拉麵台風 (已搬遷) 新店位置

男友在荃灣區打工，午飯時間常覓得好吃的，這天下班時間就帶我去這家拉麵店。地方其實頗隱秘的，小小的店面走過會忽略，卻又坐滿很多食客，急不及待進去看看裡面就一張長型吧桌，師傅在裡面煮麵，食客並列在前，店員貼心附上勾子掛上行裝雖人多卻又不感局促，感覺還不錯。Menu很可愛，畫上店裡數款拉麵，可是也不是很清楚裡面有什麼食材，應該比較著重在湯底跟調醬吧。雖然看見「骨膠原」撈麵很吸引，可是最後還是點上有湯底的魚介拉麵。感覺師傅都是逐碗在煮，等待時間大概也需10多分鐘。魚介拉麵來嚕，賣相平平無奇，再嚐嚐湯底 - 唔～是比較稠身的濃味魚湯，麵條選了中等硬度，感覺有點韌身。旁邊紫菜承著一堆魚鬆是什麼回事？再看看Menu的背面原來有特別的吃法。先嚐一下原味的拉麵跟湯底，然後就可以把三分二的魚鬆拌勻到拉麵中，想不到魚鬆的力量蠻強大，整碗拉麵跟湯底都更惹味，好吃剩下的魚鬆就可以把蒜蓉跟胡椒粉，一塊兒拌勻在拉麵裡，感覺更入味，想要把湯底都喝盡！小胃口的女生記得點少麵，（還講究地有分1/3及1/4）看見男友的普通份量超多的！好像要滿溢出來的感覺～

在香港，豚骨魚介湯底的拉麵台風真的係我心目中係排名頭幾位小小的店約有10零坐位，椅子同枱都好高，好有置身於日本拉麵小店鋪感覺，店員服務都很好會幫客人拉櫈推櫈魚介豬骨湯拉麵店方加入以鰹魚和沙甸魚乾磨成的粉末來製作,令湯底味道非常濃郁，上拉麵是已經聞到魚香，叉燒切得好厚但唔肥膩，脂肪好小，肉質唔會太乾，夠鬆軟，麵條方面具嚼頭，非常彈牙溫泉蛋雖然唔係勁流心，但浸於湯中後非常入味，蛋味香濃又唔會過熟總括而言，整個湯底同麵既配搭令人食唔停口😆值得一試再試👍🏻

由於唔再響荃灣返工,少左響呢邊開餐,今日放假終於食番呢區其中一間最好食的拉麵LUNCH食如果同班同事食,九成九要等位,今日早左去等.等左一陣就有位,立刻叫左伊台風同增量叉燒份量十足,  蕃茄湯底,仲有軟淋淋芝士, 一上來當然要飲啖湯, 湯底依然濃郁, 蕃茄同菜都係新鮮上. 麵我選左軟身,不過都仲好彈牙叉燒勁多,好好吃, 魚粉可以溝湯飲, 味道立刻多左個層次次次食都飽到一個點, 除左份量多之外, 湯底的確好飲到要飲哂先會離坐.

途經荃灣，加上還沒吃午飯，見沒人排隊，就進去試試別人推介的沾麵店內暗暗的，師傅只有一個，落單後沒多久已可以開動本人食量不少，所以點了個『普通』份量的沾麵，但當實物放到面前時，卻忍不住大叫「嘩！會不會太大一碗！」在此呼籲：食量不是一般大的話，點『少』就好了，要不然吃到最後會太飽除了麵的份量，配菜的份量也不少，連湯也很大一碗，不過吃的時候可能要快一點，待湯汁不溫熱時整個味道也會下降哦。

今次嚟到台風搵食！ 上次食咗旺角分店嘅拉麵咁失望～不禁掛念本店台風咁啱中午要去市中心～梗係去食碗麵先啦！沾麵 （$83）雪碧 （$12）沾麵係每日限量30碗的～果然係早起的鳥兒有蟲吃沾麵汁係以豚骨同魚介做湯頭～魚介嘅鹹鮮香味非常濃郁～同時亦滲出淡淡嘅豚骨味！而麵條夠凍～口感煙韌帶麵香～麵嘅口感可以自己揀軟、普通、硬將涼浸浸嘅麵沾上熱辣辣嘅湯汁再𠽌一聲吸入口～個人覺得比拉麵更多重口感叧外仲可加胡椒粉同蒜蓉調味～啱哂重口味嘅朋友仔！流心蛋一如既往嘅香甜～叉燒亦不太肥不太瘦剛剛好！整體非常好味！！試過真係因晚上先嚟而食唔到沾麵～想食好嘢就要早起了！

如果覺得魚介豬骨湯拉麵略腥，可試試沾麵店內裝潢跟足日本拉麵店的風格，身穿和服的工作人員們時不時會冒出一句日語，耳邊伴隨著日語歌、眼前看著濃濃日本味的擺設，很快就融入其中，懷念起曾經的日本之旅。食客們圍著開放式廚房排排坐，動作嫻熟的煮麵師傅精心炮製出一碗碗麵的畫面，養眼又享受。點菜環節已有不少介紹，就不放照片啦供應的拉麵款式不算多，每人獲發一張餐單，選擇想要的拉麵口味，其後回答一系列各人喜好問題，如拉麵的量和口感等，以便客製化獨一無二的拉麵。每碗麵送一罐汽水，可樂or雪碧等自己勾選。從煮麵師傅手中接過沾麵時，豐富的配料讓我好感動溏心蛋、筍，還有那一塊塊紮實卻不難下嚥的豬肉，通通深得我心。店內有關於如何品嚐沾麵的漫畫介紹，話不多說，跟著做準沒錯！蔥是日本拉麵的靈魂多蔥是我的習慣，推薦給大家。此外，視美食如生命的我雖是女生，但食量並不小在這裡，一碗普通量的麵帶給我的，不僅僅只是有飽腹感，略撐。大家根據自己情況合理選擇份量啦。次次食呢間麵館都會覺得好滿足好幸福，係我心中，佢係香港日本拉麵既傑出代表尤其相比咸得滯既X骨拉麵，價格亦更親民。經過荃灣或者住係果區既朋友，去試下啦。

夜晚行過荃灣 咁岩想食日本野，經過一間叫台風既餐廳，見到餐牌係食拉麵又排晒長龍，雖然香港人最鐘意排隊係出晒名，但為左碗拉麵咁排法，心諗今次冇死喇，所以決定試一試佢入到餐廳，格局同日本家庭式拉麵店一樣，都係一張餐檯，師傅入面即點即整，食物選擇方面同一般食開的味精拉麵比，當然冇咁多選擇，湯底只有豬骨湯，辛辣的湯底，番茄芝士湯，骨膠原拉麵同沾麵，沾麵由於每日只有50碗限定，夜晚去已經一早沽清，最後揀左辣味湯底名為紅色風暴拉麵紅色暴雨拉麵 ：無論湯多少，麵軟硬度，辣度，都可以自己選擇， 辣又細分，普通，大辣同九級風暴辛辣，最後選擇最低辣度即係普通，自問都食得下辣，但已經辣到識跳舞，但係真心係刺激，愈食會愈開胃，配料方面，拉麵緊係唔少得义燒同流心蛋，义燒好厚肉，而且瘦肉比例較多，唔會有肥膩感覺，不過就會有d 韌，由於加左$25加多左义燒， 變左成碗都係肉， 加肉前同生仔，養狗前係一樣，都係要諗清楚，淨食义燒都食飽，流心蛋係唔太流心，相對平庸，麵柔軟方面，選擇左普通，但都感覺偏硬身彈牙，幾爽口，整體質素相當高

一直聽聞台風嘅骨膠原拉麵好岀色，所以都決定要嚟試一試。夜晚7點幾嚟到，已見一條長長嘅人龍，睇嚟真係好受歡迎。雖然人龍長，但都只係等咗大約20分鐘，唔算太耐。鋪面入面吧枱設計，就算一個人嚟食都唔怕哦。講番啲麵先，雖然係比骨膠原拉麵吸引嚟食，但發現原來有沾麵嘅時候，即刻轉咗軚，因為我真係好鍾意食沾麵ga，不過好可惜，原來每日只限定30碗，今日同佢無緣啦。最後當然選擇番骨膠原拉麵啦，選擇咗普通量，口感軟，醬汁同香油多，再加葱。落order後，等食嘅時候，店主原來會為長髮女士們準備橡筋紮起頭髮，呢下真係好細心，亦令我對呢間拉麵小店加咗唔小分數。講番碗麵，普通份量原來都好多，之後先知道原來麵係比岀面食倒嘅1.5倍，我諗女仔食嘅話，可以叫小麵都得。而一向怕麵太硬嘅我，就選擇咗軟麵，麵唔會太淋，彈牙之餘帶住啲麵香，再自行混合放喺麵上嘅骨膠原(應該係用豬骨製成嘅)，同麵底下嘅醬汁，兩者掛喺麵上嘅感覺鹹鹹香香，食到停唔倒口。叉燒係用上厚切嘅豬肩肉再切粒，每一粒都好大粒，肉質偏瘦有咬口，份量亦都相當多，可以做到每啖麵都有肉伴口。至於隻蛋，雖然未去到流心狀態，但帶小小糖心，蛋白滑滑的，都一樣好好味。我好快會

每次行開荃灣都見到哩間麵店好多人排隊, 今日終於有時間排隊, 可以試下佢地d拉麵喇平日晚上唔算多人, 但都排咗20分鐘。排隊期間店員已經派咗張order紙俾我, 我諗咗一陣, 最後揀咗伊台風拉麵。因為第一次食, 我揀咗麵嘅硬度, 醬汁同香油嘅味道都係普通, 仲額外加咗紫菜添。伊台風係以蕃茄豬骨做湯底,濃湯上面灑上本店特色嘅魚粉。得將魚粉放喺沾滿濃湯嘅紫菜上面, 估唔到哩個配搭出奇地match。拉麵質地偏硬, 比較彈牙, 而麵嘅份量比相象中多, 多到差d食唔哂添。叉燒做得相當出色, 肉質好稔, 真正入口即溶。叉燒上面仲鋪咗層燒溶咗嘅芝士, 令到口感更有層次。不過溏心蛋效果一般, 雖然蛋白仍然好嫩滑, 但蛋黃煮得較熟, 未做到流心嘅效果。哩碗拉麵無論湯底, 麵質, 叉燒都有好好質素, 難怪佢開店三年來都長期有好多人嚟食。下次想試埋骨膠原拉麵, 希望到時隻溏心蛋再做好d啦~~

之前黎食過一次魚介豬骨湯底既拉面好好食，今次同朋友去荃灣行街順道黎回味一下！可能係星期五關係，19:30到達要等約半個小時，等候期間，門口梯上有很多告示，如招聘廣告，報章推介既文章，生動有趣既自畫餐牌，令排隊時無禁悶入坐前，店員送上點菜紙，雖然好想試沾麵，但因沾麵每日限定50碗（夏限定增至50都食唔到😩），為有下次早些來吧店內同日本拉麵既小店一樣都係bar 枱， 椅子好高小店好貼心，提供吊物件既勾，亦會提供髮圈給長髮既女士們，以免頭髮沾到湯上👍🏻內部的牆是富士山景做主題，令我回想起和男友在富士山下踩單車看櫻花既情景😆平時豬骨湯食得多，今次選擇了蕃茄芝士湯底 （伊台風），香濃同較杰既蕃茄湯底，再配合輕輕燒過融化左既芝士，加上幾片新鮮蕃茄，令整個湯底非常濃郁而不膩！麵質軟硬度方面雖然我已選了普通，但比出面拉麵鋪較硬身較有嚼勁而叉燒方面店家主要彩用瘦肉部分，厚切上，但肉質唔會乾身，食落有烤過既焦香味！整個拉麵配合非常好吃，令人食過後會再三回味，就算等了大半小時都覺值得！

每一次收工等車時，都會見到台風都排哂隊！於是...我和同事去試下，😌😌點知碗麵一黎到己經杰撻撻...雞蛋又林！我同事碗麵都係甘...仲差過味千拉麵咯！非常之失望!!!!!😑😑經過尼一次，原來排隊嘅店舖，不一定會好好味架😥😥😥

約了朋友在荃灣交收，完成後在回家途中經過這裡，店舖剛剛開門，見不用等位；一個人食碗拉麵當晚餐也不錯，就這裡吧！坐下後，快快手的叫了魚介豬骨湯拉麵及雪碧。等食途中，四處張望，牆上的卡通璧畫為這細小的店子增添了動感與趣味。枱上還有一些講到明係偽的日元紙幣和特大張的車票，還有我至愛的高達公仔，很有日本小店的風格。魚介豬骨湯拉麵 ～ 麵條比一般坊間的硬及粗身，大概是因為湯底又濃又杰身，如用上普通麵條，便不能充分掛到湯汁吧；所以如吃不慣硬身麵條的，選擇軟身一點的會比較適合。湯底比較濃及杰身，原來是用豬皮、豬腳、豬骨、雞腳等材料一起熬煮了三十多小時才完成，骨膠原非常豐富，吃着吃着嘴唇也差點黏在一起了，還好選擇了醬汁少及香油少，否則一定咸得過份，如現在便剛剛好了。紫菜面放有魚介粉 ～ 據那拉麵進食指南所講，首先試試原味湯底，之後放三分之二魚介粉再試試，最後將餘下的魚介粉攪拌一下再試。先嚐一口，豬骨味香濃滋味、加了魚介粉卻只能感到微微的魚鮮味，分別不是太大，可能因為湯底太濃的原因吧。叉燒二大片，樣子看似很靱，但入口卻不嚡口；還帶有少量脂肪，也頗為香口。洋蔥 ～ 清爽香甜，用來調整一下湯底的濃味，正是一

就環境黎講 ，地方很狹窄，衛生程度也感覺一般般，因為我坐正廚房位拉麵係朋友介紹的，因為見到好多好評，所以一心黎試試。入到去其實個設計都好既味道，有日本食拉麵既感覺然後到食物方面啦我叫左個辣底個個湯麵（紅色暴雨拉麵），然後有塊紫菜有d魚粉係到。麵的口感同硬度我都覺得不錯，問題出係個湯底到⋯感覺太濃太咸又好稠然後我問朋友其他味係咪都一樣，結果幾個朋友都話唔好食，全部吃唔哂就走左。總之⋯真係好失望

難得走來荃灣行街，於是一早已經search定荃灣有咩好食！見到呢間台風拉麵排名都極高，友人和我都是十分喜愛食麵的食客 於是就決定食呢間 來到需要排隊等候 門面都幾有日本feel睇餐牌見佢每日限量的沾麵好似好過癮 所以就order咗來到確實很大份 賣相亦不錯可惜湯底或者是我不懂品嚐 實在食不出特別之處 覺得好濃 但唔係濃郁 係個種食幾啖已經冇胃口再食本身好肚餓 滿心歡喜來到 但碗麵我最後剩咗好多～真係好失望

今日突然好想食麵見到openrice同網上都推介 就去試下麵選擇不多 亦有食拉麵教學所以睇得出該店對拉麵有份執著今次選擇硬麵同普通湯底果然麵偏硬 正當鐘意硬麵嘅朋友我諗普通已經足夠(除非真係食開好硬)(例如杯麵焗十秒就搞散即食)麵質偏硬 尚算彈牙 份量多(佢地處理麵幾認真嫁)湯雖然選擇左普通濃度 但已經好濃我地依種普通人 唔似食家會解釋層次而我亦相信大家食到嘅層次都未必相同我只可以形容為味道香但偏咸而肉質偏腍 一夾就散 亦有少許柴所以就一般 （我相信多少睇運氣）整體都ok lunch time嘅選擇不過位置不多 有時要等位仲有杯水好污糟不過lunch包飲品 冇所謂啦~