新泰東南亞餐廳 (太子集團中心) (已結業)

年尾食左隻無情雞，心情當然係不好受。 女朋友知道左就約左我出黎食好西，調整下個心情。 帶左我黎尖沙咀北京道的<<新泰東南亞餐廳>>，品嚐泰國野。 餐廳裝修得好泰國風，而且似乎係新開冇耐。 除左卡位，連圓台枱都有，方便人多可以坐得舒服D。 先點了個<<肉骨茶>>，雖然係S份量，但其實係夠四個人分。 最驚喜的是十分足料，冬菇，排骨，豆卜等，陣陣的中藥味燉得好香。 <<蜜糖燒肋骨>>有六到七塊。入口甜甜的蜜糖味，但肋骨又燒得好香。 <<越南烤蔗蝦>>，一碟四個。賣相都唔錯，入口啖啖蝦肉呢，好滋味。 飲品就點了我最愛的<<青檸梳打>>，酸酸的，又有氣，好解胃氣及油膩感。