日和茶舍 (已結業)

收工想食清淡D，朋友介紹呢間就近公司附近，位於尖沙咀的（日和茶舍），聽到個名都幾優雅😅，所以決定去試試！一上到去，環境果然好簡約清新，比人有一種好舒適的感覺（鳥語花香）😅！餐牌都好清𥇦，分類亦好清楚，比較多餃子種類和套餐選擇，應該不錯！我們二人點了（日和美姬餃子鍋）＄396（真的有點貴！😅😅）但湯底方面，味道的確不錯👍🏻👍🏻用咗豬骨和鮮雞熬製，配合了腐竹和蔬菜，令湯底好濃郁！入口清甜！套餐亦包括一磚豆腐，入口十分滑溜👍🏻👍🏻！蔬菜籃亦十分精美😊😊！最後當然是食餃子，14隻餃子當中，有（黑松露雜菌黑豚肉餃)(麵豉濃香雜菌素餃)(白菜馬蹄黑豚肉餃)．．．．等等餃子每天新鮮人手製作，每款選料都味道突出，都幾特別😊

好友介紹新開的清新小店，剛好有朋友約飯局 就約埋齊齊去試下，地點方便 環境舒適，啱哂三五知己食飯聚聚。店舖裝修清新優雅，店主原來是兩位年輕有活力嘅靚媽媽，招呼親切，用心介紹各款美味菜式日和茶舍主打健康新鮮食材，用料講究，用黑毛豚肉制作嘅叉燒 🤤🤤及多款不同餃子，味道豐富👍👍既然大家都係餃子控，就點咗4人戰士鍋加半隻無激素嘅日和雞，可以試勻7款餃子，餃子山足足有40隻，勁量十足。上枱時，店主好細心介紹唔同摺法餃子代表不同款式口味，餃子款款驚喜 味道恰到好處，我鍾意辣味走地雞肉餃，黑松露雜菌黑豚肉餃，老公就鍾意大蔥黑豚肉餃及白菜馬蹄黑豚肉餃湯底是豆乳白雞湯，香濃順滑，濃濃嘅豆香，好快比我哋K.O.咗要再加湯😝嚟到梗係要試下女王叉燒啦，厚切嘅半肥豚腩，甘香可口，好味道～店主仲推介當日嘅鹵水牛脷，原來都係厚切😍啖啖肉，腍滑適中，好介紹！戰士鍋真係份量十足，加上叫咗幾款小食，我哋都食淨咗數隻餃子😌😌。另外 日和嘅黑醋同麻辣醬都好好味，蘸餃子火鍋絕配～ 它們嘅麻辣醬有別一般有很多辣紅油，它們是無油嘅醬料，蘸多都唔怕肥，哈哈～

星期五放工後跟朋友到了尖沙咀的日和茶舍食晚飯，位於堪富利士道的一家樓上鋪。店鋪裝橫以及餐具以木材為主，環境頗為精緻，坐位也算寬敞，坐得幾舒服。老闆為我們重點推介了日和戰士餃子鍋配日和雞，餃子鍋的湯底是豆乳腐皮白雞湯，湯底很濃豆味，清清的不油膩。餃子鍋配四十隻不同口味的餃子， 每款餃子都是真材實料。其中黑松露雜菌黑豚肉餃最深得我心， 黑松露的分量不會蓋過雜菌的味道， 黑松露及雜菌帶出黑豚肉的鮮味， 一粒粒的雜菌為餃子增添口感。 另外，椰菜芝士豚肉餃做到拉絲效果，用料十足😋😋女王黑毛豚肉叉燒拉麵也很值得一試， 這個拉麵的叉燒不像一般拉麵店食到的，黑毛豚叉燒很厚身，脂肪跟肉的比例差不多一半一半，層次分明，吃下去很有滿足感。小食方面，我們點了黑毛牛脷厚切，牛脷肉質有爽勁，也煮得很入味，一碟約有五至六片。我跟友人各點一款飲品，我點了日本蘋果汁，起初以為會是普通x x 先生的蘋果汁，但是喜出望外，蘋果汁的味道是正正直直的富士蘋果😍😍

同朋友上完gym堂，做完運動，就梗係要好好慰勞自己，正所謂「唔食又點會有力去做運動呢」🤣今日試新野「日和料理」，見佢之前上左飲食男女，聽聞有2個老板娘，一個專做陶瓷，所以餐廳d陶瓷碗碟同埋裝修好靚，好有品味，令人坐得好舒服，好relax。另外個個老板娘係叉燒女王ge女，d叉燒真係整得幾好味😋老板娘好努力同我地介紹鋪頭ge食物，我諗始終都新開張，唔係個個都知究竟d野食details。咁聽完介紹，我地叫左黑松露雜菌黑豚肉餃（6隻），鋪頭對於餃子內ge餡料毫不吝嗇，每種餃子仲要每日新鮮人手包製，松露味好突出，襯托出淡淡ge雜菌香味，豚肉爽口彈牙。仲配左一碗蟲草花粟米紅蘿蔔豬骨湯，碗湯蟲草花味好香，感覺好滋補。椰菜芝士黑豚肉餃子麵，我地揀左扁麵，老板娘話係特登搵出面ge師傅整ge，我第一次食芝士湯餃，好正，真係會拉絲的。扁麵爽口彈牙，做到掛湯ge效果，湯係好濃郁ge豆乳味。之後小食出場，唐揚魷魚圈，份量唔少，香脆可口，夠哂juicy，煙煙unun，個入覺得配沙律醬更MATCH。失傳黑毛豚腩叉燒流心蛋飯，失傳同女王黑毛豬有咩唔同，就係失傳肥d，而女王就瘦d，失傳黑毛豬叉燒肥瘦分明，爽口，油香味豐

坐落於尖沙咀的日本茶舍，純白外牆配上日系的簡約木設計，為客人提供足夠的舒適空間。今之日主要叫左三道菜。西班牙黑毛豬叉燒飯：厚切叉燒，每片叉燒都有一層薄薄的脂肪，散佈着油香的瘦肉，油脂撐起整塊叉燒的質感，使肉質變得鬆軟，咬下嚐到的是爽甜肉香，不塞牙縫。非常清甜的蟲草花豬骨湯七味辣子雞肉餃：聽說是選用了純天然無激素走地雞，雞肉肉質嫩滑，雞肉中配上自家炒辣椒，使肉餃帶有微微辛香，惹味非常。點心拼盤賣相非常精美，好適合打卡！！