文華咖啡冰廳 (已結業)

今次路經試下文華冰廳.叫左:沙嗲牛肉餐肉意粉,牛油方包,奶茶,叉燒意粉,火腿奄列沙嗲牛肉餐肉意粉:沙嗲牛肉味濃野味唔太嚡,餐肉用低價貨味道一般,意粉粗嚡左小小,唔夠滑,湯底幾鮮甜.牛油方包:因冇迷你菠蘿包,但冇講就轉左牛油方包比你.味道差到唔想食,牛油味唔香有小小怪味,方包好粗糙唔新鮮.叉燒意粉:叉燒好嚡太乾身,但勝在有傳統味道.火腿奄列:蛋味唔夠香,一般.奶茶:茶味唔太濃,好在冇酸味,可以嘅.整體:環境普通,勝在可以坐得耐,出品一般.

紅磡區內可能是剩餘的一間有幾十年歷史的茶餐廳, 太座雖然在這區成長但就未曾內進幫襯過, 往往就是這樣你每天都經過佢門口但就從未入過去, 無論佢是好是壞, 你就是未入過去, 即使你外賣過她的麵飽吃, 而我作為一個區外來的人, 由於最近來到土瓜灣工廠區工作, 趁還有一天在這區工作的日子,怎樣也要來這裡試一下, 在一個毫無心理準備的中午來到, 門面沒有任何醒目的招牌, 推門一進去見店內十分之闊落, 當然我是將她跟現在的同類型茶餐廳去比較, 內部明顯作過基本的裝修, 牆身光潔明亮, 冷氣加那些古舊風格的風扇室內溫度完全令人覺得涼快, 一點也不似是幾十年的老店, 但她比較有性格就是黃昏六點已經收工, 無論外面有晚市定抑或明知這條街有晚市或者無晚市可做? 她就是這樣奢侈地放棄晚市, 其實我會好奇地諗:從來沒有人問過這裡老板租這個場來做晚市的嗎?? 話說回來,今天的午餐有三個選擇:1.) 梅子蒸排骨飯2.) 涼瓜炒肉片飯3.) 魚香雞柳飯全部均一價: $29 (包熱飲) 這個價錢平過晒整個紅磡區, 想必係”伯爺鋪”了,因為即使店內員工全都是可以拿長者咭的長者, 人工的支出壓力不大, 但以這面積去計鋪

身為一位貧苦學生，每一餐都要睇銀包就住就住，今次特登餓到下午茶去食文華$21超值炒粉麵(當時未知已經無左)，心諗廿一蚊食得飽又有鑊氣唔食麥記，邊度搵！於是就拿拿林衝左去文華。去到，其實已經心知不妙，因為$21下午茶炒粉麵餐張poster無左！之前會貼係牆度，叫其他野食d waitor都會recommend你食$21餐…我問waitor 仲有無$21餐，佢好婉轉咁講自從農曆新年後好多野都變左xd 既然無左$21， 咁就叫返正路下午茶囉，都只係廿五蚊，有扒類湯面加細菠蘿包(今次太遲去賣哂…所以用牛油白方包代替)我揀左雞扒意粉，雞扒好大塊，煎得好香，好老香港嘅感覺最後十五分鐘就ko左個下午茶，杯熱咖啡好特別，我覺得幾好飲，可以一試

第一次黎到文華，今日試左佢的早餐。本來想試佢的快餐，叉燒意+火腿奄烈+ 餐包+ 熱飲。點知原來11點後先有得供應，不過姐姐好好人咁同我講話可以將叉燒轉做早餐粉面的其他配菜e.g. 腸仔，雪菜。最後點左 沙嗲牛肉意+火腿奄烈+ 餐包+ 華田，$26。值得一提的係佢係用波羅包做餐包，仲可以+1 轉雞尾包。呢點係比較特別^^等左3-5 分鐘就己經有得食。沙嗲牛肉意煮得唔錯，意粉軟硬適中，湯底係普通茶記的湯底，唔覺落左太多味精。沙嗲牛肉唔錯，有濃濃的沙嗲味，而且微辣，不過係食唔到牛肉味GE，但係你都唔會EXPECT 係茶記會食到有牛肉味的沙嗲牛肉吧 :/ 火腿奄烈正正常常，同一般食的差唔多，冇蛋汁。波羅包係三樣食物之中最差。比較甜，而且波羅包皮唔夠脆，同埋啲包太實。華田沖得唔錯，幾滑幾香濃，同埋有陣陣奶味。比其他茶餐廳水準高。文華的服務亦都唔錯，可能波羅包己經出左爐好耐，上到黎己經凍左。服務員主動問我使唔使加熱，雖然只係用微波爐，但係佢的主動己經值得加分。而其他服務員都會對你有笑容，唔會黑口黑面。

朋友介紹一定要試羅宋湯, 真係冇介紹錯, 好足料. 見到四圍好多人都食旦糕, 又湊熱鬧叫一個, 但只得番紙包旦糕, 唔知係咪太耐冇食過, 特別好味, 好鬆軟.見推介炸魚塊, 真係好食喎. 炸豬扒都好.唯一敗筆係杯檸茶, 下次叫熱飲穩陣D. 呢類舊式裝修茶餐廳買少見少, 值得去試下.

下午餐茶：吉列魚柳配炸薯餅 凍奶茶 $23查實諗住入去食件菠蘿油，點知賣哂，於是問伙記有咩好推介？佢就推介吉列魚柳炸薯餅，好！就試下！細個galaxy note些少o既魚柳外層香脆，肉嫩無腥味！兩大件炸薯餅炸得剛好！收23蚊平到喊，抵到喊！又係呢句，蔗渣價錢燒鵝味道，出面仲邊搵到？

傳統舊形茶餐廳款式, 應該是自家買下的店鋪, 否則如此經營方式, 早就關門大吉了, 來一客全日供應的茶餐, 义燒意粉, 义燒顏色略暗, 肥肉太多, 味道尚可, 意粉微微過淋, 湯味道一般, 火腿奄烈, 外表賣相極不討好, 蛋白和黃未攪便煎, 做成白黃兩色分離, 煎得平平乾乾的, 火腿只得幾少碎塊, 餐包尚好, 軟身, 但並沒有下牛油, 事先要求凍奶茶 “少甜”, 上檯時依然十分甜, 唉…

牛肉麵和香腸煎蛋, 轉多士, 加一元, 凍奶茶加兩元, 應真驗測, 發覺不是一般雞肉腸, 味道較淡, 肉質較實, 多士烘得熱, 但麵包質素略差, 多孔, 中間空氣較多, 麵粉做得不好之故, 牛肉麵彈牙, 鐘意古老裝修, 食物差少少, 無所謂

吃完生記鹵水鵝腸，再加拉麵...然後飲杯嘢..食個撻單看门面已知"年紀"吾細，依然健在必有個人之處地方吾算細，沒裝修，奶茶、咖啡必定是店中靈魂奶茶 - 果然，香濃..飲後帶少少甘香，上等蛋撻 - 老咗少少....可能是昨天出爐，不論賣相和味道都冰檸茶 - 綠色膠杯...令我想起兒時冰室才用有顏色膠杯...現今多數是透明28元

香港老舖一間一間地死去, 機緣巧合下搵倒呢間文華冰廳, 即入去感受冰廳昔日情懷聽老闆講昨晚間舖比水浸過, 但地方十分乾淨. 我多口問老闆呢度有幾多年歷史, 佢話有40多年啦, 真係難得. 舊物狂如我者入到去定必如獲至寶, 一桌一椅, 冷氣機, 水吧, 收銀枱都充滿懷舊氣息.menu一d都唔老土, 早餐可以加錢換好多options, 食物嘛, 真係喜出望外!1. 漢堡扒係自家製, 賣相不佳但好好味! 絕對唔係連鎖食肆來貨, 係人手刴既, 裏面仲有洋蔥點綴, 好香口, 咬落外脆內軟, 如此高水準漢堡扒相信冇乜邊間食肆肯整喇2. 煎蛋唔係行貨式一個圈吸出黎既模, 咬落仲有蛋汁3. 必不可錯過雞尾包同菠蘿包, 雞尾包係舊式造法, 有椰絲餡, 菠蘿包仲有heart到用檸檬牛油, 芳香無比.4. 奶茶落本地用黑白奶, 仲配埋黑白奶杯, 茶味醇而唔嗆喉.5. 蛋撻賣相好一般, 甚至有點唔吸引, 但蛋漿係舊式味道, 咬落仲爆蛋汁去過咁多間冰室, 我比呢間文華評價甚高, 老闆同熟客談話間處處表現出濃厚人情味, 對住我地呢d稀客亦好有禮貌, 唔會有流水作業式既多謝光臨此等招呼, 感覺好親切

一入到來, 椅子和桌都是矮矮的, 天花有些吊扇, 門口有式櫃裝著蛋糕包點, 很有懷舊風格而最喜歡的是奶茶, 它與其他地方奶茶比較不同的是茶味較香濃一般多數重奶味的奶茶都要加多糖才能避開過重的奶味(可能係我不太接受...)但這裡的就讓我喝得舒服, 對奶腸胃較敏感的人都可以一試飯類我比較愛芋頭扣肉, 這個飯一般在外都已經比較少見實說賣相就中中, 但吃下去, 芋頭和五花腩就配合得很好,好快就食完成碟眼看門口有些蛋撻蛋糕, 都應不住叫了件蛋糕(好似磚頭, 表面有些紋理的那種)雖然不是新鮮出爐, 有點冷, 但加埋奶茶真是絕配可惜的是奶茶已經不熱, 也餘下不多某刻有點衝動叫多一杯來渡過下午, 還得顧著待會的課堂, 匆匆就走了.

上星期路過紅磡，見到一間懷舊的「文華冰室」，殘舊到的地步是連招牌已變了做「水室」。時值三點三，食個包最啱！「熱奶茶」$11一上桌已聞到一股濃烈的茶味，配上「黑白淡奶」厚杯。對，這就是老式茶記的風味！厚杯能保住茶溫，「黑白淡奶」也是奶茶香滑的必要條件之一。朕是次刻意點了少奶，喝下去，質地比想象中稀，卻反而突出了紅茶香，很不錯。「菠蘿油」$5菠蘿包不是熱的，有點可惜；夾在中間的厚牛油仍保持在最冰凍的狀態，份量也給得很大方。相信菠蘿包若是剛出爐，加強與牛油冷熱口感的對比，效果一定好得多。但畢竟只是賣 $5，無投訴啦。「文華冰廳」各式麵包外賣只是 $3 / 個。臨埋單時見到有位 walk in 阿姐要外賣 30 個雞尾 / 菠蘿包，每個包要分袋載，老板娘一路夾包，一路罵：「你知唔知剩買包又唔叫嘢飲，我哋真係蝕俾你㗎！而家生意難做，蛋又貴，麵粉又貴，人工又貴；賣哂俾你，我哋點做下午茶呀，唉。。。」罵足兩分鐘。結果買包的阿姐放低 $90，就拿著一大袋麵包，如獲至寶地離去，老板娘則繼續「嘰嘰喳喳」地埋怨。從這小小的片段，已體會到小市民生活的艱苦。財爺，請你多點落落區，吃吃菠蘿包，聽聽我們小巿民的聲音

今早在紅磡四處找新地方食早餐，經過文華㗎啡冰廳門口，見到餐廳在角落頭有個無人坐的卡位，即飛身入內坐下來。擰起個餐牌望幾望就已决定來一客大大份的精選早餐($22)加通粉一碟($4)。 抱着一点懷舊加觀光的心情左望右望，了解吓這兒的食客的年齡及來自什麽階層。發覺到的人是嘆茶嘆報紙居多(咁啱我又係買咗份嘆報紙嘆早餐)，有年青亦有年長的人，開開心心的講吓身邊事及新聞時事，好warm啫!講到食物質素，整體都唔錯。煎雞扒 + 午餐肉 + 煎蛋 + 牛油多士煎雞扒絕對係驚喜之作!可能食慣快餐店的出品，很難想像到雞皮可以煎到咁香脆，雞肉又嫩滑，大廚好手勢! 午餐肉選用唔肥的餐肉，即煎的蛋及即烘的多士卻令人感動，連銷快餐店確難以相比!清湯通粉 – 簡單的通粉都煮得唔錯，味道okay!熱鴛鴦 – 又香又滑，令人回味!俾$26嘆咗個多小時，睇哂份厚厚的款報紙亦醫飽個肚，每個早晨都係咁就正呀!下次行過亦要買啲自家製麵包試吓!

本來想食韓點, 點知排哂長龍, 等左一陣見條隊又無咩點郁過, 無心機等唯有入去呢間貌似冰室既荼餐廳食入到去, 無我想像中個隻懷舊味道, 有d失望~仲要有d污糟, 有蚊滋飛黎飛去! 凳上面又有d污跡… d侍應個個都無笑容, 仲好惡甘既樣… 動作非常慢, 好唔憂做甘…總之由我坐低到野食黎之前我都有好後悔入左黎既感覺我要左份魚柳沙律下午茶餐, 等左一陣先送到黎~ 先食沙律, 好普通既港式沙律, 味道一般而且用料唔新鮮, 沙律醬落得太多! 至於魚柳, 賣相比沙律好, 但未算金黃~ 點知響完全無期待既情況下, 我竟然食到一份超高水準既炸魚柳!!! 外脆內嫩, 沒有半點油膩感, 食唔出任何雪藏既味道, 而且唔會出現皮同肉分開既情況, 可見炸工一流, 呢塊魚柳我會比滿分! 本身我男朋友好飽無食到, 但幾經我游說之下佢食左一小舊, 平時唔鍾意食煎炸野既佢都覺得驚為天人一仲一食再食添!真係唔係誇張, 我誠意推介大家去試下呢塊高質素魚柳!本來味道係想比5分既, 但因為個沙律而扣佢一分

小豬兒仔在區內居住但都未去過 我帶妳吧!於是上完課一起來到此店.是日午餐有咖哩牛筋腩, 梅菜扣肉, 皆很吸引, 但怕萬一不好吃, 會浪費機會,還是吃穩健餐 - 快餐沙嗲牛肉麵, 腸仔煎蛋沙嗲醬挺香的, 牛肉則很小, 小小的幾塊, 一般腸仔煎蛋少少油膩, 還可接受, 香香的茶足則練奶較少, 再多少少會好些而小豬兒仔的五香肉丁通粉, 她也說挺好,煎蛋又是要玩弄一番 蛋黃(漏喇~)才開心熱朱古力都挺濃香的.下次可以試試午餐看吧因為隨處諸般茶餐廳, 同類型餐 都要$26-$3X這兒只$21 確實十分划算.