新泰東南亞餐廳 (興旺閣)

營業中

休息中

lunch又係佢，dinner又係諗住佢!佢個泰式柚子蝦沙律同好多泰式餐廳都唔同，椰香出啲，蝦新鮮啲，配菜都fresh啲，整體味道特別啲👍👍，係其他泰式餐廳真係食唔到佢陣味。份量如四個人share會搶食兩個人就停唔口到咁食🤣至於個麵包焗咖哩軟殼蟹，又係正到唔停得手。首先讚吓個面包，外皮脆脆，包既部份鬆化到不得，係“不得了”，佢絕對唔係輕飄飄果種鬆㗎，係厚厚的。一點啲咖哩汁係可以索到盡，超級好味呀！個咖哩汁當然冇得彈，香濃美味；而軟殼蟹亦炸得香，粉夠薄，超掂！記得送酒開心吓！祝大家Happy Fridayn everyday!

蒜蓉越南牛油雞翼 $78超多蒜超有誠意，雞翼用煎既，但係都超級香脆。鐵板蠔仔炒蛋 $98除左個正字我唸唔到可以點形容。蠔多，蛋多！芽菜底比鐵板煎到好香🤤配上個辣汁一定要點，令到成個蠔蛋更加惹味！酥炸香茅魚配青芒果沙律 $168我以為某間食過既魚已經係超哂班，呢條魚起哂肉先再炸，變左每一條肉既每一邊都係脆邊！芒果沙律個汁酸酸辣辣夠哂開胃泰式炒椰菜仔 $95老闆話驚椰菜仔味好勁，但其實師傅技術好犀利，調味同埋蒜蓉份量剛好，唔覺唔覺係咁食食哂🤣泰式蝦炒金邊粉 $108啲粉好彈牙呀！個酸味調得都好好，蝦新鮮彈牙，包蛋做型又靚，總之就超級好食，下次行過會外賣翻屋企！

呢間係阿妹介紹泰菜，整個環境好靚，地方寬敞，裝修精美，睇得出店家落左好多心機。店員安排左我們坐近露天位置，呢個季節坐岩岩好，唔會好熱，有少少涼氣，整個感覺好寫意。店員好有禮貌，而且好熱情為我地推介熱門菜式。雖然有時已經有心中點邊款菜，但都會驚中伏，但有店員推介感覺安心好多。🔸泰式生蝦每次食泰國菜必叫生蝦，冰冰涼涼既生蝦，肉質彈牙爽口，配上泰式辣汁非常開胃。🔸椒鹽軟殼蟹軟殼蟹炸得香脆，睇落好少但其實差不多全碟都係軟殼蟹，份量絕對比想像中多。🔸燒西冷牛扒店員會先問你想要既熟度，我地點左5成熟。份量足夠，附左兩種🔸越式燒春雞釀香茅黃飯呢個係店員推介的，話基本上差不多每枱必點！ 真係無介紹錯，除左燒春雞同香茅黃飯，仲配左沙律，呢個沙律真係好好食，酸酸甜甜，可惜問過無得單點，唔係為左沙律一定會再來幫襯。 燒春雞外層有少少甜，皮好薄不油膩，肉質不乾不柴，重點係包係入面的香茅黃飯，吸收晒春雞既肉汁。我同朋友雖然已經好飽，但因好味所以都忍唔住食晒。🔸椰青沙冰不同於其他舖頭，呢度係原來椰青打成沙冰，外表已經非常吸引。沙冰係取原個椰青打成，所以唔會假甜，真正的清涼透心甜。🔸千層糕必食！必食！必食！真係太好

餐廳是一座3層的設計，環境極具特色，仿佛有去了泰國的感覺🇹🇭，擺設和裝飾都以木和葉做主題，大木枱、梳化、藤織椅子都好舒適和有空間感，侍應好客有禮。蒜蓉越南牛油雞翼78雞翼有6隻，仲附上勁多炸蒜，整碟都超香口惹味😍，雖然雞翼size比較細，但都食得好滋味👍🏼。.鐵板蠔仔炒蛋98材料份量十足，蠔仔比想像中多出了好多🤩，味道調味足夠又不油膩，更有好多牙菜墊底😋。.酥炸香茅魚 配青芒果沙律168香茅味道好足夠，魚條都炸得好酥脆，外皮脆卜卜，內裏肉質嫩滑，配上香辣得來又新清嘅沙律好撘配😋。.泰式炒椰菜仔95蒜蓉炒得好香口惹味，椰菜仔好嫩口又好有口感。

平時食泰國菜多數都去九龍城，有同事推介原來灣仔都有間唔錯嘅泰菜，即刻約同我一樣咁鍾意食泰國菜同埋都係喺港島區返工嘅好朋友一齊嚟食😋泰式生蝦（$98）：生蝦新鮮，大隻又彈牙😊燒西冷牛扒（$118）：牛扒本身已經醃好味道先燒所以唔需要點任何醬汁其實已經好夠味！椒鹽軟殼蟹（$78）：軟殼蟹炸得好香脆，味道好似避風塘炒蟹咁😋越式燒春雞釀香茅黃飯（$188）：呢個係侍應推介嘅，真係好有驚喜！春雞肉質嫩滑有雞味，香茅飯軟硬適中，吸收哂雞嘅精華！雖然好飽但好食到我哋都忍唔住要食將啲飯食清光！重點係佢連配菜沙律都好好食，集酸、甜、辣於一身，惹味又開胃😍😍😍椰青沙冰（$58）：原個椰青上枱，裏面係滿到瀉有椰青碎嘅清甜椰青沙冰，賣相靚之餘仲好好飲❤️千層糕（$55）：平時食開都係凍食嘅千層糕，呢度係熱辣辣，而且每一層都係薄薄嘅一層，層次好分明，配上微鹹嘅椰漿煙韌又唔會太甜👍🏻餐廳環境裝修好靚坐位都好舒服，價錢又合理！我哋已經諗定下次幾時再嚟食😋😋

♥ = 食喔(屙)推介菜式 見天氣幾好諗住上山頂行吓上去前喺灣仔亂入一間餐廳食個lunch先~好驚喜啊 好好味!間餐廳係一座三層 上面層數環境幾寬躺舒服!以下係lunch set價錢 1430-1630 更會全單八折!!➊ 泰式炒金邊粉 ♥ $75好大碟好抵食 係濕潤嗰種 (♡∀♡)蝦殼已經剝埋 食得好方便😝➋星馬咖喱雞配白飯 ♥ $75咖喱唔辣 但幾香滑雞肉切得細細舊 送白飯正~➌ 綠豆沙冰 跟餐+$8真材實料的綠豆沙冰!! 唔係溝糖水嗰隻!!➍ 椰汁冰 跟餐+$8口味偏甜 有需要嘅記得嗌少甜啊~

灣仔無咩大商場，就去左附近食泰國野，見佢好似幾乾淨亮麗就入左去食啦～ 入到去環境好舒服，卡位好寬闊，氣氛幾岩傾計💓 好多野食，除左一般常見嘅泰菜，仲有巴東牛展、燒牛柳沙律等等，麵幾有特色！野飲叫左椰汁沙冰，因為好多野都重口味，叫左杯清爽爽口嘅野飲，沙冰打得好細滑！唔會有咩顆粒感，亦都唔會太甜，岩岩好，份量都夠大幾滿意，當甜品食都ok ! 泰國青芒果🥭沙律! 又係開胃前菜，青芒真係泰國野先有得食，酸酸地好正，青芒質地夠爽，唔會太諗又唔會太硬，配埋果仁好有口感，仲有紫洋蔥嘅微辣，口感層次豐富！如果分量更多就好了！麵包配焗咖喱軟殼蟹，必食推介！麵包外面切開左一塊塊，同中間農夫包質感唔一樣，出面香脆，農夫包就軟韌，黃咖哩汁唔算太辣，一般人都好入口，好溫潤，汁的份量足夠，唔會唔夠點包，軟殼蟹外脆內軟，唔會硬口介口，蟹肉味都香幾正，兩個女仔share 食，唔洗加飯都得啊！泰式燒春雞釀香茅黃飯，好花心思嘅一味菜，春雞比手✋🏻大啲，唔算超大隻，相對肉就比大雞更嫩滑，外皮一切好脆卜卜，入面肉汁滲曬入飯，飯好特別，有香茅味，中和左雞油嘅重口味，好平衡，份量又，飯同雞唔會好重口味，所以另外配左酸酸咸咸嘅醬汁

今日同朋友喺灣仔見經過呢一間泰國餐廳，見到裏面環境都幾好，嘢食選擇都多，就同朋友選擇左呢一度食晚餐同坐低慢慢傾吓偈。叫左前菜泰國青芒果沙律，青芒果口感清爽，調味酸酸甜甜帶少少辣味，非常開胃！麵包焗咖喱軟殼蟹，賣相相當吸引，聞落都好香的咖喱味，咖喱嘅味道好濃郁嘅椰汁味，食落唔嗆口，唔食得辣嘅朋友都可以嘗試，旁邊的面包可以配咖喱一齊食，單食就脆身，面包內在結構有好多細孔，一浸落咖喱汁就快速吸收醬汁精華，非常好食！軟殼蟹的份量都好多，兩人食就十分滿足，一大班人食都唔會怕分唔到！越式燒春雞釀香茅黃飯，一切開已經見到裏面 釀滿左香茅黃飯，飯粒食落有好多的香料味道，單食都唔怕無味，燒春雞肉質鮮嫩，配上酸甜的醬汁就唔會怕膩！配菜沙律都好出色，酸甜清爽，令人一啖接一啖！飲品就同朋友share 椰青沙冰，用整個椰青嘅汁同果肉加冰制成，份量好多，兩個人飲都剛好！

放工同朋友約左去呢間食泰國菜，我地坐二樓既半露天位，成個環境真係幾好，坐得好舒服～我地忍唔住叫左好多樣野，必食既生蝦同燒豬頸肉。生蝦大大隻，加上好耐無食過，覺得好好食。豬頸肉份量都幾多，個汁都幾惹味，但唔好點太多，會有少少咸。再叫左青咖哩配雞肉，另外再加多左份薄餅代替飯，如果唔食得辣可以叫小辣，咖喱味香濃，雞肉嫩滑唔會乾，薄餅食落幾脆身仲叫左飛天通菜、泰式炒花蛤同肉碎生菜包，個人好中意食花蛤，佢既份量多而且好惹味，係生菜包有少少濃味，如果配碗白飯應該一流，可惜太飽飲品叫左青檸梳打同店員推介嘅椰青沙冰，個沙冰一黎到個樣已經好吸引，打卡一流，椰味同份量都十足，飲極都飲唔完，值得一試啊甜品叫左千層糕，呢個大大推介有驚喜，好好食，仲要係熱既，加埋上面既椰汁，本身都已經好飽，但都忍唔住食晒！

餐廳好大有3層高, 地方好闊落, Ｄ枱分得好開, 空氣好流通坐得好舒服。員工態度好, 招呼周到, 又會問是否滿意及有何意見。叫到成檯野食😆泰式生蝦 hkd 98大隻又新鮮, 醬汁酸酸辣辣好開胃。燒豬頸肉 hkd78豬頸肉切成薄片, 肥瘦均勻, 燒到好香而唔油膩, 配上香辣醬汁夠哂惹味。肉碎生菜包 (豬) hkd 72豬肉碎夾雜咗洋蔥同香料酸辣適中, 同夠乾身。飛天通菜 hkd 75通菜新鮮而爽脆, 夠鑊氣辣辣地好惹味。泰式炒花蛤 hkd 108花甲好鮮甜, 泰式醬汁調校得好好, 食到想配飯。泰式青咖哩(雞) hkd88印度酥餅 hkd32青咖哩椰香重唔會太辣, 雞肉多而且夠嫩滑。薄餅一客有成8塊, 份量十足, 而且超級酥脆, 配咖喱食超好食。千層糕 hkd 55令人驚喜既係上檯係熱辣辣, 千層糕煙煙韌韌, 又夠椰香味,  正!椰青沙冰 hkd58員工推介既椰青沙冰, 夠哂特別有驚喜, 份量驚人2個人share先飲得哂, 有好清甜既椰青味。青檸梳打 hkd38 梳打水加埋青檸汁, 非常開胃及解膩。 整體表現真係幾好, 值得回頭!

泰式餐廳、東南亞食品食唔少，又好食又坐得舒服可以選這間。餐廳好大，有幾層，設計有特色，有窗口位，可望到街景。食物選擇多，最吸引是咖喱蟹，不過海鮮價，今次要$485，有點貴，所以下次先食。不過見到餐牌既蟹真的非常吸引，所以影相當吃了。黃薑飯春雞亦是非常吸引，但似乎會很飽。今天不太餓，下次先食。餐廳內佈置不錯，有特色畫加上射燈，還有一串串小燈泡，氣氛很好。食物方面，有各式各樣咖喱系列，個人比較喜歡那種黃色creamy又有蛋香既咖喱。所以點了咖喱蝦，蝦炸得香口，內裡嫩滑彈牙，同咖喱味道好夾。一碟有10隻蝦左右，份量合理。點咖喱當然要配薄餅，$32有八塊，不錯。如果有手抓餅就更好啦。柚子蝦沙律亦非常美味，份量足四人食。酸酸甜甜好過癮！

疫情下冇得去泰國旅行唯有同朋友去泰國餐廳度食泰國菜當自己去咗泰國玩啦🥰今日嚟咗灣仔新東南亞泰國餐廳餐廳樓高兩層，環境幽雅寬躺有好多大嘅圓枱係好適合一班人聚會希望限聚令可以快啲完啦到時候可以一家人一齊食一餐好好味嘅泰國飯首先第一樣菜係我哋叫咗好耐都冇食嘅泰式生蝦佢哋啲辣椒我個人覺得味道幾辣嘅但係好開胃酸酸味味，配生蝦係一流！跟住第二道餸係我哋叫咗麵包軟殼蟹配咖喱用麵包點超好食嘅咖喱汁熱辣辣超正！ 個人覺得呢度餸最好食🥰 之後我哋叫多咗一個香茅炸魚配芒果沙律，芒果沙律好開胃酸酸地，切成一條條。而香茅炸魚香茅比較多骨，食嘅時候要小心啲但係食落去嘅時候都好香口😚而飲品方面我哋叫咗好新鮮嘅椰青同埋甜品我哋都叫咗一個好好味嘅芒果糯米飯成件事就係好泰國好好食呀😋

好耐無去旅行，唯有餐廳體驗下。今次黎食Thai food 🥰餐廳好大好闊落，好岩一大班朋友黎食野！而且食物選擇都好多，應有盡有。前菜我哋叫咗泰式生蝦，佢既sauce幾好食架！ d 生蝦都好新鮮，$98蚊有6隻。好想再嗌🥲之後我自己揀左咖喱軟殼蟹麵包，呢一個餸雖然價錢上有少少貴要$200但係因為佢係用咗蟹嘅材料同埋咖喱熱上好好食 😋 所以朋友話都值得叫。 另外我地揀左香茅炸魚配青芒果沙律，味道都唔錯，下次可能會試吓鱸魚🐟 同埋我哋各自各都叫咗一個好好味嘅椰青😍成個感覺都好泰國好特別！侍應嘅服務態度都好好我哋最後仲點左一個芒果糯米飯去做我哋嘅best ending

好耐無食過泰國菜，好掛住泰式咖喱味。剛好今日收得早，可以過海去食餐勁既！聽同事講呢間泰東南亞菜好好食，價錢合理又夠大，所以決定一試。果然真係好大，有三層高，餐廳內仲有洗手間，六點半到唔會好多人。但一過七點就八九成滿座。樓梯都好有特色！一坐低，店長非常熱情走過來介紹各餐廳推介，本來都好想試椰青沙冰，但今日個人有啲寒，都係飲正常椰青啦。先來柚子蝦沙律，個汁酸酸甜甜，好開胃。而且用料豐富，有柚子、蝦、鮮魷，所以$98是有理由的。魷魚大大條，好足料！食到無停口。另外有芒果軟殼蟹米紙卷，一般餐廳只有六粒，這裡有八粒呀！米紙煙韌，若芒果味道濃一點會較好。 食泰東南亞食品當然要食咖哩，點了巴東牛展，咖哩味香濃，點印度薄餅真的一流。非常滿足的一餐。

和朋友約了在灣仔吃午餐大家都想吃泰國菜 朋友找了找發現這附近的一間泰國餐廳 — 新泰於是便來了試一試餐廳有兩層 裝修充滿泰國風情而且這裡的店員也有泰國人聽着他們說泰文 有種到了泰國的感覺蒜蓉炒椰菜苗食泰國菜喜歡上點椰菜苗喜歡它的入口口感以蒜蓉加上蘿蔔炒 炒得好香 健康又好味蟹肉炒粉絲粒粒小蟹鉗 份量也不少粉絲彈牙 配青黃燈籠椒、蘿蔔絲和香菜一起炒以蒜蓉和胡椒等調味 啖啖入口 多重味覺享受和朋友都覺得不錯 一整盤大大盤都給我們吃光鹽焗烤魚可以選烏頭或鱸魚 我們選擇了鱸魚烤魚魚皮塗上滿滿的鹽拿去烤加入香料 令魚肉充滿陣陣香味 唔會腥再點上酸辣汁調味 令味道更想一層樓喜歡這辣汁 酸酸辣辣很開胃