新泰東南亞餐廳 (興旺閣)

營業中

休息中

Sun Thai Restaurant was not our first choice for dinner, yet quite a number of Thai restaurants nearby were full, so my friend and I walked into Sun Thai Restaurant for dinner, and it was a nice surprise.The Spring Rolls were standard and a bit ordinary. The mango-ish sweet dressing on the side was a bit interesting, not for our palates though.The mains were so much more impressive. The Thai style curry paste was more on the sweet side than spicy yet. The crunchy and meaty soft shell crab was so

🍽 #新泰東南亞餐廳 #HooLunJeng小編今次介紹泰國餐廳啦～呢日一泰國餐館都係我成日會去食的，未搬之前係近灣仔會展的，依加搬左有三層，估唔到佢生意好左超多，可以坐滿哂人。小編今次推介餐廳食物：燒豬頸肉 $78鐵板蠔仔炒蛋 $98泰式干炒河(雞/牛/豬) $78小編飯堂篇☝🏻燒豬頸肉超級野味，而且有好多片，送飯一流，鐵板蠔仔炒蛋就好香，你會忍唔住一食就食，而泰式干炒河就第一次食，雖然比較油膩，但係都係炒得好香同好味，小編朋友仲問係咪換左大廚，好味左好多，除左以上推介，都建議大家可以試下串燒沙爹、香芒腰果炒雞丁、馬拉盞炒通菜、青咖哩，都值得試一試。

今晚去左食泰國菜，呢間野門面睇落似貴價菜，但原來價錢都好合理，性價比極高。佢入面有三層，我去左第二層，都坐得好舒服，環境都好好。野食都一啲都唔會令人失望。呢個係（1）香芒軟殼蟹米紙卷 $88蚊如圖所見，都見到好多菜菜子，Fresh之餘，仲有香蔥味，個紙卷薄薄滑滑有啲痴，食落一層層爽脆，芒果鮮菜夾雜住椒鹽味，青瓜又會為呢種椒鹽味帶來清新，當中有兩種脆—青瓜脆同軟殼蟹脆，最後嘅蟹味會留喺口中蕩遊。（2）南瓜焗海鮮飯十足賣相，見到都開胃，唔好以為係南瓜汁定咖喱汁，佢係芝士焗東蔭公汁，出奇地夾喎，有少少辣、香茅味。平時唔食三色豆嘅我，喺呢度我都食得到。裏面啲海鮮發揮正常。當然飯愈底個味就愈寡，建議大家撈勻先，同埋食到一半可以刮個南瓜肉落黎，都好香好林。(3) 椰青班戟，55蚊。呢個真係壓軸登場。滿有驚喜。新鮮出爐，啱啱焗起熱辣辣，好快就聞到夜香味，咬落唔太甜，好有咬口，但唔會韌。個皮有啲酥皮香，但係又唔油喎，一口牛嘅size，同朋友食一流。（4）蔓越莓汁，$33。酸酸甜甜，有啲似利賓納。我今次配得唔好，覺得應該配小辣嘅嘢食，例如馬拉盞炒通菜、青木瓜沙律。嗌左咁多嘢食，都只係$325 ，兩個人嘅

First time to visit because of review in Open Rice, the decor is nice & quite spacious, set lunch is $78 incl drinks & option of small snack at $28. We ordered chicken rice which is quite delicious, chicken very tender. However the Thai waitresses’ service is very bad, very rude & non-reasponsive. Would not come back!

灣仔都有好多間泰國餐廳 但係鍾情於新泰地方大 夠舒服 嘢食又好味🤩🤩🤩生蝦賣晒今日未有貨 黎個柚子蝦沙律啱晒炎熱嘅天氣 酸酸甜甜夠晒開胃👍🏻沙嗲串燒 雞 牛 豬 每款各兩串肉質一啲都唔係霉霉爛爛係有口感嘅沙嗲醬如果可以辣少少就更加開心啦因為太鍾意食辣😂😂😂避風塘軟殼蟹份量夠曬2個人食軟殼蟹炸得香脆 加埋 避風塘蒜粒片食夠晒惹味呀😎😎😎炭燒豬頸肉 外層甜甜地係蜜糖味炭烤味令到個豬頸肉提升左食咗咁多肉叫返個飛天炒通菜先出邊食菜一定係好過喺屋企自己炒🤣辣辣地充滿住泰式味🤪🤪🤪最後黎個炒飯落肚 泰式海鮮炒飯一餐豐富又美味嘅泰國餐為我今日畫上完美嘅句號🥰🥰🥰

以為灣仔間新泰執左笠，原來係隔幾條街到開番...咁就要去試一試。入到去，感覺上比之前整潔左不少👍🏻👍🏻Lunch 12點去到，不須要等位...Lunch Menu同以前差不多吧...海南雞飯、大蝦伊麵、金邊粉etc...我就嗌左大蝦伊麵+凍奶茶賣相+份量相當不錯...伊麵食落去煙韌，溝埋芝士一流味道平均，芝士味沒有蓋過伊麵。大蝦有2隻左右，切開半邊，味道中規中矩...若果蝦肉同蝦殻分開會好點😂😂水準就同以前一樣，是一間值風再去既餐廳最後埋單大概$8x。

香港其實都好多泰式餐廳，黎黎去去都係食冬陰公、咖喱，有時真係食到悶。今次黎到新泰東南亞餐廳就唔同啦，超有驚喜、勁好食！入面裝修得好有心機、好有style，富麗堂皇咁menu選擇上亦好多，drink menu仲要另外分開一本，好high class咁feel。今次我一個人黎食，叫左個咖喱軟殼蟹包，可以一個人獨佔晒，好興奮！首先賣相已經好吸引，排得好靚。一黎就緊係試下佢個軟殼蟹先啦，炸得好香，離遠都聞到陣味，食落口卜卜脆、啖啖肉。咖喱亦唔差，唔會好稀，做軟殼蟹包一流！份量亦唔少，估唔到底下比咖喱浸住都有好多軟殼蟹，唔止面頭見到個幾隻腳，落足本！另外亦叫左fresh coconut pinacolada，好有心機，用椰青黎裝，好有特色，以後飲pinacolada一定唔會唔記得呢間餐廳入面係沙冰，同樣份量好多，不過酒味唔係好出。

食過尖沙咀果間新泰，今次又黎到灣仔呢間，店內好似更闊落，我地被安排坐係卡位，有張梳化又有咕，坐得特別舒服。因為肚餓，我地都叫左幾多野食，柚子蝦沙律、燒豬頸肉、沙爹串燒、飛天通菜、冬蔭海鮮炒飯、椒鹽軟殼蟹、青檸梳打。柚子蝦沙律，開胃就最啱啦！柚子酸酸甜甜配埋蝦同魷魚，成個感覺好夾，越食越肚餓，再黎既就係沙爹串燒，有牛、雞、豬，每樣兩條份量都算多，當中我覺得串牛就最好味，配埋沙爹醬真係一絕。燒豬頸肉黎講食落真係幾爽口唔錯，再黎就係飛天通菜，夠哂鑊氣，而椒鹽軟殼蟹惹味得黎又幾脆口。最後要講既就係冬蔭海鮮炒飯，每論味道、份量、材料都好足夠，炒飯真係有冬蔭功既味道，大大碟炒飯入面重有唔同既海鮮，有蝦、魷魚、青口，真係好味道。

同朋友係灣仔行街行到肚餓，咁岩經過見到呢間又未試過，所以我地就揀咗呢間黎食。估唔到有驚喜！我地一入去到，見到入面都滿哂人，以為要等位，點知原來佢地有得上2樓，侍應亦都好貼心咁安排個靚位比我地，坐係陽台邊，成個環境氣氛好正！😄餐廳menu選擇多，侍應會主動推介我地食啲出名同好味嘅嘢食，我地最尾嗌咗5樣嘢食同一杯啤酒。第一碟上黎嘅係泰式柚子蝦沙律，份量十分多，啲蝦爽口彈牙，配合埋柚子花生等其他配搭好開胃之後就係呢個泰式炸蝦餅，我同朋友都食到lam lam脷，啲蝦好彈牙，炸粉好薄，炸到岩岩好，咬落去啖啖肉再點埋泰式辣醬 一流~跟住就係呢個馬拉盞通菜，十分之惹味，鹹香帶少少微辣，唔錯唔錯到咗今晚嘅重頭戲，侍應都大力推介嘅燒春雞釀香茅黃飯，一上到黎已經聞到好香。雞皮出面燒到好香脆，咬落去好嫩滑仲有啲肉汁加上啲黃飯香味十足，好食，十分推介仲有啲沙律可以解膩 十分細心最尾我地食埋個西米糕已經好飽好滿足我地埋單食咗咁多嘢都係每人300蚊到，價錢合理，加上服務十分好，全程都會有侍應主動幫我地refill啲水 仲會幫我地清枱 方便食下一道餸 上菜次序亦都有層次 十分細心 值得一試

今日同朋友行經灣仔利東街🙆🙆‍♂️，見到前面大王東街， 有好多食店轉咗入去睇，就見到呢幢三層高嘅泰國餐廳🎆🎆入到去要為好細，原來有樓梯上去2，3樓，職員都係好傳統嘅泰國人安排咗我哋坐二樓窗台位， 環境好chill, 燈光柔和🥡🥡我哋叫咗個泰式柚子蝦沙律🍤, 成碟好新鮮，啲西柚好fresh🍈另外，當然唔少得泰式炸蝦餅，熱辣辣即叫即炸， 個皮好脆！食落咧落咧樂聲， 好彈牙唔會好重麵粉！一流！再配杯冰凍啤酒🍺🍺冇得頂另外，再叫咗個 燒春雞燴飯， 佢上碟嘅時候配埋咗個麻醬沙律， 還超級好食勁juicy， 啲肉好滑又唔會好肥， 個飯底都好濕潤， 佢個麻醬沙律直頭食到停唔到口！！最後甜品當然唔少得 椰汁西米糕啦！ 填到啱啱好！篩米個煙韌度亦都非常好！！ 超高回頭度！

而家係番灣仔番工又可以去我最鍾意既泰國餐廳到食飯新泰係灣仔難得一見又平又高質既泰國餐廳收工時間尚早 唔算太多人安排咗坐二樓 (係既 灣仔呢間新店大過以前好多)坐咗個可以望到街景的夜晚咁樣食法特別有feel的另外新泰經理亦都要一讚服務態度好好之餘又有禮貌上次去新泰食過佢麵包焗咖哩軟殼蟹已經超鍾意食~今次黎度一定要再encore!果然冇令我失望水準仲keep到依然好好食.麵包好鬆軟 咖哩汁惹味而又不太辣啱哂我鍾意食辣但又唔太食得辣軟殼蟹份量都幾多~加埋D麵包其實好夠~當然啦 食泰菜我一定要叫既炸蝦餅!炸蝦餅 is my favourite ~~新泰既炸蝦餅有成8舊咁多!炸得好香口加埋泰式辣醬一齊食真係最正雖然食炸蝦餅係真係好熱氣但係間唔時放縱下食下D咁邪惡既野海鮮都點咗兩樣一個係蒜蓉燒扇貝超級多蒜蓉同芝士作為蒜蓉同芝士既狂熱愛好者表示呢隻扇貝惹味程度有成十分亦都幾大隻最後叫咗個泰式炒花蛤略嫌花蛤細隻咗D但係勝在個汁夠惹味不過係有DD辣既~回頭度: 10/10

新泰係香港都開左好多年，由泰藉廚師主理，今次第一次去，內部裝潢都充滿泰國特色鹽焗魚· HKD$128 誠意推介，經過鹽焗後外皮有香脆嚼頭揭開外皮，入面滿滿都係滑嫩既魚肉就算唔沾醬食都夠鮮味甜品小拼盤· HKD$88甜品共有八件，每款有2件，逐一去試黃金糕黃金糕岩岩蒸好，好軟綿，又唔會好甜斑蘭椰汁千層糕非常經典泰式甜品，一層一層色彩碧綠色，熱辣辣香氣十足質感煙韌軟糯，好黏口，椰汁味好濃椰汁西米糕斑蘭葉摺成的四方形盒，入面藏著芋頭和粟米上層係滑溜的椰汁糕同西米糕，好有層次和口感椰汁大菜糕清甜可口大菜糕，又爽又夠香菠蘿沙冰·HKD$38絕對唔會有死甜，自然菠蘿甜味，冰都幾綿密

買完bakehouse蛋撻之後，餓餓地就去左對面既新泰食泰國菜，入到去都見到有不少泰國象既擺設🐘仲有東南亞風特色掛畫，望上頭頂更加見到唔同既燈罩，比我一種低調得黎高貴大氣既感覺。假日都有午市套餐可以點，但我地一行3人就想試多d野，所以選擇散叫食物，種類都相當多👍🏻泰珍珠椰菜苗炒香菇 $85除左通菜之外，泰國菜都好出名椰菜苗，顏色相當不錯，保持翠綠同埋脆口😋非常夠熱，仲有清香味香菇同紅蘿蔔，味道不錯，唔會過鹹，可以清新一下食咗咁多濃味野既腸胃巴東牛展 $88 牛展會跟配一碗白飯，牛展燜得好淋🤤入口鬆軟唔會好韌，食落唔痴牙，而且肥瘦適中，醬汁椰香味好濃郁，甜甜鹹鹹咁撈飯食一流

今日放假帶屋企人黎灣仔食lunch，之前有朋友推介新泰餐廳，地方夠大，有成3層咁多，而且坐得舒服餐廳其實係一間連鎖東南亞菜專門店，裝修同出品都有保證，灣仔店更加係其中一間旗艦店，由外面望已經睇到富有泰式風情既鏤空欄杆越式蝦米紙卷 $68 8/10非常清新開胃既前菜，包得好靚同埋好多材料，入面有米粉、生菜、甘筍絲、青瓜絲等等，口感超豐富，再配上越式魚露，酸酸甜甜，感覺非常清新燒半殼蠔 $98 7/10一份得兩隻，價錢都幾貴😖唔太抵食，蠔上加左大量蒜茸同芝士，蠔本身雪白肥美，不過香氣欠奉，呢個價錢我會叫其他餸食麵包焗咖哩軟殼蟹 $208 9/10不得不叫呢個招牌菜，沒有令我失望，係我數一數二好食既咖哩包🥰麵包切好一小件，方便客人沾咖哩食，麵包外層脆身好鬆軟，放耐冇都冇腍咖哩唔太辣但椰香味好重，非常惹味🤤軟殼蟹肥美多肉，炸粉唔厚，真材實料，強烈推薦

都知新泰出哂名，又真係好好食，但估唔到今次試佢一兩款唔係咁泰式既菜式都咁出衆，真係佩服👍👍。日本南瓜海鮮飯：內裏既海鮮整得好嫰🤤🤤🤤，真係難得同喜出望外！因為通常出面食既一般都焗到啲材料好韌，呢到真係做得非常好，食得出廚師既真心。個飯底配埋南瓜汁特別甜美，濃而不膩！如南瓜再煮腍少少就更啱我。越南鮮胡椒炒牛：呢個係比較野味既菜式，用鮮胡椒炒份外鮮香，加埋三式椒，洋葱，九層塔等配料，鐘意香料既我真係愛死佢。牛都炒得腍，確係要讚！最後叫番個泰式甜品👉芒果糯米飯，呢餐真係滿足。好鐘意佢個芒果係用青芒，係甜甜既芒果味上帶點草青香，唔係咁易食到呀！