星海薈﹒譽宴

營業中

休息中

假日同屋企人飲茶呢度坐得舒服唔洗搭檯我地叫左普洱可以解膩普洱茶濃滑，水夠滾茶都好飲d飲茶當然要食點心la金菇安格斯牛肉腸牛肉切成小片，有咬口，不是平時食既免治牛肉腸，腸粉皮薄且滑黑魚子燒賣皇燒賣內有原隻蝦，肉較堅實，無食到粒粒肥豬肉，我喜歡呢個真實既燒賣上湯鮮竹卷鮮竹卷腐皮包住湯汁，內有蝦和爽脆的瓜菜潮州粉果，重點蘸香辣既辣椒醬粉果飽滿餡料多，加上粉果內爽口的粉葛外皮夠滑XO醬炒蘿蔔糕黃金色，外脆內軟，而且吃到蘿蔔粒手拍青瓜醋味為主，如果多d蒜入味d更佳整體來說食物即叫即整，熱度夠

星期日最啱同屋企人飲茶 平時最鍾意同屋企人去位於屋企附近既萬怡酒店譽宴飲茶 因為呢度環境寬敞 係一個好唔錯嘅飲茶地方 黑魚子燒賣皇今次試咗呢款比較特別嘅黑魚子燒賣 平時一般嘅燒賣都係用上左蟹籽所以呢款燒賣就帶來左新鮮感 最鍾意嘅就係食到燒賣皮好薄 入面有有粒粒蝦肉再加上脆卜卜既黑魚子 令人非常滿足手切豚肉叉燒腸每次飲茶都必叫腸粉 今次食既呢款腸粉皮薄餡靚 而且晶瑩剔透 食得出用上左好靚嘅粉漿 每一啖都好煙韌 叉燒充滿肉汁同腸粉皮非常夾 而且廚師仲好細心將每條腸粉切開一半 所以更容易入口鮑汁炆鳳爪因為媽咪好鍾意食鳳爪 所以我哋今次都叫咗一份試下 鳳爪嘅份量都比我想像多 鮑魚汁非常濃郁 最犀利嘅就係鳳爪盡吸滿滿既鮑汁 所以非常之入味 而且肉質嫩滑 充滿骨膠原金蒜鮮蝦長春卷炸至金黃色既長春卷 非常香脆 一咬開係脆卜卜 入面釀入滿滿既爽口蝦肉鮮蝦味道鮮甜彈牙 沾上少少沙津醬汁更加可以提升味道高湯鮮竹卷呢個鮮竹卷係用上新鮮嘅腐竹 有別於一般嘅炸腐竹入口更加鮮豆味 鮮竹卷入面有好多有蘿蔔絲、蝦肉 餡料豐富好豐富

今日試新野。譽宴.星海薈酒樓位於香港萬宜酒店一樓地理位置方面唔難搵 要讚一讚:行入酒樓時 職員會先幫客人探熱 有提供洗手液 又會提供膠袋方便客人放入已用口罩仲會有熱水火鍋比客人洗碗筷嘩 真心真心 暫時遇過衛生水平最高的一間開胃菜 黑白雲耳 蒜蓉加醋 雲耳脆口 白雲耳好食黑蒜響螺燉雞湯每人一碗 侍應話防唔到癌都對肺好 咁我要飲多兩啖喇 湯色比較深 飲落真係好甜 足料(響螺瑤柱豬骨雞腳黑蒜）上湯菜心後生菜心苗 唔會無味 不過不失金磚豆腐正 外層椒鹽鬆脆 內層豆腐滑 而且粉漿薄一丁點油膩感都冇 師傅利害南非鮑魚炆滑雞煲真鮑魚切絲 雞件不會乾柴烈火 味道濃郁 熱辣辣上枱眼見隔離枱食白胡椒蟹哎呀 我都想食蟹 唔知你哋有冇聽過 食蟹的女人最好命 係我朋友講既(希望有人聽過)隔離枱不停形容有幾好味 難道你哋賣緊廣告嗎？！Anyway 最尾都無叫 下次吧今晚酒樓食飯嘅人真係唔多 我都知應該減少聚會 唯有洗手洗手洗手 記得提你身邊人臨走時 先知 外賣自取有七折 唔 咁早知我就。。。。。。。

位於石門嘅萬怡酒店一樓，環境十分靚😍好乾淨舒服， 準備入門口嗰陣，店員會首先同你探熱，之後就可以自己噴消毒酒精噴霧。/💕招牌白胡椒蟹$388💕足料老火湯$168💕生者唐山菜煲$128 💕金磚豆腐$58💕假日/晚市茶芥$30/2-💕 招牌白胡椒蟹$388［滿星］⭐️⭐️⭐️⭐️⭐️‼️招牌菜真係招牌菜！😍用左獨特嘅胡椒調味，我一向都比較鍾意薑蔥炒蟹，但係依個調味一點也不輸蝕，胡椒香味同味道都好香好重味，好正！而且好多肉、好多膏❗️淨係一個蟹蓋已經嚇親我，一拎起超超超級多膏，蟹鉗又勁多肉，啲肉唔使刻意再掂啲胡椒汁，都好重胡椒味了！🥰🥰份量又好多又爆好食，一開始食咗一舊之後根本停唔到，係要食晒佢先至食到其他嘢，但係食到一半已經有啲飽嘅感覺😂😂😂依個價錢真係必食！/💕金磚豆腐$58［滿星］⭐️⭐️⭐️⭐️⭐️‼️我係一向唔中意食豆腐，平時比人逼先食半舊😂😂😂😂但係我竟然食到3至4舊！個炸皮好薄，又有點胡椒味😍咬入去個皮唔會硬，一咬就入到豆腐，重點個豆腐超級滑，好似豆腐花咁！（因為我唔食豆腐但係食豆腐花）😂/💕生者唐山菜煲$128 ⭐️⭐️⭐️⭐️一黎到就好香，因為佢係煲上所以嚟到都炸炸聲！好夠味，落左辣椒、肉粒調味，好正！💕足

今日同男友久違地出街食飯拍拖😂我地兩個都係中菜既愛好者 朋友話呢間酒店既中菜廳好食 地今日就揸車黎試下地點位於工業區 晤係有朋友介紹真心無留意到食物選擇都好多 以酒店中餐黎講 價錢晤算貴我地叫左幾個餸首先到既係西洋菜湯 我地兩個人飲 每人分到兩碗多啲 份量十足 湯亦都燉得好夠時間 超級濃郁 湯怪表示好滿意😘湯渣既份量都好多 青芥安格斯牛柳粒 呢個我俾五星個牛肉粒非常嫩滑 配上微微既青芥辣味 口感十足♥️三鮮海皇雜菜煲😁 睇個樣都知海鮮仲多過菜😂😂 啖湯吸晒所以精華😻 非常好飲 叉燒係我既至愛😻 呢到仲要用上比較肥既叉燒😻😻 食落非常多既油香 蜜汁亦都好足夠 令我地一舊接一舊甘食晒

🌟🌟🌟🌟🌟🌟🌟🌟🌟🌟🌟🌟🌟🌟🍽 譽宴．星海薈 (沙田)📍沙田安平街1號香港沙田萬怡酒店1樓🌟🌟🌟🌟🌟🌟🌟🌟🌟🌟🌟🌟🌟🌟呢一日要去到沙田做嘢，放工之後就周圍搵嘢食，因為太肚餓啦，搵咗一輪之後揀咗呢一間嚟試吓因為而家疫情嚴重啊，所以所有碗碟都會由職員幫我地用一百度滾水去洗，感覺好衛生，服務都好好！足料老火湯 HKD168男朋友去到邊度都要飲湯，所以頂佢唔順一定要嗌返個湯先，服務好好，佢哋會先將湯渣不出來，再配以辣椒豉油，方便我哋可以食埋啲湯渣~家常海參豆腐煲 HKD188我好鍾意食海參，所以見到呢一個家常海參豆腐煲就叫咗😆裏面超多開心呀，同埋係啲豆腐全部都好滑，仲有幾條菜添，重點係佢個醬汁好好味🤤時蔬(轉菜心) HKD128我係每一餐都要食好多好多菜嘅人黎，所以一定要叫翻個時蔬，菜心好高纖維，可以幫助排便，所以我都好鍾意食🤪係用上湯浸住，菜心上面仲有鋪左一層粉絲，清淡得來好好味😊徳國脆皮咸豬手 HKD168雖然話食好多菜，但係都要食肉㗎嘛！估唔到呢度脆皮鹹豬手嘅水準咁高！😱豬手嘅肉好結實彈牙，個脆皮又整到啱啱好，亦都唔會過分油膩。✨如果喜歡我的文章，可以關注我及讚好以作鼓勵喔✨

未踏入新年相信大家未知道疫情的轉變，自從大陸的疫情遍佈全球之後估不到香港對口罩的需求供不應求，每日港人都為排隊熱潮日趨嚴重。自佔中的政治環境，很多食肆都相繼倒閉；現在更有疫情的發生，相信飲食及旅遊業百上加傷。很多人說「#人血饅頭」究竟賣買者良心在那？每日看到不少老人家深宵排隊，真的何其心痛。愈黎愈多人在家中工作，究竟病毒何時停止？病毒主要以飛沫傳染關係，的確令酒樓生意額大減。今日與男友到 石門「譽宴」，酒樓負責人對我地量度體溫亦有消毒酒精，相當高警覺。另外更利用100度的水清潔碗碟及利用公筷，令到食客相當安心。場內的人流寥寥可數，希望快些疫情過去。餐前小食$20以木耳為主，較酸而且相當開胃。每位 #茶芥$15，侍應們都有戴上口罩，希望食客食得安心又放心。翡翠明蝦餃 $42一客四粒的蝦餃熱騰騰，以青綠色配上金箔相當名貴。每粒帶有原粒蝦及帶子並有提鮮，皮薄餡靚相當不俗。金蒜鮮蝦長春卷$38近期酒樓的春卷都以長條形狀為主，蝦肉帶有彈力並配上沙律醬脆卜卜，配感滋味。沙薑豬手粒$68以廚味小食為主，估不到有所驚喜。沙薑豬手粒切身一粒粒，豬手富有嚼勁並有芝麻香凍食下，帶有口感。手切豚肉叉燒包$25

上次係銅鑼灣食過晚餐🥰知道石門萬怡酒店上面都有間分店今次lunch就叫左d點心試下✌🏻✌🏻環境因為係酒店裡面裝修得好靚 見到其他客人多數都係business lunch今次叫左幾樣又好睇又好味既點心最好食既係蝦腸粉同平時既唔同 係腸粉包住個炸左既🦐外軟內脆 🦐仲超爽彈 唔會油膩椒鹽豆腐都好出色豆腐好香豆味 好滑 個皮炸得好脆就算擺到凍左都依然脆翡翠蝦餃賣相好精緻 皮薄餡靚 整體價錢唔貴 真係抵食👍👍👍

放假同家人飲茶，沙田萬怡酒店一樓譽宴·星海薈。是家人喜好，佢話點心好食，招呼又好。前菜蒜香黑、白木耳，清新爽口夠健康。我們點左翡翠明蝦餃，頗大隻綠色蝦餃皮塗上金萡，特顯尊貴，很靚又好食金菇安格斯牛肉腸，牛肉味 香，腸粉香滑又帶點煙韌，無得彈。XO醬炒蘿蔔糕，真材實料，很香口又惹味，好味😋潮州粉果，很足料，皮薄餡靚。金蒜鮮蝦長春卷， 蝦肉爽口彈牙🦐，長條形易入口，香脆可口。極不錯👍👍沙薑豬手粒，豬手皮爽脆，沙薑夠入味，䶢䶢地香香地，好好味

平時甚少食中菜的我~今日因為同家人食飯~所以就選左去食中菜啦就返佢地所以選左近近地的譽宴星海薈。。。Haha...叫左d特別的菜式士多啤梨千梨脆蝦球甜甜酸酸咁幾開胃最緊要係有我至愛的蝦海參豆腐煲自己係家整好參好麻煩~又要浸又要發，出街食就乾手淨腳火文得幾入味所以貴得有價值星海貴妃雞好味而且雞唔會話over cook食中菜又點少得叫返個零味精的老火湯補一補呢~平時工作太忙。一星期只煲到一次，所以一定要飲下

朋友介紹話石門有間酒店食中菜好正 今晚帶埋媽媽嚟試下先 嘩 呢度環境好靚 枱與枱之間好闊 唔似一般酒樓咁嘈咁逼 望下menu先 2個人叫番3餸一湯食餐飽 佢是日例湯係紅蘿蔔猴頭菇豬骨湯 一盅都可以分到4碗每人飲到2碗 所以4個人嚟食就可以一人一碗啦 佢另外有碟湯渣 睇到哂真材實料 飲落去好甜 真係無味精 感覺好健康脆皮雞 半隻雞份量都好多 個皮好脆好好味 魚香茄子海參煲 有好多舊海參係入面呀 最鍾意食呢d煲仔野 拎上枱都仲係渣渣聲 好有獲氣咁 呢個餸好濃味 用嚟送飯一流菠蘿咕嚕肉 又係一樣好送飯嘅野 有半個菠蘿係隻碟度 d咕嚕肉多到裝唔哂 最欣賞係咕嚕肉個皮 炸得好脆呀 同一般個d生炒骨唔同 分量都好多最尾仲有個甜品燕窩奶凍 好滿足嘅一餐除左野食之外呢度服務亦都好好 經常都會有人加菜 換碟咁 態度亦好

最近好忙 所以提早同屋企人食左餐簡單既團年飯先我地去左石門萬怡酒店裡面既星海薈 之前去過一次飲茶 但食晚飯就第一次話晒係高階版譽宴 呢度既服務特別周到 好多時仲有侍應主動幫你斟茶食中菜唔少得要叫返盅老火湯滋潤下小口家庭做團年最緊要簡簡單單坐埋一齊食飯我地叫左三款家常小菜蜜燒黑豚肉 即係高級版靚叉燒燒得幾香 肉質鬆軟有肉味 不過唔好甜既媽咪就略嫌甜左小小紅燒竹笙菌皇豆腐 炸過既豆腐好香豆味 味道唔算好濃又唔會太淡 小妹最鐘意呢味菜臘味崧扒波菜 濃味既臘味崧巧妙地掩蓋平日波菜常有既澀味 送白飯食一流雖然價錢比平日普通既譽宴貴d 但話晒係酒店入面 而質素同服務又的確係唔同d所以都值得同屋企人試下

要想知道一間食店的食品質量及水準高低，可以點一些平日的家庭小菜便能清楚了解。 沙田石門萬怡酒店內的譽宴．星海薈，可以說是箇中的佼佼者！星海薈的裝修堂皇，餐具整潔、服務態度好、枱面也寬大。 先來的老火湯，非常足料，可以說湯渣與湯水各佔一半。 材料足、火候夠，喝起來十分滋味。 在這天氣乾燥的日子，確實滋陰潤喉。燒鵝皇是例牌的1/4隻，鵝偏瘦，但皮非常香脆，肉身較薄，所以吃起來有點煙韌的感覺，肉汁基本上調節得很好和入味。再來的家常海參豆腐煲，海參很多，軟腍好吃，肉汁豐腴，墊底的豆腐索滿肉汁，外皮香口，吃入口有汁有味，突顯了街坊小菜的特色！最後來的拔絲菠蘿咕嚕肉，外皮經拔絲處理、既香且脆，內肉滲透了菠蘿的鮮甜味，加上甜酸醬的烹調，幾乎吃到停不了筷！值得推薦！餐廳的收費雖然稍高一點，但味道和煮工都好，值回票價！

好朋友搬咗去石門返工，於是推介了位於沙田萬怡酒店的譽宴·星海薈酒家。『墨魚子燒賣王』的墨魚子都幾多，吃落嗒得到真實鹹香味，yummy。『像形香芒鹹水角』造型真係好靚，吸引了隔籬枱客的眼光，亦跟手叫埋，唔同平時成隻落鑊炸，佢嘅面好似茶果咁軟冧，而另一面底就煎過，脆脆哋，可同時享受2種唔同口感。『高湯鮮竹卷』湯清甜，唔濁，而内裡亦有蝦，有驚喜。『濃湯菌王翠苗』的菜苗矜貴新鮮健康。『鮑汁炆鳳爪』是我吃過最好味之一，恰到好處的烹調技巧，令到鳳爪保存膠質，感受到濃濃的骨膠原，正。『金菇安格斯牛肉腸』用到安格斯牛，同時有黑椒味，特别版唔錯。

 踏入冬季，又是吃蟹的好日子，今次再訪位於沙田萬怡酒店內的譽宴．星海薈，就是為了「蟹」逅胡椒蟹。一進門口就有五個人形公仔迎賓，生動又趣緻。因為這裡是婚宴場地，所以裝修風格比一般酒樓更顯瑰麗堂皇，高樓底充滿空間感。金屬感及幾何線條的配合，配上優雅華麗的水晶燈，打造尊貴氣派的浪漫婚宴。餐牌選擇繁多，以傳統粵菜為本，採用上乘新鮮的時令食材，主打多款海鮮及鮮蟹菜式。茶錢是 $15一位。足料老火湯 $168天氣乾燥，容易令氣管不適，最適合喝一些溫和滋潤的湯水，豬肺湯可以潤肺治咳，補而不燥，一大壺足足有五碗份量。未經處理的豬肺殘留不少血水、髒物，所以洗豬肺步驟非常多，做法複雜費時，但這裡的豬肺洗得雪白，不會留有腥味。湯色清澈見底，裡面真材實料，喝得出沒加味精，呷一口暖入心扉。家常海參豆腐煲 $188高蛋白低脂肪的海參充滿骨膠原，下得足料，口感滑嫩彈牙，配上微辣醬汁，極之惹味。豆腐向來都是百搭的食材，既能獨挑大樑，也是稱職的配角，每顆豆腐外層炸至金黃，一咬開內裡有如鮮奶般滑溜。瑤柱貴妃雞 $198貴妃雞的上湯加入了瑤柱，為原本平凡的白切雞味道再昇華。貴妃雞皮滑肉嫩，絲豪沒有雪味，而且即使只點了半隻，