日和茶舍 (已結業)

餐廳係尖沙咀樓上鋪，該店裝修幾有日本 feel, 無論佈置實景都有的感覺，好似 d插花書法日本教室，讓人幾放鬆，純個人觀感。店員安排我同老公坐卡位，純熟簡介他們最有特色食品，而 Menu都幾張紙，選擇都頗多，有失傳黑豚叉燒，有點心有自家製餃子，仲有火鍋可選，我都選擇一段時間，最後同老公共識要左個佢地失傳黑豚肉叉燒流心蛋飯，同火鍋湯底係日本豆乳白雞鍋+半隻雞，芝士竹輪同特色餃子拼盤，樣樣都可以試晒 黑豚腩做的叉燒，肥瘦適中，夠入味兼有嚼口，配流心蛋更可醮蛋黃汁同食更滋味，日本珍珠飯粒粒短短圓圓好有飯味， 真係唔錯嘅推介。豆乳白雞湯一睇就知啦，乳白色濃濃豆香，試一口就覺得杰，雞半隻滾到店完會幫手比廚師切開再送出比客人，雞剛剛熟夠晒嫩滑。店員送上調味配菜 $18 (火鍋指定) 不過因為湯底夠晒味濃，所以唔使用也可。芝士竹輪 我好喜愛 流心芝士無得輸。特色餃子全部都自己包連餃餡料也是自家製作，所以街外係無的，6款都唔同各有各口味，黑松露雜菌豚肉餃，椰菜芝士，大蔥， 麵豉濃香雜菌素餃，各有各風味。