新匯聚餐廳小廚

營業中

休息中

在觀塘工作的你，相信必定有聽過新匯聚。曾無數次聽人說新匯聚的藕餅超級好食，但因為我不吃蓮藕所以對此一直興趣不大。朋友生日，喜歡吃小菜的他提議到新匯聚，終於可以一試這間隱世大排檔新匯聚在成運工業大廈一樓，典型工廠大廈格局，指示牌清晰，行一層樓梯便到達。大排檔般的manu, 臨臨種種的小炒類都會有。杏汁燉豬肺湯(小) $2006個人只叫了小size, 最後大約也有8-9碗湯，而且湯料非常多，大家可以參考一下呷入口非常濃郁的肉湯味，帶淡淡杏汁香，越飲越好味，而且飲完沒有口渴的感覺椒鹽雞軟骨 $60即叫即炸，口感脆卜卜，佐酒一流啫啫芥蘭煲 $60必食推介，來新匯聚叫炒小菜真的不用懷疑，只要叫不要問。芥蘭煲加入肉碎炒製而成，香氣撲鼻，而且好夠鑊氣，最適合送飯家鄉煎藉餅 $75新匯聚名物之一，蓮藕中間釀入豬肉碎，咬下更香脆可口，連不吃蓮藕的我也吃了兩塊呷下沒有一絲絲的感覺，爽口又美味，真的回味無窮！芝麻雞 $120肉質鮮嫩，沒有'鞋'口感覺，皮炸得金黃香脆，配上芝麻香口非常，眾人吃得津津有味雞肉肥瘦度適中，不會過肥，但略顯咸味偏淡。有汽鮮檸蜜 $17朋友極力推薦，是外間較少有的飲品，梳打與檸蜜的比

記得早年前同屋企人黎呢到食過飯，大家都好鐘意。今年媽媽節一於再encore。前菜3小，依舊都咁開胃又爽口。小食，椒鹽豆腐，非常香口而且重點係外脆內軟到不得了。炸得好有技巧！主菜有，芝麻雞。一個字香滑！海鮮仲有豉汁蒸膳，雖然比較細但都好好食。例牌仲有糖水送一人一碗，大家都食到好飽好滿足！

次次踏入新匯聚，未order菜色口水已經流定，事關菜色水準從未令我失望。但可惜好食嘅菜色實在太多，如果唔係多人食，真係選擇果難症發作，唔知點｜咸豬手｜果然係招牌菜！個秘製咸豬手上一枱已經令人好想立即起筷！秒速影完相經已即刻夾返嚿入口先！咸豬手外脆內軟，皮入口真係有清脆聲音！烤焗得啱啱好，豬手肉好鮮嫩，粉紅色令人欲罷不能！配返個芥辣沙律醬，味道突出又滋味！｜蜜糖薯仔牛柳粒｜薯仔一啲都唔稔身，唔會入口即爛，反而炒得好爽口外脆內軟，入口先會爛！惹味又夠鑊氣！另外牛肉粒同樣抄得好有火候好香口，熟透得嚟卻又唔會好唔軔炒到老晒，YUMMYYYY！ ｜豉汁蒸鱔｜呢個豉汁蒸鱔真係唔係間間茶記有此火準！鱔片首先要好新鮮，師傳刀功亦要好好，片片厚度一樣適中，切成入口剛好嘅厚度！豉汁令原本只有鮮味嘅鱔更形惹味！但又keep到唔會蒸太久而顯「老」同太乾身！混和鮮味嘅豉汁送飯簡單一流！

星期六放半日之後，最喜歡跟同事來這間上樓餐廳吃個lunch/tea。 貪地方大，坐得舒服，又不用等位，更加不用擔心被趕。而食物份量簡直是抵吃夾大份，以茶餐廳的味道來說，非常好！我最喜歡他們的扒餐，記得第一次來吃，有點驚訝，下午在茶餐廳鋸扒是不是太過份了？ 豐富得過份！今次來我也是點扒餐 – 豬串骨配非洲雞扒 (HKD56)平常吃最多是西冷牛扒，這次看見有新餐，最近豬脾、豬串骨好像也比較熱門，就點來試一下。扒餐上來，如期的大大份，2條豬串骨好夠可愛，平時雞髓吃得多，豬髓少吃有新鮮感！ 啖啖肉，有夠嫩，加上蒜蓉茸汁，味道極好！ 雞扒沒有雪味，口感也很滑。 吃一個很「肉」的扒餐之後，底底還有很多的菜及一小碗沙律，心理上覺其實也覺得很健康。餐特飲是餐廳自己調配的梳打，酸微微，消暑又開胃，而且不用再加錢！ 我每次都會點他們的特飲！

懂得工廈好味食店，要不在工廠附近上班，要不靠朋友口碑介紹。我弟今次就介紹此小廚，想著星期日應該工廈食店人不會多，我們只是walk-in，但因母親節關係，坐無虛席，在門口等候約15分鐘。食店似乎是家庭式經營，在等候期間不斷派卡片，千叮萬囑下次光顧前要切記致電預訂，很常親切體貼!飯店地方算大，但枱與枱之間太迫，坐得不是很舒服。由於人太多，點菜確有點難度，幸好我弟是常客，未坐下已選好菜式。他大力推介「吹水墨魚咀」，貌似雞軟骨的墨魚咀，以避風塘式+椒鹽式用炸粉脆炸，加入少許辣椒和芝麻，帶出濃郁的香辣味，而墨魚咀沒想像中般硬，口感與咀嚼普通魷魚無分別。另叫了「豉汁煎釀三寶(12件)」，平常當只作小食，但原來配飯...一流。這裏的三寶除了一般的矮瓜及青椒，真的首次見用冬菇釀入鯪魚肉，別樹一格，且鯪魚肉用杰身的豉汁鎖上，完全沒有腥味算易入口。「蜜糖薯仔牛柳粒」是我見出現在隔離枱而點的，薯仔比牛柳粒比例較多，可想得到原因，蜜糖味薯仔不會太甜，只是薯仔可以再軟身一點，而牛柳粒易咀嚼，味道帶點甜甜，但汁略嫌少了。是次尋幽探秘地去座落在工廈中找食，口味尚算🆗! 有機會都會再光顧的😆

難得來到觀塘~不想食大商場的餐廳~就來工廈區一試！來茶記又想食好d,一定要叫鐵板餐啦！豬串骨併非洲雞扒！一上檯就ja ja聲好有穫氣！即刻淋汁上面~豬串骨燒得好香！襯熱食~有點像叉燒，不過更香口！好淋好有肉~ 雞扒外層燒得香脆！肉質剛好~ 唔太油唔太乾！啖啖好味啖啖香！配飯及薯菜~又豐富又滋味！ 再配一杯有汽檸檬特飲！搞混。。酸酸味味，好醒神！又解渴~

觀塘工廈裡不同種類的食店林林總總，午餐的選擇也隨之而多，有時候吃過午餐反比晚餐豐富呢，今次同事就帶咗我去据扒了~鐵板餐種類有很多，而且更是平民化的價錢鐵板上桌時很驚喜，因為蠻大塊呢，而且厚度十足，西冷牛扒的細嫩度始終不及肉眼扒，但脂肪比較少、不會太油膩，而肉質纖維又比較豐富、所以口感有嚼頭，能感受到濃濃的牛肉味燒春雞外皮微焦肉質嫩滑，配上彈牙的豬頸肉實是絕配，而且蒜汁另上、可自由點上醬汁的多少，埋藏在底部的是厚切薯條，千萬别錯過呀店員重點推介這杯有氣檸蜜的確無介紹錯，甜與酸的比例適中，如果當有汽的便是汽水的話、這杯可算是檸蜜汽水了，非常新穎又好飲午市時段座無虛設，但重點盛讚這裡的店員，效率高而非常有禮貌，這點對於競爭激烈的食店尤其重要呢

撞啱今日返半日工，當然搵下老公食個Lunch啦。佢話唔想離公司咁遠，所以去佢office附近工廈裡面嘅茶餐廳。原來依度Lunch有鐵板餐，啱晒佢胃口啦，我實在太了解佢，佢直接order左個西冷扒餐。我見到餐廳裡面食鐵板嘅人應該有1/3，咁我都叫左個雜扒餐，啱晒多心嘅我件牛扒完全超乎我想像咁大，有一塊鐵板咁長，而且好厚 ! 我真係有D O左咀塊鐵板上枱果時好熱，黑椒汁淋落去仲有熱泡出現我緊係影返幾張相先，老公亦好配合咁切開件扒，擺晒個pose俾我影影完當然要試下好唔好食啦! 肉質係淋，唔係擦子膠，仲有一定嘅肉汁，不過食得出做左少少鬆肉同腌制。配菜嘅薯角熱辣辣，如果可以落鹽輕手d應該仲好。蔬菜量都比一般lunch多, 咁嘅價錢真係好抵食

今日星期六, 上午要返工, 下午準備去觀塘參觀朋友想租的迷你倉, 因為廣告見得多, 實際情況未見過。約好三點到, 時間尚早. 出了地鐵了, 先去附近吃個午餐, 朋友介紹去成業街, 成運工廠大廈的新匯聚餐廳小廚, 因為朋友知道此餐廳經營多年, 老闆老實, 價錢合理.  離地鐵 B2 出口只行約 4 分鐘, 步上十多級樓梯便到了.  餐廳面積不算細, 座位闊落, 有圓枱, 卡座.看見牆上照片, 必是老闆了, 可以把自已照片 post 出來, 必然是自信心强, 更給顧客食品保證  打開餐牌, 食品豐富, 正想想點那些好 ?  有位店員哥哥立即推介他們的 懷舊鐵板餐, 看照片真的不錯, 便請落實.我們選了懷舊餐兩個:  西冷牛扒 和 鐵板吉烈原條龍脷柳餐每個餐也配香脆薯角雜菜,  可選蒜蓉汁 或 黑椒汁加＄5可配飯/ 意粉/ 蛋黃醬蛋白沙律  再奉送餐湯熱飲  / 是日特飲有氣鮮檸蜜凍飲加$3店員態度好，送餐又快, 等了十分鐘店員哥哥拿來了一個木盤, 乘著熱騰騰的鐡板牛扒, 煎得勁香，又大件，未吃已流囗水了, 牛扒七乘熟, 切開肉汁豐富, 配惹味黑椒汁,  牛扒肉質很好, 稔甜加牛味濃厚,

觀塘lunch hour例必人山人海, 所以通常放遲少少廢事同人迫, 同埋去最近果D地方食.唔知咩原因依間食開嘅茶餐廳做promotion, 今日仲有得揀我幾欣賞嘅吉列豬扒.睇到件吉列豬扒淋滿晒黑椒汁, 各位一定話D吉列皮實皮還皮,肉還肉咁.其他地方可能係, 但依度真係做得好, 雖然咁多汁但係仲係脆口, 塊肉仲係熱辣辣同鬆化, 絕對唔係炸完放左唔知幾耐先俾你食果隻. 另外層吉列皮係同塊豬扒連成一體, 又唔係柴皮, 咬落去仲有肉汁出(正因如此我先話幾欣賞佢)黑椒汁亦都唔係求其hea做, 個味堅係同去鋸扒嘅黑汁味一樣絕對好過同區果D混水摸魚,是但整個飯連飲品收你4字頭價錢

基本上新匯聚已經係我飯堂同事聚會 又要啤一啤呢到係個好選擇！每次去都會試下唔同新野今次有小朋友 叫左個粟米魚肚湯個湯好足料！正！咖哩魷魚好食既，但凍左d 熱返d會好d招牌華梅骨幾得意，有d華梅味！好食蒸肉餅呢個一流，一來足料又蒸得岩岩好 好'林' 一上菜好快清哂有氣鮮檸蜜呢杯飲品又係每次必飲！食完 大家都讚好！下次又再黎試其他野食

食得多西餐、日本野，有時都會幾掛住正宗港式小炒。餐廳除左小炒之外，最欣賞就係有湯飲，上班族好少有湯飲架嘛。桃膠雪蓮子湯，真係好「膠」好滋潤既感覺。味道唔錯，飲完真係有醒神啲生津既感覺。仲有湯渣食架～跟住想食個炒菜，老細大力推介啫啫通菜，一上黎有聲有畫，炒得有鑊氣冒晒煙，炸炸聲，好香口，通菜又唔會太老！係白鱔！一個字，嫩滑，豉味唔會太重太咸，只可惜人多，每人只食到兩件。。唔夠喉！香口野，外脆內軟，豆腐好滑～

又係OT 日 即興叫朋友同我食飯咁鍾意新匯聚既我緊係帶佢黎啫啫芥蘭煲 每次都會叫 仲有叫炒羊肉今次再試左個新野手撕雞！呢一個個手撕雞 一上到黎有青檸 我都係第一次見第一次食。 初頭諗住 嘩咁怪 點知一試又係出奇地夾 好食！另外！好值得推介有氣鮮檸蜜 呢個野飲係梳打水加菜蜜咁樣個個朋友飲過都喜歡🤗🤗

食得燒肉打邊爐多，都要支持下正宗港式菜既！是日OT，黎左食呢間小廚，其實已經第二次食，好掛住佢個白鱔@@蜜糖薯仔牛柳粒:薯仔炒得好爽口外脆內軟，入口即爛，惹味又夠鑊氣！另外牛肉亦好香口，唔軔亦唔會炒到老晒，好味！咸豬手:睇到我流哂口水，又係外脆內軟，皮烤得好脆但唔係乾爭爭，入口卜卜聲！皮下既豬手肉好鮮嫩，粉紅色咸咸地！估唔到配個芥辣沙律醬又別有一番滋味！豉汁蒸鱔:好回味，鱔好新鮮，佢唔係出面大大舊咁蒸，切到薄薄到，易咬啲！啫啫通菜煲:十分夠火喉，加埋啲蝦米，辣辣地又香口，超正！老闆仲特別推介左杯檸密梳打，好好飲

係咪好少係lunch 据扒呢？？食得甘豪都只不過60蚊！如果唔係朋友帶我黎，我都唔知有呢度甘大既餐廳食扒仲要係甘大份甘抵食！樓梯行上去新匯聚，好大間餐廳，全場爆滿，張張枱都有客据扒，氣氛好熱鬧！我朋友都叫左鐵板西冷牛扒HK 60, 再加白飯HK 5 。我笑佢大食，佢話呢度好豪氣，俾好多黑椒汁，送飯一流唔好㗰！我就選擇左越式金邊粉 HK 40，貪佢用牛骨湯底，有啖湯水飲，好有誠意。金邊粉可轉河粉，另選擇两種餸，我選擇左牛腩片同豬扒。其實都好想食雞翼，不過算啦，無得選三種，雞翼唯有留下次食。两個食肉獸等大餐時，叫左有汽檸蜜汽水。感覺上可以消消肉食既罪惡感。另天氣開始熱，金桔夠降温。金邊粉到左啦，好大碗！個湯底唔係味精湯，飲得出係用鐘數煮成既肉湯。唔錯。牛腩片好大塊，除有整片牛腩肉之外，仲有邊邊既位置，成個牛腩咬落去好滑，夠牛味。豬扒都唔錯，香煎過嘅肉質屬柔軟嗰隻。金邊粉粉量好多，男仔食都夠飽！朋友既西冷份量都好勁，好正！店員無問我地幾成熟，已經醒目地做左六成。塊扒好靚，煎香左個皮，啖啖肉，黑椒汁做都唔係太辣，温和型果種。我搶左两舊黎成，肉厚，呢個價錢真係好抵食！另外佢個薯角，我都要一讚。用