拉麵台風 (已搬遷) 新店位置

Was in the area for a haircut and wanted to try something new as i usually go for the typical traditional chinese noodle shops or thai restaurants. came across this place and seeing a line outside, decided to see what the fuss was about. you go in and there are a few choices to choose from similar to most ramen establishments. i picked extra pork slices with firm noodles and less oil. the typical ramen bowls come with a half egg and seaweed which is topped with a generous amount of their chili p

間中經過都見有人排隊，早兩日睇完戲約晚上九點，見得兩個人排隊，馬上排隊試。我叫左大辣，係用辣粉開成，湯唔夠熱及太稠身，辣椒粉未完全溶化，但味道是ok! 總結：可以一試

試了魚介豬骨拉麵，有以下見解。湯：太稠身。除非定位為沾麵，湯頭才可稠身。拉麵的湯應該稀身，俾人一啖麵一啖湯地品嘗。湯：木魚太強，搶奪了豬骨及疏菜的湯味。麵：本身使用的麵質太厚，不宜讓客人選擇軟硬程度，今次選了硬質，中伏。麵：湯掛不上麵。所以湯有湯味，麵有麵粉味。叉燒：厚到痴線。因此好鞋口。叉燒：調味不足。竹筍：以麻油奄製，改變了竹筍清新的風格，又一敗筆。是次找不到稱讚之處。食後感：失望！

終於試過呢間拉麵，今次排隊人唔多，十分鐘唔洗入到。位置唔洗講，迫住食，黎得既唔係食環境，係黎食味道。點左普通既豬骨拉麵+底，女友即點左伊台風拉麵（蕃茄湯底），本身原來份量好多，餐牌上原來介已註明份量係出面既1.5倍，我仲加埋底！超級飽差燒夠大塊！湯底夠入味但唔似豬骨，魚粉no均仲野味～蕃茄湯較杰，如果希d會好味d。麵可以選硬，普通及軟，我試過後，硬係彈牙darm我，味,油同蔥都可以自由配份量，唔錯！總言之會再黎食，下次會試沾麵

睇住佢由啱啱開店，到成為荃灣特色小店之一，現在旺角也開分店了，殊不簡單。餐牌插畫非常可愛服務也很好，小小得18個位嘅店有三至四個樓面，會幫客人拉櫈推櫈，會有媽媽酒樓枱邊閃石掛勾俾客人掛袋，服務細心，充滿活力。色彩繽紛嘅壁畫，拉麵枱前嘅幾隻機動戰士figure, 能直接跟高大有禮嘅日本拉麵師傅交流，感覺置身東京個性小店一樣。最基本款嘅拉麵，餐牌後有插畫介紹正確食法--先不要急於mix紫菜上魚粉，先喝口湯再食麵，再將2/3嘅魚粉撈落去感受不同的鮮味，最後把餘下嘅1/3魚粉再mix落去，自由加黑胡椒同蒜蓉創出自家口味。跟據佢嘅指引，先喝口湯，不止一般豬骨湯的單一，獨特嘅口味，濃味卻而又清爽。麵偏粗，軟硬適中，彈牙，寫著分量是一般拉麵店的+50%. 叉燒兩塊大大片厚切，飽足感十足。糖心蛋更是完美。加了魚粉後味更濃。

每一年らーめん台風的週年紀念，都會推出當天限定的拉麵以回饋支持者。今年三週年，是蠔慕絲拉麵。印象中香港還沒有和蠔有關的拉麵出現過，所以今次台風推出這款拉麵，之前在台風Facebook專頁看到，已經很想吃！可惜，後來發現這週六日有事要辦，本來是來不到的了（哭）。但不知是好運還是不好運，小瞳生病了，所有原訂活動取消或改期，所以，可以來試試了！更好運的，是友人Tubbyfellow幫忙來排隊，讓我可以在家多照顧小瞳一會才出來，大感謝！Tubbyfellow就是荃灣和旺角拉麵台風的插畫家，大家喜歡的話，可以去看看他的專頁啊～從開業到今天，らーめん台風的三位日籍師傅，今天都坐鎮在這裡。自從台風在旺角開了分店，更少見到三位同時在場，這一刻，當然要拍照留念。很快，我的蠔慕絲拉麵就放在我的面前，一貫魚介豚骨湯底，右邊添上奶白色的蠔慕絲，看到就吸引！為了配合這蠔慕絲拉麵，らーめん台風特別訂製了另一款麵條，平常台風用的是18番手（約1.7mm），今天用的是20番手（約1.5mm），看起來的確較平常幼身，但嚼勁不減。蠔慕絲，當然不會有原隻鮮蠔，以蠔煮出慕絲質感，和魚介豚骨混合，湯底變得如絲般幼滑，但又不會像

第一次寫食評就比左呢間野，當初新開無耐時去過一次，當年服務唔錯有禮貌，食落覺得ok啦，之後佢紅左次次行過都排晒隊無機會再試，今次咁啱行過無人排隊就去幫襯下，可惜我試完今次後以後都唔會再去了。。。首先一行入去地面超濕滑，可能因為我坐近後門，要行到最入啦，所以沿途路過成地都係水同雜物，環境衛生唔好，印象已經打左折扣，啲女侍應黑面咁命令式招呼，坐低已經超想走，但奈何已經落左單麵到喇，湯底好杰飲落味道還好，麵要左普通都好硬，有少少似食橡筋，不過因為粗身湯又杰所以都幾掛湯，份量幾多夠飽肚囉。。。溏心蛋ok，筍麻麻，叉燒食到有啲豬騷味，成碗野勝在係夠熱囉。。。食完覺得今餐只係為飽肚，唔係為左食美食囉。。。所以唔會有下次了

剛巧太座和我都遲收工，就相約一齊出街尋美食，據聞這店日間要排隊等很久，就試一下晚些來，結果一如所愿，人齊即入不用等位，舖內只有一張吧檯，坐滿也只有十四人，面向著煮麵師傅進食，而麵食款式也只有五款供選擇，當中一款還限量販售，當晚我們就只有四款可選擇，真個充滿日本小店風情，我這晚揀選了"魚介豬骨湯拉麵"加了半熟蛋，而老婆就要了"骨膠原撈麵"也加了半熟蛋。我的"魚介豬骨湯拉麵"是有湯的，湯底濃郁甜美，可以說是濃而不膩，這裏的麵是粗麵，而麵可以要求師傅淥得硬一點或軟一點，這次因為是第一次，所以我選擇了普通的軟硬度，入口麵質略為偏硬，韌度適中兼有咬口，下次可試要求軟身一些的麵應該會更好，餸料中的配菜香筍十分爽口鮮甜，紫菜也清香，意想不到的是原來餸料已包含有半熟蛋，早知就不用額外再加，但半熟蛋十分美味，有半點煙燻味道，中間蛋黃流心，咬下去蛋香四溢，口感香軟而又帶半點彈牙，另外叉燒也十分香淋，口感軟滑，豬肉味濃郁芳香。這店還有一個特別之處，就是連加一服務費也不收，所以總括來說這店真的將整個和式拉麵店完全複製到香港，無論是坐位的迫挾性，拉麵的質素和風格都十分相似。

好耐冇食過拉面，所以諗起之前已經去過一次拉面台風今日去到唔洗排隊，有位可以直接入去2 話不說即揀左魚介豬骨湯拉面 (因為上次食過:love 睇住日本師傅好用心煮，等左一陣就有得食啦今次都上次黎食既都一樣好足料個湯底好濃，即刻飲幾啖先再食個大大碗面，雖然面質揀左普通硬度，但食落都好有咬口豬肉有少少肥，好香肉味 最後連個湯都飲晒，而且走個時門口好多人係到等緊排晒長龍，下次一定會再黎。

聽朋友介紹，就去咗食呢間拉麵。只能說大碗抵食，叫咗碗豬骨湯麵，d麵都幾有口感，但湯的味道可能食唔慣，覺得怪怪地，覺得調味粉味好重，有d似麵豉湯味，勉強可以接受下，但唔會話想食完又食。我今次嗌咗全部都係普通，但份量已經好多，食唔晒。可能我唔識欣賞嗰湯底，覺得麻麻，但未食過的人，都可以食下無妨。

店名:拉麵台風地址：荃灣大河道81號寶成樓地下7號舖好味指數:7.5/10價錢：$88伊台風濃厚的湯配上蕃茄和芝士粉。湯底是比較重蕃茄味，芝士粉味道不能與拉麵混為一體。麵條是粗的那一種，吃上來很煙靭。店名:拉麵台風地址：荃灣大河道81號寶成樓地下7號舖好味指數:8.2/10價錢：$78魚介豬骨湯拉麵店員很友善，會幫你拉開椅子，坐好了又會幫你推近桌子。女孩子還附送橡筋一條，方便長頭髮的女生沾到拉麵。中午時分去吃拉麵會贈送一罐汽水。拉麵份量很大，我選擇了超硬的麵條方便拍照，麵條是粗的那一種，吃上來很煙靭。湯底濃郁入味，不過略嫌太少。配料亦很足夠，有雞蛋，竹筍，豚肉，紫菜和魚介粉。雞蛋恰到好處，蛋黃非常軟滑。而豚肉很厚且嫩滑。 

聽說這間拉麵好吃，吃完之後沒麼特別，叉燒沒味又凍又硬，溏心蛋又是凍的，燙是好濃，不過一般豬骨湯不是這樣的，應該有加淀粉類東西才會這樣，座位做的非常唔舒服，唔小心就會碰到隔壁的人，未吃完就想走，除了有個日本人做廚房，沒麼特別地方，環境好差，好失望，下次一定唔會再來吃。

好耐無食拉麵，趁公假就去試下拉麵台風。之前上openrice都知呢間店店多人排隊，所以過午飯時間約兩點先到，出面已有10人排緊，但只係等20分鐘就有得入去喇。環境有20個bar枱位，非常狹小，香港租貴，而且食拉麵都唔駛咁多空間，逼逼地都可以。每人有個鈎俾你掛袋，幾好。食物排隊時每人派點菜單，所以已點好所選拉麵、配料。老公揀左魚介豬骨湯拉麵（$78），我就要伊台風（$88），即係蕃茄豬骨湯底加芝士。等候期間已見到鄰枱嘅拉麵有幾大碗，有人另加紫菜，應有6、7塊！亦有人加芽菜，成座小山咁高！勁足料！望下日本師傅煮麵，又睇下人地碗麵，等左約15分鐘拉麵上抬。兩碗麵都係勁大碗！基本配料有叉燒、蔥、荀、半隻溏心蛋、一塊紫菜，上面有魚介粉。而我碗伊台風仲有蕃茄，芝士就舖喺叉燒上。先呷一口湯，有蕃茄味，質地好濃厚，幾杰，唔係好酸，食食下反而覺得無左蕃茄味。之後可能太飽，想要酸啲。加左魚介粉又無咩特別。反而跟店家建議落黑椒又幾好。拉麵係粗身，我選左硬麵，都可以掛湯，份量勁多。叉燒軟淋，舖喺上面嘅芝士應該用火槍燒過，幾香口，好多叉燒，唔怕唔夠食。整體上呢碗拉麵係可以，唔係話好好，勝在份量超多！（或者係缺點

這天做完運動，男友放工想在去荃灣吃午餐。行到大河道，看到這間其貌不揚的拉麵，被他的招牌吸引。仔細一看，原來是一間由日本人開的拉麵店。門外有數個人在等候，因為不太肚餓的關係，平日不會排隊等候的我倆，取了票，暫且稍等一下。等候期間，看到貼在門外的餐牌，竟然有番茄湯芝士拉麵。確實吸引呢！！很快，約15分鐘左右便安排入內。店內只有吧枱，可能我太矮小，坐上去後雙腳「半天吊」（哈哈...）點了餐，雖然是即叫即煮，下單後等約5-10分鐘左右便上拉麵了！我叫的當然是蕃茄芝士拉麵，那些芝士麵溶在拉麵上 ..... 嘩..... 不得了！湯底也是一絕！可惜 ..... 沒有仔細看清楚餐牌，餐牌有說明「拉麵份量比一般拉麵店多1.5倍」... 吃極也像沒完沒了 ... 最終，還是要男友幫忙「消滅」它！也試了男友的魚介豬骨湯拉麵，湯底也甚有特色。下次還會光顧，因為還想試他的骨膠原撈麵 ^^

我入坐時間差不多6:00，幸好早來到，入坐後不久店外就排長龍了。雖然很忙，但會位店員都很有笑容和有活力，客人也會吃的開心，還很貼心送一條髮圈，方便長頭髮的人吃拉麵。伊台風$88，加半熟蛋$12，加底$10(7/10)這個拉麵是蕃茄湯底，但太過濃，質地就好像蕃茄醬再稀一點，芝士條溶入了湯底，芝士味的蕃茄又幾特別。不過加底份量太多，男友吃不完，好彩有我幫手食。所以不是真的太大食的人，可以不用加底。魚介豬骨湯拉麵$78(8/10)豬骨湯味道好濃郁，連湯質地都變成膠質。麵條選了硬身，有煙韌有咬口，雖然叉燒只有兩片，但好厚好大片，而且肉質很軟滑。麵量選了普通，我是個比較大食的人，吃完都有7-8成飽，所以普通份量可以足夠令人飽肚。所以細食的人可以選較少麵量。