新泰東南亞餐廳 (太子集團中心) (已結業)

有一段時間沒有嚐過泰菜，突然好想食，所以今晚即興相約好友到新泰東南亞餐廳開餐。餐廳闊落，座位頗舒適，我們坐靠窗位置，還可遠望到維港海景，不錯。泰式柚子蝦沙律 ($98)要取決柚子沙律的好味之處，固然要看柚子的質素。柚子肉有一半是甜而多汁的，但亦混有少部分果肉帶甘苦味，有待改善。除柚子肉外，其實沙律汁做得頗出色，酸甜微辣，醒胃！椰青沙冰 ($55)堆得像沙高的椰青沙冰似吸極也吸不完，份量滿滿。將椰青肉幾乎刮淨，混合椰青水及冰粒攪碎而成的沙冰，淡淡椰香，味道清甜又解渴！泰式炸蝦餅 ($78)蝦餅是泰國菜中，其中一道我很喜歡的小食之一。熱辣辣的蝦餅十分厚身，吃得出蝦肉的比例很高，鮮味爽彈，值得推介。蒜蓉炒貴妃苗 ($82)貴妃苗夠青嫩，吃落無渣，而且調味清淡，好味。沒有點任何飯麵的目的就是要留肚吃芒果糯米飯。芒果糯米飯 ($62)黑、白糯米軟糯又煙韌，混入椰汁，每口都滲着清淡的椰味，再夾着香甜的芒果一齊吃，配搭得很好！－－－－－－－－－－－－－餐牌

要喺老尖搵間環境舒適同食物出色既餐廳的確唔易，今日比我搵到間以尖沙咀黎講CP值算高既泰菜，地方寬敞，食物有返咁上下水準，我覺得好過九龍城一帶好多，位置又方便，值得推介是次點了5款食物有冬蔭公、蔗蝦、雞肉生菜包、炒貴妃苗、明爐烏頭，通通都是水準之作，好味非常

估唔到炸蝦餅同炸魚餅都咁好食！個魚餅係橙橙地粉粉地色！同係泰國係個種一樣！魚餅仲有陣陣冬蔭味！好正好好食！個蝦餅都不得了！好彈牙啊！仲有好勁既蝦香味！好正！叫左個泰式豬手食！真係好正啊！估唔到豬手係咁！個皮有烤過個種脆！但又唔會好似廣式個種全部都係脆！豬皮仲有種好似煲湯個種好滑好有膠質既感覺！豬肉勁嫩勁滑！輕力推就會分開！好好食！豬肉又夠入味！勁滑嫩既豬肉同有膠質既豬皮一齊食！好正！個汁係黑醬油！同豬手好夾！最後整番個甜品小拼盤！個椰絲餅勁好食！煎都好香！又有椰絲香味！其他椰汁糕都好正！綠色果個勁彈！

貓貓又食泰國野。今天兵仔帶貓貓食好西。入到餐廳好高貴。仲好舒服，最重要係張檯夠大，唔洗同人逼。見到餐廳已經好開胃。生菜包就食得多，但鴨肉生菜包就冇食過，所以叫左黎試下。好多香料，入口好多味道爆曬出黎，泰惹味！鴨肉有少少辣，但個辣味整到貓貓好開胃，生菜綜合返鴨肉既味，令整個菜色更有水份。見到餐牌上個南瓜焗海鮮飯已經流曬口水，貓貓估唔到整出黎既南瓜焗海鮮飯同餐牌既相一模一樣，好靚喵。南瓜既甜味完全融入飯度，個飯好香甜。個海鮮有青口，大大粒既蝦，魷魚，樣樣都新鮮。餐廳整既野都好高質好味，環境又一流，係貓貓食過最好味既泰國菜。

不嬲好鍾意食泰國嘢，以為一定要去九龍城先有正宗嘅泰國嘢食。但係原來呢間泰國嘢，正宗得黎環境仲好舒服，而且服務員都係泰國人，嘢食都上得好快。但係美中不足嘅係，我哋喺食完先知道原來佢有戶外嘅座位，如果大家鍾意坐戶外嘅話，可以問一問服務員先。喺食物方面，佢個椰青好清甜，而且都好大個，啲椰肉都好容易起到，而且好爽口。 生蝦就好新鮮好彈牙，隻隻都好大隻。 但我不嬲唔好食開辣，就覺得比較辣，特別嘅係佢會有埋檸檬，個酸味可以中和小小辣。因為一直都未食過泰式嘅爐魚，所以就叫咗一個試下，兩個人食，要個白飯啱啱好。有啲酸酸地，好開胃，烏頭啲肉就比較實，盲鰽的肉就比較滑，所以我哋揀咗盲曹，但係就比烏頭多少少骨。而且佢仲好貼心咁俾多碗汁， 可以一路食一路加，咁條魚就唔會乾，佢仲有一個辣辣地嘅汁可以點。整體嚟講嘢食好高水準，但係因為環境比較好所以會比 一般嘅泰國餐廳貴少少，菜式有好多選擇，特別係甜品有好多好特色的選擇，下次會再黎試埋。

今日去尖沙咀同A先生傾佢間野d問題，就選擇左食佢最鍾意食嘅泰國菜，都算有啲海景環境唔錯。餐牌選擇多多，無論係嘢飲，主菜，粉面飯定係甜品款式多樣化。椰青沙冰＄50用咗椰青裏面啲椰肉整成嘅沙冰，非常清甜但係甜美又唔會好濃，甜味剛剛好，而且好似飲極都飲唔完，所以我哋就分享。鴨肉生菜包$78生菜包原來都分幾種唔同嘅肉類，我哋就選擇左鴨肉，其實鴨味唔算太濃亦都唔係好食得出，如果想平平哋嘅話其實可以選擇，因為價錢出入都算大。啲生菜好的骰，所以鴨肉多個生菜，如果多啲生菜就會好啲，d肉都幾香辣！泰式菠蘿炒飯＄108菠蘿炒飯一食就知道係新鮮菠蘿，唔係重用嗰啲。所以可以整到好多菠蘿汁同埋菠蘿肉出嚟。表面都有啲肉鬆，腰果，鹹香十足。另外本身炒飯有好勁嘅黃色，主要係菠蘿味，甜甜地又幾清新。冬陰公海鮮金邊粉＄75冬陰公比想像中一般，因為味道比較清淡唔夠香濃，好彩裏面海鮮份量夠多搭救，裏面有兩隻青口，幾款魷魚同埋蝦，金邊粉就偏向稔身，由於裏面有好多香料，好容易將香料同埋金邊粉一齊食，自己就要小心啲，另外亦都有好多粒草菇，好豐富！！

小食拼盤有炸蝦餅、炸魚餅、生菜肉碎、春卷，非常豐富！炸魚餅同蝦餅一分開為二，方便share, so good!炸漿唔厚，食落唔油膩好彈牙，口感不錯！再醮上泰式辣醬，同黃色類似芒果+波蘿味既醬汁，酸酸辣辣，好特別好惹味！春卷唔太油膩，入口超鬆脆！裏面包左大量既蔬菜絲同粉絲，口感層次非常滿足！食泰菜當然唔少得生菜包喇！肉碎粒唔算太細，有嚼口，味道夠辣！肉碎既份量夠哂包生菜，生菜冇爛葉，值得加分甜品拼盤（小）有三款糕！千層椰汁糕就係我最愛！糕身口感煙韌，面層再加上少少椰漿一齊食，美味程度升級！！椰青抵飲又好味！椰肉夠多夠嫩，椰青水清甜！

今夜星期六同好姊妹聚會，作為「辣妹」既我地揀左食泰國菜！香芒軟殼蟹米紙卷，包住鮮甜芒果肉、爽口既蔬菜絲、軟殻蟹，咬落去口感太豐富了!!軟殻蟹雖然經過油炸，但冇太蟹既油份，配上清新既芒果同爽口蔬菜，真係絕配！米紙半透明，薄薄的，口感煙韌，好食又好睇！冬蔭公海鮮炒飯好足料！！！海鮮有：大蝦、青口、鮮魷魚鬚，再加入香料，味道帶辣！但又唔會辣得太過份，夠刺激！😂香濃既椰汁三色冰，係解辣既最佳拍檔唷！！！

我和男友一向鍾情泰國菜，今次終於離開九龍城，去尖沙咀搵食。麵包焗咖喱軟殼蟹（$208）非常出色的一道菜，簡直係色香味俱全啊。😀麵包烤得鬆脆內軟，有牛油香。咖喱汁帶有蛋花，濃度、稀稠度剛好，配上麵包，是絕好的配搭！微甜，不會太辣。軟殼蟹炸得鬆脆， 卻又能保存肉汁！我哋兩個人都好快K.O.晒！鐵板蠔仔炒蛋（$88）炒蛋幼滑，配上肥美的鮮蠔，很滋味呢。蠔仔炒蛋可點酸甜的泰式醬，令人胃口大開。和男友點了一杯mocktail。Virgin Lychee Mojito(＄48）薄荷葉酒平日喝得多，配上荔枝肉則是意想不到的清新。荔枝的甜恰好中和了薄荷葉的草青味，很特別。😍比起九龍城，餐廳環境較舒適，是鬧市中舒服吃飯的個好選擇。食物口味甚為正宗，價位亦與九龍城相約。侍應大多是泰國人，所以要用英語下單😳，態度友善，仲好好笑容，又會成日經過睇吓我哋有咩需要，值得一讚。

朋友介紹一間位於尖沙咀既泰國菜，因為環境好舒服，食物質素高，價錢又合理，服務又一流，所以朋友極力推介呢間餐廳。今日天氣有點涼，黃景好開陽，本來有少少凍，但好彩有暖爐，感覺非常之舒服同溫暖，真係好正炸蝦餅蝦餅好脆，炸到熱辣辣，蝦餅非常之彈牙，蝦味好濃，點埋泰式辣醬，味道好夾，好惹味蒜蓉焗扇貝 $98 兩隻扇貝每一隻都有一隻手掌咁大，扇貝上鋪滿左一層厚厚嘅蒜蓉，所以好香蒜蓉味，扇貝焗得啱啱好，多汁之餘亦都好彈牙，非常鮮甜。冬陰公海鮮金邊粉冬陰公湯非常好味，酸酸地，辣辣地，香料味好香，味道好複雜，配料有好多，有蝦、魷魚、青口等等，金邊粉索晒啲冬陰公湯，非常啱味非常非常喜歡呢一間泰國餐廳，因為食物非常之有泰式風味，好似去咗泰國咁，而且食材好新鮮，價錢又非常合理，一定要俾個讚佢！

今日同朋友farewell去左尖沙咀新泰，好似開左無耐，由於較低層已經無咩位，上左半露天層，其實有蓋o既，只係樓底比較高，同四面打通左，有d涼，但佢地好窩心放左暖燈座，好有feel，鬼妹仔朋友好鐘意!一坐耐order無耐就上左我地叫o既 “香芒軟殼蟹米紙圈”，個人認為係全晚最好食o既首選！(*V*)，呢個半透米紙圈，包住鮮甜芒果肉，一半係大大舊軟殼蟹，一咬落去口感太好!! 米紙薄薄的，軟殼蟹好脆口唔油膩，加埋芒果同檬粉絲又係另一種口感，生菜同芒果清新得黎，又扺消左炸野o既熱氣，食完想再夾，可惜再回頭 “想添食” 時朋友已經夾曬 (>m<)我地仲叫左個青咖喱羊架，賣相好叻，不過由於我個人偏好椰汁重o既青咖喱，覺得呢個唔夠重椰汁味，羊架唔韌，但肥左dd，同埋可能露天關係，凍得比較快，所以跌左唔少watt，建議佢好似個椰子雞湯咁，攞個wok仔開住個火煮住上，應該會正好多~~

朋友要轉工，離開尖沙咀這個工作了十多年的地方 以後不能一起食LUNCH 了~ 唯有臨別秋波，食個DINNER 細訴~ 無黎一排北京道，估唔到又多左一幢美食大廈~ 今次就揀左位於8樓的呢間 新泰東南亞餐廳 一開LIFT 門，已經見到好有泰國FEEL的裝置，證明無去錯地方啦~ 雖然位於尖沙咀呢D租金昂貴的地段 但座位依然寬落，仲有適合一大班人的圓枱添 圓枱，真係除左中菜外，算係少見的了~ 兩邊窗都有落地玻璃卡位，感覺開揚又私隱，我食飯最鐘意就坐呢D位架啦~ 望出街外，真係有居高臨下的感覺，好彩我無畏高者 呢度望到少少海邊，打文時突然想起，放煙花時唔知睇唔睇到呢~ 甫坐低，泰待應就送上了暖水，在呢個天寒地凍既日子飲到杯暖水，真係好貼心呀~ 餐牌的食物多，圖片又吸引，選擇困難症又病發了~ @@ 價錢方面，由七十幾的小食到百幾蚊的主食~ 唔算特別平，但價錢合理~ (無忘記呢度係尖沙咀區呢) 點左菜後，唔使15分鐘，全部菜都送上了，速度真係快到驚人~@@ 第一個送上的，竟然係馬拉盏通菜~ 有D意外~HAHA 就算一個通菜，都係有造型架~ 高高地一個，尤如一座小山丘~ 菜炒得很鮮綠爽脆，馬拉盏唔會太

放工時間很早，與朋友6點多便共進午餐～餐廳雖然是泰菜食肆，但門口都掛了中式新年掛飾。座位挺多的，時間尚早所以人客不多，更可以被安排坐窗口卡位。餐牌選擇真的好多，樣樣都想吃，對於有選擇困難的我，決定選擇廚師推介及2016年最多人點選的菜式。心情好自然想吃更多，今次點了6樣美食加兩款飲品。泰式柚子蝦沙律 ($98)沙律屬冷盤，柚子很清新，配上蝦肉及腰果，加上醬料，又酸又甜又辣又有香脆，口感豐富，很開胃。泰式炸蝦餅 ($78)外面夠脆，內裡的蝦肉頗彈牙而不鬆散，啖啖肉沾上泰式醬料，質量均不錯！蒜蓉越南牛油雞翼 ($68)蒜蓉超級多，外表看起來遮蓋全部雞翼，想必雞翼會非常入味，果然如此，一咬外皮微脆，而且牛油味香濃，但不會感覺口腔油油的，肉質頗滑，幾惹味。蒜蓉炒貴妃苗 ($82)好好吃，貴妃苗很幼嫩，爽口又不油，簡直想encore哈哈，是最快清曬的一碟^^!芒果糯米飯 ($62)雖是甜品類，但每次吃芒果糯米飯都會很飽腹，熱辣辣送到，有黑糯米和白糯米，黏黏的，煙煙韌韌的，有椰香味，而芒果略帶酸，反而中和了糯米的甜度，正合口味。南瓜布甸 ($62)賣相吸引，南瓜肉非常"林"身，南瓜蓉連布甸一次過放

尖沙咀北京道12號有一棟商業大廈新開將，大廈內有好多食肆，其中一間係泰國菜，一向都好鐘意食泰菜，我見新開張，一定支持下。呢間餐廳分左兩層，八樓係室內，九樓係室外，我地揀左九樓，因為環境好開揚，座位亦都好舒服，感覺好輕鬆，好似去左泰國渡假咁。炸蝦餅外面好脆，蝦餅好彈牙，好明顯蝦餅係師傅用咗好多心機剁成，所以好有蝦味，又好彈牙燒原隻魷魚魷魚筒好新鮮，亦都好彈牙，燒到啱啱好，外層好香口，而最好味就係個醬汁，辣辣地酸酸地，提升魷魚筒嘅鮮味，一流馬拉盞通菜馬拉盞好香，有好多蝦米仔，所以好香蝦米味，而且通菜好嫩，其實而家並不是通菜季節，咁嫩既通菜應該係泰國空通過黎，所以特別爽嫩新鮮椰青個椰青非常清甜，好新鮮，椰肉亦都好香椰子味同好滑，好泰呀。

Happy Friday !難得同女朋友去尖沙咀拍拖,即刻做功課睇下有咩好食又好坐既地方。（$98）金邊粉賣相超靚，份量好足。啲蛋漿整成一個網，好睇又食得。麵條好有嚼勁，蝦仁果d都好新鮮。不過可能因為我喜歡點砂糖，佢伴碟卻只提供花生碎，如果有埋就更完美！番石榴沙冰（$38）好清新。大讚既係通常啲沙冰成日間唔中有一兩粒大冰，不過這杯一點冰碎都沒有，好滑。值得讚嘅！女友都唔太食主食，一黎到重點已經去左甜品，我當然奉陪到底！甜品拼盤（$148）真的超抵讚！芒果糯米超軟又有咬口，配的熱椰汁又正！（係熱椰汁！）千層榚又Q又唔會過甜。食完都想再食。另外果個香蘭葉椰汁糕都好香，又有濃厚粟米味，西米不會黏稠稠的。正！ 整體感覺挺不錯。店員都幾友善。露天環境又靚又有格調，不過當然都有其壞處就是啲食物很快涼左。手機食先的朋友要注意。