啤梨蝦球同埋海參豆腐煲.叉燒佢上左一半肥一半瘦,食落口岩岩好.至於豆腐煲好多海參,味道比較清,係一個唔錯係choice.最後士多啤梨蝦球個味有D似甜品,先唔講個汁,但個蝦係整得好出色,可以用爽脆來形容,好新鮮! 另外一提係, 餐廳既侍應service 好好.

放工近近地就同朋友去飲下午茶食點心🥧今次就試下位於沙田石門既譽宴·星海薈～～佢係萬怡酒店入面架，環境唔錯一坐低就會問飲咩茶仲會放低嗰餐前小食，就係黑同白木耳幾爽口架，仲有少少酸辣咁，幾開胃～我地今次叫左5個點心！分別係香芒鹹水角，爆汁蟹肉小籠包，黑魚子燒賣，醬皇蒸鳳爪，脆皮米網鮮蝦腸香芒鹹水角以芒果造型去做鹹水角，幾得意，而且佢表皮唔係炸架，係用糯米粉去做，食落幾特別爆汁蟹肉小籠包每個小籠包都獨立用個籃仔裝住，好有特色，而且一咬落去啲汁漏出黎，同埋嗰皮都幾薄 十分推介黑魚子燒賣 燒賣入面用豬肉同鮮蝦整既，啲蝦都幾大隻，好有肉感!!!加埋黑魚子，口感更有層次醬皇蒸鳳爪 啲鳯爪有入味又炆到好淋，味道不錯脆皮米網鮮蝦腸 腸粉入面包住脆皮同鮮蝦，啲蝦又大隻，皮又薄~加上脆皮口感層次更豐富總括而言，餐廳既食物不錯 如果想平啲既話，可以選擇下午茶，大中小點都會以小點價錢計算架

一班沙田友食中秋節飯。 本來想搵既都訂唔到位。有人提意去這間沙田萬豪酒店入面既譽宴星海薈。 間中都會黎飲下茶, 但晚飯都係第一次。 入到去, 好浪漫好貴既感覺。 服務員幾有禮, 佢話一般晚市都唔滿, 但去前打個電話book比較好, 怕撞婚宴要客人白行。地方唔算大, 勝在坐得舒服。食物價錢都大眾化, 而且每個月都有d優惠set, 今次仲有條魚送。 好ok, 食物水準唔錯, 雖然睇落好別緻，但都夠飽7個人。 本來想試甜品都食唔落啦。 這間晚餐下次可以帶下屋企人黎試。食滿$300仲有免費迫車, 真係方便駛車人事。

今日同男人提前1日慶中秋，我地放工之後就去左星海薈食晚飯，因之前雜誌見過呢間，覺得環境都幾靚，仲係婚宴場地，所以來呢到食飯，順便參觀下個場~一入到去就見到呢5個黃色物體既人仔，擺晒pose咁，又幾過隱 XD呢到環境算大，裝修華麗~場地顏色配搭唔錯地毯圖案特別，就連天花燈都甚具氣派~我地叫左香片 茶芥每位$15足料老火湯 服務員會幫我們分湯，然後拔起d湯渣~裏面有白菜仔同豬展燉湯重菜味，清甜~熱熱的，很暖胃😀星海脆皮雞 個皮又真係幾脆口，咸咸地好惹味，雞肉肉質都好嫩滑脆皮咕嚕大蝦球 我最愛這個，咕嚕蝦球，冇骨易食，味道酸酸甜甜，好開胃如果份量多d會更好😆~涼瓜炆掌翼 呢個味道甘苦，掌翼普普通通，不過不失~最後祝大家中秋節快樂🤗

位於酒店入面嘅呢間中菜館，裝潢設計好高貴時尚，環境優雅清靜，每款點心賣相都好精緻，水準非常高，絕對係石門飲茶嘅不二之選餐前小食黑同白木耳，入口爽口彈牙，味道酸酸地帶少少辣，非常開胃冰鎮話梅准山准山質感結實，味道酸酸甜甜，食慾大增香芒鹹水角第一次食咁特別嘅鹹水角，黃色嘅外皮混合咗芒果同糯米，造型亦都好似芒果，內餡就同平時食開嘅鹹水角差唔多，口感煙韌得嚟又有少少脆口，好有驚喜翡翠明蝦餃蝦餃賣相好精緻，面頭仲有少少金箔，皮薄餡靚，蝦大隻又新鮮手切豚肉叉燒腸叉燒腸又可以點高檔法呢？就係用上手切豚肉，所以叉燒好有咬口，腸粉都夠嫩滑灌湯小籠包小籠包又係另一款打卡點心，皮薄但唔易穿，湯汁鮮香，肉餡嫩滑胡椒豬肚湯湯頭濃郁，而且非常足料，除咗豬肚仲有大量腐竹、雲耳、紅椒、椰菜等蔬菜，豬肚好有咬口

通常食中菜都想食得好啲，呢度係酒店裏邊嘅譽宴，所以環境會相對地坐得舒適。晚市我哋叫咗椰子煲竹絲雞湯，湯非常之夠火喉，而且椰子好香，雞湯味清甜，唔錯！真材實料！小菜叫左菠蘿咕嚕肉，呢個好好食，賣相亦都好靚，可能本身好鍾意食咕嚕肉。呢度外皮炸得好香脆，甜酸適中。魚香茄子海參煲，茄子夠林，而且帶有淡淡魚香，海參亦都夠林。成個煲用嚟撈飯就一流。霸王雞夠滑，而且都幾香，加埋白飯真係飽飽。呢度服務仲好好，真係會再黎。

表姐話帶我去個好地方食小菜，叫我喺佢公司樓下等，以為同我去大排檔，點知同我去酒店商場喎！？行到入去，嗯，覺得好有氣派呀！天花嘅紫藍色燈飾，形成一個星河咁，好靚🔆前菜加入白木耳好特色，視覺上靚好多，酸爽口感味道好開胃～🔆金銀菜煲白肺湯 - 豬肺難洗好多人都知，所以自己好少煲呢種湯。表姐就係專登叫呢個湯黎滋潤下～最估唔到係佢地細心到𢳂埋d湯渣另上碟，配埋豉油，一d都唔浪費，而且真係連湯渣都好食架！🔆拔絲菠蘿🍍咕嚕肉 - 擺盤唔錯，特意用半個菠蘿做裝飾。特別嘅係拔絲令到咕嚕肉嘅脆更明顯，外脆內軟腍嘅感覺更突出。甜味較平時食嘅咕嚕肉重，但唔會太滯膩，係另一個咕嚕肉感覺。🔆冰燒三層肉 - 一層一層嘅肥瘦肉好均勻，燒肉上枱仲係熱，個皮香脆得食薯片咁。誇張到表姐坐隔離都聽到。🔆金銀蛋浸莧菜 - 上湯浸住嫩口莧菜，皮蛋雞蛋花，除左好香皮蛋味，竟然仲有蛋香味，唔錯！我同表姐講：「論環境服務食物質素，又近馬鐵，CP幾高喎，又靚又有氣派。」表姐就話：「係呀，我幾個月後呢度擺酒，記得做人情啦！」。。。。。。