新泰東南亞餐廳 (興旺閣)

營業中

休息中

芒果沙冰好正 應該係係香港飲過sofar 幾高質嘅沙冰 好清甜 覺得真係冇加糖落去 全靠芒果天然甜味d 沙冰好smooth又唔會凍到牙痛 唔會好快融 十分推介 芒果軟殻蟹米紙卷 米紙煙煙unun好有口感 但又唔係好乾咬唔開果種軟殻蟹好脆 外脆內軟 炸到好香口 好似有少少椒鹽 好味！加埋d 蔬菜粉絲同芒果 好清爽 食多幾舊都唔覺 如果舊芒果多少少 味道會更出 泰式串燒有豬牛雞各兩串 份量好足 我最鐘意豬肉 最juicy 又充滿燒烤豬肉嘅油香 雞肉唔乾同埋幾入味 唔點汁以經幾夠味 牛肉唔un 牛肉味濃 又唔會好似酒樓d牛仔骨season到淋哂 幾有口感 點左E 個泰式沙嗲汁後 令串燒更有風味 花生味幾濃 一D都冇偷工減料 裏面有花生粒 介為串燒增添口感 好快就已經清哂一碟芒果糯米飯好足料 最推薦E款 芒果好多 排到有18cmhaha 😂 有差唔多成個芒果禁 芒果好靚 幾甜 好滑冇渣  椰漿又滑又香 靚我驚喜嘅係有齊黑白糯米 差唔多有成2碗飯禁多 多人分享都仲得 黑糯米有口感 感覺幾健康 白糯米好綿密軟糯

之前朋友講呢間泰國菜館聽聞咁錯，咁我就諗住去試吓啦。結果係：可能自己太大期望，所以換來少少失望。睇完menu, 4號餐好似好吸引，於是我就叫左青咖喱米線，加$8要龍眼冰同埋加$28要左泰式炸春卷。但係當我見到個青咖喱米線嘅時候，同Menu嘅相真係好大差別。青咖喱同米線是撈埋一碗，所以米線出水令到碗青咖喱溝稀左，破壞咗成碗青咖喱嘅神髓。泰式春卷，我覺得唔係新鮮炸，因為個春卷皮唔脆，同埋有啲厚。唯一好飲係杯龍眼冰，龍眼清甜。另外座位都好寬敞，枱與枱之間都有一定距離，坐得舒服。

天氣越嚟越熱冇乜胃口，朋友提議去食泰菜，酸辣菜式可增加食慾，經過灣仔大王東街新泰東南亞餐廳,之前去尖沙咀食過，味道方面唔錯，今晚就試吓呢間分店。餐廳共有三層樓，裝修擺設都令人感到有泰式風情，座位寬敞舒適。天氣熱最啱飲碗冬陰公，湯夠味，有蝦有菇，味道酸酸辣辣，好醒胃啊！鹽焗爐魚：用鹽焗方法煮,保留原汁原味, 比蒸或煎更有新鮮感, 而且魚肉Keep到juicy結實, 相當不錯. ​沾點酸辣沾味道更佳。叻沙蝦米線，叻沙湯底鮮甜濃郁，米線掛湯後彈牙又美味，蝦和魚片爽口，豆卜和蛋索左啲湯汁好惹味！

疫情始終影響生活，想出國旅行實在有難度，唯有搵朋友行街食飯，今日就搵咗朋友去灣仔行下，之後去有幾間分店嘅新泰東南亞餐廳食泰國菜，食物由泰籍廚師主理，味道唔錯㗎！餐廳樓高三層，裝潢雅緻。冬陰功： 以鮮蝦和很多香料來熬煮的冬陰功，湯底濃郁，味道酸辣！泰式去骨海南雞半隻，雞肉嫩滑雞皮爽口，伴上酸辣雞汁和薑蓉，更添美味！椒鹽軟殼蟹，軟殼蟹全身佈滿肥美油膏，甲殼軟而入口鬆軟，全隻可吃，配以油炸方法烹調，並以椒鹽翻炒，香脆惹味，肥美嫩滑。食泰菜當然係飲泰國啤酒。

走入呢間樓高三層既餐廳好似去左泰國Resort 咁🥰 四周都係木製好有泰國Feel既裝飾🪵 傳統得黎又唔會太過娘 食物味道更加保留泰國調味既惹味🌶 香料運用得好有精髓🌿 比起港式泰國菜水準高得多🏅️⭐️ 泰式燒春雞釀香茅黃飯 🍗烤得好靚好油亮既春雞🐔 雞肉唔乾好嫩滑 包住既黃飯滲出絲絲香茅薑黃味🫑 惹味得黎又好Fresh🌱 沙律既調味同樣好清爽🥗絕對唔係食菜咁Dry⭐️ 香芒軟殼蟹米紙卷 🦀走清爽路線既米紙卷🥰 唔會太多醬料既調味太油膩😅 芒果甜甜地 同D蔬菜中和了脆卜卜既軟殼蟹🥭 食濃味野之前最好回一回氣💨⭐️ 冬蔭功 🥘好足料 ‼️ 有成隻大蝦係裡面🦐 食到真材實料既鮮味🌊 可惜椰奶味偏濃 🥥 稍稍Cover 左酸辣味⭐️ 鹽焗烏頭 🐟魚肉新鮮焗得好有火侯🔥 可能調味未夠 香草既薰香唔係好出☘️⭐️ 泰式蝦炒金邊粉 🍤面頭既蛋網整得好靚 甜甜地流曬口水😋 金邊粉炒得再乾身D會更好 🍝⭐️ 南瓜焗咖喱海鮮 🎃⭐️ 印度薄餅 🫓海鮮不過不失唔係太大亮點🦞 但係咖喱加上南瓜偏甜😊 薄餅不知不覺就點曬 南瓜可以直接筆黎食好清甜🧡 ⭐️ 千層糕 🍰很Chewy的糯米口感💚 同外面食到好實的不同💕

今日呀囡生日，一定要去吃泰國菜！我們一行五人晚上八時半到達餐廳，位置都幾算容易找，幸好不用排隊，走上2樓的角落坐下。因為下午吃了自助餐所以隨便點了幾個菜。燒豬頸肉，冬陰功湯，蒜蓉越南牛油雞翼，泰式雞肉炒河粉，泰式椰菜苗炒香菇，兩支泰式啤酒！燒豬頸肉很夠味，肉質爽口，香烤味濃，每一片都很大塊，值得推介。我很喜歡和泰國正宗的冬陰功比較，冬陰功湯夠辣，可惜不夠酸，有幾隻蝦和配料，分量剛剛好。老公最喜歡的蒜蓉牛油雞翼，澎湃的蒜蓉，香脆的雞皮，完全符合他的心意，一碟六隻大雞翼，肉質鮮嫩，配啤酒一流！炒椰菜苗，不過不失。最後當然是我最喜歡的Pad See Ew ，這款寬河粉不是很多泰國餐廳可以點，味道夠地道，雞肉大件，份量都不少。總數大概$540，性價比超高！

今日想食好啲，去灣仔搵咗環境比較好嘅泰國菜，同朋友仔一齊撐枱腳入到去成個裝修真係好有泰國風味，高雅沉實嘅木色係裝修，坐落去好舒服Lunch set $75 嗰包嘢飲，另外+1，12:45前買單嘅話可以有九折即係免+1<冬蔭功湯金邊粉$75>今日想食啲酸酸辣辣嘅嘢，所以叫咗冬陰功湯金邊粉唔食辣嘅朋友都可以食呢個冬陰功，因為真係唔係好辣椰奶落得夠多，所以好香好滑，加咗少少香料，酸味都夠海鮮唔算好新鮮，金邊粉嘅份量都幾多，一定夠飽

睇完舞台劇到附近食晚飯, 呢間新泰東南亞餐廳, 我已經留意左佢地既分店好耐, 去尖沙咀行街時候經過好多次。大約下午6點到達, 被安排坐在🚪門口位附近, 就係咁, 完全明白點解佢地係OPENRICE有咁多篇食評同埋評價會咁好, 親眼見住店員淨係接訂座電話📞都接到手軟, 太受歡迎了。我地點左泰式柚子蝦沙律, 咖哩蝦, 蒜蓉包, 咸檸檬🍋七喜同菠蘿沙冰。泰式柚子蝦沙律 - 主要食材有柚子, 腰果, 蝦🦐同魷魚, 醬汁份量充足, 酸酸辣辣, 惹味開胃。但可惜蝦同魷魚唔太新鮮, 入口有少少霉霉地。咖哩蝦 - 又係我最愛的菜色, 香甜濃稠帶點椰香的咖哩汁非常之啱我口味, 比我前排在銅鑼灣小曼谷食到既更滿意, 因為無落薑絲。但可惜, 又是同一個問題, 蝦唔新鮮, 餐廳真係要注意一下來貨質素, 同埋建議事先用鹽醃一醃D蝦。蒜蓉包 - 呢個一般, 烘焗時間唔夠, 不甚香脆。咸檸檬七喜同菠蘿🍍沙冰 - 飲品唔錯, 味道調教得剛剛好, 冰涼🧊解渴。再精湛的廚藝都要有新鮮的食材配合才可稱之為一道美味的菜色。

新泰搬了去大王東街,  我們都想去新店吃個晚飯, 假日仍然要訂座及等位.今晚四個人, 點了多款泰式經典食物.拼盤（蝦餅, 魚餅）炸得香口, 自家製酸梅醬美味炸蝦餅及魚餅你保持水準, 好食 !串燒沙嗲有雞, 牛, 豬可以選擇, 我們每款點了兩串.  配自家製沙嗲汁, 分開上.串燒不太乾保存肉汁.  牛肉串燒彈牙, 豬肉同雞肉串燒比較軟稔.   自製 沙嗲醬好惹味,  含濃郁花生的味道.烤豬仔骨蜜汁醬好味, 可惜肉太少, 骨太多吾理想.泰式炒金邊粉  賣相特别,  有個蛋網蓋著, 配料有蝦, 豆乾, 椰菜, 紅蘿蔔.   蝦肉新鮮彈牙, 調味不錯.  金邊粉煙煙軔軔, 炒得乾身冇油膩. 黃咖喱 - 雞黃咖喱汁好正！带椰汁味道, 少辣.   雞肉嫩滑, 份量適合.  印度烤餅 鬆化不油又脆口,  點些咖喱汁食, 非常好.炸香茅魚（配青芒果沙律）~  相信是新出品. 比較失望,  炸魚太乾了, 少肉.  賣相不吸引. 遠比不上中式松子魚. 而只送來炸香茅魚, 遲遲未送來沙律, 追了好多次,  食完魚還未送到我們埋單了, 結果店員話打包回家.總結, 新出菜, 暫時不到水準.

係放工後，真係好想食下好野。7點30分去到一間泰國菜館，已經係幾乎full曬，入面人頭湧湧。 餐廳環境亦算好闊落，難怪會係咁多人啦。 首先整一杯泰式凍奶茶先!我特別鐘意於泰式凍奶茶，真係有別於港式奶茶，特別有鐘意泰國茶底個隻味，加上出面夏日炎炎，要一杯凍奶茶，涼一涼先。 麵包焗咖哩軟殼蟹一個麵包先挖左麵包肉出黎，放入超香既黃咖哩仲有炸過既軟殼蟹，麵包本身就焗到好香，好脆，先用黎沾咖哩食，超香。軟殼蟹本身亦好吸味，仲係好脆，所以係好正既配搭。就算食到尾，麵包發揮左包溫既作用，裡面既咖哩仲係熱架。如果要分3樣野叫，炸軟穀蟹，烤麵包，仲有黃咖哩，咁我一定揀這個。 另外，仲有生菜包，發現佢E度好flexible去迎合唔同人既口味呢。可以揀豬定定雞肉生菜包。生菜包既肉，炒得好香好香。有芫茜、有少少香檸汁，仲有香料味，我係咁係咁食，有時用匙就咁食肉，有時包住菜食。真係好過癮架。 仲叫左個菠蘿炒飯。個飯好鬼好食，原個菠蘿並唔罕見。但佢菠蘿殼都好鬼新鮮，到底個陣仲可以起到肉，仲有汁。令成個炒飯又香，又沾滿菠蘿果汁，超岩鐘意菠蘿既人。

我真係好想去泰國呀最近疫情，總覺得仲有排都唔可以出境了，只可以係香港搵下外國既味道，頂一頂癮先啦。店鋪都幾有泰國特式，一轉灣上樓梯已經被佢盞燈吸引左，係一個椰子樹裝飾既燈，幾有趣。而樓底都好高，令人感覺好舒服。先黎一個龍眼冰，夏日炎炎，龍眼冰，又有原粒龍眼，真係好消暑，又吾會太甜。夏天真係好岩飲。另外，泰式串燒可以話係必叫，豬牛雞各2串。本身已經燒到好香口。沙嗲汁就自己揀沾幾多。串燒真係好有風味，食住等其他主食一流。咖哩麵包焗軟殼蟹正呀。其實好大份下，一共有6件麵包。兩人食都食得曬，但如果幾個人一齊share亦好岩。裡面黃咖哩香濃，但吾會過辣，好香濃既泰國咖哩，平日多配飯，今次可以一邊配包。仲有軟殼蟹。來個菠蘿炒飯更加好。泰國菠蘿炒飯，裡面仲有蝦球。仲有腰果同肉鬆，自己揀幾多就幾多。欣賞佢腰果，係焗過，仲係熱，裡面帶有咸香，仲係脆，所以好好食。飯亦吾會話好油，反而配菠蘿好清新。對番餐牌個樣，上枱後真係一樣

呢間真係好食！1. 越式燒春雞釀香茅黃飯呢個好有驚喜！啲飯釀晒食隻雞度～啲雞肉仲係好嫩口，唔會柴皮咁～配菜都擺得好有心思～擺到成個雀巢咁～襯返個主題🤣🤣🤣上菜果陣姐姐會幫你切埋，你都可以影完自己切～2.飛天通菜呢個就正常味道啦！食完唔記得影相～印象中有少少辣啦～都好食嘅～3.芒果糯米飯呢個份量剛剛好～每羮飯都有芒果夾住食！撈埋甜甜地既耶漿一齊食！唔會最後冇晒芒果要齋食飯～呢間可以再返轉頭試吓其他菜式～

一坐底就比杯熱水你， 餐廳裝修好靚，有去左泰國嘅感覺，而且幾grand，打破左一般泰菜館都係好平民嘅印象。藤椅再加上以深木木頭為主調嘅裝修，配合柔和嘅燈光，有哂feel，想慶祝生日/紀念日但又唔想咁悶食西餐，不妨黎呢間餐廳食飯。青木瓜沙律（＄78）嗰汁酸酸地，魚露加埋青檸整成嘅汁好開胃，青木瓜吸哂啲汁，夠哂入味，本身見到menu有隻辣椒，都擔心會唔會辣得濟。食落係喉嚨會暖暖地嘅bb辣level，唔食辣嘅都接受到。Pad Thai (＄108）都係另一樣去食泰必叫嘅野。份量幾多，女仔嘅話，兩個黎食都可能嫌多，好飽肚抵食。賣相好特别，有個蛋網包住啲粉，個人覺得好似出海打撈左碟pad thai返黎好得意。炒得好乾身有鑊氣，配料有蝦、豆乾、椰菜同紅蘿蔔等等，啲蝦新鮮又彈牙，金邊粉少少煙軔。芒果糯米飯（＄68），好貼心咁比埋細碟仔同甜品叉你食。比較特别嘅係佢用左黑白糯米，軟糯煙軔，白糯米比較軟糯，黑糯米粒粒分明有咬口，加上香甜嘅芒果，三重口感好有驚喜。食泰菜梗係唔少得飲Thai Tea（＄25）橙色嘅茶底就知係正宗泰奶。去過泰國都知嗰度嘅奶茶甜死人，但呢到嘅thai tea有調較過甜度，啱返一般

星期六晚上與朋友到新泰東南亞餐廳吃晚飯😚， 位於灣仔大王東街， 餐廳主打泰國菜， 店內以木製傢俬為主， 具有泰國風情。 泰國菜當然一定要食生蝦刺身🦐， 味道鮮甜新鮮。 泰式炒菜苗有鑊氣🌱， 冬陰功湯酸酸辣辣🍲， 越飲越開胃， 泰式豬頸肉爽口惹味🥓， 燒鱔口感肥美🍢， 鹽燒烏頭🐟的肉質太散， 味道亦很淡， 鐵板蠔仔蛋🧆味道正常， 最後到泰式甜品拼盤😍， 每款甜品都好好味🤤， 最正就是芒果糯米飯👍🏻， 芒果超甜呀🤩！ 飲品我們點了紅酒和啤酒， 飲飽食醉幸福的一餐。幾年前在舊地址已經食過新泰東南亞餐廳， 整體質素幾好， 值得推介。 😉

餐廳樓高三層, 樓底非常之高, 環境好寬闊, 坐得好舒服胡椒炒牛展, 辣辣地, 幾惹味, 芝麻令到個口味道更加多層次, 再加上洋蔥, 個醬汁亦都非常之惹味, 不錯不錯, 牛展有咬口, 又有豐富骨膠原, 口感複雜餐廳嘅咖哩都有好多選擇, 青咖哩, 白咖哩, 黃咖哩, 我就點了黃咖哩, 配上鮮蝦, 咖哩醬汁creamy得嚟, 又夠惹味, 再加上蝦經油砲之後, 口感依然彈牙, 索滿咗醬汁, 感覺不錯, 而醬汁真係送飯一流泰式海鮮炒河, 材料真係非常之豐富, 有大蝦, 有青口, 再加上爽脆嘅蘿蔔, 西蘭花, 粟米條, 豐富咗個口感, 嫩滑既河粉. 入口即溶