日和茶舍 (已結業)

餐廳以日系為主題，裝修簡潔之餘，還帶點花和木頭等自然元素🌸🎋，充滿小清新感覺🍀。.🍴🥟日和創作餃子黑松露雜菌黑豚肉餃（$88/8隻）野菜芝士黑豚肉餃（$88/8隻）自家製手包餃子是餐廳一大特色菜🥟，口味選擇多，最終選了芝士椰菜和黑松露豚肉餃兩款口味。前者芝士鹹香軟滑🧀，後者黑松露味突出，充滿鮮味。餃子皮不會過厚，再配上自家製湯水，健康又美味😋👍🏻。.🍴脆脆蝦春卷（$48/3件）榴槤飄飄脆脆卷（$52/3件）春卷一客有三件，炸得金黃香脆💛，共有兩款口味，一款是蝦🧡，另一款是榴槤💛。蝦春卷味道不錯🦐，但榴槤口味比較有驚喜，香脆的春卷內真的包有甘香的榴槤餡，創新程度高又好吃😋👍🏻。.🍴流心芝士雞球（$38/4件）🐣雞球一客四件，🧀芝士份量較少，不覺得有流心效果，味道未覺突出，較為失望🤔。.🍴一籠相思（$48/3件）這款鳥籠造型點心賣相可愛🦜，小鳥餅皮內包着充滿話梅味的蓮蓉餡，仔細品嚐還會吃到陳皮的香味，感覺像平日吃的小食話梅乾，味道有趣，頗有驚喜😆👍🏻。.🍴甜甜地麻蓉煎堆（$38/4件）煎堆一客有四粒，紅豆和麻蓉各2粒，熱辣辣新鮮奉上，口感煙韌加上芝麻香，沒有不喜歡的理由吧😆。.餐牌如下

木系裝修令人感覺舒服😌，餐牌款式多樣化，有餃子、點心、飯麵，甜品，還有多款特色飲品。.女王黑毛豚叉燒流心蛋飯（$88）女王叉燒是餐廳的王牌菜式🐖，叉燒肉厚，入口柔潤軟嫰，味道非常不錯👍🏻。流心蛋味道較淡，但為賣相增添色彩🐣。白飯配上惹味的叉燒醬汁，十分下飯🍚，難怪比一般叉燒飯要貴一倍。.松露東菇燒賣（$48/4件）松露味突出，雖然味道與平日吃到的沒大分別，但少了一份油膩感，感覺較健康。.奇趣金魚蝦餃（$48/3件）金魚的造型頗有特色🐟，蝦肉餡料彈牙🦐，可惜蝦餃皮太厚，整體味道一般。.脆脆叉燒饅頭（$58/2件）有點像刈包的概念，鬆軟的饅頭內夾有一片肥美惹味的叉燒和餃子皮脆片，夾在一起吃口感豐富，加上甜甜的醬汁味道突出，好吃得很，值得一試😆🤘🏻。.金沙熊貓包（$48/3件）🐼熊貓造型可愛討喜，奶黃內餡流心帶微微蛋黃香💛，也算不錯。.原味豆漿（$18）口感特別滑，不過沒有豆香。黑豆豆漿（$18）有豆香，味道還算天然。

日和茶舍 Serenity Tea Room⁎ ⁎ ⁎ ⁎ ⁎❣️呢間既包點同餃子麵真係超好味 ❣️日和點心拼盤 $68 傻豬叉燒包嘅叉燒餡超級好食 好juicy 叉燒肉肥瘦啱啱好份量多 皮薄餡靚💗 流心熊貓包流心程度有驚喜 奶黃起沙甜度啱啱好 🥰 仲有蝦餃燒賣都好味 鍾意蝦餃個皮好薄入面蝦肉好彈牙！ 日和甜蜜蜜 $58 有四款甜點 用來做甜品正 合桃包 馬豆糕 金沙熊貓包 甜甜地麻蓉煎堆😋 包點最出色 合桃包有好多合桃 包質感好軟綿綿 麻蓉煎堆脆卜卜 麻蓉餡好味 馬豆糕就淋左D 可以整得硬身D！七味辣子雞肉餃子麵$78呢個餃子麵都好正！餃子皮整得好滑 辣子雞清而香。麵條彈牙。不得不提一定要加佢既辣椒醬 好正架 🥰失傳黑毛豚腩叉燒流心蛋飯$98黑毛豚腩叉燒比較肥 有點韌同難咬 對比點心同餃子麵真係有點失色。⁎ ⁎ ⁎ ⁎ ⁎#monstergirlshk_尖沙咀 ⁎ ⁎ ⁎ ⁎ ⁎地址 尖沙咀堪富利士道6-6A號爵寓1樓1/F, The Humphreys, 6-6A Humphreys's Ave, Tsim Sha Tsui港鐵尖沙咀/尖東站 A2 出口, 步行約2分鐘電話號碼24

今日係TST行行下發現左有間驚喜食店，強推。一上到去個裝修已經好舒服，地方大，感覺係好溫馨和諧。餐有不同款既餃子，叫左推介既黑松露雜菌黑豚肉餃子，皮薄又多汁，黑松露既味道都好濃加埋黑豚肉好夾!仲配碗無味精自家制老火湯，不錯！朋友叫左失傳黑毛豚腩叉燒流心蛋飯，好好食，叉燒都專登選用黑毛豬，舊肉好厚但又有好多好SOFT既脂肪，口感好正，D肥入口即融。叉燒個味道都調配好入味!流心旦都大大隻，見到個皇黃流出黎，好興奮。我自己就叫左野生牛肝菌雞肉餃子麵，麵可以簡拉麵/扁麵，我竟簡左扁麵，麵好有質感，軟硬度岩岩好。牛肝菌雞肉餃子，入面十分足料，每隻餃子都食到佢切到一粒粒既牛肝菌，加埋D雞肉，好好味。仲有每隻餃子都好大粒，湯麵都比左4粒我，食到飽一飽。下次再黎會想試埋佢另外既幾款，今次食左2款都幾滿意同有驚喜。食到飽飽埋單都係268，都底食。

星期五放工後跟朋友到了尖沙咀的日和茶舍食晚飯，位於堪富利士道的一家樓上鋪。店鋪裝橫以及餐具以木材為主，環境頗為精緻，坐位也算寬敞，坐得幾舒服。老闆為我們重點推介了日和戰士餃子鍋配日和雞，餃子鍋的湯底是豆乳腐皮白雞湯，湯底很濃豆味，清清的不油膩。餃子鍋配四十隻不同口味的餃子， 每款餃子都是真材實料。其中黑松露雜菌黑豚肉餃最深得我心， 黑松露的分量不會蓋過雜菌的味道， 黑松露及雜菌帶出黑豚肉的鮮味， 一粒粒的雜菌為餃子增添口感。 另外，椰菜芝士豚肉餃做到拉絲效果，用料十足😋😋女王黑毛豚肉叉燒拉麵也很值得一試， 這個拉麵的叉燒不像一般拉麵店食到的，黑毛豚叉燒很厚身，脂肪跟肉的比例差不多一半一半，層次分明，吃下去很有滿足感。小食方面，我們點了黑毛牛脷厚切，牛脷肉質有爽勁，也煮得很入味，一碟約有五至六片。我跟友人各點一款飲品，我點了日本蘋果汁，起初以為會是普通x x 先生的蘋果汁，但是喜出望外，蘋果汁的味道是正正直直的富士蘋果😍😍

今日放工去咗一間令人感覺好relax嘅地方食晚飯「日和茶舍」 餐廳地方寬敞， 裝修簡潔，亦都加咗好多花草鳥等等嘅元素，所以令到人哋感覺好舒服 ，係一個傾計約會嘅好地方依度有我中意既檸檬薏米水好足料呢間餐廳有好多唔同嘅餃子食而且可以揀湯餃或者炸餃餃子亦都係餐廳即叫即整嘅 今次我哋就叫咗6隻野生牛肝菌走地雞肉餃，餃子足料，餃皮厚度剛好，而且仲跟個蟲草花粟米紅蘿蔔豬骨湯，將餃子放入湯食令餃子外皮唔會乾，同時又可以飲到湯呢個失傳黑毛豚腩叉燒麵係職員推介嘅，啲款屬於 七成肥三成瘦比例嘅叉燒，另一款女王叉燒就係半肥瘦， 因為我自己比較鍾意食肥叉所以就揀咗呢款 叉燒夠林身又好味，拉麵&湯底亦都唔錯最後嗌多咗一份點心拼盤，總共有五款點心 #叉燒包#流沙包#金魚蝦餃#蝦餃#燒賣， 除咗賣相靚靚之外，味道都非常唔錯呢間餐廳真係好多驚喜，食得開心之餘，又可以享受埋舒適嘅環境 就好似喺繁忙嘅生活偷一點閒

又到午餐嘅時間，朋友帶咗我嚟呢一間新開嘅茶舍，呢度環境幾寬敞，食物主打以健康為主。我地點左一份黑松露餃子，餃子皮薄餡靚，皮煙韌而且好香！肉汁鮮甜帶一點黑松露味道 ！不錯呢 ！女神叉燒流心蛋飯，豬用上半肥瘦，好腍甜！略嫌蛋味差小小，如果蛋漿多小小用來撈飯更好！濃湯浸蔬菜，湯底超級清，一啲都唔油膩！心思思唔知食咩點心好，所以就要左一份點心拼盤。點心熱辣辣，質素還可以。蝦餃晶瑩剔透，好大粒！幾彈牙。醉雞翼幾嫩，不會太熟太鞋！檸檬薏米水好清甜解渴，啱晒夏天飲 ！

一行幾人去咗尖沙咀食lunch，由於早排都食得好滯，所以想食啲清新既野，就揀咗呢間新開嘅餐廳，環境裝修好清雅有格調。主打係餃子，呢款係黑松露雜菌黑豚肉餃子，皮薄多汁，濃濃既黑松露加爽滑黑豚肉，perfect match!仲配埋碗足料無味精老火湯，無得頂！失傳黑毛豚腩叉燒流心蛋飯，真係非一般好食，叉燒係肉爽加少少軟林林脂肪，入口兩種滋味又互相配合，果然與眾不同！點心拼盤，都不錯，多款精選！叫左兩款雞翼，比較鍾意食燒個隻，夠入味。麻辣醬應該係自家制，非常推薦點餃子用再叫左d 菜同麵，都唔錯！想食得清淡健康又好味，記得要黎試下喇

約咗好友係尖沙咀食飯， 想舒舒服服坐低傾吓偈唔好大魚大肉好heavy 。朋友帶咗我去樓上餐廳，大堂和電梯設施好新淨，好似翻新過 。中上層都係服務式住宅，晚飯時間好多OL上班族。和式裝修優雅寧靜，燈光舒服柔和，心情立刻放鬆，頓然覺得自己聲量都特別放輕，以免破壞優雅嘅環境。餐牌都以自家製餃子，點心和天然有機材料的小食為主。檯面電磁爐設計更可嘗試日式鍋物。《蟲草花粟米紅蘿蔔豬骨湯$30》每日用鮮雞和豬骨餚製，配合新鮮蔬菜，湯底清甜無比。😋《牛油果野菜米紙卷$48》牛油果軟滑香甜，配上芝麻醬非常美味。米紙包住的野菜非常爽甜，即使紫色嘅椰菜都冇嗰陣苦澀味。非常清新美味嘅小食。既然餃子係自家每天製而且咁多款，一定要試吓。。揀咗《野生牛肝菌雞肉餃子麵$78》奶白色嘅湯底，味道香濃。餃子餡料足，牛肝菌唔會切得太細粒，富口感，又有菌香。更採用了無激素雞肉，健康又美味。拉麵質地咬落有啲黐牙，又唔係大曲嘅拉麵，而且鹹味有少少重。《金魚蝦餃$48》這個金魚蝦餃皮比較厚，但好過又淋又爛嘅皮。除咗造型賣相味道和一般蝦餃點心冇大分別。《雜莓梳打$28》莓味好重，仲有少量嘅果肉，梳打夠氣，整體感覺唔會太甜。反而另一杯

女兒從朋友口中得知尖沙咀有一間日和茶舍，有特色健康餃子，環境又舒適，今晚約埋我專程去試一試。茶舍裝修擺設優雅又清新，以竹和木做主要材料，並擺放鳥籠點綴一下。剛好見到師傅包餃子，師傅說餃子每天新鮮製作，用西班牙黑毛豬和無激素走地雞，加入不同材料包製而成。日和美姬餃子鍋：豆乳腐皮白雞湯、日和雞半隻、野菜籃、15隻日和餃子、日本豆腐。豆乳腐皮白雞湯：奶白色的湯底，豆味香濃，味道鮮甜，半隻雞滾熟後，侍應會替我們拎入廚房切，因為是個多月的走地雞，所以肉質特別鮮美又彈牙。日和創作餃子：有白菜馬蹄黑豚肉餃、日本大蒽黑豚肉餃、椰菜芝士黑豚肉餃、黑松露雜菌黑豚肉餃、麵豉濃香雜菌素餃、野生牛肝菌健康走地雞肉餃、七味辣子健康走地雞肉餃。餃子皮薄饀鮮，不同饀料有不同味道，無論是無激素雞肉或黑毛豬豚肉，配上高質配料都食得健康又美味！日本豆腐：十分嫩滑。野菜籃：有粟米、菇菌、新鮮蔬菜！失傳黑毛豚腩义燒流心蛋飯：黑毛豬腩肥瘦均勻，肉質濃郁且鮮嫩，肉會滲出陣陣橡果香，配埋蜜汁甚惹味！加埋流心蛋半熟的口感，令人回味無窮！還有一碗蟲草花紅羅白粟米豬骨湯，味道清甜又有益健康！芒果梳打：香甜夠凍。

聽同事介紹呢期尖沙咀堪富利士道開左間健康餃子生活館，為食既我當然唔執輸，放假即係拉埋好友一齊去探路。佢係係堪富利士道一幢酒店式住宅「爵寓」入面既1樓。店內既裝修比較和風，偏向簡單簡約，再配上特別有趣既手作擺設。Menu如果齋睇個名以為係品茶既地方，或者齋睇個裝修就以為係日本餐廳，其實呢度係主打手工餃子同叉燒飯既中餐小店。呢度既餃子除左係新鮮人手包製之外，呢度既賣點係選料健康，食材有保證。失傳黑毛豚腩叉燒流心蛋飯$98呢個豚腩叉燒係用左西班牙既黑毛豬，豚腩叉燒望落色澤比較深，同埋肥膏都佔大概一半，但係食落一d都唔肥膩而且肉汁豐富，甘香鬆化黑松露雜菌黑豚肉餃（6隻）$68呢個餃子皮薄又夠滑，餡料都係選用返西班牙既黑毛豬，食落仲有淡淡黑松露味，配埋個蟲草花粟米紅蘿蔔豬骨湯，健康又美味脆脆叉燒饅頭$58除左主打既餃子同叉燒飯之外，呢度仲有d特色點心，就好似呢個饅頭咁，加左叉燒同埋春卷皮做個餡，增強口感

尖沙咀鬧市人多車多好難搵個清靜位食個飯，今日Lunch time 發現呢到而且新開，完全符合旺中帶靜嘅要求。位置容易搵，大廈亦非常新，未入店舖已經感覺良好。店舖裝修以鳥籠主題及木色為主亦帶有少許日式風格，燈光柔和，座位有空間感，唔會迫。呢到主打餃子及不含激素及不使用增長素嘅黑毛豬肉叉燒。我地選擇咗一個午餐再加幾款點心一齊試吓。——————-日和午市定食—女王黑毛豚叉燒飯+配脆炸餃子，女王叉燒選用梅頭部位，肉質細膩，肉味香而富彈性，口感甘香鬆化，再配上炸得剛好嘅餃子，熱辣辣好好味。——————-日和點心拼盤包括蝦餃、燒賣、熊貓奶皇包、傻豬叉燒包及奇趣金魚餃，賣相可愛，好睇又好食。個人推介熊貓奶皇包，一咬開流心㗎～——————脆脆叉燒饅頭店主推薦新推出點心，果然無介紹錯，饅頭鬆軟，配上酥脆炸餃子皮及叉燒，口感一流，好想食多個。——————芋絲齋春卷外脆內軟，食落唔油膩。——————凍檸茶及巨蜂梳打唔會太甜，味道剛好。——————店舖內仲有一個角落可購買護膚品、肥皂及茶葉。——————-整體感覺不錯，環境優雅及非常舒服。店主亦用心講解菜單及推薦菜式，上菜速度快，而且食物質素良好，做功亦沒有馬

餐廳係尖沙咀樓上鋪，該店裝修幾有日本 feel, 無論佈置實景都有的感覺，好似 d插花書法日本教室，讓人幾放鬆，純個人觀感。店員安排我同老公坐卡位，純熟簡介他們最有特色食品，而 Menu都幾張紙，選擇都頗多，有失傳黑豚叉燒，有點心有自家製餃子，仲有火鍋可選，我都選擇一段時間，最後同老公共識要左個佢地失傳黑豚肉叉燒流心蛋飯，同火鍋湯底係日本豆乳白雞鍋+半隻雞，芝士竹輪同特色餃子拼盤，樣樣都可以試晒 黑豚腩做的叉燒，肥瘦適中，夠入味兼有嚼口，配流心蛋更可醮蛋黃汁同食更滋味，日本珍珠飯粒粒短短圓圓好有飯味， 真係唔錯嘅推介。豆乳白雞湯一睇就知啦，乳白色濃濃豆香，試一口就覺得杰，雞半隻滾到店完會幫手比廚師切開再送出比客人，雞剛剛熟夠晒嫩滑。店員送上調味配菜 $18 (火鍋指定) 不過因為湯底夠晒味濃，所以唔使用也可。芝士竹輪 我好喜愛 流心芝士無得輸。特色餃子全部都自己包連餃餡料也是自家製作，所以街外係無的，6款都唔同各有各口味，黑松露雜菌豚肉餃，椰菜芝士，大蔥， 麵豉濃香雜菌素餃，各有各風味。

今午發現了一間有驚喜的小店，非常值得推介。「日和茶舍」把我們飲茶文化重新演繹，本來吵吵鬧鬧的茶樓，變身成充滿溫馨和諧氣氛的日式小店，以木為主調、竹及花枝作擺設、夾雜着偽鳥籠、仿拱橋的醬油盛器及卡通化的食物貼畫，簡潔中見生氣。再配上趣緻點心、新鮮純天然無激素雞肉菜式、養顏豆乳白雞湯、心機黑毛豬叉燒等等，取材符合形象：＂自說嚴選食材及採取天然煮法＂豐富的午餐過後，飽而不膩，食味平衡，確實如此。日和點心拼盤 $68推薦日和點心拼盤，可以一次過嚐五款，包括奇趣金魚蝦餃、傻豬叉燒包、金沙熊貓包、松露冬菇燒賣及海中明蝦餃，見到得意的造型，人都開心啲，味道都唔錯。失傳黑毛豬腩叉燒 $128非常肥美的叉燒，刻意切得大大件，口感更滿足，咬落有點爽有點肥膏，瘦肉部位非常嫩腍，滷水豉油汁醃得入味，外層並無坊間喜用的蜜糖甜，風味不同。七味辣子健康走地雞肉餃 $68果然有點辣，但毫不霸道，調味恰到好處，跟一小碟芥末，不同的辣添層次。桌上預備的辣椒醬及麻辣醬亦可蘸少許嚐嚐，辣度自然，真的好味！我相信是選用優質材料調製的效果。黑松露雜菌黑豚肉餃 $68黑松露香四溢，沒有蓋過豚肉之味，餡料有雜菌及粟米配搭適合。日式豆

雜誌介紹尖沙咀開咗間新店，主打日式餃子及黑毛豬叉燒，喜歡食叉燒嘅我又怎會放過呢個機會，今日專程嚟試試。店內裝修別緻優雅，用具、擺設同裝飾品都別具心思，讓人有恬靜休閒嘅感覺。店員安排座位及奉上茶之後，笑容親切嘅老闆娘便走過來打招呼，細心介紹各款美食，當中深深感受到她對料理嘅要求，希望帶給生活的美好。失傳黑毛豚腩叉燒流心蛋飯~ 用嘅係西班牙黑毛豬，食落安心又放心，豬腩肥瘦相間，入口啖啖肉都伴以juicy嘅肉汁，超正！加埋流心蛋，確實係完美嘅配搭。仲有一碗蟲草花粟米紅蘿蔔豬骨湯，清甜唔肥膩，健康好飲!七味辣子健康走地雞肉餃~ 用嘅係41日無激素走地雞，又是一個安心選擇，雞肉嫩滑可口，加入七味辣子，少少辣，非常惹味!日和點心拼盤~ 五款點心各一件，包括海中明蝦餃、松露冬菇燒賣、奇趣金魚餃、傻豬叉燒包及流沙熊貓包，點心嘅蝦好爽口，動物造型嘅包點非常可愛，小朋友一定喜歡。流心芝士雞球~ 一咬落去就食到好香嘅芝士味，雞球炸得香脆可口。揀咗兩杯飲品：檸檬柚子蜜(凍)及檸檬薏米(凍)，炎熱天氣解渴最佳，薏米仲可以去濕。這店都好適合一家大細 及老人家，健康嘅食材，用心嘅料理，帶出一份溫暖，正正就是老闆的理