新泰東南亞餐廳 (太子集團中心) (已結業)

原來尖沙咀又開了一幢主打餐廳的大廈,就在ISQUARE附近,這天和朋友上去吃泰國菜,卻被帶到空中花園,原來餐廳有兩層,空中花園更帶有韻味和情調。蛹蝦,非常非常香脆,會讓人忍不住食完又想食!不過如果更熱會更好。泰式生蝦,蝦上已經有辣椒醬,所以都幾辣,但又辣得很過癮,蝦亦夠新鮮夠甜。鹽焗烏頭,肉質還OK,點了泰式醬汁後提升了鮮味。麵包焗咖哩軟殼蟹,因為太懶不想開殼,所以點了軟殼蟹,麵包份量很多,不用多點麵包食,麵包焗得香,咖哩味亦算濃郁,很飽肚。蒜蓉炒貴妃苗,份量比想像中多,而且清香。冬陰功海鮮金邊粉,海鮮份量很多,冬陰功湯底夠濃夠惹味,喝後非常溫暖。龍眼冰

第一次幫襯新泰, 上到8樓, 好多人, 店員帶我地上9樓9樓係露天, 有暖爐,環境令人好relax珍多冰$38椰汁味濃,甜度剛好蛹蝦$78外面包左層脆卜卜既野,好香口,入面既蝦爽口彈牙,點甜酸醬好味生蝦$98食泰國野唔可以唔叫生蝦, 上面D辣椒已夠辣,點少少醬已經夠蒜蓉炒貴妃苗$82蒜蓉味濃,有鑊氣,唔油膩咖哩軟殼蟹$208拆蟹太麻煩,所以揀左軟殼蟹,估唔到個麵包咁大,初頭驚唔夠點咖哩,加多左個薄餅薄餅好鬆脆,唔點咖哩就咁食都好味道無叫冬陰公湯所以叫左冬陰公海鮮金邊粉$75可以食金邊粉之餘又可以飲湯冬陰公有酸味有辣味,香料味十足,好惹味3個人埋單$766,每人$255,食到好飽,

新泰是我倆甚為喜歡的泰國菜餐廳，而它最近在尖沙咀增添了一間分店，地點更見方便，也讓我們更加非到不可。相比灣仔分店較華麗的設計，尖沙咀的這一間分店顯得更有東南亞風味。在門口迎接我們的一對小象，同時架起了餐廳的名牌和卡片，狀甚可愛。餐廳的牆上有形神俱備的大象雕塑，也許這間分店的設計主題就是大象？餐廳裝潢設計的風格與現有的分店相約，但這間分店的燈光較暗，頗有情調。餐廳的面積甚為廣闊，到訪的那一天人客不多，我們可以隨心地坐在窗邊的卡位。看著繁忙的街道上人們和車輛熙來攘往，而我們卻在靜享晚餐，有種強烈的對比，也別有一番體會。【椰青】餐廳的椰青斤兩十足，而且味道清甜，椰肉還十分軟熟，很出色。【軟殼蟹米紙卷】米紙卷用上大量的蔬菜製成，味道清新，米紙的口感煙韌但不會太厚，唯獨是軟殼蟹的份量不多，吃的時候被其他材料蓋過去了。【奶油大蝦】大蝦被一分為二，一人一邊，但份量其實一點也不少。大蝦不單外形上像是龍蝦，連口感也十分相似，蝦肉是非一般的結實彈牙。奶油醬汁的質感沒有想像中的濃稠，而味道也不會太濃或太膩，正是恰到好處，整體是很惹味的一道菜。【咖哩南瓜海鮮】掏空了的南瓜盛載著滿滿的海鮮，看著讓人歡喜。海鮮的

每逢冬天，特別想念在泰國的日子，可惜未有假期，唯有拉朋友到泰國餐廳品嘗太菜回味一下。 今次來到位於尖沙咀北京道的［新東南亞餐廳］。 這裏非常有泰國風味，傢俬也木色為主，簡潔得來很有格調，很有泰式渡假的感覺。 吃泰菜當然少不了肉骨茶，先點了個小份，內有排骨、冬菇、豆卜等。肉骨茶熱騰騰，散發着香濃的藥膳味道，大口吞下，讓暖流又食到進入肚子，冬天享用最適合不過了。在品嚐湯料，肉骨茶的味道已深深地滲透在內，配個白飯是最適合不過了！ 肉骨茶過後，點了合奄列海鮮炒飯，打開香濃嫩滑的奄列蛋，全是熱騰騰而金黃的海鮮炒飯，內裏有魷魚、蝦、小蕃茄、蘿蔔、青豆等。 吃起來很有鑊氣，加上奄列蛋的香濃，海鮮的鮮味， 十分滋味。最後當然少不了泰國凍飲吧！點了一杯芒果沙冰，色澤鮮艷、涼爽清甜，芒果味純厚，沙冰幼滑、口感細膩。

大家食泰國野一定有不同體驗,次次食總係會又迫又熱,坐得唔舒服,今次帶左小胖女黎呢間新泰食泰菜,非常之有驚喜,首先地方係樓上鋪,上到黎其實都多人開緊餐,留意到呢間餐廳走優閒路線燈光柔和,安排坐上一層露天位,可以一路食一路欣賞尖沙咀既夜景,環境同格局無得彈,閒話小說,立即叫野食,首先第一道當然係小弟至愛頭盤泰式生幔刺身啦,隻隻都好鮮甜,識食朋友一定要用佢做頭盤,非常開胃之後點會少得一個熱辣辣既靚湯呢?冬陰功亦都係必叫之選,配料多多,湯又夠哂入味,小食方面叫左串燒,蒜蓉包同雞翼,份量足夠,味道非常出色,主食就分別叫左馬拉盞炒通菜同泰式肉碎炒飯,火喉十足,但最過癮一定係個肉碎炒飯第一啖食無咩野,之後一路食一路谷出黎既辣味真係慾擺不能,太辣的話,當然要飲返隻即開椰青啦,飲完即時爽哂

香港開左好多泰國餐廳，不過質素參差，真係要食過先知係唔係真係好食，今次就去咗尖沙咀同朋友開飯，揀選泰國餐廳，我朋友唔食得辣所以叫嘅嘢食都係比較清淡及甜呢！熱香茅茶＄33好得意，本身以為會有啲辣，點知原來係甜甜地好香，係屋企都不如自己試吓沖。椒鹽軟殼蟹＄78雖然香脆，但整體口味比較鹹，大家都覺得比較普通，如果用飯來中和會比較好，不過我哋都冇叫因為叫咗一個金邊粉。泰珍珠椰菜苗炒香菇$82這個比較清新立即中和之前的鹹味，香菇亦都非常有彈性，整體清新而且裏面乾淨，食落爽口之餘不失香味。泰式蝦炒金邊粉＄98金邊粉比較乾身，有少少似平時食嘅乾炒牛河不過味道就有少少甜，隔離又有花生可以話係非常豐富。最特別係表面嘅蛋花充分體現出廚師精湛的廚藝，不過其實就冇乜特別味道，真的是吃手工貨！

聖誕前夕，想搵個寧靜環境食晏，呢度係唔錯嘅選擇！環境舒服，有好多卡位，而且望到街景。其實Lunch Set 價錢未算平，但勝在有泰籍廚師，感覺上正宗一點！泰式海南雞飯賣相吸引，有湯有前菜很豐富，朋友說味道不錯，最緊要是無骨的海南雞！星洲喇沙蝦米粉未食已經聞到好香，湯底有驚喜！有種我在新加坡時食的喇沙味道！椰奶及紅咖哩的辣味配合的很好！而且配料充足，蝦肉彈牙！唯一不足的是米線煮過龍，太淋...蒜蓉炒貴妃苗如果鐘意食爽脆的菜苗就啱晒你！很fresh,又不乏蒜蓉味！椰汁糕很迷你很可愛！2-3啖就食完，椰汁味重！咖啡普通咖啡機沖出來的咖啡味，沒有什麼特別。

​ 有朋自遠方來，不亦樂乎？新加坡嘅親友來到香港， 除了早上和下午食茶餐廳之外，晚上還可以試一試多國菜。 新加坡人都鍾意食泰國嘢， 因為口味同新加坡菜有些相似。 餐牌選擇多，不過大家都崇尚健康， 所以選擇的食物就偏向健康。 香芒軟殼蟹米紙卷＄88 外皮好似粉皮，煙韌版的粉果皮。 裏面有啲粗版粉絲，紅蘿蔔絲，軟殻蟹和花生等等⋯ 口感都幾豐富，仲有好多生菜，柔軟實淨乜都有齊。 不過就唔係太食到軟殻蟹嘅香味，口感雖然豐富但味道有欠突出。 泰式炒雜菜＄72 包含左五種唔同嘅蔬菜以上，炒得爽口，同平時白烚嘅好唔同， 但係食落油分不高，好啱我哋講健康嘅人食。 泰式菠蘿炒飯＄108 菠蘿炒飯就真係Fusion，裏面竟然有臘腸！ 本身平時泰國都係加蝦米，但係臘腸真係好驚喜。 成隻菠蘿裏面有好多菠蘿汁， 加埋每一粒飯粒都有少少菠蘿香甜， 肉鬆及花生又是另一款口感。 每一粒飯色澤均勻，質感軟熟。 少量蝦仁及腰果，成個飯夠豐富了。 新泰東南亞餐廳 尖沙咀北京道12A號太子集團中心8樓

年尾食左隻無情雞，心情當然係不好受。 女朋友知道左就約左我出黎食好西，調整下個心情。 帶左我黎尖沙咀北京道的<<新泰東南亞餐廳>>，品嚐泰國野。 餐廳裝修得好泰國風，而且似乎係新開冇耐。 除左卡位，連圓台枱都有，方便人多可以坐得舒服D。 先點了個<<肉骨茶>>，雖然係S份量，但其實係夠四個人分。 最驚喜的是十分足料，冬菇，排骨，豆卜等，陣陣的中藥味燉得好香。 <<蜜糖燒肋骨>>有六到七塊。入口甜甜的蜜糖味，但肋骨又燒得好香。 <<越南烤蔗蝦>>，一碟四個。賣相都唔錯，入口啖啖蝦肉呢，好滋味。 飲品就點了我最愛的<<青檸梳打>>，酸酸的，又有氣，好解胃氣及油膩感。

適逢朋友的生日，決定齊齊去食泰國菜慶祝。由於已訂位的關係，去到不用等位。仍是聖誕假期的日子，還不限用餐時間，可以慢慢食，慢慢聊天。甫到達，先在外看到新泰名牌 及 泰國擺設。進去後，安排我們坐在看到大象的位置。很少看到這麼大的象擺設啊　另外，還看到牆上掛有泰王的照片。他們真是身在香港，但心繫泰國未品嚐食物，已先感受到那份濃濃的泰國的味道了整間餐廳的服務生都是泰國人。。。　我們以廣東話點餐，他們都聽得懂服務生態度有善，盡力滿足客人的需要　香芒牛油果軟穀蟹卷脆脆的軟穀蟹，配上香芒牛油果的鮮味，不錯啊蒜蓉炒貴妃苗淡淡的青草味加埋蒜蓉，簡單得黎，又幾好味喎鐵板蠔仔炒蛋充滿蛋味加蠔仔，蛋又脆，雙重味覺享受馬拉肉骨茶湯底略嫌淡左少許，湯渣豐富，有豆卜、冬菇、豬肉南瓜布甸布甸帶有南瓜及椰汁味，甜味適宜。南瓜肉略帶苦澀，令整體扣分椰青椰青水清甜，椰肉美味，但較難刮取不太喜愛泰國食物的我，都覺得各款食物都很美味可口，日後值得再來食

尖沙咀食泰國菜，首先就是之前去過其他分店的新泰東南亞美食。今次同一班麻甩佬黎食飯，預咗唔係食得飽，主要係食少少肉類同埋飲酒。佢哋好鍾意食魚，所以都揀咗個泰式明爐魚＄188下面真係有火坐熱，食起上嚟熱辣辣之餘唔算好鞋口，新鮮度都算OK ,其實係烏頭魚。表面有芫茜，蔥花以及紅蘿蔔碎等等，都幾豐富，調味不錯咸香十足。越式香茅豬扒＄68呢個價錢嘅豬扒份量都算多，而且整得好入味，好有香茅味，啲豬扒質素好味過沙嗲王，尚算鬆化不過唔係鬆肉粉嗰種味道。要來送酒都唔錯。飲咗好多啤酒$118一大渣，最啱就係一路食啲嘢一路傾計，都夠兩至三個人飲用架啦！

成日係facebook 見到人食新泰, 今日專登試下, 不過因為啱啱睇完戲, 食左爆谷, 所以只叫左少少...泰式生蝦 一碟大約有6隻蝦, 生蝦都算大隻, 唔錯, 用左大量冰塊墊底,  生蝦新鮮, 鮮甜, 少少辣辣地, 每隻生蝦都有一少塊檸檬比你. 本人覺得加左少少檸檬汁令蝦鮮味更特出.蟹肉炒粉絲粉絲上面有好多蟹肉, 除左蟹肉外, 仲有越式扎肉, 芽菜, 青椒同黃椒,  粉絲好爽口, 而且好入味! 甜品: 棷青大菜糕同原圖一樣， 原個棷青上枱, 大菜糕用左棷青水加棷青肉整, 好鮮甜, 好正!如果你鐘意食棷青肉就要必點, 因為佢幫你將棷青肉刨了出嚟, 唔洗自己整得咁用力.環境方面: 坐得好舒服，每張枱都有cushion，一嚟到仲有暖水供應

今日係尖沙咀行街時, 得知平時食開灣仔個間新泰係尖沙咀開左分店, 好近isquare, 好方便, 就入左呢間食.炒貴妃苗: 好好味, 雖然$82, 好似有d 貴, 但平時係supermarket 都要買成$30一包, 而且佢將貴妃苗握實, 比足料, 用蒜蓉炒, 好有蒜蓉味, 好好味. 必點~南瓜焗咖哩海鮮: 咖哩好濃, 唔辣, 仲有少少南瓜的甜味. 裏面有蝦, 青口, 魚, 魷魚, 仲有少少雜菜係底. 海鮮係用左少少炸粉煎過, 好味. 而且賣相一流.棷青沙冰: 同某某大王個d 冇得比, 好香棷青味. 唔甜! 見到佢應該用棷青水整沙冰, 好解渴. 正!

小胖男友係泰菜狂熱份子 基本上九龍城九成既泰國菜我都陪佢試過 最近約出朋友係尖沙咀飯聚 佢又泰菜癮起係openrice搵到呢間係isquare附近有不少好評既餐廳餐廳有上下兩層 店員安排我地坐樓上室外既座位 由於果晚既天氣已經開始轉涼 所以我地都非常樂意坐係室外打開餐牌 好多野都想食先一人整返隻椰青嘆下先第一樣上菜既係小胖男友最愛泰式生蝦刺身除左蝦要夠新鮮 個汁都非常重要 今次呢個汁就夠晒辣同開胃 正第二樣黎到既係冬陰公湯 味道不錯但就略嫌唔夠辣 辣d會相信會更惹味串燒既肉質頗嫩 $68有六串 可以豬牛雞三拼 絕對係抵食之選另外小食仲點左蒜蓉包同邪惡既蒜蓉牛油雞翼雞翼炸得非常香脆仲有好多隻 唔怕唔夠分食泰菜當然唔少得馬拉盞炒通菜炒得夠獲氣之餘 份量亦不少最後上場既泰式肉碎炒飯睇落平平好奇 原來一d都唔野小食落第一啖唔覺辣 但漸漸辣味隨之而來 令嗜辣既我們大叫過癮! 臨走前襯少左人影下個環境的確 係焗促既尖沙咀裡呢度真係一個難得既舒適空間

新泰東南亞一直都好出名, 今次咁岩去開tst做野,就上去食個lunch。一去到見到裝修用木材和泰式的雕刻,燈光又有feel,座位好寛好舒服,侍應都係講泰文,好有泰式风味同同事一齊叫左2個lunch set同甜品,午餐一律75，有七款， 包餐飲。加28蚊有小食,揀左馬拉盞炒通菜,香噴噴,調味啱啱好,好夠火喉,炒出黎好香,條條通菜都是嫩嫩的,加上馬拉盞超有蝦香味,同時加左馬拉盞都唔會太咸,香口又惹味。味道豐富。海南雞飯,整個飯餐以便當盒形式,一個餐有齊湯,餸,菜,飯,有冬瓜湯,清清淡淡,雞湯味。海南雞肉嫩滑,而這飯的雞全部都是採用雞胸部分另有雞翼,雞滑,肉質軟淋。雞件份量相多, 雞肉無雪味, 質地滑, 肉質嫩油飯軟硬適中，味道不會太咸好香,另附有蒜蓉炒菜有菜有肉有湯同飯。另配蒜蓉醬,泰式辣醬不錯,好惹味黃咖喱海鮮配白飯,黃咖哩好濃味,好多料,魚柳份量好多,有魷魚,送飯一流。另外泰國菜必點甜品,甜品小拼盤,有椰汁千層糕,大菜糕夠曬煙韌,黃色煎糕,多種糕齊集,食落好香好濃椰汁味。椰汁糕上下層口感好正,粒粒西米口感豐富,甜度適中。