文華咖啡冰廳 (已結業)

2009-4-2(星期四)沙爹牛肉那個早餐套餐$19，但凍飲要加$3貴咗一點點…即收$22。我覺得沙爹牛肉麵，沙爹牛肉好入味，麵剛剛好熟，幾好味道。我叫既是沙爹牛肉那個早餐套餐$19，原先是跟餐肉蛋，『我要求轉咗腸及腿，職員都說沒有問題』我覺得服務態度幾好，食完職員還向我道謝啊！

又帶同事黎呢度食lunch~因為真係又抵~又好味~而且份量唔多~岩晒我~平時其他茶記食淨太多~好浪費…今日我冇叫平時食開既常餐~因為想食飯~叫了西炒飯~$21…呢度仲有另外一樣好處,就係上菜快~呢頭叫完~唔駛5mins一定黎到~但係食物又係熱架喎….真犀利~!西炒飯: 有齊晒基本材料~而且好足料,有蛋絲, 火腿絲, 腸仔片, 蕃茄.不過就可能因為快啦~飯炒得唔夠乾~仲有d茄汁但係冇乜所謂啦~都好食~唔油, 令人有想清碟既衝動添…哈~同事既常餐水準同平時差唔多~冇咩問題~但記得一定要加$1轉多士~因為呢度d多士烘得好燶同香口架…黎呢度另一原因係佢沖既飲品沖得岩岩好~熱朱古力同熱杏霜係我地每次都叫架~杏霜放耐左會有一層薄膜o係面~我今日因為需要一杯咖啡~所以要左杯熱啡走,少甜~咖啡夠香且濃..

講左3 次終於食到冰室黎睇下佢點懷舊法, 可惜想食o個排佢裝修想一睹再懷舊d 既風采地板已經鋪過, 不過都係烏糟因為侍應們都改唔到d 習慣, 例如倒d 水落地下咁另外d 台都換晒d 靚木台... 但牆身依舊不過好可惜見唔到貓. 可能中午太多人既關係唔放出黎我要左通粉同轉多士先談多士, 佢既多士係冇切邊, 烘完之後只有個邊勁脆, 係脆得黎硬o個隻而中間依然係林, 至於牛油冇幫我spread開, 自己黎. 麻麻叉燒通粉, 叉燒有d 肥, 有d 咬唔開, 不過幾入味通粉唔林, 大粒, ok. 個湯好清, 冇乜味......... 成碟野都唔大碟最正係個殗列, 入面仲有d 蛋漿湛出. 唔錯奶茶一般, 唔夠滑, 個底好多茶葉整體的說興記技勝一籌

試過中環文華酒店的勁正餅店、美味high tea、無敵朱古力buffet，還有太子文華冰廳的誘人菠蘿包，對文華這兩字產生傾慕之情也是正常不過的事。最近更愛上懷舊，縱然見很多心水食家對其反應平平，經開來紅磡也是必來一試! 　穿過古舊的門面，冰廳內部原來都幾寬落，我一個人都可霸一個卡位，不錯。食物選擇平得發笑，不過份量也不太多，正好適合我這等細咸胃人士。一個人叫了午餐，食物在2分鐘內即上檯，效率驚人，味道介紹如下：　熱奶茶-淺淺的色澤下，連我等愛奶之人也嫌奶味主宰味道，茶味十分不夠香濃。火腿奄列-內部塞滿了火腿絲，可外層的蛋煎得過熟，油也下得有點多，加上不夠熱又上得快，不難相信是預早煎起。伴碟的牛油麵包帶點麥味，水準正常。五香肉丁米粉-想吃肉丁是一種心情，罐頭貨色絕對可以收貨；然而剛「筆」在湯米上的肉丁還是冰冰的，流水作業其實影響了質素。　雖然食味平平，但價位實在宜人，我又喜歡其環境，覺得來hea也很好啊! 也值一個笑臉，同時貫徹我對文華的傾慕~

被叉蛋飯吸引，來了懷舊的文華冰廳。叉蛋飯配熱檸茶才只是20蚊。太陽蛋被戳穿后蛋汁溢出，生蛋黃拌上豉油撈飯咸鮮充滿蛋香，想不好味都難；至于份量孤寒的叉燒，肥瘦適中甜度稍重，味道不差但也不算出眾。熱檸茶中有好幾片檸檬，搗碎它們后異常酸澀，以后還是要量力而行。整餐主角非叉蛋飯，而是一旁优哉游哉的貓貓；不過，與它合影的時候人家很不給面子的，就是不看鏡頭，我學貓叫都不理，哼

奄烈+多士+通粉，絕對是深得我心的茶餐或午餐! 現在要找到茶餐廳供應這種配搭的午餐已經不易了。文華的茶餐不算出色但有水準。特別是多士，夠脆夠牛油，很美味。^^沙嗲牛肉麵或叉燒通粉都不錯。沒有澳洲牛奶公司般美味，但相信也相對地少一些味精。另，環境很有懷恨味道，還有貓兒來和你打招呼和玩樂。

在紅磡這一帶比較舊的區域中,寶其利街上的文華冰廳,應該是最歷史悠久的茶記.炎熱之早上來到避一避,四圍的食客,也優閒地邊看報紙,邊吃早餐,我也不例外.又是要個例牌早餐,來送手上的"蘋果批".奶茶仍不夠滑,味道幾薄弱.煎蛋香腸普通不過,在戶外就Walking in the sun,來到見到隻太陽蛋,就Eating in the sun.而iPOD上正播著,就是Travis的"Walking in the sun",幾時輪到千個太陽?雪菜肉絲米味淡,很難要求如樂園等地方,用新鮮雪菜,但好像這個淡出個鳥來的味道,又似乎很難理解.反而手上的"蘋果批",嗒落有味,錠地有聲.在義興的食評中說過,來舊冰室,吃情懷多過吃味道.來到文華,變成"吃報紙多過吃味道".離奇.

住在宿舍玩通頂早餐的不二之選就是文華冰廳一個早餐十多元有個麵加腸仔蛋，配搭自由一杯濃濃的咖啡落肚叉叉電，又是時候回校上八半了是次柯打的是雪菜肉絲麵，兩隻煎蛋，一杯咖啡（＄１９）同阿姐講「唔好咁熟呀ｄ蛋」果然，阿姐特別挑了兩隻最生的給我太生了一點，連蛋白都還是透明的吃了一半，剩下的混入麵中一起食，讚！同行友人加了菠蘿油（＄４）受不了誘惑的我也照版煮碗來了個高卡高脂美味之選新解出爐的菠蘿包，夾上大大塊牛油熱辣鬆脆又香口，是很好的叉電食品呢！！

一直無留意, 原來家興超市附近有呢間陳年冰室, 今日到紅磡舊居0個頭行0下, 順便0黎坐0下. 有點肚餓, 叫了好日都唔叫的下午茶餐, 有熱奶茶一杯, 火腿奄烈及牛油方包一碟 ($18).奶茶幾稀, 一般滑, 茶味大過奶味, 唔係咁鍾意.而火腿奄烈配牛油方包, 就幾差0下 -- 奄烈溫溫吞吞, 蛋煎得好老, 加上油溼溼, 幾難吃; 牛油方包無手勢可言, 食了半塊決定唔食, 大家自行想像質素如何吧.環境係典型舊式冰室格局, 夠晒舊; 招呼就係茶餐廳招呼, 無乜特別.放低 $18, 帶住模糊的印象, 繼續行程.(而 OK 面, 就當然係俾環境啦.)

近排o係OR同飲食男女都見到呢度既食評,加上自己鍾情舊式茶餐廳~咁梗係要叫埋同事一齊黎試下啦~門口絕對懷舊feel, 黑色門面,櫥窗放左d西餅,蛋撻~西餅$3件唔貴~有合桃蛋糕,卷蛋等…我地兩人隨意座到卡位,朋友要左午餐, 雖然有a-d餐,但其實可隨意配搭.佢要沙爹牛肉麵+火腿奄列+多士烘底.$21 ( 烘底只加$1, 好抵)我要左叉蛋飯$20Order後好快到~午餐先上枱~嘩~有驚喜,算係厚多士~(而家好多茶餐廳都切到d麵包超薄,完全冇口感~)多士既熱力令牛油o係半溶狀態, 我食左1/4塊~口感好~夠新鮮…其餘的我都冇試到~但望落都唔錯~叉蛋飯-合我心意,蛋黃係生, 仲要係雙蛋~篤爛個蛋黃加埋豉油撈飯~正….`而家好少茶餐廳係會唔駛request而俾生蛋黃客人,叉燒就冇乜特別~ok~係半肥瘦~但蛋黃豉油撈飯真係唔錯~而蛋白位置冇煎得過火.叫左少飯~但依然多飯~所以絕對夠食….熱咖啡唔錯~冇酸味~欣賞冰室的厚茶杯~好保溫….朋友的熱華田好似好濃~因為連我都聞到華田香味~呢度d呀姐好好服務架~我決定唔到食咩~佢地都好有耐性咁等,有個客人投訢佢碟雞得兩舊雞~個呀姐好好人咁話:因為係最尾,所

又去舊區試舊式冰室。早餐、午餐、飯餐的價錢十分大眾化，廿元左右有交易。那個「誠意推介」的鮮茄豬扒會意粉要2時後才供應，唯有要了兩個飯餐-叉蛋飯及鮮茄豬扒飯。真是有點不明，其實只是飯與意粉分別，但價錢相差$9元，可能就是貴在其「誠意」。看回KC食評後，吃不到那碟「誠意推介」也沒有損失。太陽蛋叉燒飯上枱時蛋已穿，來貨的叉燒普普通通，甜豉油味道送飯可口，只是飯身腍唔夠爽。鮮茄豬扒飯不似kc個碟「誠意推介」又紅又杰又多油，不過茄汁味好淡，飯同樣是腍。而豬扒是近期食過的豬扒中最差的，雖夠鬆軟，可是梳打粉味甚重。奶茶夠香濃，滑度亦合格。同意KC所說，這水準周圍亦有，不需舟車勞動來。

有機會到紅磡做嘢,行吓行吓見到一間非常懷舊的冰室,懷舊feel驅使下,就走咗入去食,打電話問個住係紅磡好耐嘅老友呢間出名係食乜嘢,佢答剩係熱咖啡出名,因為係大排檔咖啡.於是先叫一杯熱咖啡,果然有別於一般茶餐廳,咖啡很滑,很有咖啡味,但一點也不苦澀,相信是我有史以來所飲的茶餐廳咖啡.食嘢方面,叫咗個餐牌上特別推介--豬扒燴意粉配鮮茄汁,全餐牌最貴,連飲品$32碟意粉個賣相就好核突,但食落去幾好味,蕃茄有三大舊,豬扒亦有很多塊,很淋,意粉亦很大碟,唯一要批評,就是最底比較多油,不過以舊式冰室來說,可以接受.

蛋tak & 卷蛋做早餐蛋tak:香,鬆化,有蛋味,好過泰昌(9分)卷蛋:甜度適中,有蛋味,加上中間d cream真係好match~~~(8分)

不介意油膩的菜色，煮得好味就可以了。但一些不需要卻又整得油膩的話，就真的很反感，說的是是日在這裡吃的一個午餐。要了個沙爹牛肉丁及腸蛋多士的午餐，以及鮮茄豬扒燴意粉的「誠意推介」。丁麵沒有問題，下了原裝湯粉，忠於原著當然不會差。麻油卻原包放在腸蛋多士旁，幾騎呢。腸是烚熟的，煎也未煎過，不過可能這樣更好，因為煎過的蛋是一碟也是油蹟，多士烘得熱辣辣，加一蚊也應比油包更好；「誠意推介」的燴豬扒意汁底又紅又杰又厚，幾嚇人的。有幾件鮮茄在內，豬扒幾韌，尤幸是未被化學品招呼過。一看碟底嚇了一跳，小半碟意粉是浸著油的，吃了一口也覺不對辦，就將其倒了一大半出來，召收錢的來看，他說「是茄汁來的」，不是吧！我連茄汁或油也分不開嗎，忍不住爆了一句「這是茄汁？！」他一聲不響，就將碟油拿了去倒掉，什麼也沒有說。看圖中示的油份是倒油後的份量，吃了不多已放棄，始終健康要緊，這麼油膩的一碟意粉，不吃也罷！看四周都有不少的老人家在用餐，希望只是廚房一時失手，不然他們的健康也都不會是沒有影響。埋單52蚊，便宜也曷這樣說，只是吃西餅喝奶茶的地方，周街也是食店，我當然不會再來。

又繼續尋覓冰廳嘅足跡....時間尚早，人不多，可以舒舒服服，邊嘆報紙，邊食早餐...吊扇、四人卡位、垂垂老矣嘅茶客....食物不算出色。蛋炒得較老；通粉普通；可幸奶茶茶味尚濃，不太有苦澀味....環境出色，食物失色....