新泰東南亞餐廳 (興旺閣)

營業中

休息中

今天經過灣仔，見到這間餐廳的外觀十分特別，極富東南亞味，又見餐廳內幾寬敞，枱與枱之間也有適當的距離，所以便入去試試。看看餐牌，見lunch set都幾抵！我點了「泰式海南雞飯」，油飯乾爽，可以再入味D。雞肉嫩滑，份量很多，配合薑蓉和泰式辣醬，十分醒胃，我覺得泰式辣醬是整個餐的靈魂。蒜蓉炒菜很入味，令這個餐不只有肉類，還有蔬菜，營養比較均衡。湯很香胡椒味，正！友人點了「星洲喇沙蝦米線」，不辣，適合不喜歡辣的人，但椰香甜味稍為不足，只得鹹味。配料方面，份量充足，還吸收了喇沙的味道。米線配合芽菜一起吃，十分爽口。由於在12:50pm前埋單，享有九折，變相不用加一。在灣仔區用75元便吃到美味的泰國菜，連餐飲，真抵！

邪惡指數:🐽🐽🐽好食指數:🙆🏻‍♀️🙆🏻‍♀️🙆🏻‍♀️🙆🏻‍♀️突然挑起條筋想食泰國嘢，又懶無特登去九龍城，就揀咗呢間喺灣仔有三層嘅泰國餐廳。整體黎講樣樣都好食：⭕️特別覺得個青咖喱好香，加埋個熱辣辣嘅薄餅無得輸🤤⭕️冬陰功酸同辣調得啱啱好，又有細size適合2個人分又唔會太多⭕️馬拉盞通菜炒得好惹味💁🏻‍♀️又唔會炒到老哂⭕️最後當然要個食泰國嘢必食嘅芒果糯米飯🥭🍚芒果又甜又多汁，配埋我鍾意嘅黑白糯米，一個完美嘅ending本人表示craving satisfied - 開心仔🙋🏻‍♀️

天氣熱辣辣，好似泰國天氣咁，好想食啲酸酸辣辣嘅泰國嘢醒吓胃。灣仔間新泰好大好寬敞，坐得好舒服。裝修好有泰國feel，真係以為自己去咗泰國。叫咗杯凍泰式咖啡降溫先，好夠凍，奶味都好香。先嚟個泰式柚子蝦沙律，酸酸辣辣，確係醒胃。有蝦、腰果、洋蔥、柚子，好多料，好清甜。參峇炒通菜 - 好惹味，鑊氣十足！同埋啲蒜蓉炒得好香。燒黃鱔 - 蜜汁燒一定好食，甜甜地。外皮燒到脆卜卜，魚肉嫩滑，真心出色!椰汁青檸雞湯 - 估唔到咁好飲！酸咪咪，好開胃！而且雞肉好嫩滑。青檸蒸烏頭 - 好大條魚，三人食啱啱好。又係酸咪咪，夏天食啱哂胃口。泰式甜品小拼盤 - 有四樣唔同糕點，最鍾意椰汁西米糕同埋椰汁糕。椰子味好濃郁，而且好煙韌，開心share仲好味！

耐無去旅行，黎到呢間餐廳已經好有旅行嘅感覺，因為幾乎無本地人食野。作為起身第一餐，由泰式柚子蝦沙律開始，酸酸地好醒胃，唔太辣，幾鍾意個汁，除咗柚子仲有蝦同魷魚，唔錯。菜都要食啲，試咗參峇炒通菜，有好獨特嘅香氣，幾特別，唔太油，可以試下。各人飲野嘅口味都唔同，分別叫咗泰國椰青，泰式凍咖啡同紅莓汁，全部都好解渴，拯救咗差啲中暑嘅我地。試咗碟串燒，呢個係燒黃鱔，好肥美，又濃味，燒得好好味，不過食太多易滯。叫多個湯試，椰汁青檸雞湯，水準一貫嘅好，椰汁味好香，白色嘅湯同佢嘅濃味有強烈對比，入面嘅雞肉同菇都好好味！未夠喉食多個青檸烏頭魚，好鮮味！最後食多個泰式甜品小拼盤，原來有8件都唔算小，最鍾意係椰絲糕，要趁熱先好味～

第一次來這裏食飯 沒想過星期日都有set lunch提供，兩個人13:30 入座 下層都坐滿人 大部分都叫午餐。我和朋友單點較多 蕉葉烤爐魚（$128） 好好味、啖啖都有蕉葉香，醬汁也特別。生蝦刺身 醬汁微辣，但生蝦質素一般，燒鱔$128 4串，比起平常的日式燒鱔 這個鱔較多肥膏，而且感覺不是靚的鱔 非常不值得點 ，而且有唔少骨，不是靚品質！午餐點了香煎肉碎蛋飯再加配燒豬頸肉沙律，友人說味道都是普通

之前經過好幾次，已被門面裝潢吸引。於是今天就和友人一齊品嚐這家新泰東南亞餐廳。我們先點椰青$45，跟童年最愛的珍多冰$38，椰青清甜，珍多冰椰奶味濃郁，讚！主菜分別選了：南瓜焗咖哩海鮮加印度薄餅$148泰式燒春雞釀香茅黃飯$188和燒西冷牛扒$118南瓜焗咖哩海鮮單單賣相已經令人很有食慾，大大隻青口，蝦，尤魚，海鮮為數不少。咖哩配薄餅，口感味道一流！燒春雞，雞肉沒有鞋口，飯香茅味出色，好味，最喜歡燒西冷牛扒，燒得剛剛好，牛味重又嫰口，齒頰留香上菜後，才發現份量比想像中多，食物味道不錯，加上店舖裝潢舒適，整頓晚餐感覺十分滿足。

依間泰國餐廳係有好多款式既泰國菜，包括小食、咖哩、海鮮都有，所以好多選擇。我地三個人好多野都想食，所以就叫咗啲小食同埋咖哩，無乜叫主食。😋泰式生蝦啲蝦都吾錯，但覺得個生蝦汁吾夠辣。😋泰式蝦餅啲蝦肉都幾彈牙，而且炸得吾錯，配埋泰式辣醬真係好夾。😋冬陰公湯個湯都好足料，成隻蝦係個湯度，而且個味道都吾錯但略嫌個湯吾夠熱。😋肉碎生菜包啲肉碎都好入味，係比較重香料味個種，包埋落生菜就balance翻個味道。😋串燒 (豬、牛、雞)最鐘意係雞，因為啲肉質都幾滑。個牛都吾錯，吾會太乾，但個豬就有少少肥。😋馬沙拉咖哩配印度酥餅依一款咖哩係比較重香料味，因為馬來西亞係鐘意用香料嚟調味，都幾特別。😋芒果糯米飯😋馬拉盞通菜😋椰青

食泰國菜唔一定去九龍城，可以黎剛剛搬到灣仔大王東街的「新泰東南亞餐廳」，之前灣仔有數間分店，怡家集合變左一間樓高三層，坐得更加舒服😌座無虛席主打泰國🇹🇭菜的餐廳🍴。餐廳裝潢充滿泰國🇹🇭特色，到處見到掛畫、大🐘等泰國元素，用上自然透光玻璃窗🪟，影相📸️吾洗打光。主要冇灣仔內街景。餐廳人氣高企，座無虛席，正值午市時間，我們沒有訂座，但原來餐廳有個規矩，要人齊先至可以入座，良久片刻，終於被安排上一樓享用午餐🥣。午市套餐非常抵食平均$75起，我地簡左數款分享。泰式海南雞飯：用上便當盒呈上，雞件非常嫩滑，剛果分配到雞髀位，啖啖肉，用上正宗油飯，充滿雞油香。附送例湯同埋蒜蓉炒雜菜。抵食。青咖喱配白飯：毫不吝嗇雞胸肉粒，配上濃郁椰漿，有咬口豆角，唔叫個薄餅都對唔住自己，另配薄餅$32一客。冬陰功海鮮金邊粉：金邊粉份量好足不過湯頭偏酸，只有數隻蝦同仿蟹柳，麻麻地。越式蟹肉炒粉絲：配料充足有蘿蔔，洋蔥🧅等，粉絲偏焾身充滿麻油胡椒味。味道濃，抄得好夠鑊氣。😍燒豬頸肉沙律🥗（跟餐加$28）：非常鍾意佢用泰國香料，非常香辣，豬頸肉爽彈不油膩。建議加多$8飲鹹檸檬七喜，清熱解渴，消暑生津，可以中和重口味。總結：食

今日同舊同事聚會 去番舊公司附近食 咁岩同事推介呢間新泰東南亞餐廳 🍴就急不及待要去試下😄首先講下呢到環境 我覺得都幾闊落 空間好大同朋友聚就好岩了 同埋呢到人氣好高企 都幾滿座 好彩一早book了位☺️首先 佢個menu選擇都蠻多的 而且非常吸引 今次我地就揀了以下野食&野飲1. 椰青沙冰呢杯椰青沙冰真係特別推介！ 雖然佢就比其他飲料貴了少少 但它的確真材實料 份量仲幾多 個沙冰非常smooth 同透心涼 夏天飲就仲可以解暑tim 而且仲會飲到啖啖椰香果肉 🤤2. 越式燒香雞釀香茅黃飯呢道菜需環很高煮食技巧 能夠把咁多既香茅黃飯塞入雞裡面都唔係一件易事 味道方面絕對比到驚喜我 個燒春雞好嫩滑 esp 個雞脾位 鮮味十足又鎖到汁 🤘🏻而個香茅黃飯個飯香好開胃 味道一流 同雞一齊食就絕配了！！🔥3. 燒西冷牛扒 （5成熟）呢個西冷牛扒我地叫了5成熟 而食落去真係煮得岩岩好 唔使點汁都夠味 肉感唔會太榎歰歰 非常恰好☺️4. 泰式青咖哩 配 印度酥餅 + 馬拉盞通菜嚟到呢到又點否以唔點青咖哩呢 啲椰奶好香 同青咖哩好夾 睇得出調製青咖哩需要很多工夫同技巧 另外它少少既香辣味道更令我更肚餓 所以

今日難得見番舊同事食飯，緊係揀間好食嘅餐廳啦！又咁啱好耐冇食泰菜，而我又聽聞呢間泰國係好高質，所以一終book左個4人枱dinner!我地好幸運地被安排喺2樓近窗嘅圓枱，環境唔錯，非常寬躺。以下係ordered food:椰青沙冰 $58椰青 $45紅豆冰 $38椰青沙冰係必飲！超級好飲同消暑！佢係用椰青水加椰奶加冰打出黎，非常鮮甜，仲要原隻椰青上，賣相滿分！泰式柚子蝦沙律 $98 呢個係我呢生食過最好食嘅柚子沙律，佢個醬汁酸酸甜甜，好開胃，入面除左蝦之外仲有鮮尤，真係太正了！泰國街邊豬肉串 $68 呢個豬肉串實在太好食了！唔點醬都已經超好食！滿滿的肉汁，真的100分！香芒軟殼蟹米紙卷 $88好足料，啖啖都係軟殼蟹，芒果甜甜的，不會酸，味道好夾好好食！馬拉盞通菜$75辣辣的好開胃，炒得啱唔好，唔會太生或太淋，好食！燒西冷牛扒 $118 呢個超級推薦！未食過咁多汁，咁好味嘅西冷，我要左5成熟，真係啱啱好，又唔會太多血水，加埋泰式醬汁，真係好好食越式燒春雞釀香茅黃飯 $188 呢個都非常推薦大家試！超級好食！原隻雞咁上，隔離仲有好好食嘅沙律！一切開隻超級脆皮雞，熱辣辣嘅黃飯香味撲鼻。食落隻

今日收工約左朋友食飯，見好耐無食過泰國野，聽講呢間泰國餐廳都幾出名，就決定一齊黎試吓喇。行到過去已經好口渴，即刻叫返杯嘢飲嚟解下渴先啦，食得泰國野當然要試吓佢嘅椰青，果然冇令我失望，椰青清甜。最啱食熱氣野嘅時候飲。朋友叫左一杯菠蘿沙冰，都唔會太甜。作為前菜，我哋叫咗好多款小食。包括生菜豬肉包，冬陰功湯，泰式生蝦一份，串燒拼盤一份，炸蝦餅一份。所有小食份量都比較大份，我哋三個人share都綽綽有餘。首先先講生菜包，豬肉炒得惹味唔會太咸，配埋生菜一齊食岩岩好。冬陰功湯亦唔會太酸味道啱啱好，如果可以更加熱就更好。生蝦新鮮，配上辣椒蒜頭一齊食，真係六隻都唔夠食啊！串燒燒得啱啱好唔會老，配串燒嘅醬汁簡直係100分，真係想叫佢哋比多一碟我🤣🤣炸蝦餅上枱嘅時候我簡直嚇親，估唔到一份都有咁多舊，炸得啱啱好，正😋主菜方面我哋叫咗個馬拉盞通菜，然之後叫咗一份咖喱配印度酥餅。通菜唔油，炒得唔老，惹味好食！酥餅一份有勁多，點咖喱汁食就啱啱好。最後甜品我哋叫咗個芒果糯米飯，佢有普通糯米同埋黑糯米，芒果夠甜配埋糯米飯一齊食就最佳配搭。

過來灣仔睇比賽 前一晚已經睇定食乜🤣睇完比賽過到來已經成3點鐘 啱啱好有全單8折優惠!! 埋單600幾 好抵食!!! 我地order咗1個4人套餐同2個單人套餐大家share食海南雞飯第1個上 - 已經好加分!! 飯有油香 雞肉又嫩 - 有埋甜蠔油醬就perfect啦串燒又好加分 沙爹醬好野味！中間嘅蒜蓉包食完要order多1份 鬆脆內暖 好香好好味😋蝦餅好彈牙豬頸肉沙律辣度調較得啱啱好 酸酸甜甜 好坐又好味又唔貴各方面都非常滿意！

今天和男友去新泰東南亞餐廳去食泰國菜，地点十分近，因為在大和東街，我們訂了十二時吃!環境佈置得很泰式feel, 用木和金做主色，我很喜歡!2人餐我們叫了一個前菜，越式蝦米紙卷很爽口，酸酸甜甜胄口大開，我特別喜歡!馬沙文咖喱牛楠很香而且牛楠很彈牙，用來点印度薄餅，相得益章，牛楠很香口，我們停不了口!馬位盞通菜很有鑊氣，而且很濃味吸引，加上2杯龍眼冰，真的吃出泰式feel,我們真的大滿足!  我覺得2人套餐才不過228 元，而且環境舒適，2人位置十分寬，情調氣氛十分好，真的性價比高，下次要再來吃晚飯呀

去灣仔接男朋友仔放工，跟住當然一齊食個午餐啦，想食辣野，就想起灣仔大王東街的一間泰國餐館，新泰東南亞餐廳。一坐低，我哋叫了一個二人套餐，套餐分別有蝦米紙卷、馬莎汶咖喱牛腩配酥餅及馬拉盞通菜。蝦米紙卷皮薄餡靚，入邊有粉絲、甘筍絲、青瓜絲、生菜、配上一個甜酸汁，好開胃清新嘅一個前菜。咖喱牛腩配印度酥餅，咖喱不太辣，咖喱味濃，加咗椰汁所以好香嘅椰汁味，牛腩炆得淋，入口溶化，食得出廚師嘅用心！馬拉盞通菜，去親泰國餐館基本上必點的炒菜，不過不失。總括來講，都是一間不錯，可以去嘗試嘅東南亞餐廳。

喺灣仔行街行到攰，想搵間舒服嘅餐廳坐低，好好地食個飯，便想到去灣仔大王東街的一間泰國菜館，新泰東南亞餐廳。我哋兩個人，坐低便急不及待點了，我去泰國餐館必吃的泰式明爐烏頭、無骨鳳爪沙律、馬拉盞通菜，及一個冬陰功湯，再加上兩杯冰凍龍眼冰。無骨鳳爪沙律先上，鳳爪爽脆，個汁酸酸甜甜甜甜的，特別開胃，冬陰功湯酸酸辣辣，可以揀大碗或細碗，我哋兩個人，要咗一碗細嘅試吓，果然開胃。明爐烏頭上碟熱辣辣，下面一個火爐燒着燒着，熱騰騰的，等了幾分鐘，終於可以食粒，魚肉鮮滑剛剛熟，配上泰式靚湯，味道啱啱好！馬拉盞通菜，不在話下，傳統美味泰國馬拉盞，冇得輸！最後，加埋兩杯冰涼的龍眼冰，好滿足的一餐啊！