拉麵台風 (已搬遷) 新店位置

今次嚟到台風搵食！ 上次食咗旺角分店嘅拉麵咁失望～不禁掛念本店台風咁啱中午要去市中心～梗係去食碗麵先啦！沾麵 （$83）雪碧 （$12）沾麵係每日限量30碗的～果然係早起的鳥兒有蟲吃沾麵汁係以豚骨同魚介做湯頭～魚介嘅鹹鮮香味非常濃郁～同時亦滲出淡淡嘅豚骨味！而麵條夠凍～口感煙韌帶麵香～麵嘅口感可以自己揀軟、普通、硬將涼浸浸嘅麵沾上熱辣辣嘅湯汁再𠽌一聲吸入口～個人覺得比拉麵更多重口感叧外仲可加胡椒粉同蒜蓉調味～啱哂重口味嘅朋友仔！流心蛋一如既往嘅香甜～叉燒亦不太肥不太瘦剛剛好！整體非常好味！！試過真係因晚上先嚟而食唔到沾麵～想食好嘢就要早起了！