星海薈﹒譽宴

營業中

休息中

今日好想飲茶，唔想太迫，便去遠一點，酒店環境乾淨企理，座位充足，相隔距離更安心。蘿蔔絲脆網腸粉 腸粉潤滑有光澤，脆網香酥脆，點豉油食更好味。黑松露蝦餃之王 4隻蝦餃粒粒精瑩飽滿，啖啖爽口蝦肉，散發黑松露幽香。十菜鮮蝦春卷 春卷炸得香脆味美，十菜爽甜，鮮蝦粒彈牙。南翔小籠包小籠包皮透薄，肉汁豐富，饀爽甜，紅蘿蔔片墊底防穿，每個用竹托墊起好精緻。鮮茄濃湯浸菜苗菜苗吸滿上湯精華，鮮甜爽脆，鮮茄甜，菇鮮味。XO醬蘿蔔糕大粒蘿蔔糕煎香，再配少許XO醬微辣又提鮮。

石門一向餐廳酒樓多，今日同家人揀咗萬怡酒店裡面飲茶，皆因環境．食物都比其他酒樓好👍🏻真心推介我地點咗不同款式點心，每款賣相都好精緻，特別是「蘿蔔絲脆網腸粉」好晶瑩，裡面酥脆，同腸粉好夾👍🏻口感有別一般腸粉。蝦餃一盅四隻，每飯都皮薄飽滿，仲有黑松露混入蝦肉😍「雪菜海皇炆鴛鴦米」好足料，鮮蝦同帶子大大粒份量多，好抵食。「養生山藥棉花雞」都值得推介，雞肉大大件，啖啖肉，魚肚好夠味...Yummy。以後飲茶同晚飯，呢度就係我同家人嘅首選。

疫情下都總要食飯，今日黎左間比較大嘅酒家，可以坐得闊落啲，感覺上都冇咁危險！呢間酒家晚市堂食同外賣仲做緊七折添，都幾抵食 另外酒家仲做緊優惠晚市，有免費小菜三選一，有蒸魚，黑豚肉同埋海參玉掌選擇 ，非常吸引有七折嘅晚飯計起嚟真係好化算扺食先黎個餐前小食，有雲耳同埋白雲耳，酸酸甜甜，又爽口，非常開胃黑蒜雞湯 黑蒜雞湯味道非常濃郁，超好飲！！完全係真材實料，完全冇味精湯裏面餡料非常足，有雞腳，有豬肉等等......真係好好味超好味薑蔥粉絲肉蟹煲 一上枱嚇咗一跳呀，冇諗過係咁大煲㗎！！ 一隻大大嘅肉蟹，師傅炒得非常惹味肉蟹新鮮，肉質爽口彈牙！ 濃郁嘅汁畀粉絲吸收曬，啖啖精華蜜汁黑豚肉 冇諗過免費三選一嘅黑豚肉都會咁大碟呀！！ 叉燒肉質軟腍，肉同油脂嘅比例均勻呢度出名嘅叉燒果然名不虛傳，必食！啫啫馬友蝦乾炒芥蘭 好濃郁惹味嘅小炒好鑊氣夠！！芥蘭新鮮爽嫩！惹味嘅蝦乾送飯一流最後仲有甜品送添，每人一件桂花糕，清甜可口

位於沙田石門四星級酒店內的高級中菜廳，交通方便，由石門站行過來只需5分鐘左右，今次約朋友喺度食飯，因為他說這裏環境很好，既可享用美食，又可靜靜地傾偈。由於我哋都係食肉獸，所以一嚟就先叫一個蜜燒黑豚肉，其實即係廣東嘅叉燒，不過佢比普通嘅叉燒更加出色，每塊黑臀肉到上檔口，而且有廚師秘製嘅物質，好香甜，肉質鬆軟，真係一極品也。之後又叫咗一個相當出色嘅，是拔絲菠蘿咕嚕肉，一上菜時，見到廚師用心嘅設計，真係喜出望外，影真色香味俱全。咕嚕肉比平時食嘅有一個脆皮，而且咕嚕肉嘅汁酸甜平均，非常開胃。仲有就係南非鮑魚炆滑雞，南非鮑魚切片，炆得非常之好食，個汁亦都有好香嘅薑蔥蒜味。好正呢最後都要食下新鮮蔬菜嘅，喜歡龍尾嘅我哋叫咗啫啫蝦干炒芥蘭，熱辣辣上菜，香到旁邊的食客都望過嚟呀呢一餐相當豐富，買單$760左右，分量足夠四個人食，因為會貼都非常大跌，我哋兩個人真係食到非常之飽。呢度真係一個傾偈嘅好地方，而且可以品嚐優質嘅中餐，真賞心樂事。

同長輩食飯，基本上都一定係食中菜。不過疫情之下，想搵間乾淨衛生既中菜都唔係咁容易，茶餐廳、大排檔基本上都唔駛點考慮，於是我地就搵左呢間位於沙田萬怡酒店既譽宴，喺得酒店度，點都有啲信心保證。去到之後，侍應主動幫我地量體溫，又有提供酒精搓手液，更加比左膠袋我地可以暫時擺好個口罩，非常貼心。入座後，餐廳又提供煲滾左既水比我地清洗餐具，而且每人都有兩對筷子，一對做食具，一對做公筷，所以喺度食得真係比較放心。一黎先有一份小食黑蒜雞湯（$68)黑蒜係非常有益既食物，唔係度度有，用黎煲湯都係第一次飲，味道同一般蒜頭味唔同，唔會有陣辣味，反而甜甜地。雞湯加左排骨一齊煲，份外濃郁。生扣花菇南美參玉掌煲（$188)呢個煲非常抵食，有花菇、海參同鵝掌，淨係計材料都唔平，加上炆煮呢道菜實在要花唔少功夫時間，所以百零蚊食到一大煲真係好抵。講返味道，呢個煲既材料都炆得非常入味，花菇夠厚身，口感非常好，海參火候適中，鵝掌入哂味！金銀蛋菜心（$128)金銀蛋菜係比較家常既菜式，呢度雖然要$128，但份量就無欺場，比一般餐廳食既多一倍。而且咸蛋黃打勻左，湯底都有啲咸蛋黃既味道，正。蜜燒黑豚肉（$168)蜜燒黑豚肉即係叉

入餐廳前職員會幫我們探熱,入座後,提供沸水洗餐具,仲有膠袋放口罩。場內不是很大, 半月灣形, 拔絲菠蘿咕嚕肉,酸度剛剛好,平時出面食的咕嚕肉粉多,而且不平均,但呢度的粉平均地包住咕嚕肉,我相信就是拔絲的原因,外脆內軟,十分好食,菠蘿甜酸剛好,賣相都好吸引。黑蒜雞湯足料，第一次飲，感覺有點像豬腳薑味。另外點了南非鮑魚滑雞煲,新鮮熱辣辣的送上台,鮑魚好易入口,個雞都好滑好入味,不會好咸,味道剛好。食完仲有個小甜品送,桂花椰汁糕,清新不太甜, 桂花同椰汁的味不會搶左,口中係食到桂花同椰汁的味,好好食,如果可以食多幾件就好。食物質數高,職員服務態度好,而且環境舒適。而家晚餐去食,點小菜,有7折。

公司同事轉職臨別在即和佢食晏，揀左公司附近的譽宴食。平時公司飯局久不久就來，食物質素唔錯，而且環境闊落寧靜得來有點貴氣。在疫情嚴峻下，侍應提供口罩袋之餘，仲即值以百度滾水清洗碗碟，其注重衛生服務貼心，令人倍感安心。黑白雲耳小食前菜不點自來，雖則免費但絕不失禮，黑白雲耳柔軟爽口，以陳醋蒜蓉醃製調味，非常美味開胃。黑魚子燒賣皇 $38大大粒充滿肉味，原隻蝦肉多份口感，黑魚子點綴份外矜貴。胡椒濃雞湯灌湯餃 $48湯底味濃香中帶辣，惹味醒胃，雞肉嫩滑味濃，胡椒提鮮下肉味更突出，湯餃皮薄餡多，大粒食完好滿足。手切豚肉叉燒腸 $38腸粉皮通透又薄又滑，富彈力夾起來不散爛，粉漿開得靚，叉燒料多肉香，簡單小點水準不俗。潮州粉果 $33粉果皮薄餡多好飽滿，蘸左辣椒醬十分美味，不可不蘸。濃湯菌王翠苗 $58上湯甜美清清地，豆苗有點草青味，新鮮爽口菌肉彈牙鮮美，健康的一道菜。

之前放假試過啲菜市唔錯 所以就再嚟試下個晚市喇餐牌：如果人多嘅話其實啲套餐都幾抵食 尤其是白胡椒蟹 不過筆者今次得兩個人 唯有散嗌啦喺疫情期間為咗令客人更放心 除咗喺門口會有店員同你探熱同有洗手液提供之外仲會拎一大煲滾水俾你再灼一灼啲餐具咁就大家都可以食得更放心了✨前菜一般嚟講啲前菜都係花生居多 呢到係黑白雲耳冷盤 味道酸酸辣辣 非常開胃😋✨黑蒜螺頭雞湯 $98碗湯非常足料 好濃味懶得自己煲嘅過嚟入去真係幾好✨招牌菠蘿咕嚕肉 $138賣相好靚 而且份量都唔少咕嚕肉炸得非常好 皮薄又夠脆個汁亦調得剛好 唔會太酸或者太甜✨三鮮海皇雜菜煲 $148同樣地份量都係超大嘅三鮮海皇包括有帶子、鮮蝦、象拔蚌同埋魷魚非常足料亦都相當有鮮味 令到啲湯都有份鮮甜啲粉絲同雜菜就更好食喇✨萬壽果桃膠糖水最後仲送咗個糖水 超滋潤🤤埋單兩餸一湯連前菜白飯糖水 兩個人五百幾蚊雖然唔算話好抵食 但服務環境同食物質素都對得住個價推薦大家試下😉

今日約咗朋友係石門站附近嘅譽宴。星海薈嘆茶，佢話包我鍾意咁話喎，我當然樂意奉陪🤗一坐低，研究下佢哋嘅推介先，望落去好似好吸引，而且選擇多，價錢實惠，環境方面亦唔錯，感覺舒服、光猛，空間感夠👍🏻首先叫左幾款點心，黑松露鮮蝦餃$42，金蒜鮮蝦長春卷$38，蝦餃加黑松露，講真都係第一次試，又估唔到咁夾，值得一試👍🏻金蒜鮮蝦長春卷，賣相精緻，長條形狀，外脆內軟，配沙律醬，好醒胃😊金菇安格斯牛肉腸$48，食落與別不同，牛肉味突出，又係皮薄餡靚，正😋濃湯菌王翠苗$58，濕濕地，健康有益，無草青味，解膩生津，不錯🤗爆汁小籠包$38，一籠三隻，放在獨立小提籃上，肉汁豐富，色、香、味全😋😋😋金磚豆腐$58，菜名意頭極好，炸得金黃香脆，色澤均勻，份量夠！外層極薄，裏面豆腐嫰滑，豆味香濃，非常高分的功夫菜💯特別要提就係呢度防疫意識非常高，所有客人入門之前要量體溫，又會比個專用袋你袋口罩，而且服務細心有禮，值得推薦👍🏻

好耐無飲茶啦～今日黎到石門做野，見到附近有間譽宴．星海薈，位於沙田萬怡酒店1樓，環境唔錯，一於試試。一到門口已經有職員靜侯幫每位客人量體溫，確保無發燒先可以入內。而且又會主動幫客人用熱水洗所有碗碟，確保衛生。環境恬靜舒適，裝潢時尚高雅，係歎茶既好地方～餐前小食係涼拌雲耳HK$20，口感爽脆，配上蒜蓉同醋，酸酸地又唔嗆喉，夠哂開胃。爆汁小籠包 HK$38皮薄餡鮮，湯汁鮮美，肉餡滑嫩，趁熱食好滋味！脆皮米網鮮蝦腸HK$42腸粉透薄，米網香脆，新鮮蝦仁爽嫩鮮美，口感層次豐富。像形香芒鹹水角HK$28唔經油炸既鹹水角試過未？外形獨特，好香芒果味，內有新鮮芒果肉同鮮嫩鷄肉粒，口感清新唔油膩。金沙茄子粒HK$58一向唔好茄子既我竟然食唔停口！充滿鹹蛋黃鮮香，口感軟嫩，味道層次分明。濃湯菌王翠苗HK$58翠苗新鮮爽嫩，湯頭鮮香濃郁，加入雜菌將味道再提鮮。

今晚我嘅friend請食飯，佢帶咗我嚟沙田萬怡酒店星海薈度食飯其實真係好難得，因為平時佢真係好忙。 所以我哋決定食啲有質素嘅dishes。 呢間酒店我覺得裝修都幾靚 ，不愧係高級嘅酒店， 如果擺婚宴我覺得呢度值得擺嘅。 咁今日我哋就試下佢啲小菜我哋叫咗以下小菜。黑蒜雞湯: 呢個平時我哋都唔會煲嘅，咁就好難得呢度有黑蒜雞湯飲，呢個黑蒜湯有幾重嘅黑蒜味，同埋味道我覺得都幾濃郁應該煲咗幾耐，同埋最重要佢真係有黑蒜，所以我幾鍾意飲呢一個湯因為佢幾健康。南非鮑魚炆雞煲： 呢個鮑魚炆雞煲廚師幾細心將啲鮑魚切片咁樣上，咁令到人食鮑魚易食好多，同埋佢啲雞都幾嫩滑，同埋個汁亦都幾好食方便送飯，所以如果like食雞嘅朋友可以叫下呢個雞煲，同埋我呢D鐘意食鮑魚都勁like。蜜燒黑豚肉： 呢個黑豚肉非常之唔錯，好簡單，醬汁一流，黑豚肉廚師識用半肥瘦嘅豬肉煮，唔使講嘢，正!士多啤梨脆蝦球： 呢個士多啤梨蝦球個蝦球都幾大隻，佢外邊嘅脆皮包住個蝦球脆皮都幾趣， 首先嗰個蝦肉 ，蝦球幾爽又大隻其實我覺得呢個蝦球都幾飽肚，如果唔鍾意食肉嘅朋友可以試下呢個海鮮，佢呢個士多啤梨醬汁有幾濃士多啤梨味，所以我自己都幾鍾意，佢酸

同事今日話要揸車去食lunch , 咁緊係要跟埋食好西😋黎到沙田近石門呢間譽宴。星海薈。一入黎已經要量度體溫，門口有三支大嘅搓手液👍🏻衛生意識幾好。另外一坐低就俾兩個全新嘅膠袋我哋（話係俾我哋裝口罩）👍🏻👍🏻，之後自動自覺攞盆熱水俾我哋洗餐具😱真係酒店級既service , 簡簡單單叫左幾個點心食，全部都又靚又好食，埋單原來都係100蚊多d一個人 😆下次再叫同事揸車黎食先🤣🤣🤣翡翠明蝦餃（表皮係綠色，咬落蝦肉同豬肉比例好岩，啖啖都連皮食👍🏻皮做得好）黑魚子燒賣王（燒賣王上面加左黑魚子將味覺更提升，同埋好欣賞冬菇味都幾出，唔係單單蝦同豬肉）爆汁小籠包（皮夠薄，咬完仲爆晒汁，食既時候真係要小心😅）XO醬炒腸粉（好惹味既炒腸粉，XO醬味好突出，但如果油少點會更好😭）金磚豆腐（本身只係諗住叫點心，但見到隔離枱個炸豆腐好正，果然上到枱好令我驚喜，真心好好食 ，又大舊 ，個炸粉係好配）蝦乾瑤柱珍珠雞（今餐好多碳水化合物都幾飽，但個職員10分推介呢個珍珠雞，話好足料同用紅紫米飯做，果然係足料好多，有1/4個蛋黃同冬菇，雞👍🏻👍🏻👍🏻👍🏻

Happy monday想嘆個茶食個包😋。捐燶捐la黎咗沙田萬怡酒店入面1樓嘅「星海薈」💫午市時段幫襯送點心💫仲有20款點心俾你揀。聽到已經好震奮🥳2-4位送一款🥢5-9位送二款🥢10粒或以上送三款🥢店員遞上一大盤出煙嘅滾水。🐽仔以為我地打邊爐。🤣🤣其實係用黎洗碗筷架。前菜係醃漬食品。好開胃。😜翡翠明蝦餃～綠色又帶金。好bling bling 。😎相當吸睛。脆皮米網鮮蝦腸～晶瑩剔透。熱辣辣脆卜卜。為食妺👧🏻大愛❤️黑魚子燒賣皇～一入口魚子味道滲透口腔。好鬼正👏🏻爆汁小籠包～賣相精緻。每隻小籠包用個小竹籠盛戴著。好🉐️意😍濃湯菌皇翠苗～嘻嘻。無論食咩餐都好。我都例牌要order 菜去balance 番。

Family day想食下高質酒樓，黎到呢間酒店內既酒樓我諗點都有質素保證🤔價錢又公道，茶市茶位每人$10，叫左普洱茶，連我屋企人飲左咁多年茶都讚佢d茶係靚茶、飲落好順口，就知係靚茶😆 的確，就算d茶放耐左都唔會有苦澀味，仲好清香。 🔸翡翠明蝦餃 ($42)有3隻蝦勁足料，d蝦爽甜彈牙，皮薄餡靚，唔錯。 -🔸黑蒜生煎牛柳粒 ($78) 超超超好食🤪經過封煎，牛柳入面仲有軟熟的粉紅色又可以鎖住水份，外面包住一層香濃醬汁，一d雪藏味都無，連平時唔食牛既屋企人都話好食！ 🔸蟲草花黑杞子牛肉球 ($28)牛肉打得好滑，唔似坊間落好多粉，呢個係真材實料，底層又有蟲草墊住好爽口又健康，呢個價錢好鬼抵食。🔸濃湯菌王翠苗 ($58)d菜好嫩好爽脆，因為用上湯所以無乜油，加上有好多菇增加香氣，所以唔會淡到無味，適合鐘意清淡既朋友！- 🔸鮑汁炆鳳爪 ($68)新鮮鳳爪，唔係普通雪藏貨，因為個d一煮就爛，但係呢種係又滑又入味。鮑魚汁夠濃，正。 -🔸 像形香芒鹹水角 ($28)外形雖然像芒果，但我外皮應該係南瓜皮，唔似其他酒樓都係炸，比較健康，底層煎過的所以比較脆口，口感煙煙韌韌，餡料好香好多。埋單都係三百幾

今日放假唔駛返工，出街時竟然撞到N年前的同事大家都好耐冇見~於是就去左石門的譽宴Tea一Tea聚一聚下酒樓位於酒店內﹑裝修都好華麗，絕無失禮開餐的時刻到啦我地叫左幾樣點心全部都好精緻小籠包。。。皮薄多汁蒸腸粉。。。好滑而且醬汁一d都唔差好有特色的綠色皮蝦餃蝦餃皮上塗了層金色的閃粉鳳爪基本上去酒樓飲茶都必點的如果下次大家想飲茶，不防考慮一下呢度地方闊落之餘交通亦都好方便而且價錢一d都唔貴~ 大眾化的價錢