新匯聚餐廳小廚

營業中

休息中

食得多邊爐，間唔時都整返個大排檔，而家買少見少，好食嘅就更加難搵又同班同事嚟到觀塘搵食，相信觀塘就畀我哋食哂，一入師傅已經熱情招待，真係有以前牛下嘅feel。先叫薯仔牛柳粒，唔係廢話，薯仔好有薯味，唔係入口即爛，惹味又夠鑊氣！另外牛肉un左少少但薯仔贏哂！正！第二當然try try秘製咸豬手個皮唔知係烤定炸整得勁好味，入口勁脆！但入邊嘅豬手肉又唔會un，唔知以為食緊乳豬well done！最後都叫左隻芝麻雞，外皮有白芝麻包住，好似脆左，皮都好薄，雞胸肉唔鞋！總括嚟講，絕對有街坊風味之餘，又不失水準，下次ot又可以再食！

觀塘工廈「餓」虎藏龍，今日來到新匯聚，試試午餐如何。餐牌選舉眾多，由日式咖哩、鐵板均有提供。 點了鐵板燒春雞配豬頸肉，跟飯連飲品。 半隻燒雞雞肉算香滑，外皮夠脆；豬頸肉份量亦多，香脆彈牙。 白飯亦粒粒分明。最吸引還是跟餐蜜糖梳打，清甜醒胃。綜合餐廳環境、服務態度、價錢和食物品質四大評分準則，推介指數有7.5分（ 10分為滿分）。

今日有點忙，同朋友去了一間工廈中的大排檔食個快lunch，十二點半店舖已經坐滿了九成食客，所以快速30秒便叫了一客咖喱炸豬扒飯，以免要等。賣相不錯，好大碗飯，由於太快唔記得叫小飯！採用珍珠米，入囗煙靭。炸豬扒都幾香脆，有兩大塊，份量十足！似日式咖喱，有紅蘿蔔粒，完全唔辣，帶點微甜，如果可以多一點咖喱汁就好！是日特飲是蜜糖梳打，味道入口似菜蜜，偏甜，但梳打加蜜糖都等一次試，幾特別！店員態度都幾好，上菜又快。原來晚上還有海鮮小菜供應，下次可以試試。

觀塘區帶好多工廠餐廳有一次我同事帶我去新匯聚 一食就愛上呢間野 入面基本上無野你會覺得唔好食唔食蓮藕既我 試左佢既藕餅後 即愛上！我介紹比所有朋友 個個都讚另外！佢個啫啫芥蘭煲又係必食既菜式！價錢合理 夠哂大碟！仲有糖水送建議唔好walkin book定台會好d

今晚友人約食飯，自搬屋後，山長水遠過黎觀塘，究竟呢間新匯聚餐廳小廚有咩咁特別，要小妹山長水又遠咁過黎食飯話說友人book左呢間新匯聚，位置都算方便，港鐵觀塘廣場出口一出轉左就見到……個招牌，上一層樓梯直達，易揾！餐廳位置一眼睇晒大約20張枱度，其中四張大枱，坐到12人，其他係中枱，小妹友人book左唔夠7點，無咩人，小貓三四隻，唔通呢度係個伏？人未齊叫返個小食先，自家鹵水鴨舌同雞翼尖，滿滿嘅一小碟，比嘅外面地舖嘅份量為多，鹵水清香撲鼻，鴨舌肉質爽口彈牙，鹵水汁融入鴨舌咸淡分明，配一口啤酒簡直係男人嘅浪漫終於人齊，友大發板，佢極力推薦呢度嘅杏汁豬肺湯，老老豆豆，聽就聽左好多年，阿媽都一定唔會煲話功夫好多，終於有機會知道係咩味啦～呢度係自家磨嘅杏仁，再加上啤水啤到天光嘅豬肺湯，果然名不虛傳，小小嘅湯盅入面包含半隻雞，瘦肉，潔白嘅豬肺，真係何其足料，奶白色嘅湯入面包含雞嘅清甜，豬肺嘅滋陰，瘦肉嘅鮮甜，杏仁嘅清香，小妹同友人要爭相添飲，大盅都係300大元，夠9個飲有突，抵到暈！呢個黎自元朗嘅黃油大烏頭，實的的又有嘅魚肉唔會鬆散，咬多两咬口感極佳，沾小小豆瓣醬，咸味能帶出魚肉嘅鮮味，值得一讚！酥

食得多西餐日本菜，偶爾會想揾返童年同屋企人去大排檔「炒返兩味」嘅回憶，廣東炒小菜，食嘅係鑊氣係風味，更係種熟悉嘅人、情、味！| 薯仔牛柳粒 |薯仔炒得好爽口，唔係炆到好稔身，入口即爛，但油泡過後再快炒，反而惹味又夠鑊氣！另外牛肉亦好香濃，唔「un」亦唔會炒到老晒，正！ | 秘製咸豬手 |外脆內軟，皮烤得騷脆，入口卜卜聲！但入邊嘅豬手肉又好鮮嫩，粉紅色十分誘人垂涎！ | 芝麻雞 |同豬手一樣，外脆內嫩，外皮潵上白芝麻，香味更形突出，皮好薄，但就略嫌雞肉太少亦太肥，冇乜肉食！哈哈～ | 椒鹽豆腐 |餐廳喺烤焗同煎炸野家面都好出色到家，呢款椒鹽豆腐睇落簡單，但製法卻唔簡單，炸皮要薄，豆腐熟而不老，新匯聚就做到！個皮目測近乎得1mm，咬落豆香四溢，外脆內嫩滑！真係我食過最正弓嘅椒鹽豆腐！

一條舊街，一條石屎樓梯，一望親切嘅裝修，原來係金利來老闆，佢張金利來定咗比人，諗注退休！年半後覚得好悶，所以搵咗宜個地方再聚！酥炸德國咸豬手好乾身，話梅骨其實係糖醋猅骨（腩排）之不過唔用檸檬用話梅，味道唔錯😋！四川辣之雞😋😋😋😋(宜間叫小辣已經有汗珠係唇上啦！食完有糖水送！ 酥炸咸豬手😋 話梅骨😋 辣子雞(小辣)😋😋😋😋😋 糖水

又係搵食時間 今晚同老友搵食搵到工廈去工廈中的大排檔 大 另一番風味😌😌 招牌話梅骨 上枱時已經香噴噴外層先炸到香脆 再沾上獨有醬汁 十分惹味話梅骨入口依然保持肉質juicy👍🏼👍🏼豆豉鯪魚炒油麥菜 油麥菜十分爽甜不過略嫌豆豉鯪魚太少⋯ 蒸筍殻魚 魚味香濃 肉質嫩滑鮮甜👍🏼👍🏼👍🏼

觀塘有不少小店，有一些則是在工業大廈內，不過這一間似是菜館，而最吸引我一試的，卻是這裏的下午茶餐，因為真是非常便宜呢！甫進店，便見到如快餐店一樣的點餐模式，收銀姐姐得知我想點2個下午茶餐，都很主動推介我可以「吃飽點」的餐！因為沒有吃午餐，而且下午茶食物非常便宜，今次一於點2個餐吧！買過票，就找個位置坐下，等候店員送上食物。首先送上兩杯飲品，第一杯是「是日特飲」（不用加錢）—檸檬蜜，非常甜。2個餐有2杯飲品，第2杯是熱奶茶，有點似是茶包沖的，有點澀，不夠特飲好。首先上雞翼湯河粉（$26）—雞翼是半煎炸的，不算油膩，但炸過的竟然放在湯上，但吃起來是凍的……只好再放在湯上浸熱吧，而且肉有點硬，不是新鮮炸的。河粉很大碗，湯底很少味精味，似是雞湯吧，河粉因此也有點味，不致太淡。吉列炸蝦（+$5）+炸雲吞（+$5）—炸蝦一般吧，不算「啖啖蝦味」；炸雲吞有驚喜，雲吞有肉汁，炸得也夠脆，加$5就有了，抵食！點的第2個餐是一口西多士配朱古力醬（$18）+炸薯條（+$5）。每個餐可加配2樣食物，我點2個餐只加配3樣好了，免得吃不下……炸薯條—是波浪薯條呢！配上西多士是不錯的選擇，但炸得不算脆。一口西多士配

跟一些朋友相聚，大家建議去新匯聚餐廳小廚，就是位於觀塘區的工廠大廈內，聽說很有名的，以前是牛頭角下村的餐廳。首先必試的有杏汁豬肺湯，要了一個細size，大約可分八碗。杏味就是清淡的，不會過重，至少不愛杏味的我都覺得可以接受。好喝！湯料可以沾醬油來吃，因為已經煲到沒什麼味了，而豬肺很嫩滑爽口，洗得很乾淨，可以放心吃。還有點了男人的浪漫，豆腐火腩炆頭腩，豆腐是台式豆腐，比較硬身，不會一碰即散，頭腩炆得入味，愈大片魚皮黏著魚肉就愈好吃，夠惹味！大力推薦這餸！！ 再來要了一客避風塘茄子，就還好。因為我曾經吃過水準更高的，至於新匯聚的避風塘茄子就炸粉厚，蝦滑又釀得不夠多，茄子偏小，就欠一點水準，難委我還那麼期待。而蜜糖薯仔炒牛柳粒，就甜味不足，有點過咸，幸好牛柳粒炒得香口，外身煎得酥香，內在又保持到肉汁。由於朋友經常來吃，就懂叫新匯聚的secret menu，來了一杯「有氣」。超級特別的飲品，像有氣的柑桔檸檬，反正就過癮又好喝。如果你遇上筍殻魚有貨，記得一定要落order，朋友們都大讚！我們一行四人，人均$120，很合理的價錢！不錯！不妨多去工廠大廈尋找美食吧！豆腐火腩炆頭腩。避風塘茄子。蜜糖薯

中午朋友話帶我去食鐵板,一去到先發現如果幾年前都幫親過!上次係食牛扒,今次就決定食下其他!唔想食鐵板都有好多選擇,比飯堂既飯種類多得多!最後決定食鐵板吉列原條龍利柳 ><鐵板吉列原條龍利柳$55 嘩一送上黎見到超大條魚柳,心諗真係好抵食!龍利柳仲大過我塊面多多聲~食落吉列原條龍利柳好香脆甘香,炸得岩岩好,唔會話好油入唔到口。個蒜茸汁都幾出色,唔會話太咸!薯菜份量都多,味道都唔錯,用黎送魚柳食一流!凍有氣鮮檸蜜 (連埋送)第一次飲有氣既檸蜜,飲落似梳打水,但飲飲下會飲到個底既檸蜜~檸蜜甜甜地,配埋有氣既感覺,幾特別!不過女仔黎講,呢個份量真係超多。好彩我好大食,但食完真係好飽xd 

補完習肚餓想食野，見附近有呢間新匯聚餐廳小廚，就同朋友入去食個lunch呢度環境寬敞舒適，係朋友談天說地既好地方Menu有好多選擇，多到唔知點㨂，店員重好親切咁向我地推介唔同既食物見鐵板好似好吸引咁於是點左韓式雞扒鐵板飯 ＄45鐵板飯熱辣辣，冬天食最好不過飯炒過幾正 加上蛋同芝士重有洋蔥帶來多重口感蛋香同芝味尚算突出雞扒肉質嫩滑，唔會太燶雞皮香口，肉汁又豐富韓式醬汁有少少芝麻加燒汁既味道令雞扒更惹味佢送埋中湯 西洋菜湯十分清甜 而且冇落味精 健康之選配菜有西蘭花同紅蘿蔔，幾健康我朋友點左個鐵板吉列龍利柳 ＄55我試左少少魚柳 非常香脆雖然炸過 但炸漿唔厚 唔算好膩最後叫左個有汽檸蜜 ＄3.5食完熱既鐵板，再飲冰的檸蜜，一凍一熱的雙重享受檸蜜好潤喉，如果夏天飲重可以解渴添我覺得呢個比可樂更好飲 而且唔會太甜呢餐都算抵食，可以試到咁正既鐵板，好滿足

相信工廈內大排檔已是個特色。店內裡的枱並不是太迫，空氣亦流通。點了炸豬手，不論價錢或菜色比西餐廳出色。豬手的皮炸得香脆可口，但有些偏乾，豬手的肉質淋。價錢亦非常便宜，比起一般西餐廳的份量，這隻大了4分1。話梅骨，可算敗筆，肉切得太細粒，亦炸得太久，令肉變肉乾。在肉面上有鑊lon，味道不夠。雜菜煲，正正常常，沒特別。

很少有機會能吃家常菜，這次來新匯聚終於也可以滿足自己的心願。最愛之豉椒炒蜆，新鮮的蜆，用醬料爆炒，加上花花綠綠的辣椒，醬料融入了蜆肉裡，辣椒也是清脆爽口豆豉魚片和炒蜆有異曲同工之妙，白嫩嫩的魚肉，用洋蔥去除腥味，和好吃的醬料混在一起，不錯吃炒菜一定要加蒜蓉，無論腐乳通菜，蒸蝦都有蒜蓉，用海鮮味和大蒜味混合的菜下飯，真是完美飯後甜點：薏米水，清熱下火。

經過觀塘食lunch見到一個招牌寫住新匯聚 睇到佢出面既相片同 菜單都係十分吸引既中菜， 唸住 呢d都係晚餐先食 但係 原來lunch都有一set set lunch 我同frd每人點左一杯 檸蜜梳打， 味道好香檸蜜味 再配以梳打水 , 清清甜甜 幾開胃另外每人點左個飯share日式咖哩吉列豬扒飯 飯比較林身 咖哩不辣但偏甜 配菜有香菇類， 吉列豬扒炸得吾錯 出面脆同薄 入面都夠肉汁 好味韓式鐵板飯 鐵板 夠熱 放喺枱仲有煙 有兩舊醬汁豬軟骨 夠滑同林，另外 有蘿白同西蘭花伴碟 雞汁多汁夠骨 同咪有d辣醬喺上面 味道ok吾錯 飯亦都有炒過 有蛋香ok有機會要再試下佢夜晚既小菜！