新泰東南亞餐廳 (太子集團中心) (已結業)

沒有訂枱，八樓已全滿，侍應請我們上九樓。一看別有洞天，是個花園式天台，好有東南亞渡假風情，突然整個人豁然開朗。椰汁冰 $38愈飲愈淡的椰子汁串燒(雞牛豬) $88沙嗲醬不夠香，花生醬份量可以重些，才能更惹味。鐵板蠔仔炒蛋 $88蠔仔肉瘦，味道亦很一般。純粹叫黎過下口癮～越式蟹肉炒粉絲 $98整碟粉絲十分油膩，加上作為主角的蟹肉明顯不是佳品，又梅又沒有味道...看見餐廳正評頗多，可是整頓飯感覺並沒有想像中良好，或者係我唔識叫餸，叫哂全餐廳水準之下的菜色

同媽咪行完街想食泰菜，呢度環境氣氛好，好黎呢到食～菜式見到呢兩個好特別，出面其他泰菜餐廳無咁有創意好似呢度嘅配搭～越式燒春雞釀香茅黃飯：好特別竟然諗到用中式百寶鷄糯米飯嘅idea用落東南亞菜到，燒春雞大隻多肉，燒得外脆肉嫩滑，黃飯好惹味～酥炸香茅魚配青芒果沙律：炸魚好香口，炸得脆但唔油，青芒果沙律好爽口健康，非常好嘅配搭～非常滿意嘅一餐～

今日又同Mr.J去尖沙咀食晚飯，今次Mr.J帶咗我去食泰國菜。餐廳喺Isquare附近，都唔算難搵。我哋大約7點3嚟到，雖然係星期一，但都差唔多滿座。依度嘅環境幾舒適幾闊落，同朋友邊食邊傾都唔錯。今日食咗1)串燒(2)肉碎生菜包(3)馬拉盞通菜(4)冬蔭功海鮮炒飯第一樣嚟到嘅係馬拉盞通菜，熱辣辣又香噴噴，淨係聞都覺得好好味呢。依度嘅馬拉盞通菜調味啱啱好，好夠火喉，唔會太鹹，亦唔會好油，非常適合我口味。第二樣嚟到嘅係肉碎生菜包，生菜同肉碎嘅份量差唔多，生菜都有成6至7塊。肉碎炒得好惹味，少少辣，口腔內充滿哂金不煥嘅味道，而且唔算多油，不錯。第三樣係串燒，豬雞牛每樣有兩串，豬同雞都燒到啱啱好，裡面仲有唔少嘅肉汁，食落好嫰滑；反而牛就好似燒耐咗，比較乾咗少少。沙嗲汁甜甜哋好好味。最後嘅係冬蔭公海鮮炒飯，起初以為海鮮係平時食嘅雜錦海鮮，會係假蟹柳、小蝦、小墨魚等等，點知原來係大蝦、大青口、墨魚片等等，感覺不錯。雖然係冬蔭公炒飯，但唔會太辣，酸酸哋，幾開胃。整體上我同Mr.J都好滿意依間餐廳，雖然價錢貴咗少少，但味道好就最重要！(老師名言:辛苦賺錢志在享受！)

卡位好多而且好闊 好舒服依個越式燒春雞釀香茅黃飯真係好好食春雞燒到皮脆肉嫩外層超香，陣陣燒烤味加試蜜糖味好吸引！雞肉味道好好，有香茅味，而且好嫩滑！成隻雞除左雞腿同雞翼有骨之外，其他地方已經起哂骨，啖啖肉一切開雞肉就有香噴噴既黃飯出現黃飯好香口，同雞肉好夾！越式蝦米紙卷都好高質，米紙口感QQ好好食，蝦肉又新鮮彈牙好正加埋個醬汁多重風味好食！

朋友話想食啲好有特色嘅嘢食，不過又唔係放題又唔係日本野又唔係貴價西餐，原來係想食泰國嘢。大家都唔係特別肚餓嘅情況下，就決定叫一啲貴少少而且又特別嘅食物分享，我哋只係叫咗一個主菜就係～～麵包焗咖喱軟殻蟹＄208麵包果然好飽肚，兩個人食都夠晒飽，重點係中間嘅咖喱軟殻蟹，如果直接食嘅話就比較香脆但係如果點左醬就會變得軟林林，總共大約有兩隻蟹左右，真係香到爆。麵包本身都有啲香脆但係如果加左醬汁又係會稔，隔離嗰啲麵包可以快啲食就會再脆啲，咖喱就唔係好辣，不過裏面有其他青紅椒，辣度普通啦。唔食得辣都可以叫！椰汁木薯$62好多餐廳都無得食木薯，呢度有得食都算係特別嘅甜品，木薯其實冇咩味道，不過就好似番薯同埋有少少甜，上面嘅椰汁比較杰身，配埋起上嚟都幾好味。果然夠特色，值得一試。

今日又食泰菜啦！實在太懷念泰國菜，今日收工去左食好西。叫左個鹽焗烏頭。上次去泰國冇食到，今日一定要食。原來上邊一層皮唔食得，因為係魚鱗。攞開魚鱗，入邊既魚肉焗得啱啱好，唔會老，仲好多水份，呢個口感真係好正，原汁原味既魚，用鹽焗令到魚肉更加甜，最重要係新鮮，呢味菜真係食到魚既新鮮味。加埋辣椒醬又好好味，酸酸辣辣，真係食到好滿足。食泰菜唔可以少左生蝦刺身。呢個生蝦一食，辣得好刺激！酸酸辣辣，整到口有少少麻痺既感覺，真係好過癮！如果食唔到辣，可以整走辣椒仔，加埋檸檬汁，個味道真係好清爽，fresh，好開胃！呢間野之前係灣仔食過，尖嘴呢間同灣仔一樣咁高質，真係好抵。生蝦好刺激過癮，停唔到口，好快食曬。叫埋個甜品芒果糯米飯。糯米飯仲係熱既，冒緊煙，好香。食黑糯米加埋椰汁，好惹味，白糯米同黑糯米加埋一齊，再黎個芒果，香滑，高質！其實好食既野真係令人返尋味。今次冇令我失望，抵食！

黎食泰國野唔get a coconut 簡直不能接受 仲要12月天氣居然22-3度,WTH? 希望Coconut smoothies 應該可以控制到我嘅火勢繼續蔓延🔥原個椰青椰肉椰汁打出黎真係好解渴 唔會太冰 就係剛剛到位那種滋味🌴泰菜必食之青木瓜沙律嘅嗰股新辣刺激就未必個個食到 我同frd當然例外 食到底部分條脷好似俾橡筋彈咁 好㷫😆👍🏻（$78）'太辣就食唔辣架啦🤓' 所以叫個炒菜中和下先再辣過，參峇炒羊角豆你地有冇試過？參峇其實就似sambal 讀音，意思係辣椒。但呢個味道屬甜 有啲似沙茶味添 好秋葵嘅可以試下呢種煮法☺️（$82）是晚主菜為味道帶甜辣之咖哩蟹🦀（$208）除左朵花同隻碟 基本上其他都可以吞落肚😆先用麵包點 再黎滿滿嘅軟殼小蟹 再搣埋個已烘脆包。啲咖喱汁仲好似有少少滑蛋💟如果蟹可以分開上碟仲好 保持脆口👾食飽都要保持牙齒乾淨 連個牙籤盒都咁有心機！整個原木可以盒埋架😮

入口擺滿泰式裝飾品餐牌好多圖，好易睇［Virgin Lychee Mojito，$48］呢款mocktail由青檸、薄荷、荔枝，同梳打水調製而成，好清新呀［青木瓜沙律，$48］我食泰國菜必點！木瓜絲爽口，酸酸辣辣，非常開胃［參峇炒羊角豆，$82］羊角豆黏黏嘅口感唔係人人都鐘意食，但好彩我同朋友都OK。參峇辣椒醬非常惹味，用嚟料理羊角豆呢啲淡味嘅蔬菜就最夾不過［麵包焗咖哩軟殼蟹，$208］咖哩汁唔算辣，比較重椰汁香味，但十分好食軟殼蟹唔算大隻，不過炸得香脆，亦有鮮甜蟹味麵包烘得外脆內軟，點咖哩汁食一流

在熙來攘往、人流如鯽的尖沙咀走累了，特別想找一個寬敞、寧靜的餐廳吃一頓舒適的晚餐，為當天的忙碌作結。主打東南亞菜式的新泰，位於年輕的太子集團中心。餐廳佔據大廈的兩層，當晚八樓的座位全滿，被領去九樓入座，居然有開心大發現。九樓以森林作主題，到處都是綠葉植物作佈置，令人彷佛身處亞熱帶森林中。木桌木椅的款式，極具東南亞feel，和餐廳的菜式互相呼應。越式燒春雞釀香茅黃飯這道菜式是服務員推介的，果真很不錯。烤得金黃的燒春雞，外型脹卜卜，內裏釀着金黃色的香茅黃飯。春雞肉的肉汁被緊緊的鎖著，咬感很具彈性。可是，雞肉有點過鹹，如果能稍為回調一下味道會更好。香茅黃飯很香，味道非常好。沙律配菜味道甚佳，菜苗、紫洋蔥和蘿蔔絲，非常清新開胃。這菜式份量非常豐富，二人分着吃，已經飽了七成。越式香茅豬扒香茅豬扒啖啖肉，份量令人非常滿意。香茅醬汁非常香濃，切成幼細的香茅加進豬扒中，每吃一口，都能確切地感受到清香的香茅味。醬汁份量略嫌有點多，令整體的調味過鹹。串燒串燒有三款肉類可選，分別是雞肉、豬肉和牛肉。食客可按照自己的口味，點選自己喜愛的肉類，串燒一份有八串，我分別點了每款肉類各兩串。串燒燒得非常香，不會燒得太

今天一人行，試試新開的泰國菜。午餐一律75，有七款， 包餐飲。裝修用上木材和泰式的雕刻，而待應都是說泰文的人，放著泰式音樂，好有泰國feel 呀！我是見到海南雞飯必點之人，食過好多間唔同的,無論是快餐店定專食海南雞的，有感今天這家屬於普通。個冬瓜湯，是清清淡淡的，少少雞湯味。海南雞肉嫩滑，沒有特別的雞味或香茅味，有D白烚feel，幸而沾醬鹹鹹地又有少少辣，令個雞無咁寡。而這飯的雞全部都是採用雞胸部分（另有一小雞翼）。雞雖滑，肉質軟稔，但個人偏愛雞腿多一點滑溜同油份。油飯比一般的軟身，有少少雞湯味，食落都幾夠味的。最好的是這飯附有蒜蓉炒菜，口感爽脆，感覺營養均𧗽，有菜有肉有湯同飯。餐飲：奶茶-是港式的，茶味是夠的，無澀味，奶都算滑，在泰式餐廳來講，算不錯了。甜品： 椰青凍膏，味道清甜，好有椰青味，有絲絲的椰青肉，作為飯後一點甜，又幾稱職。以八十元左右嘆個飯，以食物來說是ok, 在尖沙咀有幾間有相約或更高水準亦更平的。若以座位舒適而言，這裡是無咁擠擁的。總括而言，ok 啦。

來尖沙咀一帶想食泰國野，揀左新泰。其實新泰東南亞餐廳有不少分店，品質有保證啦。北京道向西直行，好快就到，是位於尖東附近。環境清優，絕對是進食談天的好地方。率先叫左冬陰公湯，呢間餐廳好足料，看，其實有數隻大蝦，車厘茄，和菇，料算充足了嗎。但重點不在此，而是冬陰公味道香濃，酸酸地，微辣，好正宗！喇沙湯米線湯底呈傑身，喇沙味很香濃，好正宗，絕對唔係出面食過呈湯水的喇沙湯，調味不錯值得一讚。米線略嫌口感林左一d，有少少發脹的情況。但是配料豐富，像是免費般，比左超多！蝦肉爽口彈牙且保留蝦味，豆卜索盡湯汁，好美味。泰式爆田雞，不要被顏色誤導。它，並不算濃味，而且係唔辣嘅呢。配料多，食得到的田雞並唔多，熱辣辣的田雞好滋味，真心推介可以一試。椰汁木薯，味道不錯！！木薯口感比預期林。

Today is Anna Birthday, we choose Tsim sha Tsui for celebration the birthday together with her.一開始叫了 菠蘿沙冰另加薄荷葉， 飲品真材實料 好飲！(So cool !)越南鮮胡椒炒牛展分量足！ , that make us to eat a lot.  越式燒春雞釀香茅王飯一流泰式 蝦炒金邊粉 夠特別 又抵食 and the shrimp really very big !泰式醃無骨鳳爪沙律 好入味 and seems very spicy, but I really enjoy to eat it all !燒黃鱔夠香口 and the proportion is good enough for everyone to taste it !  We are so happy to have a wonderful night in this restaurant !  All the food are yummy and tasting good , we will planning  

呢間算係我食過最好食既泰國餐廳！之前同朋友係九龍城食過幾次泰國野，但覺得香料太重，我個人唔係太接受到。但呢度改良左啲菜，配合反香港人口味，令人容易接受同覺得好好味！前菜叫左泰國生蝦，係好大只既虎蝦。雪凍左，食落好爽口，肉都好結實！個醬係酸辣味，點埋黎食更開胃，惹味。不過一碟得五只，有啲唔係好夠喉串燒有牛、豬、雞三種肉，共六串，都幾大串下。肉質好嫩滑，食時仲熱。配埋沙爹醬食又係一流！提一提個醬，佢同平時啲沙爹有啲唔同，佢似係加左花生醬，好香花生味，仲有啲粒粒既果仁，幾特別，都幾中意呢個醬！其實除左牛肉串之外，我唔係好識分豬同雞我估呢個係雞肉牛肉串豬肉串（我估係呢）海南雞（半只）呢個又係要推既食物！本身以為半只去埋骨唔會好多，但都食到好多下！雞嫩滑唔左講，個皮仲幾爽下，啖啖肉，個人爽到不得了！佢配左兩個醬一個酸辣味，一個係疆蓉，兩種醬我都好鍾意食，所以梅花間竹甘點甜品--原只椰皇大菜糕本身都唔係話好好大菜糕，但其他食評推介，就試下！結果。。。真係好食到不得了！因為本身都好鍾意飲椰青，佢依家用椰青水整，好清甜，加上椰肉又林，每食一啖都好似個心都涼晒！雖然食飽飯，但好食到我自己都可以食晒成個（

這次來到尖沙咀樓上店，來到9樓的開放式位置，環境一流，感覺挺浪漫的，我們二人還坐下多人圓桌子，哈哈，超寬敞。先是三色冰，但說真喔，挺失望的。期待的是綠豆、啫喱，這個可能傳統的三色冰吧，加上感覺太藥水的味道了。芒果牛油果軟榖蟹rice roll，這個味道不錯。但在越南吃的會比較乾身，而且個人喜歡乾乾的。餡料的配搭新鮮，老少咸宜，唯一是蟹穀的油炸味太重點，幸好芒果可以減輕一下重口味。蒜蓉炒貴妃苗，其實第一次吃這個菜。感覺很新鮮，有點像外國超市賣的大包菜，哈哈，質感爽爽的，美味。（後來的客人想點這個，但已經賣光了，要點要趁早喔）奄列海鮮炒飯，這個味道不錯，帶一點點的咖喱味，只是蛋碎的味道太重油味了。但總括還不錯，很有東南亞的風味。

尖沙咀美食多，這次與朋友試一試泰國菜。與朋友有幸地坐到靠窗邊的位置，可以從高處看到尖沙咀的街景，很美。與朋友點了叻沙和青咖哩，另外看見燒豬頸肉也挺吸引便叫了一客。叻沙有豆腐卜、鮮蝦和雞蛋，米線帶點微辣而有咬口，我本來不太吃得辣，但麵和蝦的辣卻可接受到，但豆腐卜比較吸收了叻沙湯的味道，雖辣但真的辣得過癮。青咖哩是第一次嘗試，雖然咖哩加了椰漿，但個人覺得這還是比叻沙辣，需要喝大量的水解解辣。咖哩的香料豐富，令咖哩味道突出，配上泰國的黃油飯吃是一流的事。P.S.本來叫了一客黃油飯,但沒有拍到照。豬頸肉是喜出望外的一碟菜。豬頸肉燒的十分美，色澤亮麗奪人。我實在喜欺吃豬頸肉，因為脂肪比例比起其他位置少，肉質鬆軟得來帶點結實，吃進口不黏牙，而且味道濃郁，又不太有膩的感覺，會不知不覺地多吃了數件