新泰東南亞餐廳 (太子集團中心) (已結業)

第一次寫食評！原因係因為心裡真難受 ，要分享一下呢家食店既服務，今日下午同朋友慶祝生日，上openrice 睇好似唔錯，咪試下囉，因我同朋友都食煙既 所以上去前打上去問有冇outdoor，可唔可以食煙，女侍應話有、可以食煙 叫我地而家上去9樓，上到去9樓 係outdoor，但空無一人（侍應同客人都冇）！咁我就落去8樓問個究竟、我地話要坐outdoor,女侍應竟然話而家唔開outdoor!!我話我岩岩打過上尼問你地話可以、不過我講完都唔想再爭論，唸住同朋友離開 去第二度、跟住女侍應好不願意黑哂面咁就好快咁帶我地上9樓outdoor，上到去叫完菜我地唸住食煙 佢就話唔食得（說好的食得煙呢？），算！唔想爭論太多！咁我地就唔食，叫完菜、佢就同我地講佢地三點落場會上尼訓覺（原來佢地唔想我地坐outdoor係因為佢地就快落場要訓覺），我心唸唔緊要 唔關我地事，之後差不多三點有個侍應上尼食煙（說好的不能食煙呢？）係呢刻真係好嬲，然後女侍應又上尼見佢頭髮散開哂準備訓覺 將原本吹向我地既風扇另去佢果邊吹住佢自己！我同朋友o了咀 到底這是什麼服務態度 點解可以咁樣對待客人？呃左我地上尼，然後用咁既服務態度

今日又OT，唔返屋企食，約埋同事一齊食番餐好，泰菜也合口胃。呢間泰菜，有戶外環境，優美又優雅，吹下風食泰菜，最適合Hea，吹水、吹風，大家點了椰青，喝著好爽。好肚餓，先來過泰式蒜蓉炒貴妃曲，好像是小小豆芽幼苗，好嫩好爽咁，有D青草味，加左D香料炒，幾清新又有營。嘩，個泰式炒河來了，有蛋網幾得意，食時攪混佢，食落有少少茄汁酸甜，好開胃，加埋入面有D蛋、蝦同香料咁，好食，夠大碟啊。海南雞賣想唔算好美，但係唔肥膩，雞皮爽好滑，係好黃油雞，肉呢好嫩有香料味，配埋個泰式酸辣汁食，吊到雞味好佐飯。想食魚，健康D，叫泰式明爐魚，魚是盲鰽，但用泰式湯汁烹調，可以蓋到盲鰽泥味，好聰明，食到魚鮮，但魚肉不算滑，加埋湯汁酸酸辣辣咁食，醒胃又醒神。大家還叫了泰式甜品，椰汁西米糕，好食唔係太甜，有清香椰味。服務也不錯呢！

今次又同大家介紹一間位於商業大廈樓上嘅食肆，就係小弟like嘅其中一個地方菜式-泰菜呀！行完街特別肚餓，上到去，地方都算寬敞，有靠窗4人卡位及3張大圓枱，絶對適合一家大細或朋友嚟聚聚, 唔使一大班人坐長枱咁傾唔到計😆。坐底後，操廣東話嘅泰藉侍應姐姐幫我地落單，叫咗幾樣撚手嘅介紹俾大家，基本上食物質素都頗有水準，有部食材亦係由泰國直送，真係有D置身喺泰國嘅餐廳咁嘅感覺，此外，當品嚐美食時，亦見不少東南亞及外國人嚟開餐，証明呢度係一個gathering不錯嘅選擇。

放工約埋好姊妹去尖沙咀shopping，行到攰攰地真係好需要搵個靜靜地嘅地方食個晚飯，行到去北京道，多咗好多樓上餐廳，朋友介紹咗間有好多菜式嘅餐，即管去試一試先～～《海南雞》雞好滑，味道好啱餸飯食，配埋醬汁一齊食，更加惹味！《桶蝦》用麵包住蝦去炸，炸到卜卜脆，夠曬香口，餸啤酒一流！《青咖哩牛肉》&《印度薄餅》辣味十足，椰漿味都好夠，牛肉夠林，配埋薄餅食好好味，不過唔食得嘅朋友未必食得到～《冬陰公海鮮金邊粉》冬陰公湯味道夠香濃，海鮮又足料，配埋金邊粉好夠味道，辣味剛剛好，正野！整體嚟講，服務唔錯，唔會因為人多而態度唔好，同埋食物方面都好快上枱，而且食物上枱嘅時候都好夠熱，值得推介！！

今日又係黎尖沙咀練歌今日食泰國野，呢座大厦開左好多新餐廳，呢間係其中一間。全店泰式設計風格，連店員也是泰國人，彷如置身泰國。座位寬闊, 三五知己傾計食飯好的地方~朋友想吃海鮮，於是點了這個翡翠螺，有冰震保持溫度，口感新鮮，味道鮮甜 醬汁辣辣的很惹味呢~加左呢個汁更帶出鮮味呢~頭盤的柚子沙律~柚子很多很豐富呢, 蝦夠大隻又爽脆~我每次去泰國餐廳必點~柚子健康又有益~睇住個view, 仲有少少海景, 很正~香葉肉碎飯非常香口, 上面的綠色脆卜卜!!!飯的味道香濃，配上香料味道, 很好吃呢~不經意食多左飯~

我和兩位朋友上星期五去這間分店食晚飯，因為之前試過灣仔那間分店很滿意，以為尖沙咀分店應該唔差，誰知中伏。服務員態度很差，全都笑容欠奉，好像你們是麻煩他們的人，雖然星期五多人，也不應該表現得很不耐煩，叫他們拿點甚麼東西都是黑著臉地給你。我訂位時也沒說明要個半小時交枱，未食完已經催我們交枱。食物方面，份量奇少，那青木瓜沙律只夠每人一小箸，魚餅沒咬口，明爐烏頭沒味道，拉椰糕沒煙韌的口感，總之，沒什麼是對版的，再也不會去。

等咗成兩個鐘，一共上咗兩道菜！只能夠買單走人！永遠不推薦任何朋友去食！旁邊個檯全部菜都上齊，好奇咁問我哋係唔係漏咗單。如果系漏咗，咁應該完全唔會上菜先係。所以根本就係服務太差！有問題！

今日好開心可以黎到位於尖沙咀太子集團中心既八樓，待應竟然問想坐室內定室外，見今日涼涼地出去坐下，上左一層黎左一個避火層空中花園，簡直既城市中既森林，消失辛苦工作既壓力。先黎幾款小食先，軟殼蟹卷：軟殼蟹新鮮夠脆，內裏配新鮮蔬菜絲，口感清新。再試美味生菜包，肉碎微辣。唔食辣既友人就搏老命食伴碟既炸物，春卷魚餅。到正餐有黃咖哩軟殼蟹包，包既大細相當足料，可以參考旁邊既鐵匙。唔鍾意食包？我就幫朋友叫左個炒飯黎食，相當足料。最後，黎食泰國菜當然要食甜品，一個拼盤有齊晒椰汁糕同埋芒果糯米飯，一次過滿足晒三個願望。

青木瓜沙律唔會話太好味，辣味都明顯😮，但係個辣味唔係會令人想食嘅味道，只有辣味。普普通通🙈，下次去應該都唔會再叫佢🤦🏻‍♀️，會試吓其他沙律。咖喱雞咖喱份量唔多，但係材料多嘅。因為冇可能齋食咖喱，要另外叫薄餅或者多士，所以有少少迫人叫咁。好奇怪嘅糸以前出去食泰國野叫咖哩都會有飯跟🤔🤔。個咖喱係暖嘅🙄🙄，我鍾意食熱辣辣。總括嚟講麻麻哋。薄餅好好食好鬆脆，其實我本身都諗住叫多士或者薄餅，冇諗過個咖喱冇跟飯。呢個薄餅值得一推👍🏻👍🏻👍🏻泰式乾炒牛河完全同茶餐廳嘅乾炒牛河冇分別，因為我朋友唔食得豬🤔🤔。啲牛肉好大件😆，都係唔錯嘅。桑梅汁？完全係包裝飲品，仲以為系鮮榨🙄🙄🙄🤦🏻‍♀️🤦🏻‍♀️🙅🏻🙅🏻🙅🏻🙅🏻🙅🏻，30幾蚊，千其唔好叫。佢環境都幾好，乾淨又唔迫。👍🏻👍🏻可以再去

今日係為咗慶祝阿媽生日！問佢想食乜佢就話好耐冇食泰餐於是上open rice睇吓有邊間泰國菜推介！見到呢間冇乜負評！於時打電話去訂枱！去到之後個女待應帶我地去坐 窗口位(我地5個人)個位好闊好舒服！問阿媽想食D乜佢就話冇乜所謂咁我就話不如 每人揀一樣 ！佢地都話OK！第1樣 酸辣鳳爪味道都OK 係辣咗D都有7分(10分為满分) 第2樣海鮮濕炒河粉呢個份量細咗D！味道都差小小！6分第3樣 明爐烏頭酸辣適中條魚又夠鮮甜有8分第4様青咖哩羊扒呢個係最好味最咖哩夠香D羊扒肥瘦適中！有10分滿分！第5樣就叫咗個大拼盤！呢個都係份量細咗D！味道都好食有8分！最後叫咗個甜品大拼盤！好好食！除咗個個唔知叫咩有1粒粒黄色綠豆係上面個樣！有8分！ 總括嚟講呢間係幾好食！ 價錢唔係好貴 5個人1千1佰幾絕對有下次！！！

星期六出來尖沙咀，又回到我工作的地方，想找一間一直想吃，但平日太趕時間沒有機會吃的餐廳，於是去了太子集團中心的新泰。 Lunch Set 價錢中上，午餐一律$75，有七款，包餐飲，加$28有小食。 龍眼冰清甜的龍眼肉，非常潤喉。 黃咖喱海鮮配白飯 咖哩辣味不重，入口充滿奶香，應該是加了蛋花及花奶，質地比較稠身。材料有魚肉，蝦肉，份量都不少。 泰式炸蝦餅加$28蚊有小食，選了蝦餅。蝦餅炸得香口而不油膩，蝦肉彈牙，配上甜酸醬特別惹味。 香芒軟殼蟹米紙圈 米紙內捲住香脆的軟殼蟹和香甜的芒果，口感豐富，但略嫌米紙太厚，如果做到薄身緊緻會更好。 芒果糯米飯最後當然要有甜品，黑、白糯米軟糯又煙韌，配上香甜的芒果，超好吃，但略嫌椰汁不夠多，否則更完美。

我book 咗枱3位7:30，當晚大約7:20左右坐低叫嘢食，我地坐outdoor 卡位，環境唔錯，叫咗個咖哩包、菜、魷魚、蝦餅、冬蔭公，3個人都唔算叫得少丫，嘢食係唔錯0既，我地一次過叫，好快就差唔多食晒啲嘢，冇幾耐有個waitress 走埋嚟，我地就順便諗住叫埋個甜品，點知佢走埋嚟話叫我地交枱，話好多人等緊張枱，唔可以再叫嘢食（態度非常之差，係唔比再叫嘢食，唔比落order），知會我地一聲就轉個頭出埋單比我地，我地越諗越唔對路，就問佢用餐時間係幾多，佢話係個半鐘，首先由我book 枱到攞枱佢都冇同我講過要限時用餐，其實佢一早同我講限個半鐘我未必會揀呢度，而如果真係有限時你應該會通知要last order仲有冇需要再叫嘢食，唔係一埋嚟就要收枱埋單，再講，我地望一望隻錶發現我地只係食咗一個鐘左右，佢一話個半鐘我朋友就開聲話我地食咗一個鐘咋喎，個waitress 即刻呆咗，然後猛話唔好意思，我地勁嬲，食咗一個鐘就趕人走仲趕過我去食放題囉，我地走果陣仲見到隔離2人枱0既客仲點緊嘢食，但佢地仲早過我地入坐，非常非常之嬲﹗我覺得其實係冇實際限時用餐，只係我地枱面啲嘢食晒，8:30左右仲要星期五

平時去吃泰菜，不是九龍城便是荃灣。今天好姊妹飯局，她們提議去尖沙咀吃泰菜。她們說尖沙咀最近開了間泰菜附設露天位置，relax到令人感覺尤如去了泰國般如此厲害當然要試試看。新泰位於北京道12A我太子集團大廈內。來到大廈門口，完全是商業大廈的模樣，怎能聯想到有露天位置？上到8樓先登記，接著店員帶領我們上9樓。上到9樓打開扇門，當堂"哇"一聲！綠化的露天座位，像置身芭堤雅一樣朋友果然沒介紹錯。芒果沙冰 $38以原個新鮮芒果打制而成，味道恰好芒果味濃郁，最重要不會太甜或太酸。蛹蝦 $78外層趁熱吃卜卜脆❤️內裡的蝦爽彈鮮甜，沾上泰式辣醬來吃真的不錯。泰式生蝦 $98生蝦鮮嫩肥美，加上辣汁惹味無比，作前菜最適合不過蒜蓉炒貴妃苗 $82外間較少有的貴妃苗，以蒜蓉來炒，草青味重，有點像平常吃的沙律菜鹽焗烏頭 $128燒至外脆內軟滑，魚肉入口柔嫩香口，味道口感合我心意麵包焗咖哩軟殻蟹 $208軟殻蟹炸得脆口，外層的麵包吸盡了咖哩汁，超入味冬蔭功海鮮金邊粉 $75湯底辣勁十足，海鮮夠曬足料，整個湯碗滿滿的，且金邊粉彈口連埋湯一齊食，越食越正。埋單每人大約300元，泰菜來說價錢不貼地，但勝在環境舒適清靜，而

唔知點解，泰國菜給我的感覺，就係儘管上一次食唔係隔好耐，都會時不時有想再食的衝動。所以，今次去到一間地方較為寬敞，可以舒舒服服食一次泰國菜。今次去的呢一間是响尖沙咀一個商業大廈的樓上鋪。上到 8 樓，職員熱情的招待，並說樓上一層都有座位可安排，而我們選了旁邊的一個卡位。安頓好座位後，職員詳細的介紹餐廳的主打菜式，而老公看了一會主餐牌，一部份是職員推介，另一部份是他自己的心水。而當他說出菜式編號，職員已經快速說中了菜式名稱，十分專業，抵讚~老公一向深知我心，為我點了一客蒜蓉包，雖然只得兩片，但是食落暖暖地，好有牛油香，而蒜味是淡淡的。其實職員上菜速度都幾快，未食完個包已經上 泰式炸魚餅。魚餅的表面唔算太炸，而入面的魚肉係好彈牙，配上泰式甜酸醬確實惹味。接著，蜜糖燒肋骨 和 蝦醬炒飯 一齊上枱。我們急不及待把 蝦醬炒飯 兜亂，食落個飯本身的乾濕度適中，味道又唔會太鹹，加上各種配料如 蝦、肉鬆、腰果等等... 食落的每一口有軟有硬，增加了口感的層次。在進食炒飯的同時，我們也在食 蜜糖燒肋骨。肋骨燒得金黃得來有少少焦，食落帶出蜜糖的清香，又唔會食到蜜糖滴滴吓，用來送飯真係一流。這幾味菜式已讓我

和三五知己聚會，朋友子難得熱情推薦了這間位於尖沙咀北京道 12A 號太子集團中心 8 樓的新泰東南亞餐廳，於是就訂枱來試試看。她說尖沙咀這間是新開的分店，位於灣仔的總店很有名永遠也是超級多人食，非港島人的我當然未聽過這餐廳啦哈哈，但真的是無介紹錯，好好好好吃。第一來真的跟了openrice繞了個大圈走了去 L5岀口囧，然後個地圖還要是錯的完全迷路了，其實只要在近 isquare 岀口然後走到大 Adidas 店附近就是太子集團中心了，行到我快吐血。第一次吃的時候上到去是只有一兩枱客人，後來隔了一會兒念念不忘便 encore 了再去食已經是全場爆滿，好誇張，訂了枱也要等位，當時只是平日的星期三晚上！其實店員表示可安排上一層樓的露天坐位，但我們是身子虛弱的孩子，就堅定的要等 8 樓的室內座。每次必點的有泰式生蝦，這裡做得好爽好辣好過癮，是辣到會標眼淚的那種，冰鎮生蝦啖啖肉真的好正！左下的蒜蓉炒貴妃苗也炒得很嫩。右上串燒不過不失，喜歡那碟沙爹醬，而右下的青咖哩配薄餅也是必點的！朋友可以用這碗青咖哩送兩碗白飯，不誇張，配薄餅也是超好吃！ ！這是其中一間吃過最好吃的泰國菜餐廳，環境不錯坐得很舒適