新泰東南亞餐廳 (太子集團中心) (已結業)

尖沙咀食泰國菜，首先就是之前去過其他分店的新泰東南亞美食。今次同一班麻甩佬黎食飯，預咗唔係食得飽，主要係食少少肉類同埋飲酒。佢哋好鍾意食魚，所以都揀咗個泰式明爐魚＄188下面真係有火坐熱，食起上嚟熱辣辣之餘唔算好鞋口，新鮮度都算OK ,其實係烏頭魚。表面有芫茜，蔥花以及紅蘿蔔碎等等，都幾豐富，調味不錯咸香十足。越式香茅豬扒＄68呢個價錢嘅豬扒份量都算多，而且整得好入味，好有香茅味，啲豬扒質素好味過沙嗲王，尚算鬆化不過唔係鬆肉粉嗰種味道。要來送酒都唔錯。飲咗好多啤酒$118一大渣，最啱就係一路食啲嘢一路傾計，都夠兩至三個人飲用架啦！