文華咖啡冰廳 (已結業)

農曆新年有著比西方新年不同的感覺。西方的新年一般都是比較寒冷而農曆新年雖然都冷但有著春回大地的感覺，會有一個更強烈回顧過去展望未來一年的感覺，大概我是個傳統的中國人。在2017年食過的食店太多了，工作繁忙根本未有時間筆錄。眼看在另一家“文華冰廳”火熱開業拓展分店，更令我想起在紅磡的老“文華”，在那兒吃過最後的一頓午餐。一直都是非常傳統但卻真材實料的文華咖啡冰廳。豬扒腸蛋配米粉、叉燒湯意、茶走... 務實唔花巧的組合，就是很文華，文華精神。（當然不是文華酒店的豪華。）這一次最後的午餐，我也拉了個花，大家都看不出是一隻回首的天鵝吧...但憑花寄意舊有的味道，大概也只能回味了。祝願堅守老文華多年一對老人家新一年身體健康。 咖啡冰廳的文化，還看其他新開的店承傳吧。

大檸樂，宿醉未醒，暈到午飯，黎杯可樂解解酒先 ﹗紅腸豉油雞髀飯，快餐黎加喎，等成十分鐘先有得食。第一次幫襯午市，真係估您唔到，超級勁難食囉 ﹗白飯濕爛，黏住我的櫻桃小嘴，您估軟飯易消化咩。紅腸炸到過晒火，乾爭爭，燶到變啡色，硬掘掘到刮口架 ﹗豉油雞髀皮又咸又濁，雞髀肉跟紅腸一樣乾爭爭硬掘掘，要肉緊地咬，要大力地趙，少點牙力都唔掂。鮮牛豬膶豆卜湯飯，我個飯實在太難食，唯有偷食同事碗湯飯啦。勁多飯喎，而且非常大碗，就算係我都覺得有點壓力。湯底散發出強勁青蔥草腥味，太利害，頂唔緊啊 ﹗湯汁淡某某，淨係得蔥味及超微弱清雞湯味道。勁鬆鮮牛腍劈劈又滑潺潺，無牙都食到。豬膶乾硬鞋，最好食係豆卜喇。試一次便夠，不過文華都將近榮休結業喇，都未必再有下次。

人總是這樣的，每逢有一件物事或人健在時，我們就不大會去珍惜....但當他/她/它即將要消逝時，卻又惹來一堆人去緬懷之.....這一所老冰室，就是一個不折不扣的好例子了.....從前還未有公佈這兒快將結業時，店總是只得小貓三四隻而已，但即將踏入營業的倒數階段時 (距今只剩下個多星期左右)，現在早上要想安靜地吃個早餐的話，難矣....今天很幸運，卒之可以找到位，可慢慢嘆一份早餐....不知道現在這裡的麵包是否仍自家製的，吃一口跟麵餐來的菠蘿包，件頭碩大包身夠熱質感軟熟，舖面的菠蘿皮flaky非常，咬一口後皮散落一檯....這樣才是像吃菠蘿包嘛....聽醫生囑咐要介茶啡，所以最近經常陪伴小弟左右的，就只有這一杯熱檸水....滿滿一大碟餐肉炒蛋米，米粉沒有處理至淋淋的；餐肉有煎過，很香口；炒蛋難得不老，軟軟綿綿的仍存蛋汁....吃得飽飽，是時候和這老冰廳來告別了.....看到年紀已相當老的老闆默默地坐在櫃台收錢，心裡暗地裡在祝福他....

好耐都冇寫食評了. 今次非寫不可. 今日剛好因工事來到這區，亦提早完成了工作就在找地區特色東西吃. 找到了這家老店就來試試. 緣份吧，原來這家老店只開到9月24號，又是因為租約問題吧. 可惜....今天試了回鍋肉榨菜雞絲通粉，還將多士加了$8轉半份西多士. 凍奶茶. 加起來$40. 很貴？ 看一下食物質素和誠意，我相信你都會願意來. 現在很多餐廳已經沒有回鍋肉這個選項，就算有就也那丁點. 可能成本問題吧. 但這家老店真的是足份量，味道不錯，而且荀也是爽口的，真的是有用心去做. 榨菜雞絲？ 不是普通吃的那一條條碎的那種，是一塊塊的，榨菜是帶爽的，不論是自己做或是外購回來，也是有挑選過和有心思的. 然後西多士就是西多士了，中間沒有夾東西的，還好吧. 但可以這樣配通粉還是第一次吧. 奶茶味道剛好，不會太甜. 如果大家想找香港的味道，就要把握時間來試試了，吃的不只是食物，而是香港文化的歷史見證. 我相信就算重開，感覺也會不同了，有些痕跡，感受和記憶是永遠的.

好耐無食過咁足料既回鍋肉通，依家出面食果啲都係俾幾粒你，佢呢道係俾成半罐你，即刻爽左!仲可以跟西多士，好heavy 啊！配埋個紫薯奶，但紫薯味唔太重，真完美飽到嘔❤️

為左享受優質既生活,今日去文華食早餐,而且仲要食佢既歐陸餐. 歐陸既早餐又點可以無fish and chips. 炸魚柳就必然啦,不過我唔食薯條,另外加個肉丁意粉算啦.一開始坐近開放式廚房,但太大油煙味,搬左去門口位.待應預期客人即時點單,由入門口直到你坐底,全程跟著問你食乜.一坐底再問食咩呀,但見你攞起餐牌睇,就會行開,想搵返佢落單就唔見咗人,都唔知係心急定唔心急。好快我既西式早餐就送到.炸魚柳,可能炸粉開得好,脆得尼又唔油膩,但係裡面既魚柳都幾鞋下,熱辣辣食唔會咁覺,我留返半舊魚最後先食,結果就... 碟邊雖然有隨意撻上去既沙律醬,但潛意識不停叫我唔好掂佢,唯有作擺.煎蛋有啲黑色,估計係鑊撈同埋燶底.我要求唔高,蛋黃唔係全熟,所以已經算合格.跟餐果件唔知算係中式定係西式餐包,總之拎上手好油,就咁望落去真係睇唔出.夾埋蛋一齊食,蛋醬同油漏到成手都係,好哩hea,不過真係唔差架.到依個時候已經飽飽地,有啲後悔加咗個面.一塊孤單既生菜,實在太少喇,淨係餐包既油份都平衡唔到喎.幾粒五香肉丁同埋少少發漲既意粉.肉丁可以啦,無過火太老,意粉發漲都唔關餐廳事既,我花太多時間玩個蛋餐飽啫.個肚已經

睇新聞見紅磡有幢舊唐樓冧咗露台，星期六去八下掛。睇完肚子餓去附近揾野食，見到間舊式茶記，入咗去叫咗個猪扒麵餐，叫完佢就即比菠蘿包我食，心 裏想我都冇叫菠蘿包。但好肚餓食咗先算啦，原來麵餐有包送。#$32大元仲有麵包送，好茶咖啡任揀碗麵塊豬扒好大件，加條生菜真係抵食。老板話生意麻麻地，可能附近太多食肆關係，大家去紅磡可以去試吓，唔係遲D就揾唔到呢D小店了。仲有佢杯奶茶真係幾香，包點係老師父手作。不過不失

今天到訪紅磡舊區，尋找遺失的味道。除了是食物的味道，還有環境和人情味。文華冰室已有數十年歷史，仍然在紅磡區屹立不倒。家庭式營業，勝過一本集團式經營;簡單的菜式，已足夠令人回味。先叫一碟乾炒雞扒河，鑊氣十足，雞扒切條，炸得鬆脆，沒有半點油膩。再來一客焗牛扒飯，可以自選醬汁，蕃茄汁、咖喱汁、黑椒汁、洋蔥汁，任君選擇，而我選了洋蔥汁。由於即叫即焗的關係，需要耐心等待製作時間。等待是沒有白費的，熱烘烘的焗飯上枱，香噴噴，牛扒很嫩，跟洋蔥汁很搭配。份量很足夠，能讓客人捧着肚子回家。

紅磡好多好野食？聽日講就聽得多，但實就唔知啦。而今日就經朋友介紹黎左依間文華咖啡冰室。入面既裝修好懷舊，想搵番以前冰室既感覺，絕對要黎食。食物方面，水準唔錯，最令我深刻既係杯凍檸茶，茶底好好。大家不妨試試！

如題，下午茶兩點去叫左個菠蘿油特餐，個飽凍冰冰好似隔夜咁，皮就唔洗講，又凍又唔脆，連鎖面飽店仲好過佢。叉燒意還好過得去，講不上好好食，叉燒篇瘦。唔明白其他食家點解會讚？！唔該唔好吹到好好食咁啦！

文華茶餐廳係一間曆史悠久，所以它渡過了好多歲月痕跡變成了它的獨特風格：復古風 🌝另外，呢間啲員工都好客 有好多街坊都會光顧！除了環境舒適之外 它最大特色係大份夾底食👏👏中午時段：一件菠蘿麵包、一件牛扒、一碗麵、兩個餸都係$37 超級底食😋 味道與一般茶餐廳相比之下都是頂級的 下次一定左去幫襯👏👏

紅磡近年興建鐵路, 區內食店亦不停翻新, 但芊如仍是喜歡人情味濃厚的街坊老店, 文華冰廳的服務員大多一把年紀, 但態度如同街坊, 10分親切雞扒早餐牛油大餐包, 質感鬆軟, 而且仍是熱的; 雞扒夠脆身而且味道足, 但要用紙巾印油

下午茶時間對於中意食野嘅人好重要，因為又有機會食啦🕑油脾沙律簡直系大愛♥️油脾都幾入味，肉質都吾會好'鞋'，不過就吾算好多肉食，隻脾瘦左啲🙈沙律就有蘿白，雜果，薯仔等😊加左適量嘅沙律醬，味道都吾錯。下午茶時間黎講，都夠填飽肚仔嫁～黎到呢間懷舊冰室，仲食到昔日情味❣

又到lunch time, 行過紅磡真係好好野食，正！呢度裝潢好古老，係舊式既冰室，坐得都好舒服。重點係食物種類勁多，飯，粉，麵，扒，常餐，乜都有，選擇困難症真係唔知食乜好。最後揀左歐陸餐，回鍋肉米粉，配腸仔，腸仔好味，魚柳好大塊，上面查左層蛋，煎完都幾香。我加左$5 薯餅, 薯餅味道無問題，但有點鬆散，油，不過食得出小本經營，自家製，都ok既。加多杯凍奶茶都係 $42, 抵到爛。朋友食湯飯，魚腩豬潤，唔慳料，份量多，羅宋湯底好特別，味道比較甜，可以一試，包熱飲，$35,非常豐富。

昨晚已上網搵搵紅磡有咩靚早餐、靚冰室，但仍然係苦無頭緒。是但求期順路，最終衝入文華。繼續抗戰！090000 返到公司，180000 只閃！我條氣極度唔那順囉！嘆完個早餐先算！有位真好，左揭右揭個 menu 唔知食咩好，時間不太多，黎個大路基本野啦。四眼侍應叔叔認得我黎過食早餐要筷子食湯出前一丁嗰個，扮睇我唔到，保持一定距離，唔想招乎，感覺唔良好！最後侍應姐姐替我落單。本想叫個歐陸扒餐再散叫個豬潤通，但姐姐建議加個餸再加通底經濟好多，好呀好呀，麻煩晒。到底邊個發起食湯麵係用叉呢？討厭！食湯河您係咪都比叉呢？何解比外賣木筷子！同 Stamp Cafe 一樣。莫非筷子要 11 點後供應？還是跟本無筷子提供呢？太陽蛋沙嗲牛出前一丁，夠晒求期，我唔想諗麻。原來有迷你菠蘿包送，我唔到喇，多謝。白烚出前一丁最憎，自己落湯粉，咪變左泡麵？失望。麵條唔夠熟，趙到索索聲又黐牙呢！都係浸多陣先食喇。沙嗲鮮牛雖淡但散發出原始牛味，質地鬆軟。拮穿蛋黃撈麵食勁好味，甘甜無比，捲埋蛋白齊齊食，滿足。見好多食客只叫個餐包加杯飲品，莫非餐包係招牌菜？火腿炒蛋雞扒黑椒汁走包，Menu 唔係寫住可以跟黑椒汁、蒜蓉汁或洋蔥汁