日日香鵝肉飯店 (Two Harbour Square) (已結業)

觀塘工廠區多野食係人都知，而海旁新落成的商廈就更加多選擇。例如two Habour Square的澄海「日日香」，做滷水出名係人都知吧！加埋各式滷水部位，最出名就係滷水鵝同每日新鮮調製熬煮的滷水汁, 每隻獅頭鵝要鹵兩個幾鐘，細膩之中又帶住香氣, 同朋友去食個便飯就一於揀番個二人餐。觀塘Two Harbour Square 店餐廳裝修舒服雅致, 有卡位有圓檯，乾淨衞生。二人套餐包滷水鵝（例牌），兩個燉湯滷水小食，滷水菜， 同白飯兩碗有齊鵝片、 鵝肉，而小食就揀左豬腩肉豬腸 滷水鵝肉香氣滿滿, 但食落又唔會話好重 藥材花椒八角味，例牌有齊鵝片 同鵝脾，鵝片肉肉質嫩滑唔洗多講啦，肉嫩細膩帶少少鵝油香, 鵝脾肉肉嫰有鵝肉香，豬腸油潤軟滑, 豬腩肉都入味。燉湯是 花旗參 燉竹絲雞，。湯底夠甜而清徹，清虛火又滋潤補身。