新匯聚餐廳小廚

營業中

休息中

屋企人生日，就大家方便去咗觀塘。先有個頭盤三小食：北海道花皮、陳醋雲耳、麻辣鮑魚貢菜絲。三樣都係幾得意嘅冷盤，貢菜小小辣啦，同平時冬菜差不多爽爽脆脆咁。跟住就有個原盅燉湯係西洋菜陳腎唐排湯，湯頭油膩咗少少，佢仲有埋湯渣比我哋食添。我就最鍾意飲足料老火靚湯嘅，不過就搵嚟搵好都唔見陳腎。跟住急不及待就食惹味小菜，有手撕雞、啫啫通菜、南乳藕片炒咸肉、椒鹽茄子，海鮮就有豉椒花甲、豉汁蒸白鱔同蒜蓉蒸蝦。樣樣都好惹味，食到好飽！超級香嘅啫啫通菜，上枱前侍應哥哥仲要再抄抄佢，驚死唔夠香椒鹽茄子炸到金黃香口，熱辣辣嘅茄子口感一絕呀！海鮮亦好有驚喜，豉汁蒸鱔滑到不得了，食極唔夠喉！蒜蝦點上少少豉油都好好味，粉絲撈飯一流。食飽仲有消暑薏米糖水食！

放假後返工, 要OT是常識吧! 放工後同同事黎呢度食小菜, 之前只試過lunch, 晚市小菜都係第一次試呢! 8點幾上到黎, 都幾多人。望望menu, 價錢唔算貴, 選擇都幾多, 另外仲有海鮮, 可惜我地想食既扇貝同聖子都買曬啦!雲耳/貢菜鮑魚絲/水母- 餐前小食, 姐姐推介。賣相好好, 誰知味道更好! 有少少辣辣地好開胃, 雲耳同水母(姐係海蜇)都好爽口, 貢菜其實唔知係咩黎, 但都幾好味。西洋菜陳腎湯-好足料, 煲8個人分剛好。湯好清甜, 飲得出唔係味精湯, 夏天飲夠哂下火。炒蜆-個汁有少少咸左啲, 肉係幾新鮮, 不過要巢, 因為跌哂出黎。避風塘茄子-正啊!見到都留口水, 第一次食, 外面炸到好香好脆, 但裡面既茄子好淋好多汁, 真正既外脆內軟! 要襯熱食啫啫通菜- 係用鐵窩上, 有少少肉碎聞落已經超香!通菜好爽, 唔會好咸, 好惹味。芥辣牛粒- 牛粒好淋, 入口即融好好味。食到有少少芥辣味但唔重, 小朋友都食到, 豆角有啲淋但都唔錯。手撕雞- 有別於其他手撕雞既味道, 有少少似青木失沙律咁既樣@@ 有好少青瓜蕃茄同洋蔥, 再加啲清檸酸酸地。同埋麻油味好重下, 個人來說不太喜歡呢味

因為家裡很少會煮飯所以突然很想食一餐豐富的中菜立刻就相約家人到公司附近一所位於工廈內的中菜館食個晚飯說到中菜又怎能不點一個中湯點了西洋菜陳腎唐排湯湯料十分充足是一煲用心煲湯不是一般的味精湯另外點了一份避風塘茄子驚喜的是茄子炸得十分乾身一些油膩感也沒有另外配上那些蒜粒增加了那份香口的感覺重點來到那豉汁蒸白鱔和蒜容蒸開邊蝦十分濃烈的豉汁配上白鱔白鱔完全吸收了豉汁的香味加上本身白鱔就十分新鮮大fit之選那些豉汁送飯一流另外蒜容蝦也值得推介蒜容分量足夠蒸起來香氣十足蝦本身又新鮮是物超所值的最正的是那些粉絲底吸收了蝦和蒜容的精華

返了一整日工，確實有幾分疲倦。所以不想去太遠的地方晚飯，直接在觀塘晚飯算了。觀塘工廠區，確實有很多不同美食，樓上café、特式食物、高級餐廳….. ，但我們選擇了一間港式餐廳晚飯。原因呢？鑊氣夠，份量多，同埋傾計都唔覺嘈到其他人嘛。睇完餐牌後，我們點了湯和幾個菜式。1. 椒絲腐乳通菜 ($45)腐乳和通菜好配搭的，上枱已傳來一陣腐乳味道，菜也很爽口。2. 蜂蜜欖角骨 ($68)排骨與及蜜糖一齊炒至乾身，蜜糖的甜味滲透到排骨內，加上碟上的裝飾，另人食慾大增。3. 紅炆龍躉骨腩 ($130)豆腐火腩算是一樣地道菜式，加上斑腩一齊炒，味道更上一層樓。4. 茶樹菇燉竹絲雞湯 ($40)我很少飲中湯的，就算飲都不會飲得多，但今次真的例外，整碗湯都飲清光。湯很足料，材料有茶樹菇、豬肉、烏雞、鳳爪…. ，湯味道很濃，一定煲了很長時間。 

身為觀塘友, 都不知道有一家類似大排檔的小菜館, 開設於工廠大廈中, 老實的說, 位置真的頗”吊腳”.但很多識途老馬及老饗都識得”搵上門”. 星期一的晚上, 店內人聲鼎沸, 座無虛席, 就知道這家小菜館有多不簡單.海底椰燉豬腱 ($40/ 位)剛巧碰到工作上有心煩事, 一碗好湯水正好滋潤我心!打開燉盅, 不其然會”嘩”一聲, 因為湯料塞爆整個燉盅, 有很多海底椰, 豬腱, 雞件等. 喝一口湯水, 味道適中不過鹹, 充滿豬腱及雞肉的味道, 另嚐到少許薑味, 沁心潤肺. 撈一些海底椰來吃, 非常爽口, 有點像吃椰皇肉的口感.蜂蜜欖角骨 ($68)賣相美美的, 不說都不知道是工廠大廈小菜館的出品. 用上一字排, 件件都頗有份量, 啖啖肉之餘, 只一件骨頭, 相當易咬. 而且炸得剛剛好, 骨肉容易分離, 肉質爽口彈牙. 味道方面亦相當之好! 以蜂蜜調味, 很清甜, 與排骨很配合, 一邊吃, 一邊聯想到自己正在BBQ呢! 而欖角的味道則不太重.紅燒龍躉骨腩 ($130)味道像豆腐斑腩煲, 那種醬油夾雜蠔油的味道. 主角由斑腩換上龍躉腩, 更顯矜貴. 龍躉腩亦是大大件, 啖啖肉, 比斑腩更優勝的地

很久已沒有與舊同事聚腳，今天難得在同事的觀塘住所短聚，晚飯時間就選擇了這家中式餐館晚飯。據同事介紹，這家餐館的主廚大有來頭，以前曾經在牛頭角上村某家餐館工作過，小炒的質素深受當時的街坊稱許。聽畢後，我心想：真有這麼厲害？好，今晚就來拜會一下！餐館位於成業街的工業大厦內，從觀塘地鐵店走五分鐘左右便到，非常方便。雖然店的位置並不當眼，但餐館人流頗多，剛好還剩一張大檯給我們，不用花時間等位，實在太好了。首先奉上的是一大盅燉湯，原來是豬肺湯。本來以為只是平時酒樓那些例牌菜乾豬肺湯之流，但原來這個湯料頭十足，師傅放了一隻老雞、大量肉排和豬肺，湯料差不多塞滿半個燉盅！在這些豐富材料下熬製出來的湯水自然入味純厚了。另外湯水也有一陣清香的杏仁味，應該是加入了少量杏汁，稍稍減低了湯水的膩口感覺之餘，也帶來了另一層的味覺享受。難得的是杏汁味道合宜，沒有喧賓奪主的感覺。湯奉上不久已喝得一滴不剩，難得難得，可能大家已很久沒有喝過滋補的好湯了吧！之後來的是芝麻雞。雞皮是漂亮的金黃色，上面灑滿香口芝麻，單是賣相已非常吸引。雞皮香脆，略帶甜味，脂肪極少。雞肉肉質稍為乾身，但仍感嫩滑，油感比一般吃到的炸子雞低，處理得

觀塘舊同事約食飯, 選擇了舊公司隔隔隔離街廠廈的餐廳.久久不見, 未知舊公司變天後是何境況.當真要相聚一刻了!現在天氣酷熱, 幸好餐廳位於MTR附近,否則大汗淋漓, 香水亦蓋不了滿身汗臭!這次都是由舊同事發牌點菜首先來個涷冰冰特飲 - 蜂蜜檸檬梳打水熱天時來一杯涷飲, 消暑解渴蜂蜜代替糖漿, 黃檸檬 + 梳打水想像到是何味道吧!鮑片鵝掌部份酒樓, 用鴨掌扮鵝掌, 以為食客不懂分辨.鵝掌SIZE較大, 掌身較厚,而鴨掌SIZE較細, 較薄身 (除非以特制方法將鴨掌發大發漲)可是鵝掌蹼間每節的骨較長 這件應該係鵝掌鵝掌炆得很腍, 蹼間關節位很易咬開,不需太大牙力, 一吮脫骨.膠質漿住雙唇, 我又想起 ~ 骨膠原變靚靚!!!!又一道美容的美食呀!而鮑片入口比較爽口彈牙!與腍滑的鵝掌有好明顯的對比.蝦湯浸勝瓜大碗內有蝦米, 芹菜, 菇類, 原粒蒜子及分條的勝瓜.淡紫色的上湯, 嚐到蝦膏味,蝦米的蝦味唔夠強勁,所以再加蝦膏, 咁就真係~蝦蝦蝦!十年人事幾翻新! 短短幾年的觀塘工廠區, 豈止人和事, 店舖及餐廳都已經翻了又翻新.

官塘雖然工廈林立，但真的有不少隱世食店藏於其中，今次，我們一行人便來到 APM 附近的工廈品嚐充滿人情味的傳統小菜。友人識帶路到來，原來他與老闆相識多年，原先店子是在牛頭角經營地舖，後來轉戰九龍灣，最後來到官塘的工廈裡。聽落，有點可悲，但事實真的是現時大部分店子所面對的加租壓力問題！就算生意有多好，租金加幅太大時，也不得不面對搬遷的命運，還許，「新匯聚」還算幸運，只少還能保留上樓舖，繼續款待支持他的熟客群！新匯聚沒有華麗的裝修，一切都是平凡不過的小炒店裝修、擺設。唯一不同的是，大門附近，有數張卡位，而且還是軟軟的沙發，確實難得！不過，喜歡小炒店就是喜歡這種令人無拘無束的感覺，而且，「新匯聚」這裡，還多了一份親切、一份人情味。雖然 BeautySearch 是第一次到來，但可能是友人的關係，老闆顯得非常熱情招待，及後，我發現老闆差不多走遍每檯，與食客寒暄，可見老闆真的是社交高手，難怪位處工廈，未到8時已座無虛席。一般小炒店，只提供啤酒汽水，而這裡，竟然有健康飲品提供，非常罕有　- 「有氣峰蜜檸檬梳打水」。平時，BeautySearch 不太喜歡梳打水，總覺得沒有味兒... 想不到，原來搭

今晚約咗朋友喺觀塘工業區食飯，小妹喺牛頭角返工，6點鐘就準時收工，距離食飯時間仲有個半鐘，咁就慢慢沿住觀塘海濱長廊行去觀塘啦。今日雖然好熱，但黃昏時份，溫和嘅陽光，伴隨著陣陣嘅海風，感覺還好。喺海邊慢慢散步，遠眺郵輪碼頭，欣賞徐徐嘅日落，望住海面上泛起金光閃閃嘅海水，真係一天嘅煩惱都消失晒。行下行下，又行到觀塘廣場附近，就見到成業街，而喺成運工業大廈一樓嘅新匯聚亦都好易搵，樓下有個大燈箱，上一層樓梯就到門口了。本來對於工廈裡面嘅食肆嘅環境都無咩期望，但入到去見到裝修都還可以，近門口有個魚缸養住少量嘅魚蝦蟹，內裡環境燈光火猛，企企理理，唔似果啲舊式工廠大廈食堂。呢度多數都係圓枱，側邊就有幾張卡位，掛牆亦都有幾部電視，冷氣亦都好足夠，就當晚所見到全場滿座，真係估唔到放工後嘅工廠區都會咁熱鬧。同老闆傾開計先知原來佢以前係喺牛頭角下邨開大排檔，想當年我都幫襯過幾次，特別鍾意佢嘅小炒菜式夠鑊氣。估唔到老闆原來轉址繼續經營，實在難得。出嚟食飯就當然叫啲平時喺屋企唔會煮嘅巧手餸菜，又或者係廚師推介實無死錯人啦，我哋叫左個出名嘅杏汁燉豬肺湯、四川手撕雞、招牌話梅骨、蝦湯浸勝瓜。先飲個 杏汁燉豬肺湯試

開完OT, 一行4人去咗公司附近間新匯聚餐廳小厨食飯。之前都食過lunch。同事話不如試吓小菜!熱辣辣，叫杯凍飲先，老板介紹"蜂蜜檸檬梳打水" 又真係好清甜，飲完好舒服。見老板咁熱情，就叫佢介紹有咩好食! 首先叫咗杏汁豬肺雞湯。杏汁味唔太濃，又好有雞味。個湯冇咩油好好飲。我飲咗3碗 。小菜就叫咗沙律芝心蝦丸，蝦膠裡面放入芝士一齊炸。蝦丸彈牙，只係芝士唔係太流心。四川手撕雞，厨師用料有指天椒，青瓜絲，西芹，青檸，芝麻。味道有少少辣，雞炒得好嫩，唔鞋，好開胃!鮑汁豆腐卷，用咗一層薄薄嘅腐皮包住豆腐及蝦膠，再用蠔油及鮑魚汁蒸。味道唔會太濃，好有口感最後當然要叫返一個蔬菜啦！老板話蝦湯浸翠肉瓜。蝦湯清甜，有什菇，翠肉瓜好爽脆。食完之後，老板仲送湯水。西米綠豆沙。好少食綠豆沙加西米的。煮得唔係太甜。唔錯!今晚做得咁辛苦，但係食咗一餐美味小菜。咩都忘記晒。第日要同屋企人嚟再食過。

今日幾個舊同學聚舊，返嚟觀塘食晚飯，幾個麻甩食吓中菜都過癮！原來依家小菜館，前身喺牛頭角下村好出名，主打粵菜小炒，非常重鑊氣！轉接之間，最終落腳喺觀塘工廈區中！依到環境裝修唔算突出，勝在整潔乾淨，但並冇大排檔般污糟邋遢！驚呀喺觀塘工廈區仲可以坐滿全場！非常好生意！麻甩佬真喺少飲湯，所以我哋首先叫咗《杏汁豬肺雞湯》！嘩！依個湯真喺超好飲，好有杏仁味，仲加入唔少瘦肉同豬肺！而且仲用上全隻雞雞，令到成盅湯更鮮甜！好飲不妨飲多幾碗，但點都唔覺口乾，肯定無加味精！男人鐘意食雞喺好正常啦！我哋叫咗個《芝麻雞》，依隻喺特點芝麻同雞皮炸埋一齊，並非普通咁淋上面！而且做到外皮鬆脆，雞肉入味可口！可見師傅功藝了得！男人鐘意食雞喺好正常啦！我哋仲叫咗《四川手撕雞》添！依個涼菜真喺夏天常伴，清新可口之餘，仲有少少辣味嚟開胃！我都叫左兩碗白飯！最後我哋仲叫咗好幾支《藍妹》啤酒！每人平150蚊，都真喺幾合理抵食的啦！

今日同家人到了工廠大廈找野食，行下行下就見到這間餐廳。它的格局像茶餐廳，又像茶樓，但食物就有大排檔的鑊氣。人情味濃得像在屋村茶樓般。菜心炒豬頸肉本人不太喜歡抄的菜，因為會好苦。但這道菜真的好吃。豬頸肉好香，一上桌已能嗅到其香氣，令人垂涏三尺，肉質好好，口感適中，不會太爽口，肉片易吃，就連老婆婆都有機會能吃到。而菜心味道一流，爽脆而不是不熟透，有鑊氣而不會有熱氣之感，少油而不油膩，適合女士們吃。魚香茄子煲我好喜歡吃魚香茄子煲架😋😋，特別在大排檔，因為鑊氣十足，十分野味。而好少茶餐廳能煮到這樣的味道。但這間餐廳卻能有大排檔的味道，道菜好香，一上菜就吸引住了我雙筷。味道也十分野味，少辣但可口，茄子熟透而不爛，還有少許茄子香，茄子非常入味。而肉粒分量剛好，不會太多而蓋住了茄子味，但能帶出整道菜的香味及味道，把道菜再提升，送飯冇得頂，是偷飯賊。古法蒸荀殼一開始叫時，有點擔心會不會用一些奇怪香料弄的，會有奇怪的香味及味道。一上菜時，果然和我想像中差不多，我是有點不敢吃。但叫了不吃會好浪費，所以就試下。一吃，就不想停了。肉質香滑，鮮甜，會有回味三日之感，魚汁香，但不會帶走鮮味，反而提高了魚的鮮甜味，

工作忙碌, 有時候連吃飯的時間也減少了, 唯有近近地找個便利的地方吃午餐, 其實這裡勝在地方大, 要找位是比較容易.香茅豬扒飯 $39這天就選來了香茅豬扒飯, 豬扒是炸得幾香脆, 但不算太油, 以茶記來講, 很難得了. 而香茅就很好送飯. 兩三下已經吃光了.凍檸茶 +$2要了凍檸茶, 加$2, 但就幾有茶味.這裡午市相當旺場, 水準是不錯的.

與朋友共三人於觀塘辦完事吃晚飯，朋友提議位於工廠大廈內的新匯聚，約八時半到達仍有超過一半空位無須等位。該店於工廠大廈一樓是吃小菜，茶餐廳格局，旁邊是卡位中間是圓檯，我們三人被安排坐卡位，尚算寬敞。朋友曾經光顧所以就由朋友發版點菜：1. 台式三杯雞 - 由鐵鍋上，雞的份量不小，賣相不像一般的三杯雞濃濃的醬汁，看上去較乾身及潔白，入口亦不會太甜，雞肉嫩滑入味，不錯。2. 蝦醬炒通菜 - 蝦醬惹味，通菜新鮮夠嫩，好吃。3. 椒鹽鮮魷 - 鋪上香蒜於面，入口脆漿夠薄酥脆，鮮魷很滑很多汁，非常入味，好吃。4. 清湯牛筋腩 - 牛腩及牛筋比例約一半，夠稔入味，切得大小剛好一口，配上白蘿蔔，很甜很好味。5. 黑椒豬手煲 - 豬手較細隻，上面放了很多洋蔥，略嫌黑椒味不夠重，豬手夠稔。此店甚有大排檔風味，原來越夜越多人，約十點差不多已坐滿，價錢經濟份量不太多可以點較多款式，食物味道及質素亦高，到開觀塘值得一試。另外點了多支啤酒。 

同屋企人食過幾次，飯餸都夠得住，所以今次帶朋友嚟食生日飯。可能仲係新正頭，個場都好爆，訂左位都要等左一陣至有位。我地叫左一d佢地嘅招牌菜: 杏汁豬肺湯、芝麻雞、薑蔥生蠔、椒鹽鮮魷、腊味炒芥蘭同欖菜骨。。個湯一上枱，陣陣杏仁味飄過嚟，個肚已經打鼓了，幸好餸菜上得都快，美中不足係碟芥蘭要追左幾次至到。朋友食完都俾個讚佢，場面須不及大酒店但係食物同價錢，絕對值得。