掌壽司 (已結業)

今日lunch同同事去食飯，一入去企門口無人理，我同個waitress講book左位，佢西面話：知道啦，出面等啦！咁ok我出返去等，之後都正正常常，到差唔多食完時，個waitress一入黎又話：塊膠隔板要中間！食環今朝先檢查完，當時我食緊野食到一半，筷子仲夾住食物。waitress已經唔耐煩，洗唔洗我幫你放返好呀？！我唔想你地罰錢炸。首先隔板唔係應該客人坐底前就放好，點解中間咁多點餐上餐時無人發現，仲要怪責食客，態度極差。以後都唔會再幫襯

今天難得放假，於是便約了母親大人共晉午餐，她提議到觀塘的掌壽司吃刺身，原來她對上次的印象仍回味無窮。我們大約1時半到達，入坐率已有9成，幸好仍有一張未有人坐的枱，我們便可以立刻入座啦。這裡的午市套餐已經非常經濟實惠，現在還有全單八折優惠，嘩！真的是平靚正之選。全日都有折扣，好抵食吖刺身定食非常豐富，除了有六款刺身外，跟餐還有麵豉湯、枝豆、蒸蛋及白飯六款新鮮刺身非常矜貴，特別盛讚海膽、帆立貝及赤海蝦，超級新鮮及美味，簡直是上品之選五色刺身飯也非常豐富，用料十足五色刺身的配搭也不錯，件件刺身都新鮮肥美，兼大大塊，真是可以用入口即溶來形容跟餐還可揀飲品或雪糕埋單只需$275，果然是超值之選

趁限聚令放寬至四人，我們 十月之星馬上訂枱食靚牛shabu shabu，掌 壽司 電話訂枱有九折，地點係觀塘駱駝漆大廈好方便我哋，最緊要係佢最近推出 $498/位 任食 日本黑毛 和牛火鍋，食好一點慰勞自己，食多兩件都唔肉痛。雖然是120分鐘任食，和牛質素卻是高級火鍋料理之上，由前菜開始到甜品，食物質素跟服務都是很滿意！和風沙律鋪滿蟹子的和風沙律加上麻醬汁，特別開胃又新鮮。刺身壽司盛刺身有三文魚、帆立貝、油甘魚；外表光澤亮麗，大大片厚切，入口有油潤口感又不會太肥，新鮮度高。赤蝦壽司好味道啊！口感爽脆中柔軟幼嫩，雙重口感享受最鮮甜美味。熊本A5和牛小排 無限量添加今天晚上的主角不是熊本熊，而是 《A5 日本黑毛和牛牛肩胛 》& 《A5 日本黑毛和牛牛胸腹》A5 就是日本的極品和牛，A5 日本黑毛和牛牛肩胛 ，外表已經看得出是優質和牛，肉身呈現嫩紅色，入口好嫩滑，佈滿油花，肉味濃郁而且軟腍鮮甜。A5 日本黑毛和牛牛胸腹，脂肪如雪花般均勻分布，口感細緻，肉汁香甜，肥美肉嫩入口溶化，味道也相當好！北海道豚肉雖然我喜歡食牛，但北海道豚肉 也是不能錯過的，賣相對板，我個人喜歡吃八成熟剛剛好。入口

嚟過多次食過多次，次次都咁開心，呢次坐低驚見有日式火鍋，唔使講梗係要試一試啦!咁兩個我哋叫咗個，熊本和牛放題套餐 ，佢包括嘅就係和和風沙律，刺身壽司盛 ，北海道豚肉一份，熊本和牛一份，野菜鍋一份，其中和牛同野菜鍋，係可以再叫加添，無限供應嘅，所以呢餐應該好飽。等咗一陣預備好啦，咁我哋呢個昆布鰹魚湯 同壽喜燒湯，我哋揀咗昆布湯，當然食壽司刺身先，日本廣島蠔帶子三文魚，當然係非常新鮮啦，淨係隻蠔都已經脹卜卜，食過咁靚嘅生蠔好多次，呢次算係其中一次，帶子 新鮮到，入口即溶係喺呢個口當中一，慢慢咀嚼慢慢融入口腔入面，果然厲害三文魚都唔使多講呢，前兩樣都咁新鮮，更加唔會甩底，跟住蝦同墨魚壽司，最正墨魚壽司竟然一樣係新鮮到，好難形容呀!仲係一啖入唔到口，要分兩啖，好啦享受完壽司刺身之後。我哋就開始火鍋啦!呢個a5和牛小排同腩!係無限量加添!我哋就只係食咗兩碟，同埋個 個野菜鍋，都係照咗兩個，咁嘅服侍真係成個換嘅，就唔係加菜畀你咁就算，所以呢個餐，真係好好好味，跟住再嚟過名牌雪糕嘅，雪糕一杯very good，一餐食到滿足感都嚟晒!

有一段時間無來食掌壽司了，每次來都很驚喜呢？選材簡單但勝在食材新鮮啊！每次也很難忘。今晚約了朋友附近交收禮物便再度光顧貴店了。電話訂座還享有9折優惠呢！👍👍本人覺得訂位比較穩陣啲，因為全晚都滿咗啊！掌壽司刺身就必食嘅，新鮮肥美👍侍應生好有禮物招待和介紹有新款套餐放題優惠，嘩，正呀！放題套餐不但有我喜愛食嘅刺身還有A5和牛食啊！再問問侍應生，原來這是新套餐呢！真有口福了，兩樣我都喜愛食。熊本和牛放題套餐$498和風沙律~開胃前菜刺身壽司盛~日本廣島蠔2隻超新鮮啊！好大隻入口肥美肉質滑捋捋，4隻刺身帶子鮮甜和三文魚，壽司有4件蝦和墨魚，墨魚很鮮味入口有種結遢遢墨魚胶口感。好正。👍北海道豚肉一份~好薄啊！好快熟好淋配合埋鰹魚湯 鎖住豬肉味讓豚肉汁好香。👍熊本和牛一份~(A5日本黑毛和牛牛胸腹)可無限添加有12片好薄啊！雪白透紅，肥美入口而不肥膩。其實不用點任何醬料更覺肉的鮮味，正到呢！著著聲食完一份再添多一份。哈哈無得頂呀！👍👍野菜鍋一份~(可無限添加)湯鍋有~昆布鰹魚湯和壽喜燒湯二樣我喜愛鰹魚陣海之味配昆布係絕配 便選這樣。湯鍋醬料也不失禮~有自家製豉油花生醬和玉子蛋一隻還有甜品~Haag

行開觀塘大部份人都知道這裏特別多工廈飯堂選擇，但今晚就同朋友到了這間日式餐廳食飯，因為現在這裡有這個熊本和牛放題套餐選擇，朋友知道想日情緒高漲嘅我對日系食物編愛尤其是高質和牛同埋價錢相宜！這個套餐有和風沙律、刺身壽司盛、北海道豚肉、野菜、主角熊本A5和牛，而湯底昆布堅魚湯底或壽喜燒湯，烏冬白飯無限量添加，還有Haagen dazs雪糕一杯，看似好少但主力食和牛，呢個質素自己賣都真係沒有咁多！落單後先上一分清新嘅日式沙律，清新爽口沙律菜，加埋上面有爆開口感嘅蟹籽，清一清口腔確實唔錯！接住就係刺身壽司盛，一邊為三款當天新鮮刺身，肥美三文魚、鮮甜帆立貝、油甘魚肉質厚實滑嫩，配埋彈牙嘅魷魚，同爽口赤蝦壽司，又係一個唔錯嘅配搭！接住就係果昆布堅魚湯底加埋野菜一齊上嘅火鍋，當然還有今晚主角A5日本黑毛和牛，同埋份北海道豚肉，A5日本黑毛和牛牛肩胛切得大大塊，一片疊好，比平時嘅份量有三四倍，而一片剛好放在整個鍋上，滾一滾入口好有口感，牛味濃郁，而豚肉亦十分嫩滑軟熟夠晒肥美，而配上個醬汁入口味道亦十分好味，不過原味道已經好鮮味，所以按個人喜好選擇！當然好快就ko 了牛肩胛肉，當再refill 時店員提

Lunch 同同事去咗掌壽司食，今次已經係第二次。佢有lunch set, 而喺openrice book 仲有8折。我地嗌咗個壽司定食同一個牛舌飯。 先講個壽司定食先，啲壽司整體嚟講都唔錯，舊帶子都幾厚身。佢仲有配個飯，佢今次係角切魚生飯，口感都幾好。同事就叫咗個牛舌飯，佢啲紫菜堆到好高，一開頭仲諗緊，咁啲牛舌去咗邊😂。原來佢喺啲飯上面，但啲配菜好多搞到睇唔到。Lunch set 都包咗凍飲或Haagen-Dazs 雪糕，都幾抵食。

今日星期天，朋友約去行觀塘工廈，聽聞好多嘢買好多嘢食。我們選了在駱駝漆三期的掌壽司吃午餐，醫完肚先再去血拼。入店先量體溫， 環境氣氛不錯，有好多簡潔裝飾，坐得舒服， 服務員態度有禮。冇食早餐好肚餓呀! 我叫了一份刺身定食， 有齊六配料三文魚、油甘魚、帆立貝 赤海蝦和海膽， 還有一款是日精選刺身，每款也是大大件， 海蝦又肥又長，十分鮮味。 無論賣相 和材料也不錯。跟餐還跟枝豆、茶碗蒸、味噌湯、飲品或haagen-dazs雪糕。 枝豆份量都不小， 茶碗蒸不過不失蒸得十分幼滑，味噌湯有少少驚喜因為加了一 些蜆肉，加添了鮮味。最大驚喜是haagen dazs雪糕是原裝 一杯杯的，給我大大的滿足。現在午市套餐還有八折添

星期日咁啱去附近嘅studio影相，搵吓有咩好食嘅午餐先。見到呢間掌壽司評分咁高，就一於試吓。排隊等𨋢等咗好耐，因為得返一部客𨋢，建議可以去搭貨𨋢。早咗到喺門口等咗陣，中午12:30準時開門，員工問有冇Booking，我無，不過可能時間尚早嘅關係，所以walk in不用等(食完走嗰陣全院滿座了）。叫咗五色刺身飯定食$138，堂食都有八折，折左埋單大約$122。刺身飯入面有三文魚、甜蝦、帆立貝、碎蔥吞拿魚同埋一款好似係油甘魚，都好肥美同埋新鮮，份量都好多，就係豉油唔係好夠要再添加。定食仲包左枝豆、茶碗蒸、麵豉湯同埋飲品，整體來講食物質素真係唔錯，飲品叫咗個巨峰提子梳打，唔好飲，好似嗰啲冇乜氣嘅雪碧嘅味道，應該係支裝咁樣倒出嚟嘅，唔係梳打水溝糖漿。價錢來講其實lunch略貴，不過折咗就算可以接受啦。

午餐人均$100訂座8折, 需原價加一壽司定食($118)配是日精選: 蟹膏飯壽司ok, 無想像中有驚喜。反而蟹膏飯有特色, 好味開胃。定食配味噌湯, 茶碗蒸和枝豆, 蛋好滑,有真材實料。 我將飲品轉左雪糕haagen dazs曲奇味😋😋姜汁豚肉定食($88)豚肉不過不失, 有好多紫菜舖上面, 姜汁唔太食到, 米飯軟硬適中, 份量不算多。備註: 壽司刺身類較出色, 以有湯,茶碗蒸, 飲品來說, 8折加一後, 價錢較合理。 下次再試其他壽司😋

今次黎到觀塘工業區食午餐哩間餐廳裝修幾特別 係工業風x居酒屋style牆上有啲酒樽做裝飾仲有啲介紹刺身種類嘅posters可以一路食野 一路學下刺身名😂.野食方面呢我地今次嗌左一客鰻魚定食 $98鰻魚份量超級多 燒得剛剛好 一黎到就聞到香味🤤而且用嘅係魚腩位置 所以冇骨之餘 仲超級肥美🙈鰻魚嘅面頭仲有紫菜同埋飯素送飯真係一流🙈.壽喜燒定食 $128牛肉同埋配菜分類都好多相信大食嘅男仔都會食到飽飽😂壽喜燒湯底甜甜地 蔬菜同埋牛肉吸收曬湯底嘅甜味鍾意甜野嘅朋友一定唔可以錯過😝.每份定食都有跟前菜 茶碗蒸同埋味噌湯茶碗蒸入面雖然冇好多配料 但個蛋真係好滑 超級好味🙈至於前菜同個湯就係正常日本料理嘅水準.我地另外再加配左三文魚刺身 $38同埋芝士南瓜餅 $38南瓜餅甜甜地 入面啲芝士多到跌出黎！真係超級好味 係必食推介😆.最後 定食會送野飲/H記雪糕我就揀左曲奇味H記雪糕相信都唔洗多介紹啦😂最近午餐訂坐仲會全單8折真係非常抵食！

非。常。失。望。現在疫情嚴重，大家都prefer叫外賣。以前叫過掌壽司的外賣，除了點的餐點以外，還會附上蜆湯和沙律，全部都很精緻、味道很好，而且份量足夠，所以我很喜歡點掌壽司的外賣，甚至還推薦朋友去食。😆👍🏻👍🏻👍🏻由於實在太遠，最近有一段時間都不方便落單，今天恰巧有時間，我想也不想就下單了，🤤但是！今次外賣變了許多，首先，沒有了我喜歡的蜆湯和沙律，變成了*一根*炸秋葵和一杯飲品。其次，連餐點的包裝也變了許多，由杯麵狀變成了扁長條狀，份量砍了很多，活像一個兒童餐！😱我點的鰻魚飯其實味道沒有變多少，鰻魚的份量不變，但其他配菜份量少了大約一半以上，拌飯少了原有的風味，飯的份量也減少了，基本上吃上一勺匙羹就到底了，非常失望。😭😭😭明白疫情生意可能有影響，如果有困難，實在可以不用維持69元出售。坦白說我寧可出多一點錢，叫一個飽肚的飯，也不想省幾十元，叫一個不能果腹的外賣，這正正是我不吃*旁邊壽司店*的原因啊。總結而言，今次實在非常失望，希望掌壽司可以在逆境下仍可維持品質，期待他日再嘗到以前的味道。

女朋友係觀塘返工，又指定想試日本菜，我當然要捨命陪君子。去返好耐以前去過的掌壽司，收工時間都要排一陣隊搭電梯上去。發現餐牌同以前唔同左好多，今次就我地叫左兩個定食。我要左牛肉壽喜燒鍋定食，有毛豆、茶碗蒸，仲有一個大鍋。壽喜燒湯底濃郁，湯底沸騰香味飄到鼻尖，未食先餓。可以選配烏冬一齊食，吸收湯底味道，同牛肉一齊入口，齒頰留香。茶碗蒸小巧玲瓏，勝在令味蕾嚐嚐鮮，唔會食到太膩。蛋用上湯蒸，仲有蟹柳，料好充足。餐飲要左巨峰提子梳打稍為甜左啲，但都ok。

駱駝漆一既向係觀觀區隱世食堂，掌壽司係呢度都幾年了！環境唔錯，樓上鋪相對幽靜，人流唔多。牆上掛有好多掛鐘，唔同風格，既好睇又別具特色。燒雞皮。平時肉類燒烤試得多，雞皮好少食。一上碟已經香氣撲鼻，烤串仲係熱辣辣。雞皮烤得卜卜脆，咬落啖啖汁，聲音清脆。活赤貝同象拔蚌刺身。擺盆精緻，而且份量好多。象拔蚌加wasabi，微辣又彈牙，完美配搭，刺激味蕾，口感清新，大滿足！赤貝鮮甜，肉質結實，而且大大份，好抵食！最後以荔枝梳打做完美句點，飲品甜味恰到好處，清涼通透。今次掌壽司體驗極佳，無論食物種類、店鋪環境都非常滿意。

觀塘既工廈近年開咗好多餐廳，今日在openrice俾我搵到間食日本菜既「掌壽司」,即刻搵個朋友黎開餐先！帆立貝蟹膏沙律：帆立貝就食得多，用來做沙律就比較少見，配上蟹膏和蟹籽，配搭非常新鮮。日本活赤貝(1隻)食材新鮮，赤貝好爽口，食落夠鮮甜吉列炸蠔外層非常脆口，內裏保持到蠔的鮮味，用來佐酒或作餐前小食就適合不過！鹽燒雞軟骨多心的我又叫了一款串燒，雞軟骨燒得恰到好處，表皮燒到微微黃金色，食落肉質鮮嫩明太子雞翼真係要讚一讚呢度既燒物/揚物，全部都熱辣辣上枱👍🏻 本身係雞翼控既我真係食到停唔到口，外皮炸到香脆可口，雞翼已起骨，食落啖啖肉牛肉壽喜燒定食配烏東個定食好大份，有枝豆，日式燉蛋和主食牛肉壽喜燒。牛肉份量多，牛味重而口感嫩滑，鍋底配上菜，菇類和豆腐，索晒湯底的精華。烏東用另一個碗裝，爽滑彈牙柑桔檸檬梳打：食咗d刺身同炸物，最啱就係飲返杯凍飲。味道入口清新，夠冰涼！定食套餐仲包一客雪糕，超豐富！餐廳地方闊落，裝修雅致，無論情侶定一班朋友黎都啱