星海薈﹒譽宴

營業中

休息中

#港式飲茶.呢排興玩Staycation 我又book左間位於沙田萬怡酒店既房玩2日1夜 🥳 未夠鐘CheckIn時就落左呢間位於酒店內既中餐廳(譽宴) 飲個靚茶先❤️.餐廳防疫措施做得幾好 除左例牌既探熱同搓手液之外 仲每位俾條熱毛巾+有熱水提供俾我地自行洗餐具 座位之間都好寬闊同舒適 👍🏻.點心價錢比一般酒店既點心價為低, 茶位每位$15,餐前小食$20, 另外點心價都係$30-$45左右 .🥢白胡椒濃雞湯灌湯餃$58留意返 :: 真係要食得辣先好叫 因為湯底係好香好香胡椒味 一般出面d灌湯餃裡面豬肉就好多但蝦就少少。呢度好足料 蝦多多 再加適量豬肉🥟 係好食既 😋.🥢 蘿蔔絲脆網腸粉$36本來想是但叫個腸粉 但侍應姐姐推介呢度出名「蘿蔔絲脆網腸粉」一於叫黎食下。腸粉皮算薄身 咬落唔會一堆粉漿咁 一咬落去食度既蘿蔔絲係一條條脆脆地咁 好香口得黎又唔會太油 👍🏻 出面好少食到 果然幾好食 .總結點心係好食既 價錢都係可接受 ❤️ 雖然地點偏偏地 不過今次順便黎食係絕對ok 😆..。📌地址：沙田安平街1號香港沙田萬怡酒店1樓💰價錢：～$200👅推薦指數：👍🏻👍🏻👍🏻👍🏻（5星為最高）——

好彩之前幾日book咗過去石門 譽宴.星海薈 食個晚飯🥢食完之後就即刻見到新聞六點之後冇得出街食..依家疫症咁嚴峻 酒樓就準備定滾水畀食客消毒餐具， 頭先畀個100%安心你先.之前一直都以為婚宴酒樓唔會太好食, 點知今次食完真係完全改觀😛 火喉同埋材料都好足..#黑蒜燉雞湯 ⭐⭐⭐⭐⭐燉湯好香好濃味，原來係用黑蒜淆製而成，健康又好味， 自己屋企真係好少會煲呢個湯， 超級推介.#薑蔥龍蝦滑雞煲 ⭐⭐⭐⭐最鍾意上菜熱辣辣， 一上菜個煲仲係咋咋聲龍蝦有成個煲咁大， 啲雞都好滑好入味， 成個餸菜好惹味， 以前我可以淨係食餸唔食飯, 食呢個餸我都忍唔住嗌咗一個白飯， 配住食真係一流.#金銀蛋浸時蔬 ⭐⭐⭐⭐⭐食金銀蛋我最怕就係隻鹹蛋鹹都搶曬所有味， 今次依個配合得幾好，唔會太鹹， 又非常足料.#青介安格斯牛柳粒⭐⭐⭐⭐⭐⭐我真係最鍾意食呢個餸, 因為佢有少少芥末味, 但係又唔係好刺激嗰一種會令你有追住食嘅感覺, 牛柳粒嘅質素非常之好, 推介大家一定要試.疫症真係令好多食肆都少咗生意， 維持到好質素嘅食肆真係唔多， 真心覺得要支持一下 用心經營嘅地方💕

小前菜黑白木耳帶點芥茉味道，刺激味道開胃吃。筷子有托子架，一對公筷一對自己筷子！黑松露蝦餃之王飽滿之蝦餃，一夾不破皮也不痴筷子！黑松露蝦肉互相配合，黑松露提味提鮮，蝦肉滿肉彈牙！安格斯和牛腸粉腸粉皮好滑、好煙銀！超級讚！最足材料嘅係每一件腸粉至少有一舊和牛，大啲嘅腸仔有兩三件和牛都唔奇，超正！黑胡椒味道食完就食白啦！白胡椒濃雞湯灌湯餃比一般灌湯餃重味重，有種胡椒豬肚嘅感覺。當然佢無豬肚啦。但有大量蝦肉，爽爽正！灌湯餃個皮夠大包到實實，幾滿足食大餃子又唔會太咸！鮮蝦腐皮卷三角形件上之擺碟一流！幾口一件，平行線入口同每件都好似一層厚厚地既蝦膠痴係又香又炸過既腐皮，野味不得了！飲多幾杯茶！鮮茄濃湯浸菜苗小蕃茄、菜芯、唐芹、雞髀菇和冬菇由紅色菜到綠色菜到菇都有齊，全面之菜選！茹類食落青草味不多都可以，兼且佢唔會咸。因為好多時用濃湯浸嘅菜，都會比較咸！燕窩3.6奶凍呢個係近期食過最高級嘅甜品，哈哈！有燕窩啊！呢個勁好食，首先個果凍係超重奶味加軟身，味道有啲似BB嘅奶粉！佢嘅燕窩份量多，個份量可以鋪滿果凍面！

酒樓裝修華麗光猛， 座位好舒適同埋唔會坐得好迫。入座前經理幫我地量體溫，入座後另一經理拎左一大盆啱啱煲好既滾水俾我地洗碗筷，令我地在疫情底下都可以食得比較放心，呢方面真係做得好貼心。餐前小食係黑白木耳，第一次食白木耳，同黑木耳一樣都係好爽口，味道酸酸地，有少少wasabi 味係幾開胃幾好食。朋友拍板叫左一個紅燒煲仔翅(足三兩)，呢個原價$388，而家只係$188，真係震撼價黎，份量十足，翅係一梳梳可以用筷子夾起，再配上少量芽菜，食落唔會膩，好抵食。再黎係元貝桃脂燉螺頭，睇個樣好似平平無奇咁，但其實飲落口係好清甜，絕對唔係味精湯，$128 位上，雖然我地叫左一碗，但份量足夠兩人飲。招牌白胡椒蟹，一上菜已經聞到好香既胡椒味，上到檯仲吸引，經理將啲醬汁倒喺側邊，由於係煎pan上，所以好似鐵板咁會炸炸聲，而且我地無諗過隻蟹會成隻手咁大，$468絕對係抵食，肉質結實彈牙，因為用胡椒煮既關係，隻蟹係好夠辣，但又食得出佢既鮮，真係好好味!! 最後一個菜係魚香茄子海參煲，好惹味，送飯一流，可惜我地已經好飽，無叫到飯，茄子煮到好入味，海參好彈牙，而且份量好多，我地都食到一口接一口。今餐我同朋友都非常滿意

出街食飯，好多時中菜都唔係選擇但今日因為唔想煮飯，又想搵個靜靜地既環境去咗比較偏僻既「譽宴」呢間譽宴位於石門萬豪酒店，唔算特別方便。但勝在夠寧靜，係疫情底下，都唔擔心會有風險黑蒜燉烏雞湯熱辣辣既湯，一飲就知好足料好補血，飲完個身都熱㷫㷫🤭蜜汁黑豚肉比起出面既叉燒大舊，燒得好香又好入味，可能用黑豚肉既關係肉質爽口👍🏻👍🏻蒜蓉開邊蒸龍蝦舖滿蒜蓉，配飯超夾龍蝦肉質爽口，不過就偏細隻$98都算係咁啫啫馬友蝦乾炒芥蘭‘咋咋’聲上檯，一聽就已經知道即叫即煮調味岩岩好，仲有好多蝦乾芥蘭唔苦無渣，好好食呀燕窩奶凍飯後甜品是必須的，滿滿既燕窩配上香滑既奶凍👍🏻一流

繼之前嚟過星海薈 譽宴飲茶之後發覺佢哋嘅點心都幾高質 今日嚟沙田search到不遠有間一於再去tea tea呢度既碗筷一於概往咁乾淨 但都仲有盆熱水俾客人親自再洗一次 特別安心 我哋叫咗四樣點心同甜品已經食到捧住個肚走 首先店員為我哋送上涼拌木耳 好酸甜爽口 幾正我哋叫咗南翔小籠包 蝦乾迷你珍珠雞 十菜鮮蝦春卷同埋安格斯和牛腸粉 樣樣味道都好高水準 先嚟到既安格斯和牛腸粉 好正腸粉皮薄嫩滑裡面既肉真係和牛粒嚟食到好甜幾香口 真心正 南翔小籠包 件件都皮薄餡靚 汁唔係多到爆 唔會一個放曬入口會標水出嚟咁 肉汁適中 脂香可口 春卷亦炸得好鬆脆 蝦幾彈調味唔錯 仲有蝦乾迷你珍珠雞 食落個珍珠雞好香濃葉味 又夠曬黏身 最後我哋叫咗個燕窩燉鮮奶 燉鮮奶 重奶香夠曬嫩滑燉鮮奶上既燕窩幾有口感 連甜品都咁唔錯 值得間唔時飲返茶

石門站附近有間酒店，裏面有間隱世中菜館，原來有得飲茶同食晚飯小菜今日第一次嚟到有別於一般酒樓，行商務酒樓形式，好有氣派，菜式得睇及精緻叫咗幾樣點心，黑松露鮮蝦餃，鮮蝦春卷，胡椒濃雞湯灌湯餃，鮮茄濃湯浸菜苗，蝦乾迷你珍珠雞同燕窩3.6奶凍黑松露鮮蝦餃餡料混合左黑松露，配上鮮蝦，爽口彈牙， 中西合璧別有一番風味，正！值得一試！鮮蝦春卷必點推介！春卷皮炸得好酥脆，唔會好油膩，鮮蝦爽口，配埋喼汁絕配胡椒濃雞湯灌湯餃灌湯餃出咗名矜貴，平時灌湯餃通常配清雞湯，今次破舊立新，竟然配左胡椒雞湯😍好好味呀個湯底好濃，灌湯餃皮好薄好滑，包住好多餡料，有蝦有豬肉有啲木耳，必點鮮茄濃湯浸菜苗習慣咗飲茶會食多啲菜，今次都唔例外叫左菜苗，用返茄濃湯做個底配上菜苗啱啱好唔會有草青味，仲有啲茶樹菇好清新蝦乾迷你珍珠雞廚師好揼本竟然係珍珠雞裏面放蝦乾😍😍正牙，除咗食包外，珍珠雞一定係飽肚之選😋😋燕窩3.6奶凍好正呀竟然有3.6牛乳奶凍食，上面有啲水晶撞嘅就係燕窩，奶凍唔會好甜，食得出濃濃嘅牛奶味值得一提嘅係呢度嘅衛生情況比一般酒樓做得更加好， 一嚟到會比盤熱水你去洗碗碟，店員十分之有禮貌，前菜係涼拌木耳，酸酸地好開胃同

今日去咗食中菜喺萬怡酒店入邊，地方唔大但係坐得都幾舒服因為得兩個人所以就唔試佢嘅椒鹽蟹啦，我哋叫咗幾個餸咕嚕肉：佢既外皮應該炸過，所以外脆內軟佢個汁又唔會好酸，甜甜地好岩送飯！仲要提下個菠蘿都好甜好好食。仲有青椒紅椒都幾豐富脆皮皇子鴿：岩岩新鮮出爐既鴿，肉質唔韌，幾juicy點d鹽仲好食！佢個皮炸得啱啱好啫啫馬友蝦干炒芥蘭：好夠火候既一個芥蘭煲，又唔會整到啲菜好燶，唔算好辣，但係略嫌有少少咸。上菜嗰陣仲係冒煙㗎黑蒜湯好足料👍用瘦肉、雞、鮑魚，仲有黑蒜一齊煲成！好鮮甜而且功效好😍抗衰老抗氧化，黑蒜仲可以增強免疫力，依家岩哂👍最後，仲有燕窩燉奶凍做甜品👍唔會好甜，燉奶都幾滑👍燕窩對女仔有美容功效😍即刻成碗要食晒啦🤣

同朋友仔放工去到石門食飯，今次想試下中餐，就去咗酒店隔離嘅譽宴。星海薈環境好舒服，我諗佢係專比人做婚宴場所，所以擺設同環境都好新淨，加上疫情大家都坐得梳落啲，都係一個唔錯嘅選擇。首先佢個前菜係酸May May 雲耳，好爽口開胃 叫左個黑蒜雞湯，幾特別，唔會太重蒜味，雖然賣相黑mama, 但係飲落感覺好健康。 拔絲菠蘿咕嚕肉炸粉唔厚皮，炸出嚟好脆身，咕嚕汁真係有拔絲效果。酸酸甜甜，開胃之選。脆皮皇子鴿 老實隻鴿唔算大隻，$68 性格比已經好高 外皮香脆，入面肉ge 質地都唔錯 啫啫馬友蝦干炒芥蘭 一上台已經好香，好多蝦干，好惹味👍🏻甜品叫左燕窩奶凍都幾多‘燕窩’ ，奶凍唔會太甜，食完咁多濃味野可以中和番

幾次坐巴士經過濱景花園都留意到有新酒店，這天中午剛好到石門附近，就來看看萬怡酒店有甚麼餐廳🧐最後選定了1樓的譽宴．星海薈，之前嚐過觀塘分店覺得味道不錯，這次來看看沙田分店水準如何。特別欣賞每枱都有一鍋即時煮滾的熱水供洗餐具👍🏻👉🏻食物: 4/5▪️燕窩3.6奶涷超級多燕窩🤩滋潤之選！奶涷滑但有少許甜。▪️十菜鮮蝦春卷春卷香脆，鮮蝦大隻、新鮮彈牙▪️安格斯和牛腸粉與平時吃到的牛肉腸口感及味道都非常不一樣🧐牛肉一粒粒，像叉燒般，用黑椒而非莞茜來調味，牛味突岀！▪️南翔小籠包每一件都貼心地有個小籃，可以直接手拿到碗，不怕夾破！小籠包肉汁多😋▪️蝦乾迷你珍珠雞迷你但每隻都超足料！

同My boi去石門食中式小炒😍😍菠蘿咕嚕肉使用新鮮菠蘿 😇香甜微酸 開胃非常 咕嚕肉外皮薄脆☺️蒜蓉開邊蒸龍蝦龍蝦新鮮肉質彈牙😍😍味道鮮甜配上滾油嘅蒜蓉超級香😚黑蒜響螺燉雞湯滋補雞湯裏面有配料有響螺頭瘦肉粒同黑蒜味道清甜😆蝦醬芥蘭煲蝦醬波好友鑊氣仲有炒蝦乾同鹹魚粒免治豬肉🐷去除咗芥蘭嘅草青-菠蘿咕嚕肉蒜蓉開邊蒸龍蝦黑蒜響螺燉雞湯蝦醬芥蘭煲冰糖燕窩燉奶————————————————譽宴 (沙田) 沙田安平街1號香港沙田萬怡酒店1樓————————————————

近排好想食中菜 , 即刻諗起之前食過好好味嘅石門譽宴星海薈 !! 😎😎餐牌 :疫情期間 , 食店準備滾水畀食客清潔餐具 , 令食客食得安心 , 非常貼心 , 抵讚 ~菊花 平時去茶樓好少叫菊花 , 今次試下 , 好香好正 ~黑蒜燉雞湯 ($98)雖然外貌黑沉沉唔多吸引 , 但係飲落有驚喜 ! 燉湯好清甜 , 同時有肉味 , 而且好足料 , 呢個湯推介 ! 👍👍脆皮皇子鴿 ($68) 睇外表就知好食啦 ~ 外皮脆卜卜 , 肉嫩又夠入味 , 呢個都推介 😋😋 拔絲菠蘿咕嚕肉 ($138) 外皮超薄超脆 😲😲 , 有拔絲效果 , 酸甜度適中 , 非常開胃 , 送飯一流 ! 份量都多 ,  有 3 色椒 , 菠蘿同大概 10 - 12 件咕嚕肉啫啫馬友蝦乾炒芥蘭 ($108)食完咁多個肉 , 要叫番個菜 , 一上菜咋咋聲 , 香噴噴 , 份量大到 2 個人都食唔曬 ~ 芥蘭無渣 , 硬度適中 , 仲有好多蝦乾 , 好好味 ! 燕窩奶凍 ($48) 你睇下面頭嘅燕窩 , 份量幾多 😳😳 ~~ 正 ! 👍👍 奶凍香滑 , 入口即溶 , 唔會太甜 , 好滿足 😌😌

朋友好耐冇見，話想搵個安靜啲地方飲下茶傾吓偈，咁位於沙田石門萬怡酒店嘅譽宴係不二之選。地方寬敞舒適又寧靜，總係覺得來呢度啲客人寧舍斯文，陰聲細氣，沒有其他酒樓的嘈吵。叫咗鎮店之寶『黑松露蝦蛟之王』，皮薄餡靚，再加有黑松露的清香味道，非常享受。『蘿卜絲脆綱腸粉』，脆綱係真的脆，吃落有『卜卜』聲，不油膩，又有蘿卜加持，同埋又薄又透亮的皮，好好。『南翔小籠包』亦係好味之選，嗒落有湯汁流出，够juice。『白胡椒濃湯雞灌湯餃』冇花冇假，有濃湯，有雞件，仲有足餡料的灌湯餃，好正。『鮮茄濃湯浸菜苗』清清哋又好味，邊個話飲茶一定唔健康㗎。

一心嚟食义燒，點知話燒烤爐維修😨侍應推薦食6人餐=$1488，有辣椒蟹1.5斤，其餘餸菜都一般，無揀😅薑蔥炒肉蟹$468=1斤半，不太喜歡油泡之煮法，肉質可以，味道較咸😏南非鮑魚炆滑雞煲$148好食，雞夠嫩滑，鮑魚都好「林」本地龍蝦$88/隻（1斤以下），特價推廣3選1肉質新鮮，不錯😋日本青芥牛柳粒$168⋯⋯牛柳粒帶點點wasabi 芥蘭頭好爽脆，餸飯非常正！啫啫馬友蝦干炒芥蘭$108，香口惹味😋整體來講，味道偏咸餐廳細心奉上熱水鍋給客人潔淨餐具前菜 2個=$40，白飯$12/個。晚茶$15/位

之前係呢間食過一次晚市 一直都念念不忘想再嚟食 今次揀左平日夜晚過嚟 好鍾意呢度環境寧靜坐得舒服今次首先叫咗個黑蒜螺頭燉豬展湯 真係好足料 原來粒黑蒜煲咗湯之後口感好得意 好清甜啊個湯 跟住叫咗一個乳鴿 記得要趁熱食呀 脆皮正呀佢仲好貼心比左濕紙巾同手套我地呢度嘅招牌菠蘿咕嚕肉一定要叫 個汁酸酸甜甜 仲有佢個咕嚕肉整得好脆 完全唔同出面嗰啲撈左汁之後個皮林晒 仲有一個炒芥蘭 個鐵板一上枱渣渣聲仲係熱辣辣 嗰啲蝦乾汁好濃味呀 呢個時候一定要叫返碗飯嚟送飯就一流啦臨尾仲送咗個椰汁糕甜品添呀 好滿足坐得好舒服嘅一餐