日日香鵝肉飯店 (Two Harbour Square) (已結業)

又帶外國老闆去試新嘢，今次係食燒鵝🤣 餐廳又咁啱喺公司附近，近海滂，好方便。 開心精選二人套餐 $228任選小食兩款：鵝腎、腩肉滷水鵝腎好入味，份量好多又爽口；腩肉肥美嫩滑，肥而不膩，送飯一流。招牌鵝肉（例）鵝肉外層滷得金黃色，肉質嫩滑，滷水汁香濃，唔會太鹹。鵝皮同肉中間仲有一層薄薄嘅脂肪，食落更香口原盅老火炖湯2客秋天開始乾燥，好啱飲老火湯，材料滿滿，味道濃郁唔油膩，滋潤養生滷汁時蔬頂級泰國香飯2客

在公司附近有一家老字號的滷水鵝店 「日日香鵝肉飯店」在香港已經有7間分店裝潢方面 走精緻新式風格坐位 空間都很光鮮 同時 傳統的玻璃窗 掛滷水鵝亦有保留讓食客 觀賞食物而我帶同事慕名而來店內有多款套餐選擇與同事分享2款招牌飯滷水可以配飯 或麵總覺得滷水是要配飯因此保留傳統 以下的菜色是配飯..特級滷水鵝皇飯 $128(鵝片 鵝腎 鵝肝 鵝腸 鵝蛋) 配以豆卜和酸菜主打的滷水鵝 味道真不錯 鵝肉不太肥，又能保留嫩滑的肉質，滷水味重 入味，果然是招牌菜鵝腸不會太肥，爽口彈牙鵝肝用滷水煮，油份不多但味道甘香。鵝蛋非常大隻，四分之一隻的鵝蛋已比一般雞蛋還要大飯配有酸菜，酸酸甜甜 好開胃..特選滷水味飯 $64(豬大腸 豬腩肉 紅腸 滷雞蛋 豆卜)同隸很豐富的滷水大集會 有豬大腸 豬腩肉 紅腸 滷雞蛋 豆卜腩肉夠肥美，滷水入味 配飯一流------------------------------

呢間餐廳位於觀塘偉業街既商業大廈內，門面光猛，可以睇到師傅即時切燒鵝既樣，廚房透明度高令食客食得比較放心，滷水鵝肉滷得入味，餐廳位置也算舒適，而且晚上黎食潮州菜價錢黎講算係抵食～小編同朋友叫左一個二人餐，二人餐都幾豐富，有雙拼小食我地揀左鵝腎同腩肉，鵝腎爽口，腩肉薄切皮彈牙，如果可以厚身d會仲正滷水汁加菜可選擇自己喜歡食既菜，鵝肉嫩滑滷得入味。小編最愛係後加小食甜酸菜用左豆瓣醬令到酸菜更加入味咸咸辣辣餸飯開胃同埋老火足料湯。

日日香鵝肉飯店，位於觀塘偉業街Two Harbour Square，餐廳中式佈置格局，座位尚算闊落，午飯時段座無虛席，餐廳方面亦做足防疫分隔，顧客食得安心又放心。餐廳以售賣傳統中式滷水食物為主，以自制滷料特制滷水汁，必點項目當然是滷水鵝片，秘制滷料味道香濃，鵝片非常入味，嫩滑。午餐時間有多款套餐選擇，可以自選雙拼鵝片鵝肉鵝腸紅腸等等，款款不同，各有特色，而且白飯粉麵等等均可自由選擇，確實非常合適要求多變的香港人。

「日日香鵝肉飯店」係香港已經有7間分店，佢地既馳名滷水鵝深受食客歡迎，我地成班同事都好鍾意呢間既滷味同肥腸。今次我叫左豬耳雙併麵。本來想食但賣晒，轉左米粉。個人覺得豬耳好食過魚。其他同事叫左2人餐，包括2份湯水+1份例牌鵝肉+2款小食+2碗白飯+飲品。我偷食左鵝肉，豬耳同腩肉。鵝肉比較瘦，畸為柴口但可接受。豬耳爽口，腩肉真係大舊而肥美，我無qouta 就無試啦。同事亦推薦佢地既辣

之前試過淘大分店，今次去朋友屋企黐餐，因為會途經觀塘分店，所以買啲加餸上去❤️☺️等朋友都試吓係咪真係咁好食先😆😆原來日日香全部分店，外賣都有八八折✔️ 咁都幾抵！我叫咗¼隻鵝，要咗下裝(即係啖啖肉既脾！)，另外加兩個小食，豬耳同埋鵝腸❤️拎到上去Auntie好開心，原來佢好鍾意食滷水嘢😳 佢話隻滷水鵝好好食，肉質結實得來又唔太硬。豬耳正常味道。鵝腸我想就同上次一樣咁好食！不過比起淘大分店，肥膏好似清走得都無咁好。唔知係咪心理作用呢哈哈今次朋友同Auntie都食得好開心，nice~🥳

又到午餐時間，今次行遠少少，去左呢間日日香鵝肉飯店試一試佢嘅滷水雙拼飯，OpenRice外賣自取只要$60，仲包杯熱飲。今次揀咗鵝肉拼鵝腸，打開外賣除左鵝肉同鵝腸外仲有好多配菜，有蛋、豆、酸菜同豆卜等等，滷水都好入味，飯既分量都非常足夠。唔錯！

觀塘Two Harbour Square呢間日日香鵝肉飯店開咗一段時間，原來開開下香港有成7間分店，相信質素有返咁上下先做到，今日就試下買個外賣返公司食先～招牌滷水鵝肉飯鵝肉分左兩排，都有十件八件，配料都幾多款: 酸菜、半隻滷水蛋、魚旦同菜心！餐廳主打食滷水鵝，又真係幾好食，鵝肉唔肥，但係keep到肉質好腍好嫩滑，好入味好重滷水味，果然係招牌菜！個人好鍾意食酸菜，酸酸地咁好開胃，而且仲好有咬口，魚旦都有幾片，點埋醬汁食好味！滷水蛋就普通，唔太入味，整體份量十足，無論係鵝肉、配菜同飯量都俾到足，男士都一定夠飽，食哂成個食勁滿足

呢間“日日香鵝店”可由觀塘碼頭行過去，大約行10分鐘左右。聽聞呢間店…係內地好出名嘅鹵水店，再引進香港。因為有老細話請食午餐，所以就老細心意，一齊去試呢間。老細話唔好叫每日午餐果啲款，所以我地點左最多人食嘅…鹵味拼盤，大鹵水鵝片，獅頭鵝粉肝。鹵水味道係唔錯，好入味。但全店都係得一款味咁，就係最出名嘅鹵水汁味，食得多都有點膩。雖然有點膩，而我覺得最欣賞嘅…一定係“獅頭鵝粉肝”，因為食落好粉嫩，又入口即溶。正！

公司樓下，試下！有驚喜！佢啲飯係一粒粒，好香，鵝肉好好彩係脾位，好煙韌但又相對軟滑，鵝香味重！豬手個皮脆，有咬口，我一個人成碗飯食晒！好滿足啊！佢有兩塊豬肉卷，唔錯，唔太鹹，有啲鮮味！

本來想去Lagom Kaffe食晏，點知佢要去到12:00先有熟食，當時我哋去到只係11點，所以就轉左去隔離呢間日日香鵝肉飯店。佢餐牌上面配有精選套餐，我哋就揀咗一個鵝肉飯同一個鵝片瀨粉。一試有d驚喜，每一啖都充滿鵝油嘅香味，每食一啖鵝片或者鵝肉，之後再配一口飯或者瀨粉，喺口腔內混合鵝油香味，好惹味。另外配菜方面嘅鹹酸菜份量非常大方，食幾口鵝肉之後再配一口鹹酸菜，可以中和口腔內嘅油膩感。套餐可以配一碗例湯，當日嘅例湯係茶樹菇湯，一飲就知並唔係味精湯，飲完亦唔會覺得口渴，不過味道偏淡少少。整體來講，鵝肉充滿鵝油香氣，而滷水嘅味道亦唔會蓋過鵝香，雖然價錢唔算平，一個午餐需要大約$80，但偶爾食下，滿足一下味蕾都係一個唔錯嘅選擇。

幫襯過中環店食鵝肉飯，鵝肉嫩滑，酸菜好味，例湯更正。隔兩星期去官塘店食同樣的食物，鵝肉依然好味，酸菜太辣，例湯和中環一樣，卻太多水，变得淡而無味。不知是否因為新年關係呢？太令人失望!

今日午餐發現到商廈入面有間滷味飯店，所有鵝都係自家農場養，我見地方乾淨，就堂食咗個午餐，叫咗一客精選滷味飯。精選滷味飯配料甚多，包括: 豬大腸、紅腸、豆卜、腩肉及滷蛋，非常豐富。特別想講講佢嘅米飯，食落感到好香嘅飯味，較平時一般快餐嘅白飯又硬又凍又冇米香味優勝，相信米飯成本唔低，值得一試。午餐包一杯嘢飲，我叫咗熱奶茶，可惜熱奶茶的茶底苦澀，飲落超級苦，希望茶同奶比例可以恰到好處，進一步改善飲品嘅質素。

疫情下， 只有叫外賣日日香有午餐鵝肉同配菜都好好味， 連埋飲品，抵上加抵介紹埋比同事食， 平靚正門口比較隱蔽， 一般人可能冇咁易睇到， 有電梯搭上去1樓， 全層得佢一間， 一上去就見到

最近見到觀塘有間 #汕頭澄海 出名食滷水鵝的 #日日香鵝肉飯店 🦆，以日日新鮮製作 #滷水鵝 聞名，聽個名都覺得正，即管試下先！#日日香 鵝肉飯店係商業大廈1樓，環境乾淨企理，感覺舒適。店內有多款套餐選擇，我第1次食，當然試 #特級滷水鵝皇飯，貪佢樣樣都有😆特級滷水鵝皇飯有（鵝片、鵝腎、鵝肝、鵝腸、鵝蛋），一次過試到咁多款好正呀☺️我喜歡 #鵝片 有口感得來又唔會老，鵝味濃郁，帶有清淡滷水味👍 #鵝腎 爽口彈牙，#鵝腸 很薄冇肥膏，食落爽脆。而 #鵝肝 用滷水煮法，無咁多油份但味道甘香。對於我不太喜歡食內臟都覺得唔錯😋最後食埋 #鵝蛋，為咗試下同雞蛋分別，另外再加的😂鵝蛋比雞蛋大2倍有多，食落蛋白較硬身，蛋味較香。套餐包飲品☕️，另外加配 #老火燉湯 同 #生菜 。燉湯係 #蟲草花燉烏雞，飲落清甜仲好滋補。生菜🥬特別在加滷水汁，味道爽甜。整體食物很好，#滷水 味道適中唔會好鹹，加上份量都唔少，食完好滿足😊