日日香鵝肉飯店 (Two Harbour Square) (已結業)

經過好多次日日香鵝肉飯店， 成日都想試下， 今晚終於有時間， 放工泊低架車就即刻上去食晚飯。 位於觀塘偉業街180號Two Harbour Square1樓3及5室， 中午時段應該好多人。 餐廳環境開揚， 卡位舒適， 可以散叫，我就選擇了套餐📋，開心精選2人套餐A $228📌 ～小食兩款豬大腸和豬耳、 招牌鵝肉(例)、滷汁芥蘭、 原盅老火燉湯、 頂級泰國香飯兩碗， 三檸可樂$8、青檸梳打$8。 📍小食兩款豬大腸和豬耳 ～ 有六款可以揀， 我喜歡豬大腸和豬耳， 兩者都好入味， 豬大腸口感軟腍， 豬耳入味爽口。 📍招牌鵝肉(例) ～ 入口鵝味濃😋， 脂肪比例偏小，皮香肉嫩， 招牌例牌份量都很多， 好抵食。 📍滷汁芥蘭 ～ 煮得剛剛好✌🏻， 翠綠的芥蘭爽脆可口。 📍原盅老火燉湯 ～ 烏雞、蟲草花、龍眼肉、杞子瘦肉燉湯， 火候十足， 足料靚湯🤤。 📍頂級泰國香飯兩碗🍚 ～ 套餐還有兩大碗飯， 採用頂級泰國香米， 口感柔軟。 📍三檸可樂 ～ 三檸可樂，解渴順喉。 📍青檸梳打 ～ 唔想飲可樂可以飲梳打， 配上青檸，清新好味。 每次中午經過都好想食，但又沒有時間， 今次來吃晚餐， 沒有令我失望， 很

觀塘海旁係週末其中一好去處，跑步，散步，👀音樂噴泉，食物都方便，今次食d平時少食既，選了日日香。餐廳係Two Harbour Square，環境舒服,乾淨明亮。望下餐牌，見二人餐吸引就落order左二人餐，除了主菜，湯外，可選兩款小食，加油飯兩碗。燉湯到，是花旗參燉竹絲雞，白色原盅上。開心有湯喝，自己系屋企好少煲湯，秋天更需要滋潤補身。滷水鵝肉分成薄片，鵝嫩滷清。滷水自成一格，清香淡雅。小食-豬手同鵝頸肉豬手分成薄片，肉嫩細膩,鵝頸爽口菜心份量比一般餐廳多，菜綠味鮮整體而言，味道不錯的滷水鵝片和豬手。

今日去觀塘搵朋友食飯，朋友介紹日日香鵝肉飯店，話嗰度嘅鵝肉靚，又抵食。餐廳在Two Harbour Square, 座位闊落坐得舒服，裝修新淨企理。Menu上嘅選擇主要係滷水鵝肉、鵝片、仲有好多滷水小食例如紅腸、豬大腸、豬腩肉、豬手等選擇。我哋叫咗個二人餐，有一碟中鵝肉，兩款小食，一碟滷汁時蔬，兩個燉湯，兩個白飯，我哋另外加咗兩杯熱飲，加埋$250 ，真係好抵食拗，食得好飽，而且食物質素都好唔錯。鵝肉除咗大大碟，仲啖啖肉，肥瘦適中，好有鵝肉嘅香味，肉質夠林，滷水都好香好入味，配埋白醋醬汁，酸酸地更加開胃。小食我哋揀咗豬耳同豬腩肉，兩款小食嘅份量都唔少，而且日日香嘅滷水汁真係好味，豬耳同豬腩肉都係入晒味，有夠林，真係冇得頂。滷水時蔬我哋揀咗芥蘭，芥蘭好新鮮大大棵，非常爽脆，呢個餐包埋菜真係非常適合，食咗咁多肉當然要食多啲菜啦！燉湯係蟲草花雞湯，非常足料，燉湯好清甜熱辣辣，正個阿媽煲嗰啲，材料又多，黎到真係要試吓。

觀塘工廠區多野食係人都知，而海旁新落成的商廈就更加多選擇。例如two Habour Square的澄海「日日香」，做滷水出名係人都知吧！加埋各式滷水部位，最出名就係滷水鵝同每日新鮮調製熬煮的滷水汁, 每隻獅頭鵝要鹵兩個幾鐘，細膩之中又帶住香氣, 同朋友去食個便飯就一於揀番個二人餐。觀塘Two Harbour Square 店餐廳裝修舒服雅致, 有卡位有圓檯，乾淨衞生。二人套餐包滷水鵝（例牌），兩個燉湯滷水小食，滷水菜， 同白飯兩碗有齊鵝片、 鵝肉，而小食就揀左豬腩肉豬腸 滷水鵝肉香氣滿滿, 但食落又唔會話好重 藥材花椒八角味，例牌有齊鵝片 同鵝脾，鵝片肉肉質嫩滑唔洗多講啦，肉嫩細膩帶少少鵝油香, 鵝脾肉肉嫰有鵝肉香，豬腸油潤軟滑, 豬腩肉都入味。燉湯是 花旗參 燉竹絲雞，。湯底夠甜而清徹，清虛火又滋潤補身。

朋友公司樓下有間日日香，之前食過北角嗰間，覺得幾好味，又走咗去食啦😊二人餐最抵食，二百零蚊可以食到兩個小食，一大碟鵝，一碟菜，兩碗飯，兩盅燉湯同埋兩杯野飲。滷水鵝肉係招牌，一定要試，佢有好多部位，幾乎想要咩部位都可以單叫，不過我唔係好食內臟，所以叫鵝肉、豬手同埋腩肉。鵝肉比上次食肥啲，唔知係咪唔同部位嘅問題，不過味道就一樣，加埋啲醋汁，真係勁開胃。豬手今次就反而瘦過上次，連啲皮都一次過食埋都唔覺得漏。第一次試腩肉，原來都幾好味，唔錯。今次嘅湯係烏雞湯，又係勁足料，而且飲完唔口乾，應該冇落味精。平時屋企冇人燉湯，所以飲到咁嘅質素嘅湯好開心🥳

尋晚自己一個去左黃埔果間分店食晚飯果陣send左張相畀男友睇，佢睇完話佢都好想食，結果事隔一晚今日我收工後又同佢去左我公司附近嘅呢間分店一齊食🤣我地叫左個金牌鵝片飯，特級鵝皇飯，鵝骨湯，滷汁芥蘭（男友超中意食芥蘭😅）同一杯熱柚子蜜～鵝片啖啖肉，肉質軟滑，雖然比鵝肉貴少少但值回票價！😁配料有豬肉卷，甜酸菜，豆腐，滷雞蛋同豆角，啲香甜滷汁撈落充滿飯香既泰國靚米度一齊食，正！🤤鵝皇飯超級豐富！😍有齊鵝片，鵝腎，鵝肝，鵝腸同鵝蛋，岩晒我呢啲貪心中意多花款既人😁鵝腎爽口入味😋鵝腸同樣爽口而且好乾淨👍平時食既鵝肝通常都係煎香佢比較油膩，今次係我第一次食滷水鵝肝，口感粉嫰而又無煎出黎咁膩，我反而幾中意喎！😮滷鵝蛋我都係第一次食，原來超大隻！😱口感味道比起雞蛋更香濃更實淨😋芥蘭煮得岩岩好，顏色嫰綠口感爽脆👍工商區嘅餐廳夜晚人流真係好少😅 不過靜靜地輕輕鬆鬆食個飯都係唔錯既選擇😊

今日同朋友嚟到呢間餐廳，發現佢開咗都好多間分店，附近九龍灣都有。我地算早收工，早入座，可以坐卡位好舒服。我地揀咗２人超值套餐($228)，包２款小食、一碟招牌鵝肉、一碟時蔬、兩碗炖湯、兩碗白飯同埋兩杯飲品，性價比都好高。小食2款中，我地揀咗豬大腸同腩肉。份量都足夠，豬大腸好爽口，腩肉脂肪同肉嘅比例大概4:6。招牌鵝肉好好好大份，最正係啲肉。又滑又嫩，啲汁好入味，食完一嚿就停唔到😋滷汁時蔬我地揀咗西生菜，欣賞佢嘅西生菜煮得淋身，滷汁唔會太鹹。飲品所有凍飲都係加$6，所以當然要揀特飲就最抵，我揀咗青檸梳打，朋友揀咗鹹檸雪碧。整體而言，每人$122有三餸一菜有湯有飯仲有特飲，真係幾抵食😋

觀塘必食潮州滷水鵝專門店▫️呢一間係位於觀塘偉業街嘅日日香鵝肉飯店，環境整潔、燈光夠晒光猛。呢次就試左佢哋嘅二人套餐($228)，包左：👉小食(可以任選2款鵝腎、豬大腸、豬耳、紅腸、豬手，腩肉)👉例牌招牌鵝肉👉滷汁時蔬👉原盅老火炖湯👉白飯▫️原盅老火炖湯唔好以為出邊餐廳飲嘅湯就一定係味精老火湯，呢度嘅湯真係燉湯😍對於一個好鍾意飲湯嘅湯怪黎講，真係好好飲🤣👍🏻見到材料好多、好足料，有黨參、烏雞、瘦肉、桂圓等，飲完好暖胃，冬天可以去飲下補下身～飲完一碗實在唔夠好想再飲多碗😂▫️任選滷水小食(簡左鴨腎同豬大腸）首先講吓個滷水汁好香，滷水汁食落去有啲花雕酒嘅香味，撈埋白飯一齊食就最啱～鴨腎係第一次食質感好似雞腎咁，好爽脆、唔un。豬大腸充滿油香，非常入味。滷水豆卜吸哂滷水汁，每一啖都係滷水香味，亦都唔會太鹹，味道啱啱好。▫️例牌滷水鵝肉肥瘦適中，質感嫩滑、啖啖肉，夠晒入味，雖然佢係冷盤，但係完全冇影響嘅味道，潮州風味十足。▫️日日香鵝肉飯店地址：觀塘偉業街180號Two Harbour Square1樓3及5室中環威靈頓街50號華威大廈地下B號舖。銅鑼灣軒尼詩道500號希慎廣場11樓11號舖。紅磡民泰街

觀塘食肆林立黎到呢間滷水鵝二人套餐，咩都可以試啲，又抵食二人餐有任揀兩款小食（鵝腎，豬大腸，豬耳，紅腸，豬手，腩肉）我哋揀左豬手同鵝腎豬手有小小肥肉加瘦肉爽口不會油膩鵝腎林得黎唔un滷水好入味原盅老火燉湯沙參玉竹竹絲雞湯湯料足夠，滋補養生芥蘭爽脆招牌鵝肉切得厚肉大件，好彩師傅斬左集鵝比啖啖肉好入味果然係獅頭鵝肉鬆鵝味重潮洲滷水好入味令人想起家鄉既味道餐廳近觀塘海濱去開海濱玩都可以黎食下觀塘小有既潮州菜

位於觀塘的一家新式的滷水鵝店，位置近辦公室大樓，燈光光亮，環境企理整潔，入面位置蠻多。午餐有午市套餐的選擇，以及二人套餐，價錢比單點的更加划算。開心精選2人套餐原盅老火炖湯：烏雞燉湯雖然細細盅的炖湯，但湯的材料很多，滋補養身、補補氣血。 任選小食2款：豬耳、豬大腸豬耳爽口彈牙，滷汁濃香，滷得入味；豬腸偏韌，較費力咀嚼。滷汁時蔬：芥蘭菜鮮甜，翠綠，加入滷汁，令醬汁滲入菜之中。招牌鵝肉例牌的份量，獅頭鵝的鵝肉，鵝皮油光閃閃，皮肉之間有層薄薄的脂肪，令鵝更添油香。鵝肉嫩滑，入口那滷汁帶鮮甜，加上五香滷汁四溢，十分下飯，一口飯配一口肉，停不了口。

日日香是潮州滷水鵝的專門店，主打獨門秘方滷料，除了招牌獅頭鵝王，還有其他食材，吸引了我和男友來試試已傳承了六代的味道。想要一次吃到最多的招牌菜？店員推薦開心精選二人套餐，有王牌滷水鵝，還有其他鹵水小食和燉湯，十分豐富！上菜超快，不久後所有食物都上桌了，可以慢慢品嘗，同時吃多款也可。先喝湯，燉湯熱騰騰的，有烏雞和藥材等等湯料十足。味道甘甜帶鮮味，在漸涼的天氣滋補一下、暖暖身體吧。滷水小食拼盤可選兩款，就要了不同口感的豬耳和腩肉。先說豬耳，是有咬口的外皮+軟骨，所以煙靱中帶脆軟骨，皮的部分吸滿汁，很入味。腩肉相當有驚喜，看它的脂肪層不少，卻一點油膩感都沒有，也沒滴油，口感倒是好清爽！肉質軟身，也吸滿滷水，味道更為濃郁酥香，會忍不住一片接著一片吃。主菜為一大碟招牌獅頭鵝肉，已預先切成小小片，每口一片剛剛好。底部的豆卜吸飽滷水，非常好下飯。經過滷料的洗禮，鵝皮已變成深啡色，加上脂肪層好薄，連平常吃雞要去皮的我也十分樂意整片吃！惹味的滷水加上豐腴的鵝油，味道濃厚、肉質柔軟，很好吃！男友推薦我也試試沾醋吃，味道完全不同，突出了鵝肉本身的鮮味。鵝肉正，無論有沒滷水都好吃。感覺就如吃日本沾麵時，加昆布

日日香@觀塘海濱，必食招牌鵝肉，鵝肉香嫩入味！最抵食莫過於2人超值套餐（$228）有招牌鵝肉，滷水小食，原盅老火燉湯，油菜，飯及套餐加配價飲品。足料老火燉湯，當日係沙參玉竹竹絲雞湯，滋補養生，湯料亦落得足夠。滷汁西生菜滷水鵝腎、豬手，套餐可以喺6款小食入面揀2款，仲有豬大腸、豬耳、紅腸、腩肉的選擇）鵝腎爽口入味，豬手不過不失。招牌鵝肉（例牌），例牌份量都唔少，滷水香，鵝肉嫩，撈飯一流！加配飲品滷雞蛋

作為一個潮州人「架己冷」鍾意食滷水鵝常識吧😂平時多數都係幫襯啲舊式啲嘅滷水鋪，見觀塘Office附近開咗一間新式啲嘅。收工就同同事一齊試下～ 店員推介我哋食二人餐，$218 已經有兩款小食一份滷水鵝一碟菜，仲有燉湯同埋白飯。燉湯上枱嘅時候熱辣辣，係烏雞湯，非常之足料，轉涼嘅天氣飲係十分啱嘅。滷汁時蔬我哋揀咗芥蘭，但因為已經有滷水嘅小食同埋滷水鵝，我哋走咗汁。小食可以揀鵝腎、豬大腸、紅腸、豬耳、豬手、腩肉。鵝腎同豬耳都滷得夠入味，鵝腎爽口，豬耳爽脆。滷水鵝係用120日大嘅獅頭鵝，鵝肉鮮嫩得嚟又滷得入味，咬入口除咗有鵝油香仲有滷水嘅香料味。係非常之好送飯嘅菜式！仲有想讚一讚店員其實係非常之熱情，又會分析套餐係抵食同多選擇😌餐廳亦都好乾淨企理，坐得都幾舒服。

今日去咗觀塘工業區見客，佢約左我去偉業街嘅日日香鵝肉飯店邊食邊傾。原來客人是潮州人，佢知道餐廳有正宗的澄海獅頭鵝食，好客氣請我試吓！餐廳地方整潔，座位寬敞，店員有禮。鵝片飯：獅頭鵝的肉味跟一般鵝不同，肉鬆軟且鵝味重，用獨門配方滷製，味道香濃，口味鮮美，配上入味的滷豆卜和半隻滷蛋，十分美味！雙拼鵝肉鵝腸河粉，鵝肉入味有口感，鵝腸清洗乾淨，冇肥膏，滷得剛剛好熟，入味又爽口，河粉滑溜。老火燉湯蟲草花燉烏雞，雞湯足料，有蟲草花、烏雞、圓肉、杞子等，味道濃郁鮮香。夠曬火喉。滷雞蛋和豬大腸，豬大腸洗得亦好乾淨，已經去除多餘脂肪，滷得味道和林度啱啱好。凍鴛鴦、凍檸茶，夠濃夠味。

午餐.平時比較少嚟Two Harbour Square呢邊原來都有好幾間餐廳 lunch time都排晒長龍咁今日就嚟試吓呢間專賣滷味嘅飯店.一坐低 店員就放隻有餐具嘅杯 原來仲有埋熱水俾你洗都幾貼心😆.- 滷水雙拼飯 叫咗豬手同腩肉 飯就轉咗米粉 份量都幾多 仲有啲豆卜同半隻蛋食埋個米粉都幾夠飽滷味嘅調味都幾啱心水 唔會太鹹不過豬手就有啲筋位(?!)比較難咬但整體味道都唔錯午餐包飲品 叫咗柚子蜜 正常味道 溫度夠熱店內環境都ok 但價錢就算中上