掌壽司 (已結業)

經過觀塘區，碌碌openrice 有咩食呢間好似唔錯，gogogo!2個人坐4人檯，lucky! 店內裝修其實幾好，燈飾幾特別。。d酒樽令我估老闆應該係愛酒之人一人叫左個刺身定食，一碟牛舌2串燒鰻魚，要飲品唔要雪糕牛舌黎先，真係有d失望，偏乾又無味，靠上面嘅烤牛油蒜粒吊味好在鰻魚好好多輪到個定食d魚生好新鮮，配碗壽司飯一流個miso soup 入面仲有蜆肉粒個茶碗蒸夠熱得黎都滑All in all 我建議大家focus on 佢嘅刺身料理，似乎呢方面佢地擅長d

好姊妹生日，同佢食餐生日飯先得，當然要做下功課，先上開飯搵下，最終因好耐無去觀塘，就約佢去工廈走番轉原來身邊好多朋友都食過掌壽司，因佢地在附近返工，覺得質素唔錯雖然係工廈入面，不過餐廳裝潢好舒服，令人有賓至如歸的感覺，個人特別幾鍾意個洗手間，有機會可以去參觀下，有種家的感覺特意為好姊妹點了幾款佢至愛既食物蟹籽沙律：份量岩岩好，而且蟹籽相當多，又爽口枝豆春卷:  賣相好吸引顧名思義，就係將春卷皮包著枝豆捲出幼條，炸出來金黃色澤，又不油膩。裡面藏著幾粒枝豆，食起上黎不太硬，點少少沙律醬，口感會豐厚一點 刺身5點盛: 首先係好新鮮，而且每件刺身都係厚切，好滿足睇睇呢隻刺身蝦，無花無假真係咁長身，好厚肉另外點左3款壽司，各有特色，特別推介黃金蟹膏軍艦，滿滿的蟹膏，香味十足蒲燒鰻魚定食，表面鋪滿芝麻紫菜，一啖飯一啖鰻魚配芝麻紫菜，呢個飯無得頂軟骨雞肉棒:  將雞蛋拌勻好之後再搽落雞肉棒棒上，令雞肉滑嫩之餘更富蛋香。再配上兩杯飲品: 蜜桃梳打 & 荔枝梳打，爽晒

牛舌  不知所謂  乾到死  咬唔開  四件黎  一人咬一件 頂唔順 兩件掉得 好似$60幾 炸墨魚嘴 有啲魚腥味 份量可以 炸物功夫唔錯 燒魚較 份量足 $90幾 燒得唔夠香 掩得味道 算可以接受 壽司🍣都係叫左個定食 $2xx 之類概嘢 冇影 味道可以 新鮮度正常 對得住個價錢 個定食跟概 蒸蛋 唔掂 唔夠熱 飯係醋飯 唔錯 湯正常 什麼前菜概就比d什麼中華沙拉你 都係果啲嘢 唔難食 擺得入口咯 魚生擺盤精緻 都係果句 對得住個價錢 五款嘢 有蝦 兩件 其中一隻黑曬頭 唔新鮮 其他三文魚 大件 可以接受 有蚌 鮮不過唔甜 服務態度正常 有openrice 10off 優惠 所以試試 唔太差 不過返兜就 一定只能夠食魚生 廚房嘢要小心考慮考慮咁叫

今晚放工約咗閨密嚟呢間位於觀塘區的工廠大廈食,入到嚟環境都幾大,充滿日式風格,坐得好舒服。牆壁及bar 台上都放滿清酒,觸目搶眼,設計很有心思,而且侍應招呼殷勤細心呢度餐牌款式多,有前菜、刺身、壽司、手卷、 燒物、揚物、定食、鍋物和飲品我和閨密樣樣都想食😬最後點咗以下嗰d枝豆春卷呢款作為前菜非常有心思的一道手工菜。將枝豆起出,以春卷皮包成春卷狀,炸到金黃而不膩,味道清新,再配沙律醬食,味道好夾蟹籽沙律蟹籽沙律份量大,撈埋新鮮嘅青瓜絲和生菜絲真係好好食,而且沙律醬亦唔會過多時令刺身盛刺身有五款,有厚切嘅三文魚、肥美多油嘅油甘魚、彈牙膠口嘅牡丹蝦、大粒又新鮮嘅帆立貝仲有味道鮮甜嘅活赤貝刺身每款都好新鮮,而且顔色鮮艷班斕奪目！我最鐘意厚切三文魚同特長牡丹蝦鮮甜又大隻,讚火灸左口魚邊壽司~被火槍燒過後,魚油都被迫了出來,油香滿溢,入口即化黃金蟹膏軍艦~蟹膏超多味濃,配上壽司飯和紫菜中和蟹膏的膩碎葱吞拿魚軍艦~吞拿魚腩充滿魚香味,口感軟棉,混入香蔥,增添香口軟骨雞肉棒在幼滑的雞肉裡夾咗咬口的雞軟骨碎,而且燒至外層脆皮,配上流心温泉蛋,可口又惹味蒲燒鰻魚定食呢個飯好美味,鰻魚肉嫩滑,皮也煎得香脆,

疫情反覆，這天與我的一個好朋友見一次面，吃一頓好的吧! 我們訂了觀塘的這家店吃個晚飯。 我們大約7點到達，店裡已經快坐了一半滿的人了。我們坐下之後店員很有禮貌主動介紹餐牌和推薦菜式。 我們決定吃豪一點，叫了份刺身盛，4種軍艦，雞肉野菜卷，枝豆春卷，雞軟骨串，炸蠔，燒豬頸肉和鰻魚串。 枝豆春卷出乎我意料的好吃，內裡甜甜軟軟的枝豆和外脆帶鹹的皮形成強烈對比。 刺身盛的刺身新鮮，三文魚厚切口感非常飽滿，帶子也很鮮甜。我最喜歡的軍艦是火炙左口魚，入口即溶。而朋友較喜歡海膽。 燒豬頸肉比鰻魚出色一點，鰻魚的底部燒太焦了可惜。我的朋友吃了炸廣島蠔感覺很滿足呢! 而我覺得雞肉野菜卷才是最邪惡，外面是雞皮包著裡面的菜和肉，咬下去滿口油香。總的來說這家是觀塘的一家挺高質的日本菜餐廳。

這年間每次能跟好友相聚總會十分珍惜，而點選餐廳也會很謹慎，必定是精心挑選，而日本餐更是我們的首選。餐廳位於官塘工廠區內，佈置簡約有情調，令人放鬆舒適。前菜先點雞泡魚干，入口甜甜有咬口，用來佐酒一流。再來刺身併盤，有油甘魚刺身，入口油脂滿滿，令人回味。時令海膽配了紫菜，入口鮮甜無比，軟滑creamy, 二人分享剛好。 帆立貝刺身口感柔軟，鮮味清甜。 最後點了廣島蠔，十足份量，口感軟棉，蠔味十足。熊本和牛壽喜燒鍋(跟飯/烏冬)看到一盤和牛已令人興奮，甜甜的壽喜燒鍋內放滿了野菜，然後我們把和牛片放進湯內，和牛肉質香濃，有別和牛扒類入口溶化，相反是彈牙有口感，還有溫泉蛋伴著飯，令人滿足。無論食品價格跟服務，也是令人滿意，期待下次再來

今晚亞仔有約，亞女收工後要去觀塘交收，於是約我出去食埋飯先返屋企觀塘工廈隱藏着好多好食嘅餐廳，亞女上網搵到呢間食日本嘢但價錢就好親民嘅試吓雞泡魚乾雞泡魚乾通常都是加上味醂醃製，大廚稍為烘烤至金黃後剪成條狀，再灑上七味粉及配埋沙律醬一齊食，入口油脂清香，口感煙韌，甘香甜美日式年糕年糕加咗日式醬油燒製，口感不太黏，軟糯中帶點脆口，入口綿甜柔糯雞肉野菜卷將雞肉包裹着野菜捲起煎至雞皮金黃香脆，再淋上照燒汁，入口皮脆肉嫩又惹味吉列廣島蠔將蠔炸至外脆內軟，入口香脆鬆化，味道鮮甜蠔味濃厚時令刺身盛時令刺身有油脂豐腴肥美的三文魚、魚肉細緻甘甜的油甘魚、清甜鮮美的帆立貝、肉質爽厚，味道鮮甜的活赤貝，還有肉質細綿帶爽，蝦膏豐腴甘香的牡丹蝦刺身軍艦/壽司香蔥吞拿魚腩軍艦，剁碎的吞拿魚腩幼細香滑，軟綿綿的口感加上脂香混和微辛的蔥花，味道很正；黃金蟹膏軍艦，濃醇滑潤，鹹鮮味甘；火炙左口魚邊壽司，魚邊是最滑的部分，用火槍逼出食材的油分，入口油香撲鼻澳洲黑毛牛肉鍋定食跟烏冬澳洲黑毛牛肉大塊厚身，油花豐腴細膩，入口甘香，肉味濃郁，配埋甜甜的湯底，加上幼滑嘅烏冬及各式爽甜嘅蔬菜，簡直超滿足

放工山長水遠專登走去觀塘拎狗罐頭乾脆食埋晚飯先番屋企上網搵呀搵見到位於駱駝漆大廈五樓嘅掌壽司好似幾好評決定就食佢日式年糕年糕口感軟糯煙韌加埋紫菜鋪面燒咬落脆脆地咁連平時唔太鍾意年糕嘅我都覺得幾好食雞泡魚乾雞泡魚乾應該係加咗啲味淋落去燒食落幾鮮甜而且剪成條配沙律醬食夠哂惹味用嚟佐酒啱哂時令刺身盛五款時令刺身: 三文魚肉厚切肥美；油甘魚肉細緻滑嫩；牡丹蝦肉細綿清鮮；帆立貝粒肉厚彈嫩；活赤貝肉爽脆清甜火炙左口魚邊壽司/蟹膏軍艦/香蔥吞拿魚腩軍艦左口魚邊魚脂豐富經過灸燒油潤甘香；滿滿嘅蟹膏醬鹹香甘甜絕對真材實料；吞拿魚腩打蓉質感綿密柔順簡單配搭碎蔥已經好正雞肉野菜卷雞皮焦脆同時雞肉保持嫩滑多汁配搭野菜口感豐富得嚟又夠清新輕盈吉列廣島蠔吉列漿粉透薄炸完金黃酥脆咬落廣島蠔肉飽滿鮮嫩新鮮熱辣食嘅仲有少少爆汁真心要試澳洲和牛壽喜燒鍋配烏冬壽喜燒鍋醬油甜香濃醇加埋野菜煲煮柔順溫和澳洲和牛牛脂香濃而且油花細密蘸埋溫泉蛋汁口感更加柔嫩

到觀塘交換物資順道晚飯, 朋友揀了駱駝漆的掌壽司, 以為只是普通壽司店, 去到店裡卻有驚喜地方比想像的寬敞, 桌椅間距離讓人有舒服的空間;  裝潢優雅帶點隱世, 難得的寧靜食店位處煩擾的工廈中, 有點別樹一格兩人不太餓, 朋友簡單的叫了帆立貝, 海膽及油甘魚刺身帆立貝色澤光潤, 未入口已知新鮮非常好味的海膽, 入口即溶, 不捨得即時吞下,  讓濃郁的味道在味蕾上游走多一會, 齒頰留香愛吃蠔的朋友點了廣島蠔, 讚口不絕, 海水味濃, 蠔身肥厚; 不吃只看也覺蠔肉非常 juicy另叫了的燒阿波尾雞軟骨, 咬口爽脆, 帶著油脂香味, 配著醃漬蓮藕交接著吃, 更好味還有雞泡魚干, 帶輕微焦香, 魚肉烟韌香脆 是夜大驚喜, 就是這份熊本和牛喜燒鍋, 和牛肉軟而綿滑, 點點的脂肪在口中散著油脂香, 不得了的好吃拌著滑滑的烏冬太好味,  明明已經吃不下還是忍不住清碗湯底香甜, 連蔬菜也被清底; 香菇吸滿了香甜湯底留待最後才吃, 仍帶著香軟滑溜口感以食材質素來說, 實在超班, 尤其和牛份量也比期望的多,  要 book mark 這裡日後再接再厲了.

環境好, 服務體貼.餐牌簡約而清楚.食材新鮮而味道偏淡, 個人反而覺得適合香港人口.魚生種類豐富,熟食都有水準.獨立廁所而整潔, 適合一家大細.因為壞了下一部升降機,變得較多人等待,唯一是上落樓層比較麻煩.

本來係去食另一間日本菜, 但book 咗嘅時間比之前嗰間一推再推, 朋友要擺食嗰間. 見呢間食評唔錯唔會差得去邊, 所以展轉就食咗呢間. 我地食咗2 個sets: 牛肉壽喜燒湯鍋配白飯, 壽司定食. 仲另叫咗2 隻廣島蠔.牛肉壽喜燒湯鍋配白飯 ($108): 壽喜燒甜甜地配牛肉好好食, d 牛肉都OK.  配白飯食一流.  亦有一堆菜同菇墊底, 朋友都食唔晒.壽司定食配黃金蟹膏飯 ($118): 壽司定食 唔會再叫. 壽司黎到, 心諗, 無光澤嘅, 新唔新鮮架, 仲要去行街, 怕要去搵厠所.  黃金蟹膏飯好好食. 好有蟹膏香同蟹膏味道.  薯條: 食之無味, 棄之可惜.  薯條本身我都好鐘意, 但唔係又淋又凍囉. 廣島蠔 ($30): OK. 大隻又飽滿.

係我近期食過嘅壽司入面最好食嘅 叫左幾舊壽司 最鍾意食甜蝦同埋蟹膏 仲有軟殼蟹手卷 真係好好味 嗰種鮮味係 其他做唔到嘅 而且個飯都做到軟硬適中 個環境仲要坐得幾舒服 如果喺OpenRice訂座仲有九折添

同朋友慶祝生日，一直聽講駱駝漆三期有好多cp值高既小店！試過真係要推介！依間小店環境好舒服，枱同枱之間隔離有番咁上下，無壓迫感，仲有私人空間，暗暗既燈光有一種放鬆既感覺😌當日一入去到就聞到好香既打邊爐味，忍吾住就叫左個北海道豚肉煱套餐，上枱太香噴噴，忍吾住食吾記得左影相😅估吾到一個咁普通既菜式，都可以做得咁出色！湯底甜甜的，吾會太濃，豚肉好味，加埋個烏冬，嘩，無敵，真係好好味！仲叫左個時令刺身盛，刺身係視乎當日小店來貨，邊樣特別新鮮就用嚟做刺身，果然係好味既！至愛海膽，吞拿魚都好正，生蠔都好味，不過我鍾意海水味重啲既😋食啊服務啊環境啊，依家小店都吾錯，對得住個價錢😆正！

個名叫掌壽司 諗住食生野實冇死兩個人dinner 哎左一個壽司set一個刺生set 埋單$4xx如果好食真係一d都唔貴 但佢既質素係半價我都唔會食d魚生既質素係果d外賣件裝壽司既level見好多其他客食熟食 可能熟食ok掛 如果係咁佢應該改名 叫掌熟食。唔好食唔緊要 但佢係觀塘工廈收呢個價錢真係好唔合理就算中環d壽司幾貴 人地起碼比到個合理質素好少寫食評 但真係好憤怒 成日諗住幫襯多d小店唔好比大財團獨大但咁既質素咁既價錢 叫人點幫襯

今日朋友就帶我去呢間係工廈入面嘅日本料理！ 一入到去見到佢嘅裝修都充滿日本氣氛，我地就叫左刺身拼盤，吉列炸蠔，厚燒牛舌，灸燒左口魚壽司，海膽軍艦，仲有壽喜燒鍋！首先講下佢嘅刺身拼盤！有三文魚，帶子，油甘魚，活赤貝，赤蝦。樣樣都好新鮮，好鮮甜。最中意佢地嘅活赤貝，夠曬爽口。至於壽司方面，我就最欣賞佢地嘅海膽軍艦，好濃嘅海膽鮮味！一流！佢地嘅吉列炸蠔都好好食，夠鮮味，juicy 多汁。最後講下佢地嘅壽喜燒鍋，牛肉好濃味，掛住濃郁嘅蛋汁，好夾好滿足，仲有佢地嘅配菜都好好味，因為吸收曬壽喜燒湯汁同牛肉嘅精華濃得黎唔會太甜！