拉麵台風 (已搬遷) 新店位置

夜晚行過荃灣 咁岩想食日本野，經過一間叫台風既餐廳，見到餐牌係食拉麵又排晒長龍，雖然香港人最鐘意排隊係出晒名，但為左碗拉麵咁排法，心諗今次冇死喇，所以決定試一試佢入到餐廳，格局同日本家庭式拉麵店一樣，都係一張餐檯，師傅入面即點即整，食物選擇方面同一般食開的味精拉麵比，當然冇咁多選擇，湯底只有豬骨湯，辛辣的湯底，番茄芝士湯，骨膠原拉麵同沾麵，沾麵由於每日只有50碗限定，夜晚去已經一早沽清，最後揀左辣味湯底名為紅色風暴拉麵紅色暴雨拉麵 ：無論湯多少，麵軟硬度，辣度，都可以自己選擇， 辣又細分，普通，大辣同九級風暴辛辣，最後選擇最低辣度即係普通，自問都食得下辣，但已經辣到識跳舞，但係真心係刺激，愈食會愈開胃，配料方面，拉麵緊係唔少得义燒同流心蛋，义燒好厚肉，而且瘦肉比例較多，唔會有肥膩感覺，不過就會有d 韌，由於加左$25加多左义燒， 變左成碗都係肉， 加肉前同生仔，養狗前係一樣，都係要諗清楚，淨食义燒都食飽，流心蛋係唔太流心，相對平庸，麵柔軟方面，選擇左普通，但都感覺偏硬身彈牙，幾爽口，整體質素相當高